Ngano na bunsungu bwabwansoni watengi bimoko bia Nzo ya Zangama ya Munkengi bia muvu wu? Tala ti ni bo, hanina biyuvu ebi mvutu:

Ngano Zaki 5:11 ntia lukwikulu yituhanaka bu yitâka ti Yehova wa “fuluka wena mu luzolo lwa mutima” mpe “tiari tia lemvokela” tie nandi?

Tuzebi ti Yehova mbo kazoloko mu tu lemvokela mu bungu ti tiari tia lemvokela tie nandi. Zaki 5:11 mbo yisongelaka ti zololo mpe mu tu bakisa. Bubote bwena mu landa tifwani tiandi.​—w21.01, tin. 21.

Mu bungu dia nti Yehova kakubikila timfumu?

Mu luzolo kasila bo. Musamu wo mbo wusaka ti makanda mabâ ma kwikama mpe madiatila mu tidzunu na mu bunkete. Bantu ba kanda balandaka mpila Yehova yi kakubikila misamu, bazebi ka nani we na nswa wa bonga nzengolo za mansukina mpe ka nani fweti sa ti bazitisa zo.​—w21.02, tin. 3.

Mu bungu dia nti Bakristo bafweti saka keba bu basarilaka applications zibakisaka mu tsoneka message?

Tala ti muntu wusolele mu sarila applications zo, fweti sola ndiku zandi na bunsungu bwabwansoni. Musamu wa mpasi wubâka tala ti mu bimvuka bia bantu babingi twena. (1 Tim. 5:13) Mutambu wakaka ni wena’eti, mu applications zo balendi yangasa misamu milembolo mia matieleka peleko balendi sarila bampangi mu tâ nkari.​—w21.03, tin. 31.

Ntia misamu miasa ti Nzambi kabika Mwana’andi, watomo mona mpasi mpe wafwa?

Wa ntete, Yezu bamukoma ha poto ngatu kakûla Bayuda mu ndoko yeri nawu. (Nga. 3:10, 13) Wa nzole, Yehova mbo keri kubikaka Yezu ngatu kabâ Mfumu-Nganga-Nzambi. Mpe wa ntatu, ni mu bungu ti kwikama kwa Yezu kwasongela ti bantu balendi bâ ba kwikama ni bu sa ti babwabane na ntontolo za ngolo. (Yobe 1:9-11)​—w21.04, bin. 16-17.

Nti lendi sa tala ti bantu mpasi bena mu baka ku tisalu tia samuna?

Fweti yêla mu ba baka mu ntangu ya swaswana mpe yi balendi bâ ku nzo. Lendi yêla mpe mu samuna ku mbuka zakaka. Mpe lendi yêla mpila za swaswana, ntiana tsoneka mikanda.​—w21.05, bin. 15-16.

Ntumwa Paulo bu katâ ti: “Mu nzila ya musiku, meno wa fwa ndiena” ngano bwe keri zolo tâka? (Nga. 2:19)

Musiku wa Mose wamonekesa ti bantu bankwa-masumu bena mpe wanata Bala ba Israele tii kwe Kristo. (Nga. 3:19, 24) Paulo mu nzila ya Musiku kayizi tambula Kristo. Buna, Paulo “wafwa mu Musiku;” Musiku ka weri’â vutu mu tumaka ko.​—w21.06, tin. 31.

Ngano Yehova bwe katuhanina tifwani tia mbote mu musamu wutariri songela tifu tia korela?

Yehova wakorela ti nkumbu’andi bavweza yo, bantu babingi batelamana nkumbu’andi na lutumu lwandi, bukolo bwa bala bandi bakaka, bungungu bwa Satana bwa ntangu zazansoni, mpasi zi monaka bisari biandi bia luzolo, lufwa lwa ndiku zandi, nkwamusu zinataka bankwa-mbi kwe bantu bakaka, na bantu babebesaka bima bia sala Nzambi.​—w21.07, bin. 9-12.

Ntia tifwani tia mbote Yozefe kasongela mu musamu wutariri luvivululu?

Wakorela kondo kwa buderede kweri mu songelaka bayaya bandi. Musamu wo wasa ti bamukwikisila musamu wa bungungu mpe bamutûla ku boloko ku Ezipte ku kayôkesela mivu miamingi.​—w21.08, tin. 12.

Ngano Hagaye 2:6-9, 20-22 ntia ningana yizonzelaka?

Nsi zazingi zikalaka nsangu za Timfumu zi tusamunaka, kâ bantu babingi bayizi tambula matieleka. Ntamana nsi mbo ziningana mu ntangu yi bafukisa zo.​—w21.09, bin. 15-19.

Mu bungu dia nti tufweti tatamana mu sala tisalu tieto tia samuna?

Yehova mbo kamonaka ngolo zi tusarilaka mpe nsayi zimutâka. Tala ti tutatamane mu sala tisalu tieto, mbo tubaka luzingu lwa mankululu.​—w21.10, bin. 25-26.

Ngano Levitike 19 bwe yitubakisilaka mu sarila malongi matâka: ‘Bêno ba santu mu ndiatulu’eno ya mukaka’? (1 Pi. 1:15)

Kampe mabanza me mu verse yi, mu Levitike 19:2 matûka. Tikapu tia 19 mbo tihanaka bifwani biabingi bitariri mpila yi tulendi sarila 1 Piere 1:15 mu luzingu lweto lwalwansoni.​—w21.12, bin. 3-4.