¿Yuyashankichu kay watapaq Qhawaq qelqanchiskunapi yachachikuykunata? Chayta yachanaykipaq kaypi tapuykunata kutichiy:

Santiago 5:11 nisqan jina, ¿imaynatan Jehová Dios yanapawanchis “ancha munakuq” “khuyapayakuq” kasqanrayku?

Jehová Diosqa khuyapayakuq kasqanraykun juchanchiskunata perdonawanchis. Jinaspapas Santiago 5:11 nisqan jina, ima juchamanña urmasunman chaypas sumaqtan yanapawasun. Noqanchispas pay jina kananchispaqmi kallpachakunanchis (w21.01, página 21).

¿Imaraykun Jehová Dios familianpi umalliqkunata churaran?

Janaq pachapipas kay pachapipas llapa familianta munakusqanraykun. Sichus Jehová Dios chayta mana ruwanmanchu karan chayqa manan thaj kausay kanmanchu karan, sapankankuchá munasqankuman jina imatapas ruwankuman karan (w21.02, página 3).

¿Imaraykun mana comuntachu celularpi mensajekunata apachinanchis?

Sichus celularpi mensajeta apachinapaq juj grupota kichasunman chayqa, manan comuntachu pitapas chaymanqa invitananchis (1 Tim. 5:13). Chaymantapas cuidakunanchismi amapuni cuento q’epi kananchispaq, ama negociotapas chaypi ruwananchispaq (w21.03, página 31).

¿Imaraykun Jehová Dios jinallata qhawaran Jesús ñak’arispa wañunanta?

Juj) k’aspipi wañuspan Jesusqa judiokunata salvaran ñakasqa kasqankumanta (Gál. 3:10, 13). Iskay) Jehová Diosmi Jesustaqa uma sacerdote kananpaq preparasharan. Kinsa) runaqa atinchismi ima pruebapiña tarikuspapas Jehová Diospaq junt’aq sonqo kayta (Job 1:9-11) (w21.04, páginas 16, 17).

¿Imatan ruwasunman runakunata wasinkupi mana tarispa?

Kallpachakusunmanmi juj horapiñataq juj ladokunapiñataq jujniraymantañataq Diosmanta willananchispaq. Chaypaqqa yaqapaschá cartakunata ruwasunman (w21.05, páginas 15, 16).

¿Imatan apóstol Pablo nisharan “kamachikuy simiq yanapayninwanmi kamachikuy simipaq wañurani” nisqanwan? (Gál. 2:19.)

Moisespa chaskisqan kamachikuyqa runakunaq juchantan sut’iman orqoran, chayraykun necesitaranku Jesuspa sacrificionta (Gál. 3:19, 24). Apóstol Pabloqa Jesuspa wañusqanpin iñipuran, chaymi Moisespa chaskisqan kamachikuymantaqa libreña kapuran. Chhaynapin Pabloqa ‘kamachikuy simipaq wañusqa’ kapuran (w21.06, página 31).

¿Imakunatan Jehová Dios aguantashan?

Jehová Diosmi aguantashan sutinta pisichasqankuta, kamachikunanpaq derechoyoq kasqanta iskayachisqankuta, angelkunapas runakunapas Jehová Dios contra jatarisqankuta, tuta p’unchay Satanás Jehová Diosta yanqamanta tumpasqanta, serviqninkunaq ñak’arisqanta, amigonkunaq wañusqanta, millay runakuna runamasinkuta sufrichisqankuta, qhelli ruwaykunapi runakunaq purisqankuta, kamasqan allpa pachata malograsqankutawan (w21.07, páginas 9-12).

¿Imatan yachasunman José pacienciayoq kasqanmanta?

Josetaqa mana chanintan wayqenkuna ruwaranku, chayraykun Joseqa Egiptopi askha watakuna carcelpi wisq’asqa karan. Paymi ichaqa wayqenkunapaq mana phiñakuranchu (w21.08, página 12).

Hageo 2:6-9, 20-22 textopin nishan llapa nacionkuna chhafchisqa kananmanta, ¿imaynatan chaypi nisqan junt’akushan?

Diospa gobiernonmanta allin willakuykunata willasqanchisraykun allin sonqoyoq runakuna Diospa llaqtanman jaykumushanku. Wakin runakunan ichaqa mana uyarikuyta munankuchu. Pisi tiempollamantan Jehová Diosqa phiñakunan p’unchaypi kay pachata jujpaqkama chhafchinqa (w21.09, páginas 15-19).

¿Imaraykun mana pisipananchischu runakuna mana uyarikuyta munaqtinku?

Jehová Diosqa kusikunmi paymanta willamunanchispaq kallpachakuqtinchisqa. Chayta ruwashallasunchis chayqa wiñay kausaytan chaskisunchis (w21.10, páginas 25, 26).

¿Imaynatan Levítico 19 capitulomanta yachay yanapawanchis ‘ch’uyatapuni kausananchispaq’? (1 Ped. 1:15.)

Yaqachus jina Pedroqa chayta ninman karan Levítico 19:2 textomanta. Levítico 19 capitulopi nisqanmi yanapawanchis tukuy imapipas ‘ch’uyatapuni kausananchispaq’ (w21.12, páginas 3, 4).