Citisardean atento le palutne reviste Turno de veghe? Dichen dacă jianen o răspunso ca le pușimata cai aven:

So asigurarea den amen le cuvintea „O Iehova silo pherdo afecțiunea hai îndurătorii”, anda Iacov 5:11?

Anda codoia că silo îndurătorii, o Iehova camel te iertil-ame cana greșisaras. Vo silo pherdo afecțiunea hai camel te ajutil-ame. Vi amen das amari zor te las-ame pala lesco exemplo. (w21.01, p. 21)

Sostar cărdea o Iehova o principio anda i autoritatea?

O Iehova cărdea o principio anda i autoritatea anda iubirea. Cadaia cherel te avel pacea hai ordinea ande leschi familia loialo. Le jene anda sea-l familii cai respectin cado principio jianen con trebul te lel le decizii finalo hai con te lel sama ca von te aven cărde. (w21.02, p. 3)

Sostar trebul te avas atento cana folosisaras le aplicații prin save bișealas mesaje electronico?

Codo cai folosil cadal aplicații trebul te avel atento cana alosarel pesche amalen. Cadai buchi si mai phari cana si duma andal grupuri zurales bare. (1 Tim. 5:13) Si vi aver pericolea: așunen informații cai nai-le siguro hai aver folosisaren-pe catar le phrala caște cheren love. (w21.03, p. 31)

Save si le motivea sostar o Iehova mechlea ca o Isus te suferil hai te merel?

O iechto motivo, si că o Isus trebuisardea te avel șiuto po stâlpo caște eliberil le evreien catar iech armai. (Gal. 3:10, 13) O duito motivo, si că o Iehova pregătisardea le Isusos anda lesco rolo, sar Baro Rașai. O trinto motivo, si că anda codoia că așilea loialo ji co merimos, o Isus sicadea că le manușa daștin te așen loialo chiar cana nachen prin bare zumaimata. (Iov 1:9-11) (w21.04, p. 16, 17)

So daisaras te cheras cana ci arachas chăre le manușen?

Te rodas le manușen cana jianas că sile chăre, sau te predichisaras ande mai but thana hai ande mai but moduri. Sar exemplo, te scriisaras lila codolenghe cas ci arachas chăre. (w21.05, p. 15, 16)

So camlea o Pavel te phenel prin le cuvintea: „Prin i legea, mulem caring i legea”? (Gal. 2:19)

I legea mozaico sicavelas i imperfecțiunea le manușenghi hai îngărelas le isarelițen co Cristoso. (Gal. 3:19, 24) Cadaia cărdea le Pavelos te acceptil le Cristosos. Cadea, o Pavel ‘mulea caring i legea’; la legea ci mai sas-la zuralimos pa leste. (w21.06, p. 31)

So exemplo mechlea amenghe o Iehova anda o fapto te suportisaras o nasulimos?

O Iehova suportil că lesco anav silo meliardo, că așel-pe contra leschi suveranitatea, că unii anda lesche șiave vazdine-pe contra lesche, că o Satan phenel hohaimata sea o timpo anda leste, că lesche slujitorii sile duchade, că hasardea ando merimos pesche amalen, că le manușa nasul duchaven averen hai că leschi creația sili distrugime. (w21.07, p. 9-12)

Sar mechlea amenghe o Iosif iech exemplo anda i răbdarea?

O Iosif sas-lo duchado pe neciacimaste catar lesche phrala. Mai târzio, anda codoia că sas-lo doșardo pe neciacimaste, beșlea mai but bărșa ande iech phandaimos anda Egipt. (w21.08, p. 12)

Anda so izdraimos simbolico phendea-pe de mai anglal ande Hagai 2:6-9, 20-22?

Le națiuni ci camen te așunen cana predichil-pe o mesajo anda o Regato, cu sea cadala but manușa acceptin o ciacimos. Na pa but timpo, va avela iech palutno izdraimos le națiunengo, cai va anela distrugerea anda sea o timpo. (w21.09, p. 15-19)

Sostar trebul te jias mai dur andi lucrarea de predicare?

O Iehova silo bucurime cana dichel sea so cheras. Dacă ci peras că sam chine hai ci mechas-ame, va avela amen viața veșnico. (w21.10, p. 25, 26)

Sar ajutil-ame o Levitico, capitolo 19, te aplichisaras o sfato: ‘Aven sfinți ande sea tumaro phiraimos’? (1 Pet. 1:15)

Cado verseto, daștil-pe că si iech citato anda Levitico 19:2. O capitolo 19 sicavel mai but moduri ande save daisaras te aplichisaras o 1 Petru 1:15 ande amari viața. (w21.12, p. 3, 4)