Sa mutokwiibaluka nshotwakeeya kuswa mumitwi ipusenepusene yamu Njashi Yamulindilishi yamu 2021? Amucane shikumbulo kumiipusho itokonkelawo:

Ino maswi akwaamba ayi Yehova “ulicite nkumbu abuumbi aluse” ngotucana pa Jemusi 5:11 alatucafwa kushoma nshi?

Tulishi kwaamba ayi ceebo ca nkumbu shakwe, Yehova alatulekelela shilubo shesu. Jemusi 5:11 ilatucafwa kushiba kwaamba ayi Yehova alilibambite kutucafwa. Aboobo inga twakonkela cakubonenaako cakwe.—w21.01, pe. 21.

Ino nceebonshi Yehova ncaakapetako bamwi nkusu shakutanjilila?

Yehova wakapako bamwi nkusu shakutanjilila ceebo cakwaamba ayi alisuni mukwashi wakwe. Bubaambo ubu bulapa kwaamba ayi mumukwashi wakwe Yehova munooba luumuno akwaamba ayi shintu shinokweenda kabotu. Womwi awomwi mumukwashi ukonkela bubaambo ubu, ulicishi wakapekwa mukuli wakusala sheelete kucitwa, alimwi aweelete kutanjilila kwaamba ayi isho shasalwa shicitwe.—w21.02, pe. 3.

Ino nceebonshi Beneklistu balyeelete kucenjela ambobasebensesha mapulogilamu akutumina makani pamafooni, matabuleti na makompyuta?

Na muntu wasala kusebensesha mapulogilamu akutumishanya ma meseji pakompyuta, tabuleti na fooni, alyeelete kusala kabotu bantu mbwabandikaabo. Ici cilaba ciyumu na katuli mulikoto linene lyakutumishanya makani. (1 Timo. 5:13) Alimwi lipenshi limwi ndyaakutuma makani atashibikitwe kabotu alimwi akucita makwebo kubamakwesu abenankashi.—w21.03, pe. 31.

Ino nsheebo nshi shakapa kwaamba ayi Lesa asuminishe Mwanaakwe kupenshekwa akucaikwa?

Ceebo comwi ncakwaamba ayi Yesu wakalinga kweelete kupopwa pacisamu kwaamba ayi alubule ba Juda kukushinganishikwa. (Gala. 3:10, 13) Cabili ncakwaamba ayi Yehova wakalinga kwiisha Yesu kushiba mukuli ngwaakalinga kusa mukupekwa kunembo mbuli Mupailishi Munene. Alimwi catatu ncakwaamba ayi kutolelela kushomeka kwakwe Yesu kushikila kulufu kwakatondesha kwaamba ayi muntu inga wacikonsha kushomeka nabi eende mumeelesho ali buyani. (Jobo 1:9-11)—w21.04, mape. 16-17.

Ino inga mwacita buyani na bantu kumusena nkomushimikila tabacaniki paŋanda?

Inga mweelesha kuya mukushimikila paciindi ndyeenga bacanika. Alimwi inga mweeleshako akushimikila kumisena imwi. Alimwi inga mweelesha kushimikila munshila shimwi mbuli kulemba makalata.—w21.05, mape. 15-16.

Ino mutumwi Paulo wakalinga kusansulula nshi ndyaakaamba ayi: “Kwiinda mumulawo ndakafwa kumulawo”? (Gala. 2:19, NWT)

Mulawo wakwe Mose wakapa kwaamba ayi kutamaninina kwa bantu kubonekele alimwi akutanjilila bene Isilaeli kuli Klistu. (Gala. 3:19, 24) Ici ncecakapa kwaamba ayi Paulo asumine Klistu. Kwiinda mukucita boobo, Paulo ‘wakafwa kumulawo’; nkokwaamba ayi mulawo wakwe Mose tawakalinga kucitewo nkusu pali nguwe.—w21.06, pe. 31.

Ino Yehova watutondesha buyani cakubonenaako cibotu pamakani akuliyumya?

Yehova watolelela kuliyumya kukusebanishikwa kwa liina lyakwe, kupikishikwa kwa bweendeleshi bwakwe, kupondoka kwa bana bakwe bamwi, bubeshi bwakwe Satana ubo bwatolelela, kupenga kwa basebenshi bakwe, kupansaana abeshicibusa bakwe bakafwa, kulyatililwa kwa bantu, akunyonyoolwa kwa shintu nshaakalenga.—w21.07, mape. 9-12.

Ino Josefu wakatondesha cakubonenaako ca buyani pamubo wakukalika moyo?

Wakaliyumya bamakwabo ndyebakalinga kumucitila shibiibi. Ici cakapa kwaamba ayi abekeshekwe alimwi akubikwa mujeele kwa myaaka iinji mucishi ca Ijipiti.—w21.08, pe. 12.

Ino nkutenkaana kwa cikoshanyo kwa mushobo nshi kwaambwa pa lilembo lyakwe Agayi 2:6-9, 20-22?

Bantu balakaka kukutika ku makani a Bwaami, nacibi boobo, baanji beeya akusa mucancine. Conoonobo shishi shilaakutenkanishikwa kwiinda mukunyonyoolwa.—w21.09, mape. 15-19.

Ino nceebonshi tatweelete kuboolela mwisule muncito yesu yakushimikila?

Yehova alabona kusebensa kwesu, alimwi alasangalala. Na tukatolelele, tulaakucana buumi butamaani.—w21.10, mape. 25-26.

Ino Bene Lefi capita 19 inga yatucafwa buyani kukonkela maswi akwaamba ayi: “Amube bantu basalalite mushintu shoonse nshemucita”? (1 Pit. 1:15)

Cilyeelete kwaamba ayi maswi aya akaswa palilembo lya Bene Lefi 19:2. Capita 19 ilatucafwa kubona shakubonenaako shiinji sha mbweenga twakonkela maswi ngotucana pa 1 Pita 1:15 mubuumi bwesu bwa bushiku abushiku.—w21.12, mape. 3-4.