Chi teˇ hkʼawꞈ ve Shaw nyi kuiˬ Taꞈ yehˬ nawˬ hkʼa dehꞈ gʼaw nyi˗oˬ laˇ? Awˬ hawˉ lo ve na hkawˇ htaꞈ nawˬ hkʼawꞈ gʼa˗aw laˇ? Teˇ geh nyi sheˍ.

Yaˍkoˆ liꞈ 5:11 hkʼaw kʼoˆ taˍ ve hkʼe, Yaˬhoˉvaˬ lehˬ “haꞈ” leh “ha kʼaˉ puiˉ” jaˇ. Awˬ lawn chi ngaˬ hui yonˍ gʼa tuˬ aˬ htoꞈ ma te laˇ ve le?

Yaˬhoˉvaˬ ngaˬ hui htaꞈ venˇ baˆ hpehˇ laˇ ve ngaˬ hui shiˍ ve yoˬ. Chi hkʼe ceh tiˉ maˇ heˆ. Yaˍkoˆ liꞈ 5:11 hkʼaw kʼoˆ taˍ ve hkʼe, Yaˬhoˉvaˬ lehˬ haꞈ leh ha kʼaˉ puiˉ jaˇ. Hkʼe te leh, yawˇ ngaˬ hui htaꞈ ga laˇ gaˇ ve yoˬ tehꞈ ngaˬ hui yonˍ gʼa ve yoˬ. Awˬ lawn chi ngaˬ hui teˇ gʼaˇ le le Yaˬhoˉvaˬ htaꞈ henˇ yuˬ cawˇ ve yoˬ.—w21.01, liꞈ mehˆ hpfuhˇ 21.

Aˬ htoꞈ ma te Yaˬhoˉvaˬ chaw teˇ hpaˍ htaꞈ sheh kʼai shehˍ hpaˇ te tuˬ kanˇ paˆ piˇ ve le?

Yaˬhoˉvaˬ lehˬ haꞈ ve htaꞈ pa taw, chi hkʼe te ve yoˬ. Sheh kʼai shehˍ hpaˇ cawˬ ve lehˬ, Yaˬhoˉvaˬ ve yehˬ kʼa hteˇ hteˇ shawˇ shawˇ cawˬ leh dawˇ sha gawˬ lehˍ ve kaꞈ cawˬ ve yoˬ. Awˬ leh meuˇ htaˇ, a shu teˇ gʼaˇ dawˇ cheˆ tuˬ yehˬ kʼa hkʼaw ve chaw teˇ gʼaˇ le le kaꞈ shiˍ ve yoˬ. Leh dawˇ cheˆ ve chi ve htaꞈ a shu gʼaꞈ te tuˬ kaꞈ shiˍ ve yoˬ.—w21.02, liꞈ mehˆ hpfuhˇ 3.

Ehˉ yehˇ leh liꞈ bvuhꞈ feu daꞈ htaˇ, aˬ htoꞈ ma te Hkriꞈ yaˇ shaˍ tiꞈ te cawˇ ve le?

Ehˉ yehˇ leh liꞈ bvuhꞈ feu daꞈ htaˇ yawˇ a shu geh tawˇ yaw daꞈ chehˇ ve shaˍ tiꞈ gʼa te ve yoˬ. Awˬ moˍ hkʼaw laiˉ gʼaˇ liꞈ bvuhꞈ feu daꞈ ve kʼo, shaˍ tiꞈ gʼa te cawˇ sheˍ ve yoˬ. (1 Tiˆmoˉseˍ 5:13) Chi hkʼoˆ kaꞈ, awˬ tehˬ ve awˬ lawn hpehꞈ ve laˇ, maˇ gʼa chaˬ nyi sheˍ htaˇ ngaˬ hui shaˍ tiꞈ gʼa te cawˇ sheˍ ve yoˬ. Ehˉ yehˇ leh ngaˬ hui awˬ pon awˬ bon cawˬ tuˬ, awˬ viˉ awˬ nyi geh tanˇ kaˬ hkʼaˇ kaꞈ maˇ te daꞈ cawˇ.—w21.03, liꞈ mehˆ hpfuhˇ 31.

Yaˬhoˉvaˬ lehˬ aˬ htoꞈ ma te Yeˍsuˆ htaꞈ tuꞈ ve hkanˍ ve leh suh˗e tcuh ve le?

