Munatanda mwamubwa magazini a uno mwaka a Kaposhi ka Kukengela ndi? Nga munatanda, co tumoneni indi mwasa kukumbulula ebi bihula:

Mukanda wa Myaso 103:8 umwesa bati ngwawo Yehova “washula na cizemo” na “mema ku mbunge”?

Yehova akatuzibila mema ku mbunge mutukasebuka, co akatukonekela. Mukanda wa Myaso 103:8 umwesa ngwawo akatukwasa mwafwa wakala na cizemo. Tunapande kumutembwinina.—w21.01, lipu. 21.

Mwafwa bika Yehova nana banu bamo moko?

Nalingi ngoco mwafwa watuzema. Byuma bili na kwenda mwamubwa na mu kwoloka mu naanga ya Yehova mwafwa kuli banu bamo bali na kutwamenena. Tukazibuka banu banapande kutuleka bya kulinga na baje banapande kutukwasa tubikabangeye mwafwa Yehova nana banu bamo moko.—w21.02, lipu. 3.

Mwafwa bika baka-Kilistu banapande kunyanyama omwo bapangesa ma apu a kulitumina tumizimbu?

Nga munu ashaka kupangesa ma apu a cifwa eci, napande kwangula mwamubwa babusamba. Kunasa kutukaluwila kulinga ngoco nga tuli mu cibunga ca ha apu cije cili na banu babangi. (1 Tima 5:13) Kuli lalo bukalu bwasa kutunda mu kushandola mizimbu ije kuyesi na bukaleho nambe kupangesa binambala bya bandolome ku mingoso yetu.—w21.03, lipu. 31.

Mwafwa bika Njambi wecelelele Yesu ayande na kutsa?

Ca kulibanga, Yesu bamushukikile ha citi ca kuyandesela mangana apatule Bayunda ku cisingo. (Ngala 3:10, 13) Ca mu cibali, Yehova wakele na kukwasa Yesu alibwahesele cipangi ca kupwa Kapilistu Wakama. Co ca mu citatu, wecelelele Yesu ayande manene mangana amwese ngwendi munu asa kutwalelelaho kupwa wa kulongwa nameme aliwana na ceseko cakama. (Yombi 1:9-11)—w21.04, lipu. 16-17.

Bika bimunapande kulinga nga kuli na kumikaluwila kuwana banu ba kwambulwila?

Bendeleni ha simbu ibanasa kuwaniwa ha njibo nambe kwambulwila ku mutambela weka. Co lalo, mwasa kupangesa ngila yeka ya kufwa ngwe kusoneka mikanda.—w21.05, lipu. 15-16.

Kapositolo Paulu walumbunwine bika omwo wendekele ngwendi: “Njatsile ku mashiko kwitila mu mashiko”? (Ngala 2:19, NWT)

Mashiko a Mosesa amwesele ngwawo banu kubalumbunukile, co atwamenenene Baisalele kuli Kilistu. (Ngala 3:19, 24) Mashiko akewo alingisile Paulu akulahele Kilistu. Co mwalingile ngoco ‘watsile ku mashiko’ mwafwa kuakele na nzili hali ikeye.—w21.06, lipu. 31.

Yehova natumwesa bati mwanja waubwa wa kukolesa?

Yehova natwalelelaho kukolesa nameme byuma binatako bili na kulingiwa: Lizina lyendi bali na kulishaula, ciyulo cendi bali na kucilwisa, banu na tungelo bamo banamutengulukila, Liyabolo natwalelelaho kwendeka makuli. Kutundaho, bangamba bendi bazema bali na kuyanda, babusamba bendi bamo banatsi, co banu bababi bali na kuyandesa bakwabo, bilinga bya bukwizi binalisala manene, co lalo banu bali na kubiisa kaye.—w21.07, lipu. 9-12.

Yosefa natumwesa bati mwanja waubwa wa kukala na mbunge ya kubandamena?

Watwaleleleho kukolesa nameme bandolome bendi bamulingile mwamubi. Co mwakakele mu Ingito, bakamubangeyeye ñanda ya makuli na kumwaka mu kamenga ha myaka yaingi.—w21.08, lipu. 12.

Kuninganga muka kubanendeka ku mukanda wa Hangai 2:6-9, 20-22?

Baka-mafuti bakalubala nambe kubyana kubambulwila muzimbu wa Bumwene. Oloni ou muzimbu uli na kukwasa banu babangi baije mu busunga. Ololo baka-mafuti bakabaninganga omwo bakabanyongesa.—w21.09, lipu. 15-19.

Mwafwa bika tunapande kutwalelelaho kupanga cipangi ca kwambulula?

Yehova akamono kulifwita kwetu, co akabwahelela. Ngeci, nga kutuzeye, co akatwana myonyo wa myaka yoshe.—w21.10, lipu. 25-26.

Mukanda wa Valevi 19 utukwasa bati twononoke cinangulo ca kwendeka ngwaco: “Pweni ba kujela mu byoshe mulinga”? (1 Petu 1:15)

Hamo awa majwi atundile ku mukanda wa Valevi 19:2. Capita 19 imwesa bingila mutwasa kupangesela cinangulo cili ku 1 Petulu 1:15 mu kuyoya kwetu kwa litangwa na litangwa.—w21.12, lipu. 3-4.