X’Tiftakar?
Qrajt sew il-ħarġiet taʼ It-Torri tal-Għassa taʼ din is-sena? Mela ara tistax twieġeb il-mistoqsijiet li ġejjin:
Ġakbu 5:11 liema garanzija jagħtina li “Ġeħova juri affezzjoni b’tenerezza kbira” u li “hu mimli ħniena”?
Aħna nafu li Ġeħova hu ħanin għax hu lest li jaħfer in-nuqqasijiet tagħna. Ġakbu 5:11 jagħtina garanzija wkoll li hu bi mħabba se jgħinna. Hu importanti li aħna nimitawh.—w21.01, p. 21.
Ġeħova għala għamel arranġament biex uħud ikollhom l-awtorità?
Hu għamel dan għax iħobbna. Dan l-arranġament jgħin il-familja taʼ Ġeħova tkun organizzata u tibqaʼ magħquda. B’hekk, kull membru tal-familja li japplika dan l-arranġament ikun jaf min għandu jieħu l-aħħar deċiżjoni u jara li qed titwettaq.—w21.02, p. 3.
Il-Kristjani għaliex għandhom joqogħdu attenti meta jużaw apps biex jibagħtu u jirċievu l-messaġġi?
Meta xi ħadd jagħżel li juża apps tal-messaġġi, irid joqgħod attent xi ħbieb jagħżel. Dan jistaʼ jkun diffiċli fi grupp kbir. (1 Tim. 5:13) Ukoll hemm il-periklu li xi ħadd ixerred stejjer li ma jkunux veri jew juża dawn l-apps biex jipprova jagħmel il-flus.—w21.03, p. 31.
X’inhuma xi raġunijiet għala Alla ħalla lil Ibnu jbati u jmut?
Raġuni waħda għala Ġesù kellu jmut fuq zokk kienet biex jeħles lil-Lhud mis-saħta. (Gal. 3:10, 13) It-tieni raġuni kienet għax Ġeħova kien qed jippreparah għal meta jsir il-Qassis il-Kbir tagħna. U t-tielet raġuni kienet biex Ġesù juri li bniedem jistaʼ jibqaʼ leali meta jgħaddi minn provi diffiċli. (Ġob 1:9-11)—w21.04, pp. 16-17.
X’tistaʼ tagħmel jekk qed issibha diffiċli ssib in-nies id-dar waqt il-ministeru?
Tistaʼ tipprova tmur f’ħin li hemm iktar ċans li jkunu qegħdin id-dar, tipprietka f’postijiet oħrajn, u b’modi differenti bħal pereżempju, tibgħat l-ittri.—w21.05, pp. 15-16.
L-appostlu Pawlu x’ried ifisser meta qal: “Permezz tal-liġi mitt għal-liġi”? (Gal. 2:19)
Il-Liġi Mosajka għamlitha ovvja li l-bnedmin huma imperfetti u għenet lill-Iżraelin jirrealizzaw li Ġesù hu l-Messija. (Gal. 3:19, 24) Hu għalhekk li Pawlu aċċetta u poġġa l-fidi f’Ġesù. B’hekk, Pawlu qal “mitt għal-liġi,” jiġifieri, il-liġi ma kellhiex iktar qawwa fuqu.—w21.06, p. 31.
Ġeħova kif hu l-aqwa eżempju taʼ xi ħadd li ilu jissaporti?
Ġeħova qed jissaporti t-tmaqdir fuq ismu, in-nies li ma jaċċettawx lilu u t-tmexxija tiegħu, ir-ribelljoni taʼ wħud mit-tfal tiegħu, il-gideb tax-Xitan, it-tbatija li qed jgħaddu minnha l-qaddejja tiegħu li tant iħobb, il-firda mill-ħbieb tiegħu li mietu, it-tbatija li qed jikkaġunaw in-nies mill-agħar, u l-ħsara li qed jagħmel il-bniedem lid-dinja.—w21.07, pp. 9-12.
Liema eżempju tajjeb ħallielna Ġużeppi dwar il-paċenzja?
Hu ssaporta inġustizzja mingħand ħutu. Dan wasal biex ikun akkużat b’mod falz u jiġi mitfugħ il-ħabs fl-Eġittu għal ħafna snin.—w21.08, p. 12.
Ħaggaj 2:6-9, 20-22 liema tip taʼ theżżiż bassar?
Il-ġnus m’aċċettawx il-messaġġ tas-Saltna, imma ħafna nies aċċettaw il-verità. Dalwaqt il-ġnus se jitheżżu meta Ġeħova jeqridhom għal dejjem.—w21.09, pp. 15-19.
Għala m’għandniex naqtgħu qalbna fix-xogħol tal-ippritkar?
Ġeħova jara l-isforzi li nagħmlu u hu jkun kuntent bina. Jekk ma negħjewx jew naqtgħu qalbna se nirċievu l-ħajja taʼ dejjem.—w21.10, pp. 25-26.
Levitiku kapitlu 19 kif jgħinna napplikaw il-parir: “Kunu . . . qaddisin fil-kondotta kollha tagħkom”? (1 Pt. 1:15)
X’aktarx li Pietru kkwota minn Levitiku 19:2. Kapitlu 19 jipprovdilna ħafna eżempji taʼ kif nistgħu napplikaw l-1 Pietru 1:15 fil-ħajja tagħna taʼ kuljum.—w21.12, pp. 3-4.