Muli yannara fultinota Agarooshshu Shae metseetta seekkite nabbawootto? Hanni aante noo xaˈmuwara dawaro qolate woˈnaali:

Faarso 103:8 Yihowahu ‘bagamannokki baxilli batiˈra’ ikkinota kultanno; tini maa buunxeemmo gede assitannonke?

Yihowa bagamannokki baxillisinni soˈronke gatona yaannonketa anfoommo. Faarso 103:8 isi baxillisinni kaaˈlannonketano buuxissannonke. Ninkeno isi faale haˈra hasiˈneemmo.—w21.01, qool. 21.

Yihowa umimmate silxaane xintinohu mayiraati?

Yihowa umimmate silxaane xintinohu maatesi baxanno daafiraati. Tini qixxaawo isiti ammanantino maate keeru nootanna qinaabbinota ikkitanno gede assitino. Tenne qixxaawo ledo sumuu yaanno garinni heeˈrannohu mittu mittunku maatete miili, mitto coye murannohunna hakkonne coye assinanni gede massagannohu ayetiro afino.—w21.02, qool. 3.

Kiristaanu sokka sonkanni appilikeeshiine horoonsiˈranno woyite qoropha hasiissannonsahu mayiraati?

Mittu Kiristaanchi togoo appilikeeshiine horoonsiˈrannoha ikkiro, jaalla assiˈranno mannano hayyotenni doodha hasiissannosi. Lowo manni noo gaamo giddora ea dancha jaalla doodha qarra ikkitanno gede assitanno. (1 Xim. 5:13) Qoleno mitootu tenne appilikeeshiine widoonni buunxoonnikkire tareessitara woy roduuwu maamaranke daddaloho horoonsidhara dandiitanno daafira qoropha hasiissannonke.—w21.03, qool. 31.

Yihowa, Yesuusi lowo geeshsha qarrame reyara fajjinohu mitu korkaati maati?

Yesuusi haqqaho sutame reyinohu umi korkaati, Yihudu manna rumote giddonni fushshateeti. (Gal. 3:10, 13) Layinki korkaati Yihowa Yesuusa Kakkalaanote Biilo ikkanno woyitira qajeelsateeti. Sayikki korkaati, Yesuusi reyote geeshsha ammanaminoha ikkasi, mannu ooso buutote qarri iillinsarono Maganoho ammanantinore ikka dandiitannota leellishshanno. (Iyo. 1:9-11)—w21.04, guf. 16-17.

Soqqamatto woyite manna mine marte hoogittoro maa assa dandaatto?

Insa roore mine heedhara dandiitanno yannara marte hasaawisate woˈnaala dandaatto. Qoleno addi addi bayicho sabbakate woˈnaali. Hakkiinnino sae addi addi garinni sabbaka lawishshaho sokka borreessite farciˈra dandaatto.—w21.05, guf. 15-16.

Soqqamaasinchu Phaawuloosi “Seeru widoonni seeraho reyommo” yaasi mayyaate? (Gal. 2:19, NW)

Muse Seeri mannu ooso guuntete xeˈne noonsata anfanni gede assino; hattono Israeele Kiristoosiwa iillishino. (Gal. 3:19, 24) Tini Phaawuloosi Kiristoosa ammane adhanno gede assitinosi. Konni garinni Phaawuloosi, ‘seeraho reyino;’ xaate isi konni seerinni galannoha diˈˈikkino.—w21.06, qool. 31.

Yihowa cincate dancha lawishsha ikkinonkehu hiittoonniiti?

Yihowa suˈmasi hunnoonnita, aliidimmasi gimboonnita, mite oososi finqiltinota, daawuloosi kapho, baxanno soqqamaanosi qarrantannota, jaallasi reyo, bushuullu manna miiccannota, mannu ooso maaeellenna baatto huntannore cincino.—w21.07, guf. 9-12.

Yooseefi cincate dancha lawishsha ikkinohu hiittoonniiti?

Yooseefi roduuwisi miiccinosita cince heeˈrino. Iso kaphunni kassansoonnisi hattono Gibitsete lowo diro usuramino.—w21.08, qool. 12.

Hage 2:6, 20-22 hiittee shafama daafira kulloonni?

Daga Maganu Mangiste sokka macciishsha gibburono batinyu manni halaalu minira dayino. Muli yannara daga baˈanno woyite jeefote shafama shafantanno.—w21.09, guf. 15-19.

Soqqammeemmo woyite hexxo mudha hasiissannonkekkihu mayiraati?

Yihowa isira soqqamate assineemmore laˈˈanno hattono hagiidhanno. Hexxo mudha hoongummoro hegere heeshsho afiˈneemmo.—w21.10, qool. 25-26.

Leewaawoota fooliishsho 19, “Heeshshoˈne baalatenni qullaawoota ikke” yitanno amaale loosu aana hosiinseemmo gede kaaˈlitannonkehu hiittoonniiti? (1 Phe. 1:15)

Tenne hedo haaˈnoonnihu Leewaawoota 19:2 ikkikki digatino. Leewaawoota fooliishsho 19te, 1 Pheexiroosi 1:15 noo amaale barru barru heeshshonkenni harunsa dandiineemmo gara kulannohu batinyu lawishshi no.—w21.12, guf. 3-4.