Osomere kurungi magaziini ez’Omunaara gw’Omulinzi ez’omwaka gunu? Hati, rora obworaaba nosobora kugarukamu ebikaguzo ebirukuhonderaho:

Isaya 63:9 n’etugarramu eta amaani obwebazaaho ‘okugonza’ hamu ‘n’okuganyira’ kwa Yahwe?

Tukimanyire ngu Yahwe habw’okuganyira kwe atuganyira obutusobya. Isaya 63:9 n’etugumya ngu Yahwe n’agonza muno kutukonyera. Kirungi naitwe tumwegereho.​—w21.01, rup. 21.

Habwaki Yahwe yakozere entekaniza ey’okuha abamu obusobozi?

Akakora entekaniza enu habw’okugonza. Entekaniza enu ey’obusobozi esobozesa eka ya Yahwe kukorra hamu omu businge, kandi omu mulingo ogutekaniziibwe kurungi. Buli muntu omu ka anyakworobera entekaniza enu amanya noha asemeriire kukora encwamu kandi n’okwebembera omu kuzihikiriza.​—w21.02, rup. 3.

Habwaki Abakristaayo basemeriire kwegendereza obu barukuba nibakozesa puroguraamu ez’okusindika obutumwa?

Kakuba omuntu acwamu kukozesa puroguraamu nka zinu, asemeriire kukomamu kurungi abantu abarakoragana nabo. Eki kigumire kukikora omu guruupu ey’okusindika obutumwa ey’erumu abantu baingi muno. (1 Tim. 5:13) Haroho n’akabi ak’okujanjaza obutumwa obutagumiibwe ngu bw’amananu, kandi abandi bakozesa enkoragana eibaine n’ab’oruganda kwekorra sente.​—w21.03, rup. 31.

Habwaki Yesu akaba asemeriire kubonabonesebwa kandi n’okufa?

Ensonga ey’okubanza, Yesu akaba aine kuhanikwa ha muti nukwo aiheho Abayudaaya omukyeno. (Bag. 3:10, 13) Eyakabiri, Yahwe akaba n’atendeka Yesu habw’omulimo ogw’akaba nagenda kukora ogw’okuba Nyakatagara Omukuru. Kandi eyakasatu, Yesu kwikara ali mwesigwa kuhika ha kufa kikooleka ngu n’abantu nibasobora kwikara bali besigwa hali Yahwe n’obubarukuba nibaraba omu kulengwa okw’amaani. (Yob. 1:9-11)​—w21.04, rup. 16-17.

Kiki eky’osobora kukora kakuba kiba kigumire kusanga abantu omu maka gaabo?

Nosobora kulengaho kubahikirra omu bwire obubakira kuba omu maka gaabo. Nosobora kulengaho kutebeza omu kiikaro ekindi. Kandi nosobora n’okulengaho omulingo ogundi ogw’okutebeza, nk’okuhandiika amabbaruha.​—w21.05, rup. 15-16.

Omukwenda Paulo akaba namanyisa ki obuyagambire ati: “Obwebiragiro nkafa hali ebiragiro”? (Bag. 2:19)

Ebiragiro bya Musa bikakyolekera kimu ngu abantu tibahikiriire, kandi bikebembera Isaleri kuhika hali Masiya. (Bag. 3:19, 24) Kinu kikasobozesa Paulo kwikiririza omu Kristo. Omu mulingo ogu, Paulo ‘akafa hali ebiragiro’; nahabweki bikaba bitakyamwineho obusobozi.​—w21.06, rup. 31.

Yahwe atuteriireho ata ekyokurorraho eky’okugumiisiriza?

Yahwe agumisiriize ibara lye kusiigwa enziro, baingi kuhakaniza obulemi bwe, abaana be abamu kumujeemera, ebisuba bya Sitaani, kubonabona okw’abaheereza be abaarukugonza, kwahukanizibwa h’abanywani be abaafiire, abantu ababi kubonabonesa abantu abandi, kandi n’abantu kuhwerekereza ebintu ebiyahangire.​—w21.07, rup. 9-12.

Yusufu akatutereho kyokurorraho ki ekirungi eky’okugumiisiriza?

Akagumiisiriza bagenzi be obubamutwaize omu mulingo ogutali gw’obwinganiza. Ekyamurugiriremu kumuhangirra kandi n’okumusiba omu nkomo kumara emyaka nyingi omu Misiri.​—w21.08, rup. 12.

Hagai 2:6-9, 20-22 zikaranga kutengesebwa kwa mulingo ki?

Amahanga ganga kuhuliiriza amakuru g’Obukama, baitu abantu baingi bacunzirwe baija omu mananu. Omu kasumi akatali kahara nigaija kutengesebwa habw’omurundi ogw’okumalirra obugarahwerekerezebwa.​—w21.09, rup. 15-19.

Habwaki tutasemeriire kujwaha omu buheereza bwaitu?

Yahwe arora, kandi asiima habw’amaani tuteekamu. Kakuba tutajwaha, nitwija kutunga obwomeezi obutahwaho.​—w21.10, rup. 25-26.

Ebyabalevi esuura 19 n’etukonyera eta kuteeka omu nkora obuhabuzi oburukugamba ngu: “Mube abarukwera omu ngeso zona”? (1 Pet. 1:15)

Orukarra oru nirusobora kuba rwajuliziibwe kuruga omu Ebyabalevi 19:2. Esuura 19 erumu ebyokurorraho bingi ebirukwoleka nk’oku tusobora kuteeka omu nkora 1 Petero 1:15 omu bwomeezi bwaitu obwa buli kiro.​—w21.12, rup. 3-4.