Awˉ lawˉ teˇ hkʼaˇ lehˬ, Yuˇdaꞈ chaw hkeu ve htaꞈ gʼa ponˬ tuˬ Yeˍsuˆ suhˆ hkuiˉ daw hkʼoˆ gʼa suh˗e ve yoˬ. (Gaˍlaˍtiˆ 3:10, 13) 2 hkʼaˇ teˇ hkʼaˇ lehˬ, Yaˬhoˉvaˬ lehˬ Yeˍsuˆ htaꞈ Paw hkuˇ lonˉ te tuˬ te jawˬ tcuh ve. 3 hkʼaˇ teˇ hkʼaˇ lehˬ, Yeˍsuˆ ka tiꞈ yeˬ ve hkʼaw suh˗e ve lehˬ chaw yaˇ beˬ ve lawˇ ve gʼa hpuˇ jaˇ ve htawˇ, Yaˬhoˉvaˬ htaꞈ ka tiꞈ yeˬ gʼa ve tehꞈ hpeuꞈ maw piˇ ve yoˬ. (Yawˇbaˆ 1:9-11)—w21.04, liꞈ mehˆ hpfuhˇ 16-17.

Nawˬ teˇ yehˬ peuˬ teˇ yehˬ hto toˇ˗e htaˇ, chaw htaꞈ mawˬ daꞈ tuˬ haˍ jaˇ tehꞈ dawˇ ve kʼo, hkʼaˬ hkʼe te cawˇ ve le?

Yawˇ hui aˉ hkʼaw chehˇ ve tehꞈ dawˇ htaˇ, nawˬ coˇ caˇ leh kʼai cawˇ ve yoˬ. Leh awˬ nu ve teˇ kaˬ lo hto toˇ˗e gʼa ve yoˬ. Chi hkʼoˆ kaꞈ, hto toˇ tuˬ awˬ nu ve awˬ hkʼaˇ yehˇ gʼa ve yoˬ. Tawˇ pa haˉ te kʼo, liꞈ bvuhꞈ feu piˇ gʼa ve yoˬ.—w21.05, liꞈ mehˆ hpfuhˇ 15-16.

Tcuh yaˇ Pawˇluꞈ lehˬ “awˬ liˇ tawˇ hkawˇ htaꞈ caˉ daꞈ ve teˇ hpawˇ lo, awˬ liˇ tawˇ hkawˇ awˬ hawˉ lo ngaˬ suh ve yoˬ” tehꞈ kʼoˆ htaˇ hkʼaˬ hkʼe kʼoˆ gaˇ ve le? (Gaˍlaˍtiˆ 2:19)

Maˇ biˇ ve chaw yaˇ Moˉseˍ ve awˬ liˇ tawˇ hkawˇ htaꞈ hkʼa biˇ gʼaꞈ te maˇ gʼa ve tehꞈ hkʼaˬ hkʼe hpeuꞈ maw laˇ ve le? Awˬ liˇ tawˇ hkawˇ chi lehˬ, Iˉsaˍreˍlaˆ chaw Yeˍsuˆ laˬ htaˇ maˇ yehˇ˗o. (Gaˍlaˍtiˆ 3:19, 24) Awˬ liˇ tawˇ hkawˇ chi Pawˇluꞈ Yeˍsuˆ htaꞈ haꞈ yuˬ leh yonˍ tuˬ te piˇ ve yoˬ. Chi hkʼe te ve lehˬ, Pawˇluꞈ “awˬ liˇ tawˇ hkawˇ awˬ hawˉ lo suh ve yoˬ.” Chi kʼoˆ gaˇ ve lehˬ, Moˉseˍ ve awˬ liˇ tawˇ hkawˇ Pawˇluꞈ awˬ hkʼoˆ lo kanˇ paˆ maˇ cawˬ˗o.—w21.06, liꞈ mehˆ hpfuhˇ 31.

Yaˬhoˉvaˬ lehˬ yeunˇ hkanˍ ve daꞈ jaˇ ve henˇ yuˬ tuˬ ngaˬ hui awˬ pon hkʼaˬ hkʼe hpehꞈ ve le?

