Wɛ owalaka la nkɔmɛ nkfumɔ wamba w’Etange k’Olami kɛ ɔnɔnyi wɔnɛ? Ntsha nghɔsɔ, lenda kana okoka nkadjimola lá weepó wɛwɔlama wɛnɛ:

Djakɔbɔ 5:11 ntɔpɛyɛka eshikikelo kɛkɔnge má ntepela ante Yehova alekɔ la ‘ngandji k’efula’ edjinge ‘la nkɛtshi’?

Iso ndjewaka ente, má nkɛtshi kɛnde, Yehova alekɔ entshupa djɛ ntimeyɛ evunga wɛso. Djakɔbɔ 5:11 ntoshikikɛka djɛ nde alekɔ lonkina entshupa djɛ ntokotshɛ má ngandji kɛnde k’efula. Angoyala wɔlɔ iso ndoowokola.—w21.01, nki. 21.

Lamo Yehova ndile nonghanyi kɛ lowandji?

Nde ilaka nonghanyi kɛsɔ m’ɔtɛ wɔ ngandji. Nonghanyi kɛsɔ nkotshɛka djɛ akambo mpeta lá vu, ipa l’ofutano l’anteyi kɛ nkfumbo kɛnde kɛ nkɔmano. Ose nkfumbo onkfumɔ wokilika nonghanyi kɛsɔ ndjewaka kanga lokoka ndɔsa nkano dj’ekomo, kana onto wokoka ndenda djɛ ndjewa ntsha akano wakɔ walɛmɛyama.—w21.02, nki. 3.

Lamo Akristo oyɛwɔ ladjɛ mbadjɛ lá kɛnɛ kelendana la okambelo wɔ la w’aplikasiɔ w’otomelanawɔ wa mesajɛ?

Ntsha onto ambɔsa nkano djɛ nkamba la w’aplikasiɔ wa nghɔsɔ, nde ladjɛ nsɔna tolongo tokokande ndjekesanela nyawɔ. Alekɔ wolo efula nangha nkambo djɛsɔ l’oloyi w’ekekete wotomanelawɔ wa mesajɛ. (1 Ti. 5:13) Mbalaka inkinande, iso nkoka ndotshanganyɛ nsango yɛ sopalembetela ntsha ilekɔ nsɔsɔlɔ edjinge ndilá wayi walendana l’opoto lá djokanelo djɛso la wananyɔ l’ankaana yɛso.—w21.03, nki. 31.

Donga mɔtshi djɛkɔnge djɛ Ndjambe ndawola djɛ Yeso nyɛna ndjolo la mvɔ?

Elonga kɛmɔtshi nde, má mpanema l’otamba, Yeso akokaka ntshungola ase Juda má dɔki djɛwɔ. (Nga. 3:10, 13) Elonga k’epende, Yehova akfumbaki Yeso djɛnde ndewa nkotshɛ odjito wɔnde winá wɔ ndongoyala Nkfundji k’ekekete. Edjinge k’asatonde, nkɔmano djɛ Yeso tii tá nyɔyi ɛnyɛka djɛ anto nkoka ntshikala la nkɔmano te Yehova kaanga lá winá w’opomanawɔ l’ehemba wɛ wolo. (Djɔ. 1:9-11)—w21.04, nki. 16-17.

Kɛkɔnge k’okokɛ nangha ntsha alekɔ wolo ntana anto l’olemo w’ipoposanyɛ?

Wɛ nkoka nangha la wolo djɛ mpoposanyɛ lá winá w’okokawɔ ntanema lá mbandja. Wɛ nkoka lonkina nsɛsa djɛ mpoposanyɛ lá ndjena djetshikitanyi. Edjinge wɛ nkoka lonkina nsɛsa djɛ nkamba la topo totshikitanyi, ndjɔmbɔmba mfunelana enkanda.—w21.05, nki. 15-16.

Kɛkɔnge k’ɔpɔstɔlɔ Poolo ndakɔpɛ ntepela winá wɔ ndatepela ante: ‘Lá kɛnɛ kelendana l’ɛlɛmbɛ lemi lambovɔ l’ɛlɛmbɛ’? (Nga. 2:19)

Ɛlɛmbɛ wɛ Mɔsɛ wɛnyɛka papoo djɛ anto wapalekɔ djɔ koko oyɛwɔnde ananghi y’evunga edjinge wɛlɔndjɛka ase Isariyɛlɛ te Kristo. (Nga. 3:19, 24) Kɛsɔ k’etshindaka Poolo djɛ ndjawola Kristo. Lá yopo yɛsɔ ndeke Poolo ‘ndavu lá kɛnɛ kelendana l’ɛlɛmbɛ,’ Ɛlɛmbɛ wetayala la nkfulu lonkina ladjiko djɛnde.—w21.06, nki. 31.

Wopo wɔkɔnge Yehova ɔtɔpɛyɛnde ndjɔmbɔmba lá kɛnɛ kelendana l’okfulumeyelo?

Yehova akfulumeyɛ wopo w’ɔnyɔlawɔ djiina djɛnde, wopo w’onanyɛwɔ lowandji lɔnde, ɔtɔmbɔkwɛlɔ wɔ wana wande amɔtshi, engolo wɛ winá enkfumɔ wɛ Satana, ndjolo yɛna enkambi wɛnde wɛ ngandji, nyɔyi yɛ tolongo tɔnde, ndjolo yɛna anto me anto wa nyɛtshi, edjinge otshitanelo wɔ nanghedji djɛ wana w’anto.—w21.07, nki. 9-12.

Ndjɔmbɔmba kɛkɔnge kɛ wɔlɔ kelendana la balentshitshi Yosɛfu ndapɛyɛ?

Nde akfulumeyɛka wepo w’akambo ankfumɔ wa ntshamba djɛ sii wonanghelisa wananyɔ wande. Wootonghanyɛka akambo w’ongolo, ko nde akowamaka ɛnɔnyi efula lá lokando l’Edjipito.—w21.08, nki. 12.

Otshikitelo wɔkɔnge wɔ djingingi Angayi 2:6-9, 20-22 ndewɔyɛ?

Ewila wapakɔpɛ ndjawola losango l’Onkfumi, koko anto efula wambosepama l’akambo wa nsɔsɔlɔ. Lako ilá ewila wengotshikitshama mbala k’ekomo winá w’iyongotshitana.—w21.09, nki. 15-19.

Lamo sopakoke mpekɔ olemo wɔso w’ipoposanyɛ?

Yehova nyɛnaka welo wɛso, edjinge nde nsasangaka. Ntsha topapekwisa kana topalɛmbisa, tongowa lowiko l’etshinda.—w21.10, nki. 25-26.

Wopo wɔkɔnge Ase lewi shapitrɛ 19 otokotshɛwɔ djɛ nkamba la dako djɛnɛ: ‘Nyoyale ekina lá nanghedji djɛnyo nkfumɔ’? (1 Pɛ. 1:15)

Mbala imɔtshi etepela welá Ase lewi 19:2 ndeke iyawale lá vɛrse djɛsɔ. Shapitrɛ 19 ntɔpɛyɛka ndjɔmbɔmba efula y’ɛnyɛ wopo w’okokaso nkamba la 1 Pɛtɛlɔ 1:15 lá lowiko lɔso lɔ lofu la lofu.—w21.12, nki. 3-4.