Nga oyangalele tanga malongi mavaikisu mu mvu wau muna Eyingidilu? Avo i wau, teza van’e mvutu za yuvu yilende:

E sono kia Yakobo 5:11 nkia ziku kikutuvananga wau kivovanga vo Yave “nkwa walakazi wayingi ye nkenda”?

Tuzeye wo vo mu kuma kia nkenda zandi, Yave ozolele loloka kikilu masumu meto. E sono kia Yakobo 5:11, kikutuvananga e ziku vo Yave ozolele kutusadisa. Oyeto mpe tuzolele kuntanginina.—w21.01, luk. 21.

Ekuma Yave kasikidisila vo akaka bakala ye wisa?

Kadi zola kekutuzolanga. E nkubika yayi isadisanga kimana mawonso, tuka kuna zulu ye ova ntoto mavangamenanga kuna luvuvamu ye mu mpila yambote. Konso muntu una vo ntu muna nzo, kafwete lemvokela e nkubika yayi yo zaya e mbebe andi yabaka e nzengo zansuka yo lungisa e nzengo zazi.—w21.02, luk. 3.

Ekuma Akristu bafwete kuyikebela vava besadilanga aplicativo za twikila mensagem?

Avo mpangi ozolele sadila aplicativo za twikila mensagem, kafwete toma sola o wantu kemokena yau. Musungula avo ndonga bena muna buka tutwikaziananga e mensagem. (1 Tim. 5:13) Vana ntandu, tufwete kuyikenga mu lembi twikanga e nsangu zaluvunu ngatu sadila mpangi zeto muna vanga kinkita.—w21.03, luk. 31.

E kuma Nzambi kayambulwila vo Yesu kamona e mpasi yo fwa?

E kuma kiantete i kia sia vo Yesu wamanikwa vana nti mu vevola Ayuda ana basibwa. (Ngal. 3:10, 13) E kuma kia zole, Yave wakubika Yesu mu kala se Ngang’ambuta kuna sentu. E kuma kiatatu, Yesu wasikila ye kwikizi yamuna lufwa muna songa vo wantu alembi lunga balenda sikila ye kwikizi muna Yave kana nkutu batontelo yamuna lufwa. (Yobi 1:9-11)—w21.04, luk. 16-17.

Nki kilenda kusadisa mu solola o wantu ana ke bewanukanga ko muna zinzo zau?

Olenda soba ola yasila umbangi ina wantu ayingi betoma kalanga muna nzo zau. Olenda soba e fulu ya sila umbangi. Olenda mpe soba e mpila ya sila umbangi, nze soneka nkanda.—w21.05, luk. 15-16.

Adieyi Paulu wa ntumwa kazola vova vava kavova vo: “Muna nsiku mono yafwa muna nsiku”? (Ngal. 2:19)

O Nsiku a Mose watoma kiesesanga vo o wantu alembi lunga lukûlu bavuanga o mfunu. O nsiku wau mpe wafila nkangu a Isaele kwa Kristu. (Ngal. 3:19, 24) Ediadi diafila Paulu mu tambulwila Kristu. Muna vanga wo Paulu ‘wafwa muna nsiku,’ i sia vo, ke diakala diaka mfunu ko kwa yandi mu lemvokela o Nsiku a Mose.—w21.06, luk. 31.

Aweyi Yave kekutusongelanga mbandu a luzindalalu?

Yave ozizidilanga luvezo muna nkumbu andi, kitantu kisiwanga muna kimfumu kiandi, ukolami wa akaka muna wan’andi, luvunu kesayanesanga Nkadi ampemba, mpasi bemonanga e selo yandi, lufwa lwa akundi andi, mona una yimpumbulu bebangikilanga akaka, mona una wantu bekuyivaninanga emvimba muna mavangu ma zumba yo mona una ntoto ufwasilwanga.—w21.07, luk. 9-12.

Nkia mbandu ambote ya luzindalalu Yosefe katusisila?

Yosefe wazizidila lubangamu lwa mpangi zandi. Kuna kwalanda, wavuninua mambu yo siwa muna pelezo kuna Engipito mu mvu miayingi.—w21.08, luk. 12.

Nkia mpil’a nzakama yasakulwa muna Kangai 2:6-9, 20-22?

Kana una vo e zula ke yiyangalelanga ko e nsangu za Kintinu, wantu ayingi betambulwilanga e ludi. Ke kolo ko e zula izakameswa vava ifwaswa.—w21.09, luk. 15-19.

Ekuma ke tufwete yambulwila samuna e nsangu zambote ko?

Yave omonanga e ngolo tuvanganga ye oyangalelanga e salu kieto. Avo ke tuyoya ko muna samuna e nsangu zambote, tuvua o moyo a mvu ya mvu.—w21.10, luk. 25-26.

Aweyi o nkand’a Levitiku kapu kia 19 ukutusadisilanga mu lemvokela luludiku olu: “Nukala nuavauka muna nkal’eno yawonso”? (1 Pet. 1:15)

Nanga e mvovo mia tini kiaki muna Levitiku 19:2 miatuka. E kapu kia 19 kiyikanga e nona yayingi ilenda kutusadisa mu lemvokela e mvovo miasonama muna 1 Petelo 1:15 muna zingu kieto kia lumbu ke lumbu.—w21.12, luk. 3-4.