¿Arhiantaskijtsï últimu rebistechani Aianhpiri? Exe je sintsï uaa mókuantani arini kurhamarhikuechani:

¿Ambeerichi uaa seguru jarhani enga Salmo 103:8 arhijka eska Tata Diosï Jeoba xénchpesïnga ka eska pʼamojpisïnga?

Míteskachi eska Tata Diosï Jeoba jingontku jarhasïnga parajtsïni puáchentani engachi no sési ambe újka, jimboka ima pʼamojpisïnga. Salmo 103:8 ístujtsïni arhisïndi eskajtsïni ima uékasïnga jarhuatani uékperakua jingoni. Sésichi úsïnga engachi májkueni újka eska ima (w21.01, pájina 21).

¿Andisï Tata Diosï Jeoba juramukua íntsaa máru kʼuiripuechani?

Uékperakua jimbo. Ini juramukua jimbo, Tata Diosï Jeobaeri familiarhu pínandikua jarhasïndi ka sési organisadu. Mándani familiarhu anapu enga kurhajchajka ini juramukuani, mítesti né jindeeski enga uandajka ambesï úkuarhia ka nésï ueena ísï úni (w21.02, pájina 3).

¿Andichisï jatsi para kristianuecha jingontku úraani aplikasionichani engaksï jindeeka para mensajicha?

Enga nema úraaska ini aplikasionichani, jatsiti para jingontku jámani neecha jingoni kúnguarhia. I ambe sánderu úkua jukasïndi enga nema uánikuecha jingoni jarhajka grupurhu ma para mensajicha (1 Tim. 5:13). Ístu, jamberi nema niárapirindi etsakuni imani ambe enga no seguru jaka eska meru ísï úkuarhiska ka asta para úraani erachichani para sentabu andani (w21.03, pájina 31).

¿Náki jindeeski máru ambe enga jimbo Tata Diosï jurajkupka para Jesúsi no sési nitamakuarhini ka uarhini?

Orheta, enga Jesúsi chkarirhu cháparhatanhapka, pʼímutantaaspti judiuechani paraka nóteru no sési nikuapiringia (Gal. 3:10, 13). Tsimani úni jámani, Tata Diosï Jeoba prepararixapti Jesúsini para ima Kʼéri Saserdotini. Ka tanimu úni jámani, enga Jesúsi no jurajkupka Tata Diosïni, xarhataspti eskaksï kʼuiripuecha ístu uaaka no méni jurajkuni Tata Diosïni nájkirukaksï kʼérati tsʼéjkukuechani jatsiauaka (Job 1:9-11) (w21.04, pájina 16 ka 17).

¿Ambechi uaa úni engachi no exeantauaka kʼuiripuechani imeecho?

Uaakachi ima jandora nirani aianhpini enga sánderu segurueuaka exeantani kʼuiripuechani imeecho. Ístuchi uaaka máteru lugaricha jimbo aianhpini. Ka ístu, uaakachi mámaru ambe úrani para aianhpini, komu karta uaani (w21.05, pájina 15 ka 16).

¿Ambe arhikuekaxapi apostoli Pablu enga uandapka: “Jimbokarini lei uándikuskia ka iásï ísï jarhaskani komueska uarhirini jarhani para leini jingoni”? (Gal. 2:19).

Moisésiri Lei xarhataspti eskaksï kʼuiripuecha imperfektueska ka jarhuataaspti israelitechani paraksï andarhierani Kristuni (Gal. 3:19, 24). I ambe úspti eska Pablu jiókuarhipiringa Jesúsini. Ísï jimbosï niárapti “uarhirini jarhani para lei”. Ísï jimbo, nóteru jatsisptia para úni ambe enga Lei uandeenga (w21.06, pájina 31).

¿Nénajtsïni xarhatachexaki Tata Diosï Jeoba eska tekaantstiska?

Tata Diosï Jeoba tekaantaxati engaksï imeeri nombrini no sési pakatani jaka, engaksï no jiókuarhijka imeeri juramukuani, engaksï máru imeeri uájpeecha no kurhajchajka, Satanasiri chkuanderakuechani, engaksï imeeri marhuaricha kómu nitamakuarhijka, engaksï imeeri amiguecha uarhijka, engaksï no sési úricha no sési kaajka kʼuiripuechani ka engaksï ísï kʼamajkuni jaka imani ambe enga ima kueraaka (w21.07, pájina 9 a 12).

¿Ambejtsïni jorhendasïni na enga xáni tekaantapka José?

José tekaantaspti engaksï imeeri ermanu jémbeecha no sési kámapka. Ka ini ambe jimbo, José chkuanderakua ambe jauataminhaspti ka uánikua uéxurhini ónhakata jarhaspti Ejiptu (w21.08, pájina 12).

¿Na jásï uaratakuechani uandaasïni Ageo 2:6-9, 20-22 eskaksï úkuarhipiringa?

Iretechaksï no jiókuarhisïndi Reinueri aianhperakuani, peru uánikua kʼuiripuechaksï andaparhakuerasïndi jurhimbikuarhu. No ióni jimbo, pori ísï arhini iretechaksï uaratanhantaati engaksï kʼamajkunhaaka (w21.09, pájina 15 a 19).

¿Andichisï no jatsi para kuatantani aianhpikuarhu?

Tata Diosï Jeoba exesïndi na engachi xáni jánguarhintajka ka sési pʼikuarherasïndi indeni ambe jimbo. Engachi no kuatantaska, jatsiakachi tsípikua para méntkisï (w21.10, pájina 25 ka 26).

¿Nénajtsïni jarhuatasïni Levítico 19 parachi úni ambe enga arhijka i konseju: “Pímbinhasïnta je iámindu ambe jimbo”? (1 Ped. 1:15).

Jamberi i bersikulu pʼitakata jati Levítico 19:2 jimbo. Kapitulu 19 jimbo, uánikua ejempluechani uandaasïndi na engachi uaaka úrani juchaari irekuarhu ambe enga arhijka 1 Pedru 1:15 (w21.12, pájina 3 ka 4).