We mubadikie kalolo Kitenta kya Mulami kia mueshi oso bua kino kipua su? Tompanga su we kualuula ino nkonko ayilondo:

Shake 5:11 atusha kishinkamisho kinyi pakualula’shi Yehowa​—“muwule ndaa na kifulo”?

Atuuku’shi ku lusa lua Yehowa nyi kuetubuikila muluisho wetu. Shake 5:11 etushinkamisha’shi kukidila ku kifulo kiaye etupeya bukuashi buatudi nabo lukalo. Nyi buakinyi bi buwa tumuambule.​—w21.01, esak. 21.

Bwakinyi Yehowa mwate mpango ya’shi bangi bekale na matalwa?

Yehowa mupe bangi matalua muanda mufule kifuko kiaye. Matalua aakuasha kifuko kia Yehowa buakidia kuikala mu butaale. Nashi mianda yoso ikale mu mulongo, muntu oso e mu kifuko abitungu akite mianda ipushene na mpango muanda auku’shi kui muntu ena matalua akuata kitshibilo kia nfudilo, na abakulupila’shi abekitumikila.​—w21.02, esak. 3.

Bwakinyi abitungu’shi bena Kidishitu bekale na budimu nsaa y’abafubisha ma applications a kwitumishena mesaje?

Bina muulo ukata buatudia kuikala badimukie nsaa yatufubisha application akuitumishena ma mesaje, na nsaa yatusangula bakuuku be buwa. Bikishekishe nsaa yatudi mu kisaka kikata kia kuitumishena mesaje. (1 Tim. 5:13) Na dingi kui masaku akata akupalakasha sunga kutemesha muanda oshi mushinkamishe’shi ngua binyibinyi na bena Kidishitu tabafubishaa kipuano kiabo na benabo, bua badia kupeta makuta.​—w21.03, esak. 31.

Bwa ntubingilo kinyi tubadi Efile Mukulu mutadile’shi Yesu akyengye na afwe?

Ka kumpala, bibadi abitungu’shi bakokole Yesu ku mutshi bwa kufungusha bena Yuda ku mulwa. (Nga. 3:10, 13) Kabingilo ka kabidi kabadi katakule Efile Mukulu bwa’shi atadile Mwan’aye bwadya kukyenga. Badi alongyesha Mwan’aye bya nkekala Tshite-mwakwidi etu mukata. Na ka kasatu Yehowa badi mutadile’shi Yesu akyengye bwa kwalula lukonko lwi na muulo: Muntu mulombene kushaala na lulamato kwi Yehowa mu bitompwanga bi bukopo su? (Yob. 1:9-11)​—w21.04, esak. 16-17.

Nkinyi kiodi mulombene kukita su topete bantu abakutemesha mu bulungudi?

Tompa kupeta bantu nsaa ilekene, we kuisamba na bantu be bungi, su atulambukisha nsaa yatudi balombene kuibapeta ku mashibo abo. Tompa mu ma mbalo elekene, tompa mayele a bulungudi elekene. Na fundila bantu boso boshopete mikanda.​—w21.05, esak. 15-16.

Pa kwakula’shi: “Ku mwiya, ne mufwe ku mwiya,” kinyi kibadi akikyebe kwakula Mpoolo?​—Nga. 2:19, Esambi dipya 2015.

Byabya, Mwiya ubadi ukunkushe bantu mpa na kwi “yawa . . . balailwe wawa mulayilo,” Kidishitu. (Nga. 3:19, 24) Mwanda ku bukuashi bwa Mwiya Mpoolo nyi kubadi mukumine na kulesha lukumino mwi Yesu. Kunyima kwa byabya, Mpoolo badi “mufwe ku mwiya” na aye ‘nkwikala na muwa kwi Efile Mukulu.’ Mwiya taubadi dingi na bukome kwadi, anka nyi Efile Mukulu.​—w21.06, esak. 31.

Yehowa muitulekiele kileshesho kia kunyingila mushindo kinyi?

Yehowa kuete kunyingila kusabuula ku’eshina diaye, kutombokiela matalua aye akumunana, kutomboka kua bangi bana baye, madimi a Diabulu, kukenga kua bafubi baye badi mufule, lufu lua bakuuku baye, bantu abakiengesha bangi, na kuluisha kua bipangua.​—w21.07, esak. 9-12.

Nkinyi kibolongiela ku kileshesho kia luishinko lua Yosefe?

Sunga bibadi bakuabo na Yosefe bamukiengeshe. Tabadi mutadile’shi miluisho yabo imufitshishe munda nya, bino bibadi bifuishe mpa na’shi bamudimbiile mianda ya madimi na kumuela mu lukano mu Ejypitu munda mua bipua bi bungi.​—w21.08, esak. 12.

Angai 2:6-9, 20-22 mukandu kinyi ubaadi ufundibue wa kutshinkisha kua mu kifuanyi kua miilo yoso?

Bantu bebungi bakuete kupela mukandu wa Bufumu na be bungi namu bakuete kukumina bia binyibinyi. Na kunfudilo miilo yoso ayikatshinkishibua nsaa ya bakabutudibua.​—w21.09, esak. 15-19.

Buakinyi tatuibalombene kukooka bua kukita mudimo wetu wa bulungudi?

Yehowa atalaa kuikitshikia kuetu na kunyingila kuetu, mudimo wetu wa bulungudi ausankisha Yehowa. Su tubanyingila mu mudimo wetu wa bulungudi atukapete muwa wa ikalaika.​—w21.10, esak. 25-26.

Mushindo kinyi wi malongiesha e mu Bena-Levi shapitre 19 alombene kuitukuasha bua kutumikila elango adiamba’shi: ‘Yikalayi mu mwikeelo wenu oso selele’? (1 Mp. 1:15)

Mpyele mutemune mayi e mu Bena-Levi 19:2. Bena-Levi shapitre 19 atusha mishindo i bungi ya kutumikila elango di mu 1 Mpyeele 1:15 mu nshalelo etu efuku dioso.​—w21.12, esak. 3-4.