¿Cai quillacunapica Villajun revistapica cai temacunatami yachajupashcanchi? Imata yachajushcata yarishpa contestapai:

Santiago 5: 11​pica Jehová Diosca shuj “juyaj”, “llaquij” Diosmi can nijunmi. Shinaca ñucanchita ¿imashina tratanata confiana capanchi?

Jehová Diosca pai llaquij cashcataca, ñucanchi pandarishcacunata perdonashpami ricuchin. Santiago 5:11​pica Jehová Diosca ñucanchita llaquimandami ayudangapaj munajun nin. Ñucanchicuna shujcunata llaquishpami Jehová Dioshna llaquij cashcata ricuchipanchi (w21.01, página 21).

Jehová Diosca ¿imapata huaquingunamanga autoridadta cushca?

Jehová Diosca juyaimandami huaquinguna autoridadta charichunga saquishca. Autoridadta huaquinguna charishcamandami tranquilo, ali causaigu tiaita ushan. Huasipi autoridadta respetaj familiacunaca, pi imatapash decidina cajta, chai desiciongunata pi pactachina cashcatapash alimi yachan (w21.02, página 3).

Mensajecunata cachana aplicacionda utilizashpaca ¿imamandata cuidadota charina capanchi?

Mensajecunata cachangapaj ashtaca ashtaca gentecunahuan rurashca grupocunapimi ashtahuanbachaca cuidadota charina capanchi (1 Tim. 5:13). Cashna grupocunapica shujcunamanda nalicunata rimashpa, llullacunata nishpa mensajecunata cachanlla. Shinallata chashna grupocunapica huauquipanicunamanda aprovecharingapami imacunatapash jatuita ushan (w21.03, página 31).

Jehová Diosca ¿imamandata Jesús sufrishpa huañuchun saquirca?

Callaripica, Jesusca judío gentecunata quishpichingapami shuj caspipi huañuna carca (Gál. 3:10, 13). Catipica, Jesús Sumo Sacerdote cangapaj prepararichunmi Jehová Diosca Jesús sufrishpa huañuchun saquirca. Tucuripica, pipash ashtaca llaquicunata charishpapash Jehová Diosta huañungacaman sirvi ushashcata ricuchichunbashmi Jesustaca Jehová Diosca sufrishpa huañuchun saquirca (Job 1: 9-11) (w21.04, páginas 16 y 17).

Gentecunata huasipi na tupashpaca ¿imatata rurai ushapanchi?

Gentecunata na tari ushanalla territoriopi villachinajushpaca shuj shuj horascunapi, shuj shuj pushtucunapi villachingapaj esforzaripashunchi. Na cashpaca telefonopi cayashpa o cartacunata escribishpa villachipashunchi (w21.05, páginas 15 y 16).

Apóstol Pabloca, ‘leyta catimandami leypaca huañushcashna cani’ nishpaca ¿imatata ningapaj munarca? (Gál. 2:19, TNM).

Moisesman cushca leyca juchayujcuna cashcata yarichingapaj, shinallata Jesús Abrahambaj mirai cashcata cuenta japichunmi ayudarca (Gálatas 3:19, 24). Apóstol Pabloca Moisesman cushca leyta yachaimandami Jesús Mesías cashcataca yachaj chayarca. Chaimi Jesuspi crishpami Moisesman cushca ‘leypaca huañushcashnami cani’ nirca. Shinaca apóstol Pabloca Moisesman cushca leycunata pactachina obligaciondaca ñana charircachu (w21.06, página 31).

Jehová Diosca ¿imacunatallata aguantana tucushca?

Jehová Diosca paipa shutita na respetohuan tratajta, mandana derechota na charinllu nishcata, angelcunapash, gentecunapash paipa contra tucujta, diablopa llullacunata, paita sirvijcuna llaquicunahuan, problemacunahuan cajta ricuna, paipa ali amigocunapa huañuita, nali gentecuna ali gentecunata llaquichijta, pai rurashca alpata huaglichijtapashmi aguantana tucushca (w21.07, páginas 9 a 12).

Josepa ejemploca ¿imashinata ñucanchitaca pacienciahuan aguantashpa catichun ayudaita ushan?

Josetaca paipa propio huauquicunallatami yangamanda llaquichirca. Shinapash paica aguantashpami catirca. Ashtahuangarin Egiptopi cajpica yangamanda juchachishpami Josetaca ashtaca huatacunapa carcelpi churarca (w21.08, página 12).

Ageo 2:6, 20-22​pica ¿imata chujchuchinamandata parlajun?

Cunan punllacunapica mayoría gentecunami Jehová Diospa ali villaigucunataca nalicachishpa uyan. Shinapash huaquin ali shunguta charij gentecunaca, Jehová Diosta sirvingapami paipa lado tucushca. Shinapash Taita Dios ultimota chujchuchinshna rurajpimi, Jehová Diosta na cazungapaj munajcuna, pai mandana derechota na respetajcunapash tucuchitapacha tucuchi tucunga (w21.09, páginas 15 a 19).

¿Imamandata na shaijushpa villachishpa catina capanchi?

Jehová Diosca, ñucanchicuna paimanda imagutapash rurangapaj esforzarijta ricushpami cushijun. Jehovapa mandashcata na shaijushpa pactachingapaj esforzarishpaca causaita causagrinatami japishun (w21.10, páginas 25 y 26).

Jehová Dioshna “santo, jucha illaj” cangapaca ¿imashinata Levítico 19​pi cushca consejocunaca ayudan? (1 Ped. 1:15).

1 Ped. 1:15​pi nishca consejoca talvez Levítico 19 verso 2​manda japishcami canga. Chaimi chai consejota ñucanchi causaipi pactachi ushangapaca Levítico capitulo 19​ta liishpa ñucanchitaca ayudaita ushan (w21.12, páginas 3 y 4)