Ha laytti kiyida Wochchiyo Keelaa loytta nabbabadii? Yaatikko, neeni kaallidi deˈiya oyshata zaarana danddayiyaakkonne beˈa:

Yihooway “maarotainne” “qaretai kumidoogaa” woy wozanappe siiqiyaagaa gidiyoogaa yootiya Yaaqooba 5:11 deˈiya qofay nuuni ay ammanettanaadan oottii?

Yihooway ba maarotan, nu balaa nuussi atto giyoogaa eroos. Yaaqooba 5:11 nuna I siiquwan maaddanaagaakka yootees. Nuuni A milatana koshshees.—w21.01, sinttaa 21.

Yihooway aawatettay deˈanaadan oottidoy aybissee?

Yihooway siiqoy denttettin aawatettay deˈanaadan oottiis. Aawatettay Yihoowawu ammanettida so asay issibaa maaran mankkan oottanaadan maaddees. Aawatettaara maayettiyaabaa oottiya so asay ubbay wurssettan ooni kuuyana bessiyaakko, qassi he kuuyettidabata ooni oottanaakko erees.—w21.02, sinttaa 3.

Kiristtaaneti elektiroonike miishshan kiitaa kiittiyo aplikeshiniyaa goˈettiyo wode naagettana koshshiyoy aybissee?

Issi uri kiitaa kiittiyo aplikeshiniyaa goˈettikko, I laggeta dooriyo wode naagettana koshshees. Daro asawu kiitaa kiittiyo issi citan hegee metiyaaba gidana danddayees. (1 Xim. 5:13) Qassi tumakkonne erettibeennabaa aassiyoogeenne Yihoowawu goynniyo goynuwaara gayttidabaa zalˈˈiyawu goˈettiyoogee keehi qohees.—w21.03, sinttaa 31.

Xoossay Yesuusi waayettidi hayqqanaadan paqqadido amarida gaasoti aybee?

Koyro, Yesuusi mittan kaqettidoogee Ayhudata qanggettaappe laˈa kessees. (Gal. 3:10, 13) Naaˈˈantto Yihooway Yesuusi Qeese Ubbatu Halaqaa gidanaadan loohissiis. Qassi heezzantto Yesuusi hayqqana gakkanaassi ammanettidoogee wolqqaama paacee gakkishinkka asi Yihoowawu ammanettidi deˈana danddayiyoogaa qonccissiis. (Iyy. 1:9-11)—w21.04, sinttaa 16-17.

Neeni haggaazuwan asa demmenna wodekka waatana danddayay?

Neeni asay son deˈana danddayiyo saatiyan eta demmanawu malana danddayaasa. Dumma dumma sohuwan sabbakanawukka malana danddayaasa. Qassi dabddaabbiyaa xaafiyoogaa mala dumma dumma ogetun malana danddayaasa.—w21.05, sinttaa 15-16.

Kiitettida PHawuloosi “higgiyaa baggaara higgiyaayyo haiqqaas” giido wode woyganawu koyidee? (Gal. 2:19)

Muuse Higgee asay nagaranchcha gidiyoogaa qonccissiis, qassi Israaˈeelata Kiristtoosakko kaalettiis. (Gal. 3:19, 24) Hegee PHawuloosi Kiristtoosa ammananaadan oottiis. Yaatiyoogan, PHawuloosi ‘higgiyaayyo hayqqiis’; A bolli Higgiyaayyo wolqqi baawa.—w21.06, sinttaa 31.

Gencciyoogan Yihooway nuussi waani leemiso gidii?

Yihooway ba sunttaa asay boriyoogaa, A haaruwaa daroti eqettiyoogaa, A naatuppe amaridaageeti makkaliyoogaa, Dabloosa wordduwaa, I siiqiyo ashkkarati waayettiyoogaa, A dabboti hayqqiyoogaa, iita asati harata qohiyoogaanne Xoossay medhdhido saˈaa asay mooriyoogaa gencciis.—w21.07, sinttaa 9-12.

Danddayiyoogan Yooseefi nuuyyo waani loˈˈo leemiso gidii?

Yooseefi ba ishanttuppe gakkida naaquwaa gencciis. Hegee wordduwan A mootin Gibxxen daro layttawu qashettanaadan oottiis.—w21.08, sinttaa 12.

Hagga 2:6-9, 20-22n kaseti odettida qaattay aybee?

Xoossaa Kawotetta mishiraachchuwaa kawotettati eqettikkokka, daro asay tumaa siyiis. Mata wode wurssetta qaattay qaaxxin kawotettati xayana.—w21.09, sinttaa 15-19.

Nuuni haggaazuwan hidootaa qanxxana koshshennay aybissee?

Yihooway nu baaxiyaa beˈidi ufayttees. Nuuni daafurana woy hidootaa qanxxana xayikko, merinaa deˈuwaa demmana.—w21.10, sinttaa 25-26.

‘Intte intte ooso ubban geeshsha gidite’ giya azazuwaa nuuni oosuwan peeshshanaadan Wogaabaa shemppo 19y nuna waati maaddana danddayii? (1 PHe. 1:15)

He xiqisee Wogaabaa 19:2ppe ekettennan aggenna. Koyro PHeexiroosa 1:15 nu galla galla deˈuwan waati oosuwan peeshshana danddayiyaakko yootiya daro leemisoti shemppo 19n deˈoosona.—w21.12, sinttaa 3-4.