¿Mbäät xyˈatsoowëmbityë tyäˈädë yajtëˈëwën diˈib të myiny mä Diˈib Xytyukˈawäˈänëm?

Extëm jyënaˈanyë Santya̱ˈa̱gʉ 5:11, ¿tiko nˈijtëm seguurë ko Jyobaa mëjwiin kajaa xytsyojkëm ets ko xypyaˈˈayoˈowëm?

Jyobaa xypyaˈˈayoˈowëm, pääty tmeˈkxy ja poky kaytyey. Mä Santya̱ˈa̱gʉ 5:11 jyënaˈany ko Jyobaa nan xypyudëkëyäˈänëm tsuj yajxon. Oy ko nbanëjkxëmë Jyobaa yˈijxpajtën (w21.01, pajina 21).

¿Tiko Jyobaa ttuknibëjtakë ets jyaˈˈatët tuˈugë këbäjk?

Mët ko xytsyojkëm pääty ojts duˈun ttuknibëjtäägë. Ko duˈun të ttuny, ta ja yˈuˈunk yˈënäˈk yˈittë tukniwits tuknimäˈkxë ets tsuj yajxon, duˈun jam tsäjpotm ets yä Naxwiiny. Ja familyë diˈib yˈijxkujk jyaygyujkëp extëmë Jyobaa ttuknibëjtakë, nyijäˈäwëp pën ja yˈääw yˈayuk tunëp ko ti yajtuknibëjtäägë ets pën nyigëbäjkˈatëp parë duˈun yajtunët (w21.02, pajina 3).

¿Tiko mbäädë Dios mëduumbëty nyaygyuentˈatëdë ko dyajtundëdë aplikasion mä tkaxtë mensaje?

Pën nyajtunäˈänëm tuˈugë aplikasion mä yajkexy o yaˈˈaxäjë mensaje, tsojkëp nˈijxëm yajxon pënaty të tyëkëdë mä taabë grupë. Per tsip duˈun nduˈunëm, pën jap të ndëjkëm mä tuˈugë grupë mä nimayë jäˈäy nyaytyuknigaxëdë mensaje (1 Tim. 5:13). Nan kujotmay ko nyajwäˈkxëmë ääw ayuk diˈib kyaj të tyëyˈäjtëndëkë ets ninäˈä ngayajtunäˈänëm ja nmëguˈukˈäjtëm parë jam nyajpëtsëˈëmëm ja meeny sentääbë (w21.03, pajina 31).

Oknigäjpx tëgëk pëky, ¿tiko Jyobaa tnasˈijxë etsë yˈUˈunk yˈayowët ets yˈoogët?

Tuk pëky, Jesus tsojkëbë nety yˈoogët kudëy mët ko ja judiyëtëjk yajkäjpxpojktë (Gal. 3:10, 13). Myëmajtsk pëky, yëˈë parë tyunët Saserdotë Wintsën. Ets myëdëgëk pëky, ko Jesus ninäˈä tkamastutyë Teety, ta dyajnigëxëˈky ko mbäät tuˈugë naxwinyëdë jäˈäy tmëmëdoyë Jyobaa oy nuˈun tpäädëdë amay jotmay (Job 1:9-11) (w21.04, pajina 16 etsë 17).

¿Ti mbäät nduˈunëm pën kyaj nbatëmë jäˈäy mä jyëën tyëjk?

Mbäät mayë jäˈäy nmëtmaytyakëm ko nˈijxëm ti oorë yajpäättë jyënoty tyëgoty. Nan tsojkëp nˈëxtäˈäyëmë winmäˈäny mäjaty mbäät nˈëwäˈkx ngäjpxwäˈkxëm. Ets nan mbäät nˈijxëm wiˈix nmëtmaytyakëm extëm ko njäˈäyëmë kartë etsë net nduknigajxëm (w21.05, pajina 15 etsë 16).

¿Tiko apostëlë Pablo jyënany: “Kyajts ëj ja anaˈamën nˈokpaduunë, dëˈën tpääty extëmts ëj të nˈoˈknë”? (Gal. 2:19).

Ja Ley diˈibë Moisés yajmooy, yëˈë yajnigëxëˈk ko naxwinyëdë jäˈäy pokyjyaˈay yajpäättë ets pyudëjkë ja israelitëty parë tˈixyˈäjttë Jesus (Gal. 3:19, 24). Pablo kyupëjkë Jesus ets myëbëjk, pääty jyënany: “Kyajts ëj ja anaˈamën nˈokpaduunë, dëˈën tpääty extëmts ëj të nˈoˈknë”, yëˈë myaytyäˈägan ko ja Ley diˈibë Moisés yajmooy kyaj nety tˈokmëdäjnë ja mëkˈäjtënë mä yëˈë (w21.06, pajina 31).

¿Wiˈixë Jyobaa xymyoˈoyëmë ijxpajtën parë nmadakëm?

Jyobaa myëmadakypy ko yˈaxëëgë xyëëw, ko yajnibëdëˈëgyë kyutujkën, ko nyibëdëˈkë näägë yˈuˈunk yˈënäˈk, ko Satanás yˈandaˈaky, ko yˈayowdë pënaty mëduunëp, ko yˈooky tyëgoy ja myëtnaymyaayëbëty, ko axëkjäˈäytyëjk tˈaxëktundë myëguˈuk ets ko jäˈäy dyajwindëgoytyë tyäˈädë naxwinyëdë diˈib yajkoj (w21.07, pajina 9 axtë 12).

¿Ti xytyukniˈˈijxëmë yˈijxpajtënë José ko myaˈkxtujky?

José myëmadak ko axëëk tyuunëdë ja myëgaˈaxëty. ¿Wiˈix jyajty kyëbejty? Yajniwäämbajt ets kanäk jëmëjt jap Egipto yˈijty pujxndëgoty (w21.08, pajina 12).

¿Tidën yˈandijpy diˈib ojts yajnaskäjpxë mä Ageo 2:6-9, 20-22 ko yajxijtˈyuˈkxäˈänyë nasionk?

Mayë jäˈäy kyaj tmëdowäˈändë ja oybyë ääw ayuk diˈib nyimaytyakypy Diosë Kyutujkën, per nimay të tˈoymyëdowdë ja tëyˈäjtën. Tim tsojk ja nasionk yˈakˈyajxijtˈyuˈkxäˈäny ko nety myinyë kutëgoˈoyën (w21.09, pajina 15 axtë 19).

¿Tiko kyaj mbäät nmëˈanuˈkxëm ko nˈëwäˈkx ngäjpxwäˈkxëm?

Jyobaa yˈijxypy ko mëk nduˈunëm ets jotkujk yajnayjyawëty ko nmëduˈunëm. Pën xëmë ngäjpxwäˈkxëm ets pën kyaj nmëˈanuˈkxëm, nbäädäˈänëmë jukyˈäjtënë diˈib winë xëëw (w21.10, pajina 25 etsë 26).

¿Wiˈix xypyudëjkëmë Levítico 19 parë nguytyuˈunëmë tyäˈädë käjpxwijën: “Jikyˈattë wäˈäts”? (1 Peed. 1:15).

Waˈanë tyäˈädë tekstë jap yajjuuty mä Levítico 19:2. Pes mä kapitulo 19, tap kanäk pëky tnigajpxy wiˈix mbäät nguytyuˈunëm mä jukyˈäjtënë 1 Peedrʉ 1:15 (w21.12, pajina 3 etsë 4).