¿2021 huatamanta Huillaj revistacunapi imalla yachachishcacunata yuyaringuichu?

¿Santiago 5:11-pica Jehová Diosca yallitaj llaquij, mana pꞌiñarij cashcamantaca imatataj yachanchij?

Jehová Diosca yallitaj llaquij cashcamantami ñucanchij juchacunata perdonan. Santiago 5:11-pi nishca shinaca paica cꞌuyaj cashcamantami tucui shunguhuan ayudasha nin. Chaimantami Diospaj ejemplota catina canchij (w21.01, página 21).

¿Jehová Diosca imamantataj autoridadta cushca?

Jehová Diosca cꞌuyaimantami huaquincunamanca autoridadta cushca. Chaimantami jahua pachapipish, cai pachapipish orden tiyan. Yayitu Dios autoridadta piman mana cushca cajpica familia ucupi, congregacionpi ima shina decidinata, ima shina pajtachinatapish mana yachanchijmanchu (w21.02, página 3).

¿Celularpi, computadorapi mensajecunata cachangapajca imamantataj cuidadota charina canchij?

Celularpi, computadorapi pihuan parlanata decidishpaca ima shina gentecunahuan parlanatami agllana canchij. Maipica jatun grupo cajpica paicunahuan parlanaca mana facilchu can (1 Timoteo 5:13). Ima noticiacunata mana alli yachashpaca mana shujtajcunaman huillanachu canchij. Shinallataj huauqui panicunataca cullquita japina raicullaca mana surcunachu canchij (w21.03, página 31).

¿Jesús llaquicunata charichun, huañuchunca Jehová Diosca imamantataj saquirca?

Puntaca, judiocunaca Dios cushca mandashcacunata mana cazushcamantami paicunaca huañuiman, llaquiman condenashcacuna carca. Chaimantami Jesusca caspipi huarcushca huañuna carca (Gálatas 3:10, 13). Ishquipica, Jehová Diosca paipaj Churitaca sacerdotecunata mandaj cachun yachachingapaj chashna llaquinaita huañuchunmi saquirca. Quimsapica, Jesusca sinchi llaquicunata charishpapish huañuna horascamami Jehová Diostaca tucuipi sirvirca. Chashnami runacunapish Jehová Diostaca cꞌuyaimanta sirvi tucushcata ricuchirca (Job 1:9-11) (w21.04, página 16, 17).

¿Gentecunata huasipi mana tanto japishpapish cushilla huillashpa catingapajca imatataj rurana canchij?

Gentecuna huasipi cai horasmi predicana canchij. Shinallataj chꞌican chꞌican lugarcunapimi predicana canchij. Telefonomanta cayashpa o cartacunata quillcashpapishmi predicana canchij (w21.05, página 15, 16).

¿Apóstol Pabloca: ‘Mandashcapi ama cangapajmi, Diospaj causangapaj huañurcani’ nishpaca imatataj nisha nirca? (Gálatas 2:19).

Moisesman cushca leypica runacuna juchayuj cashcamanta Jesús paipaj causaita cuchun minishtishcatami ricuchirca (Gálatas 3:19, 24). Apóstol Pabloca leyta intindishcamantami Jesuspi feta churarca. Chashnami paica Moisesman cushca leymanta cacharichishca carca (w21.06, página 31).

¿Ima llaquicunatataj Jehová Diosca ahuantanata decidishca?

Diabloca Diospaj shutitami yangapi churashca. Shinallataj huaquincunaca Dios ama mandachunmi jarcasha nincuna. Diospaj huaquin churicunapish paipaj contrami tucushcacuna. Diablopish Diosmantaca achca llullacunatami nishca. Chaimi Diosca paita sirvijcuna llaquicunahuan cajpi, huañujpica llaquilla sintirin. Millai gentecuna shujtajcunata llaquichijpi, Dios rurashcacunata mana cuidajpimi Diosca ahuantashpa catin (w21.07, páginas 9 al12).

¿Ima shinataj José shina pacienciata charina canchij?

Joseca paipaj huauquicuna paita llaquichijpimi ahuantarca. Paita yangamanta juchachishcamantami paica Egipto llajtapi huaquin huatacunata carcelpi carca (w21.08, página 12).

¿Ageo 2:6 al 9, 20 al 22-pi tiyaj profeciaca ima chujchuimantataj parlan?

Llajtacunata mandajcunaca Jehová Dios agllashca Gobiernotaca mana chasquisha nincunachu. Pero alli shungu gentecunaca tucui llajtacunamantami Jehová Diosllata adorangapaj paipaj puebloman yaicushcacuna. Diosca ñallami paita mana sirvisha nij llajtacunataca tucuchinga (w21.09, páginas 15 al 19).

¿Mana shaicushpa huillangapajca imamantataj esforzarina canchij?

Jehová Diosca gentecunaman huillangapaj esforzarishcataca achcatami valoran. Huillanata manataj saquishpaca huiñai causaitami charishun (w21.10, páginas 25, 26).

¿Levítico 19-pi tiyaj huaquin versocunaca ima shinataj ñucanchij ruraicunapi, yuyaicunapi jucha illaj cachun ayudan? (1 Pedro 1:15).

1 Pedro 1:15-pi tiyaj yuyaitaca Levítico 19:2-mantami japishca yuyachin. Levítico 19-pi tiyaj huaquin versocunaca 1 Pedro 1:15-pi tiyaj yuyaicunata ima shina ñucanchij causaipi pajtachinatami yachachin (w21.12, páginas 3 al 5).