Wahapwasedha wawileri a Namasugwera a yaka ela? Vano, wawakule makoho ala:

Va Tiago 5:11 vinihina: ‘Yehova ohukanna nthebwa vanlubale ni dathagaraga.’ Eyo enatapulela ddi?

Mwaha wa thagaraga dhaye, Yehova onofuna vanlubale okurumuwela dhothega dhehu, teto mwaha wodhivela waye ohunamala onumuthukulela onikavihera. Iyo nimutajhihege oliyeene.​—Namasugwera a Janeiro a 2021 epaddi 21.

Mwahaya bwaddi Yehova adhe akumihege nlamulo nokalawo namasogolela?

Mwaha wihina anonidhivela. Vakala namasogolela dhinowenyeya wihina murala wa Yehova weeddege ni murenddele ni wowegeredheyene. Yerege orusa omunona muthu anathomege malamulo wihina yeddeliwege​—Namasugwera a Janeiro a 2021 epaddi 3.

Mwahaya bwaddi makiristawu egafwanelela okala pasope ni maaplikativo a mensaje?

Akala muthu onofuna walabihedha apilikativo a telefoni wihina athapanyege ni akwaye, enohoweleya okala pasope thabwa-thabwa akala gurupu ya mensaje ninnihuna ehunnuwa. (1 Tim. 5:13) Ohiya eyo, enofwanelela okala pasope wihina nnadha nivavihe muselu dhowoota obe wanona manumero aaddibila wihina naagulihedhege malonddihu.​—Namasugwera a Março a 2021 epaddi 31.

Mwahaya bwaddi Yehova adhe enyege wihina mwanaye amudhiveliye anyemuliwe ofiyedha okwa?

Yobajha, Yesu ahifiyedha okwa vantxikwani na goyi wihina awobole majudewu mugoyini. (Gál. 3:10, 13) Yehova era omuxagiha mwanaye wihina vasogolova akale namakutha munlubale. Vogomihera, ororomeleya wa Yesu ofiyedha okwa, wihoniha wihina enowandeya muthu okala oororomeleya vamentoni va Mulugu naari afwanyiwaga makathamiho orusa. (Jó 1:9-11)​—Namasugwera a Abril a 2021 epaddi 16-17.

Enaanikavihere ddi walaleya athu enarusa wafwanya mmavaade mwewa?

Iyo nnere wanda walaleya athu owinjhiva, nawaaja mawora enafwanyeyiwa mmavaade mwewa, obe, wawaja mburo munalabiwamo. Ohiya eyo, iyo podi wakakaniha makalelo ehu oolaleya, ninga walebela makarta ale nahafwanyihu mmavaade mwewa.​—Namasugwera a Maio a 2021 epaddi 15-16.

Mwahaya bwaddi Pawulo adhe erege: ‘Wodhela nlamulo miyo gihikwa, okwa mwaha wa nlamulo’? (Gál. 2:19)

Nlamulo na Moses nowooniha wihina athu atene kaavo aalogomane ni yohowela woboliwa. Nlamulo nimodhave nathukulela nlogo naatene wa Kiristu. (Gál. 3:19, 24) Mwaha wa nlamulo nna, Pawulo omurumedha Kiristu, nuwindo oliye ‘okwa mwaha wa nlamulo’, obe neere, oliye kahowela odidela ohara nlamulo na Moses.​—Namasugwera a Junho a 2021, epaddi 31.

Mwahaya bwaddi nigawogaga wi Yehova tajhiha yapama wodhela ovilela?

Ofiyedha peeno Yehova anna ovilela, naarive: Ndina naaye nnatakalihiwaga, onamathonga waye ovanyihiwaga, anaaye emusadduwelaga, Saddana amwinkidhegave, adharaaye anaadhiveliye yonaga goyi, ayelelaga akwaye muukwani, athu abure yawonihaga goyi athu akwiwa, dhopaddusiwa dhaye dhinongiwaga.​—Namasugwera a Julho a 202, 1 epaddi 9-12.

Ovilela wa Juze onanihudhiha ddi?

Oliye ahivilela naarive addibile ehimweddihile mowogowa. Juze ahiinkedhiwa ethu aheriliyena, mwaha wa yeyo ovokedhiwa mukambura yaka dhowinjhivadhene Wijipitu​—Namasugwera a Agosto a 2021, epaddi 12.

Ogurumeliha baani yoladdaniha, Ageu 2:6-9, 20-22 asorihiliye?

Malogo owinjhiva yalaleyiwaga muthenga wOmwene, kinadhiveliwa. Naari dhigarive ndo, athu owinjhiva enna ohudhera ebaribari. Mohilegela, malogo amatene enere ogurumela nafiya labo nootolosiwa.​—Namasugwera a Setembro 2021, epaddi 15-19.

Mwahaya bwaddi nihiselelaga olaleya?

Yehova onowoona wilibihera wehu ni onohagalala. Nahiselela, nnere wakela egumi yohimala osogolo.​—Namasugwera a Outubro a 2021, epaddi. 25-26.

Levítico kapitulu 19 onanikavihera addi oparihedha mabasa yolaga enihina: ‘Mukale oweela mwa dhatedhene’? (1 Ped. 1:15)

Podi wera madhu ala, bi-madhu mamodhave enasorihiwa va Levítico 19:2. Kapitulu 19 a Levítico,​—w21.12, epaddi 3-4 anowoga makalelo oohiyana-iyana nnafunihu oparihedha mabasa mwigumini mwehu yolaga enafwanyeya va 1 Pedro 1:15.​—Namasugwera a Dezembro a 2021, epaddi 3-4.