¿Kuali timomachtijtok tlen kistok ipan pilamochtsi Tlen Tematiltia? Xikita tlaj tiuelis tijnankilis ni tlajtlanili:

¿Kenijkatsa Santiago 5:11 techpaleuia tijkuamachilisej Jehová tlauel techtlasojtla uan techiknelia?

Jehová tetlasojtla, yeka techtlapojpoljuia kema timokuapolouaj. Santiago 5:11 techiljuia kineki techpaleuis ika miak tlaiknelili. Tlauel techpaleuia tlaj tijchiuaj kej ya (w21.01, iamayo 21).

¿Kenke Jehová kitlalik se katli tlayakanas?

Kiampa kichijki pampa tlauel techiknelia. Jehová kitlalik se katli tlayakanas uan kiampa uelis tiitstosej ika tlaseuilistli uan timosentikapaleuisej. Tlaj tijtlepanitaj ni tlanauatili, tijmatisej ajkia moneki kiijtos tlen mochiuas uan ajkia kipeualtis kichiuas tlen moijtok (w21.02, iamayo 3).

¿Kenke moneki timomokuitlauisej tlaj tijtekiuiaj kampa tlajkuilouaj?

Tlaj nojkia tijtekiuisej kampa miakej motlajkuiljuiliaj, moneki tikitasej ajkia ininuaya timotlajkuiljuiliaj. Uan ni tlauel ouij kema se akajya kalaki kampa miakej motlajkuiljuiliaj (1 Tim. 5:13). Nojkia, nopaya uelis kimoyauasej tlen amo kimatij tlaj nelnelia panotok uan kinchiualtisej toikniuaj ma tlakouakaj san pampa kinekij kipiasej miak tomij (w21.03, iamayo 31).

¿Kenke Jehová kikajki ma kitlaijiyouiltikaj uan ma kimiktikaj iKone?

Se. Kema Jesús kikuapilojkej, uelki kinmakixtik nochi judíos pampa kintelchijtoyaj (Gál. 3:10, 13). Ome. Jehová kipaleuik iKone ma eli se kuali Sumo Sacerdote. Eyi. Jesús kinextik se akajya ueliskia amo kema kitlauelkauas toTeotsij maske tlauel tlaijiyouijtos (Job 1:9-11) (w21.04, iamayo 16, 17).

¿Tlake uelis tijchiuasej tlaj amo tikinpantisej maseualmej kema titlajtolmoyauaj?

Uelis titlajtolmoyauasej kema itstosej ininchaj uan tijpatlasej kampa titlajtolmoyauaj. Nojkia ueliskia tikintlajkuiljuilisej o tijchiuasej seyok tlamantli (w21.05, iamayo 15, 16).

¿Tlake kinejki kiijtos apóstol Pablo kema kiijtok: “Nimochijtok keja se nimijkatsi para nochi nopa Tlanauatili”? (Gál. 2:19).

Nopa Tlanauatili tlen Moisés kimakakej kinextik eliyayaj tlajtlakolejkej, yeka monekiyaya ma kinmakixti se katli amo tlajtlakole (Gál. 3:19, 24). Ni kipaleuik Pablo ma tlaneltoka ipan Jesús. Kiampa kejuak mijki “para nochi nopa Tlanauatili”, yeka ayokmo kinamikiyaya kineltokas nopa Tlanauatili (w21.06, iamayo 31).

¿Tlake tlamantli kiijiyouijtok Jehová?

Jehová kiijiyouijtok ni tlamantli: kisokiuijtokej itoka, kiijtojtokej amo kinamiki tlanauatis, se keskij ikoneuaj kiijixnamijkej, Satanás kiistlakauijtok, tlaijiyouijtokej itekipanojkauaj, miktokej miakej iuampoyouaj, maseualmej tetlaijiyouiltiaj, amo kuali monejnemiltiaj uan kinempolojtokej Tlaltipaktli (w21.07, iamayo 9-12).

¿Tlake tijyekouaj pampa José kinextik kipia iyolo?

José kiijiyouik nochi tlen amo kuali tlen kichiuilijkej iikniuaj. Kiistlakauijkej uan yeka kitsajkej miak xiuitl ipan Egipto (w21.08, iamayo 12).

¿Kenijkatsa mojmolinisej nochi altepemej kej kiijtoua Hageo 2:6-9, 20-22?

Maske ipan miak altepemej amo kinekij kikakisej nopa kuali tlamachtili, miakej kena kinpaktia kitlakakilisej. Nechka “san se uelta más” mojmolinisej nochi altepemej uan kiampa kintsontlamiltisej (w21.09, iamayo 15-19).

¿Kenke amo kinamiki tijkuesiuilisej titlajtolmoyauasej?

Ma tikilnamiktokaj, Jehová kipatiita kema tijchiuaj kampeka titlajtolmoyauasej. Tlaj amo tijkuesiuiliaj uan nochipa titlajtolmoyauaj, tijpiasej nemilistli tlen axkema tlamis (w21.10, iamayo 25, 26).

¿Kenijkatsa techpaleuia Levítico 19 ma tijchiuakaj ni tlanauatili: “Xiitstokaj intlatsejtseloltikej uan xijchiuakaj tlen senkistok kuali”? (1 Ped. 1:15).

Ni texto uelis mokixtijtok ipan Levítico 19:2. Tlen kiijtoua capítulo 19 techpaleuia ma tijchiuakaj ipan tonemilis tlen kiijtoua 1 Pedro 1:15 (w21.12, iamayo 3, 4).