Yaˬhoˉvaˬ ve awˬ meh luˬ tuˬ te piˇ ve, yawˇ uˉ peunˍ ve htaꞈ tawˍ piˇ ve, yawˇ ve yaˇ yawˇ htaꞈ hpfuhˆ ve, Saˍtanˍ heˍ ve, chi ve htaꞈ yawˇ gʼa yeunˇ hkanˍ ve yoˬ. Yawˇ ve kanˉ te ve chaw gʼa tuꞈ gʼa hkanˍ ve, yawˇ ve awˬ chawˇ suh˗e ve, haiˬ ve chaw shu htaꞈ fawˉ mehˍ ve, chaw yaˇ gʼaˇ hteꞈ luˬ kʼai ve, leh yawˇ hpanˍ taˍ ve awˬ ceuˬ htaꞈ kaꞈ te luˬ ve yoˬ.—w21.07, liꞈ mehˆ hpfuhˇ 9-12.

Yoˇsehꞈ yeunˇ hkanˍ leh law taˍ ve daꞈ ve henˇ yuˬ tuˬ hkʼaˬ hkʼe hpehꞈ ve le?

Yoˇsehꞈ htaꞈ awˬ viˉ paˍ hui maˇ hteˇ maˇ cawˇ te piˇ ve, she pfuhˍ piˇ ve, leh yawˇ Eˇjiˇtuꞈ ve htawnˍ hkʼaw lo laiˉ hkʼawꞈ gʼa chehˇ ve htawˇ, yawˇ yeunˇ hkanˍ gʼa ve yoˬ.—w21.08, liꞈ mehˆ hpfuhˇ 12.

Haˆgehˇ liꞈ 2:6-9, 20-22 hkʼaw hiˆ piˇ ve hkʼaˬ hkʼe ve htaꞈ kʼoˆ taˍ ve le?

Maˇ˗awˍ ve mvuhˇ miˬ teˇ hpaˍ Haˆgehˇ Gʼuiˬ sha ve mvuhˇ miˬ awˬ lawn bon maˍ piˇ ve htaꞈ maˇ dawˇ cawˇ ve yoˬ. Yaꞈ hkʼaˇ, laiˉ gʼaˇ awˬ tehˬ ve htaꞈ henˇ la ve yoˬ. Maˇ maw ve awˬ yanˇ mvuhˇ miˬ teˇ hpaˍ htaꞈ awˬ leh meuˇ teˇ pawˆ hiˆ piˇ leh yawˇ hui htaꞈ te luˬ piˇ tuˬ yoˬ.—w21.09, liꞈ mehˆ hpfuhˇ 15-19.

Ngaˬ hui awˬ gʼaˇ maˇ nuˇ leh hkʼaˬ hkʼe te Gʼuiˬ sha ve kanˉ te tcuhˉ taˍ gʼa tuˬ le?

Yaˬhoˉvaˬ ngaˬ hui coˇ caˇ ve htaꞈ mawˬ leh yawˇ nyi hkʼaˇ suh jaˇ ve yoˬ. Ngaˬ hui awˬ gʼaˇ maˇ nuˇ leh te tcuhˉ taˍ ve kʼo, co co taiˍ taiˍ ve a shaꞈ gʼa tuˬ yoˬ.—w21.10, liꞈ mehˆ hpfuhˇ 25-26.

1 Peˍtruˆ liꞈ 1:15 hkʼaw kʼoˆ taˍ ve hkʼe, “nawˬ hui hkʼa te ve awˬ liˇ awˬ hkʼaˇ hkʼa peu˗eˬ awˬ hkʼaw lo daꞈ kehˬ piˇ˗oˆ” tehꞈ kʼoˆ ve, Oˉ kʼoˍ pui ve liꞈ kaˇ nanˉ uiˍ 19 hkʼaw kaꞈ ngaˬ hui yuˬ yehˇ gʼa tuˬ hkʼaˬ hkʼe ga laˇ gʼa ve le?

Nyi˗a kʼo chi ve lehˬ, Peˍtruˆ Oˉ kʼoˍ pui ve liꞈ 19:2 hkʼaw yuˬ laˬ taˍ ve yoˬ. 1 Peˍtruˆ liꞈ 1:15 hkʼaw kʼoˆ taˍ ve hkʼe, nawˬ hui hkʼa te ve awˬ liˇ awˬ hkʼaˇ hkʼa peu˗eˬ awˬ hkʼaw lo daꞈ kehˬ piˇ˗oˆ tehꞈ kʼoˆ ve hkʼe, Oˉ kʼoˍ pui ve liꞈ kaˇ nanˉ uiˍ 19 hkʼaw kaꞈ beˆ maˍ laˇ taˍ ve laiˉ ceuˬ cawˬ sheˍ ve yoˬ.—w21.12, liꞈ mehˆ hpfuhˇ 3-4.