ەسىڭىزدە مە؟
«كۇزەت مۇناراسىنىڭ» سوڭعى ساندارىن مۇقيات وقىدىڭىز با؟ ولاي بولسا، كەلەسى سۇراقتارعا جاۋاپ بەرىپ كورىڭىز:
ٴزابۇر 103:8 دە ايتىلعانداي، ەحوبانىڭ مەيىرىمدى ەكەنىن بىلگەندىكتەن، ٴبىز نە نارسەگە سەنىمدىمىز؟
ەحوبا مەيىرىمدى بولعاندىقتان، ٴبىزدىڭ قاتەلىكتەرىمىزدى كەشىرەدى. سونداي-اق ول قينالعانىمىزدا بىزگە كومەكتەسەدى. ٴبىز دە وسى جاعىنان ەحوباعا ەلىكتەيىك (كم21.01، 21-ب.).
ەحوبا باسشىلىق ٴپرينسيپىن نە ٷشىن ورناتقان؟
جاقسى كورگەندىكتەن. ول ٶز وتباسىنىڭ تارتىپپەن ٵرى تاتۋلىقتا ٶمىر سۇرگەنىن قالايدى. ٷي ىشىندە باسشىلىق ٴپرينسيپىن مويىندايتىن ادام كىمنىڭ شەشىم قابىلداپ، سول شەشىمدى جۇزەگە اسىرۋعا جاۋاپتى ەكەنىن جاقسى بىلەدى (كم21.02، 3-ب.).
ماسىحشىلەر حات الماسۋعا ارنالعان قوسىمشالاردى قولدانعاندا نە ٷشىن اباي بولۋ كەرەك؟
كوپ ادامنان تۇراتىن ۇلكەن چاتتىق توپتارعا كەلگەندە اسىرەسە اباي بولۋ كەرەك (ٴتىم. 1-ح. 5:13). ويتكەنى راس-وتىرىگى بەلگىسىز مالىمەتتەر تاراتىپ قويۋىمىز جانە باۋىرلاستاردى تابىس كورۋ ماقساتىندا پايدالانا باستاۋىمىز مۇمكىن (كم21.03، 31-ب.).
قۇداي نەگە يسانىڭ ازاپ شەگىپ، ولۋىنە جول بەردى؟
ٴبىرىنشى سەبەبى — ياھۋديلەردى قارعىستان بوساتۋ ٷشىن يسا بورەنەگە ٸلىنۋى كەرەك بولدى (عال. 3:10، 13). ەكىنشى سەبەبى — ەحوبا يسانى بولاشاقتا باس ٴدىني قىزمەتكەرىمىز بولۋعا دايىندادى. ۇشىنشىدەن، يسا ولە-ولگەنشە ادالدىق ساقتاۋىمەن ادامدار اياۋسىز سىنالسا دا، ٴمىنسىز بولىپ قالا الاتىندارىن دالەلدەدى (كم21.04، 16، 17-ب.).
قىزمەتتە ادامداردى ۇيلەرىنەن تاپپاساڭىز، نە ىستەي الاسىز؟
ادامدار ۇيلەرىندە بولادى-اۋ دەگەن ۋاقىتتا بارساق بولادى. سونداي-اق ٵرتۇرلى جەرلەردە ۋاعىزداساق بولادى. نەمەسە حات جازىپ قالدىرىپ كەتسەك بولادى (كم21.05، 15، 16-ب.).
ەلشى پاۋىلدىڭ «زاڭ ارقىلى سول زاڭ ٷشىن ٶلى بولدىم» دەگەنى نەنى بىلدىرەدى؟ (عال. 2:19)
مۇسا زاڭى يسرايل حالقىنىڭ كۇناسىن اشكەرەلەدى جانە ولاردى ماسىحكە جەتەلەدى (عال. 3:19، 24). پاۋىل ٴماسىحتى قابىلدادى. وسىلاي «زاڭ ٷشىن ٶلى بولدى»، ياعني بۇدان بىلاي وعان مۇسا زاڭىنىڭ بيلىگى جۇرمەيتىن بولدى (كم21.06، 31-ب.).
ەحوبا قانداي جايتتارعا ٴتوزىپ وتىر؟
ەسىمىنىڭ قارالانۋىنا، بۇكىلالەمدىك بيلىگىنە كوبىسىنىڭ قارسى شىعۋىنا، كەيبىر بالالارىنىڭ بۇلىك شىعارۋىنا، شايتاننىڭ سانسىز وتىرىك تاراتۋىنا، اياۋلى قىزمەتشىلەرىنىڭ قاسىرەت شەگۋىنە، ومىردەن وتكەن دوستارىنان ۇزاققا اجىراپ قالعانىنا، زۇلىمداردىڭ باسقالارعا ٴجابىر كورسەتۋىنە، ادامداردىڭ ازعىندانۋىنا، جەردىڭ بۇلىنۋىنە (كم21.07، 9—12-ب.).
ٴجۇسىپ شىداممەن كۇتۋدە قانداي ۇلگى قالدىردى؟
باۋىرلارى وعان ادىلەتسىزدىك جاسادى. كەيىن مىسىردا جالعان ايىپ تاعىلىپ، تۇرمەگە جابىلدى. ٴبىراق ول ادىلدىك ورناعانشا شىداممەن كۇتتى (كم21.08، 12-ب.).
حاگەي 2:6—9، 20—22-تارماقتاردا قانداي سىلكىنىس جايىندا پايعامبارلىق ايتىلعان؟
پاتشالىق جايلى حابارعا حالىقتار قۇلاق اسىپ جاتقان جوق. ٴبىراق كوپ ادام شىندىقتى قابىلداپ جاتىر. اقىرعى سىلكىنىس كەزىندە حالىقتار جويىلادى (كم21.09، 15—19-ب.).
نەلىكتەن قىزمەتىمىزدى ەش تالماي اتقارۋىمىز كەرەك؟
ەحوبا كۇش سالىپ جاتقانىمىزدى باعالايدى. قىزمەتىمىزدى ەش تالماي اتقارساق، ماڭگىلىك ومىرگە جەتەمىز (كم21.10، 25، 26-ب.).
«بارلىق ٸس-ارەكەتتەرىمىزدە كيەلى بولۋعا» مۇسانىڭ 3-جازباسى 19-تاراۋ قالاي كومەكتەسەدى؟ (پەت. 1-ح. 1:15)
پەتىردىڭ 1-حاتى 1:15 تەگى بۇل سوزدەر مۇسانىڭ 3-جازباسى 19:2 دەن الىنسا كەرەك. قانداي ىستەردە كيەلى بولا الاتىنىمىزدى مۇسانىڭ 3-جازباسى 19-تاراۋدان بىلەمىز (كم21.12، 3، 4-ب.).
