N’nga mutoleri mopwasedha marevista a Nsanja ya Namaing’anela amaano? Dhilimbi-edheni wakula vyofuka vyo-arelavi:

N’nga lemba la Tiyago 5:11, linonisikimizeli-a a-vi ira Yohova “ngwaudhivela” na “watangaranga”?

Ninoidhiwa ira Yohova, mwatangarangadhee unonilevelela vyongo vinodawi-a i-yo. Lemba la Tiyago 5:11, linonisikimizeli-edha ira unonidhiveliwana na ngofunechecha nikami-a. Ninoira pama msazi-anga.—w21.01, thakuru. 21.

Mwasiwa ngwani Yohova atoira masasa-edho ira atu enango takaengana izo yosogolela?

Liye atoira vyevi namwasa oi anonidhiveliwana. Thitho vyevi vinokami-a ira banjalee, vyongo viireenga mwarendele thitho mofuneeleya. Banja nlilothene yairanga vyongo movwelana na masasa-edho a Yohovala, kavinarucha zindiela wenuo unofuna sakula vyoira thitho unofuna sogolela va visakunle aliyavyo.—w21.02, thakuru. 3.

Mwasiwa ngwan’ni makristau anofwanela ira polepole vo-indi-edha basa apilikativo wa mensage?

Akala mutu utosakula indi-edha apilikativo wen’na, unofwanela sakula atu apama owawaredhana. Mbwenye irana vyevi korucha simbwasimbwa natumizelangana mensage na magrupu okaana atu anjinji. (1 Timo. 5:13) Inooda kala ngovi akala ninomwada mwasa yo-okaana umboni venango indi-edha basa maapilikativo agulu voira negosiyo.—w21.03, thakuru. 31.

Mwasiwa ngwan’ni Nlungu atorumeli-a ira Yesu akwe wukwa worucheya?

Yoroma, Yesu anofwanela kwela vaimirini ira athathule ayuda enao tali otembeleriwa. (Agal. 3:10, 13) Yanambili, Yohova airamfunji-a Yesu sogolo lee na izo yee ninga mulimbo velela khuto. Yanararu, Yohova atoiri-a ira Yesu agu-manena vyowesedhiwa vyorucha ira aode rumela yofuka yofuneya maningi: Ira mutu unooda kala oroomeleya wa Yohova masiki agumanena vyorucha vilukulu. (Yobo 1:9-11)—w21.04, thakuru. 16-17.

Chini inofuna nikami-a ira niode mlaleela mutu a-anafwanyeya wiliwili vandheve?

I-yo thitho ninofwanela ira vimbo-ive vyevyo ira machinjo muurumiwini. Dhilimbi-edheni fwanya atu va hora yo-iyana-iyana. Thitho mu-indi-edhenga ndhila dinango yolaleela ninga lemba aalembera makarta atu a-anafwanyo vande.—w21.05, thakuru. 15-16.

N’nga rumiwi Paulo athapulela n’ni vaonga liye ira: “Miyo datokwa uilamulo”? (Agal. 2:19)

Lamulo la Mose latooni-a pama ira atu kai ochena thitho jatooasogolela Aisraeli fiya wa Kristu. (Agal. 2:19) Vyevi vyatoomwiri-a ira Paulo arumele thitho roromela Kristu. Ee-no veva Paulo “atokwa ulamulo” voi Lamulo kalan’nave kopolo waliye.—w21.06, thakuru. 31.

N’NGA NINOFUNJEDHAVON’NI VA IFWANAFWANI-O YA YOHOVA VAMWASA OVILELA?

Yohova ukadhi avilelanga nyoziwa wa dhina lee, runi-iwa wa dhina lee, a-vwela waa-imee enango, vyonama vinoonga Namanami-a, ona nyarwa waarumiwi a Yohova, asuwa afwee takwide, atu othakala tanyingalelanga afwiwa, makalelo ana atu othakala, thitho nongiwa wa vyongo vipanduchile liye.—w21.07, thakuru. 9-12.

N’nga ninofunjedhavon’ni va ifwanafwani-o ya Yosefe va mwasa oleva rima?

Yosefe kaarumeli-dhe ira akalenga othakaleliwene na mwasa wa vyamwirele abaleevyo. Vyevi vyatoomwiiri-a umbiwa mlandu onama thitho atoo e-liwa perezoni uvwawa vinjinji wu Iguputu.—w21.08, thakuru. 12.

N’nga lemba la Hagai 2:6-9, 20-22 latoongelatu vyotekenye opipiri-a uvii?

Maziza aatu tanonya-nyuwa tavwa milanyu yapama ya Umwene mbwenye atu anjinji taana funjedha imbarimbari. Mo-odembuwa atu tanoda tekenya womari-a weo kuli nongiwa waatu.—w21.09, thakuru. 15-19.

Mwasiwa ngwani kaninofwanela fooka vabasali-u lolaleela?

Yohova unoochecha dhilimbi-edhawi-u na a-fooka nosangalala. Na-afooke muurumiwi-u, ninodha ganya-li ingumi yo-omala.—w21.10, thakuru. 25-26.

N’nga makundu ava lemba la Levitiku 19 ananikami-e a-vi a-rela malangi-o oonga ira: “Nyo thitho mukale ochena m’makalelwinyu othene”? (1 Pe. 1:15)

Ninoona ira madhu ava versoli atukuleliwe va Levitiku 19:2. Kapitulo 19 linoonga vifwanafwani-o vinjinji va mwemo muna-indi-edhele i-yo basa malangi-o anofwanyeya va 1 Pe. 1:15 vaingumi dambo nlilothene.—w21.12, thakuru. 3-4.