ქორშუნა დო ვარ?
ყურადღებათ წეკითხითო თე წანაშ „გინაჯინალ კოშკიშ“ სტატიეფ? ქოძირით, მუჭო გაპასუხებენა თუდო მოჩამილ კითხვეფშა:
მუჭო მარწმუნენა იაკობიშ 5:11, ნამდა იეჰოვა გიმირჩქინანს „სათუთ გრძნობეფს“ დო „მოჭყოლოფე“ რე?
ჩქი მიჩქნა, ნამდა ართ-ართ მხარე, მუდგათ იეჰოვა ჩქინ მიმართ ჭყოლოფას გიმირჩქინანს, შეცდომეფიშ პატიება რე. იაკობიშ 5:11 თიშა ხოლო მარწმუნენა, ნამდა ღორონთ ჸოროფათ მოხვარნა. ჯგირ იჸუაფ, ქიმვაჸუნათ თიშ მაგალითის —w21.01, გვ. 21.
მუშენ გიონწყუ იეჰოვაქ მეთაურობაშ პრინციპ?
იეჰოვაქ თენა ჸოროფაშ გურშენ აკეთ. მეთაურობაშ პრინციპ ხეს უნწყუნს, ნამდა იეჰოვაშ ოჯახის რდას მშვიდობა დო წესრიგ. ოჯახიშ თითოულ წევრ, მით ღორონთიშ მეთაურობაშ პრინციპის ომორჩილ, უჩქ, მიქ ოკო მიღას საბოლა გადაწყვეტილება დო მიქ იდუდას თიშ შესრულება —w21.02, გვ. 3.
მუშენ ოკო გიმირჩქინან სიფრთხილე ქრისტიანეფქ შეტყობინებეფიშ ელექტრონულ აპლიკაციეფიშ გიმორნაფაშ დროს?
პიროვნება თეცალ აპლიკაციაშ გიმორნაფას გეგნოჭყვიდუნს-და, ოკო ქიდეკვირას მიწკუმა აღვენუ ურთიერთობა. თენა უმოს ძნელ ოკეთებელ რე, მუჟამსით საქმე ოხუ შეტყობინებეფიშ დიდ ჯგუფეფს გაწევრიანებას (1 ტიმ. 5:13). თეს გეძინელ, არსებენს დაუდასტურებელ ინფორმაციაშ გავრცელებაშ დო და დო ჯიმალეფიშ კომერციულ მიზნეფშო გიმორნაფაშ საფრთხე —w21.03, გვ. 31.
მუშენ დუშვჷ იეჰოვაქ იესოშ ტანჯება დო ღურა?
პირველ მიზეზ თინა რე, ნამდა იესოშ ძელს მიკოჭკადუათ შეიოლებერქ იჸუ იუდეველეფიშ ჭყალაშე გათავისფალებაქ (გალ. 3:10, 13). მაჟია, იეჰოვა ამზადენდჷ იესოს მომავალ პასუხიშმგებლობაშო, ნამდა ჩქინ მღვდელმთავარ ჸოფედკო. დო მასმა, იესოშ ართგურო ღურაქ დამტკიც, ნამდა, სასტიკ გამოცდეფიშ უმკუჯინუო, ადამიანეფს შეულებნა ვადინუან ართგურობა (იობ. 1:9—11) —w21.04, გვ. 16, 17.
მუშ კეთება შეილებნა, მუჟამსით თქვან ტერიტორიას მსახურებაშ დროს ხალხიშ ძირაფა ძნელ რე?
ქეცადით, თიცალ დროს ქიმიაკითხუათ ხალხის, მუჟამსით შილებე უმოსო რდან ჸუდეს. თეს გეძინელ, იქადაგით შხვადოშხვა ადგილს დო გეგმირინეთ შხვადოშხვა მეთოდ, მაგალთო, წერილიშ ჭარუა —w21.05, გვ. 15, 16.
მუს გულისხმენდჷ მოციქულ პავლე, მუჟამსით თქუ: „კანონიშ საშვალებათ დობღურ კანონშო“? (გალ. 2:19).
მოსეშ კანონქ გეგმაარგამ ადამიანეფიშ არასრულყოფილება დო ქრისტეშახ ქიმიჸონ ისრაელ (გალ. 3:19, 24). კანონქ საშვალება ქიმეჩ პავლეს, ქიმერთკო ქრისტეშა. შედეგო, თიქ „დოღურ კანონშო“. თაშ ნამდა, პავლეწკუმა კანონს უკვე ვა უღუდ ძალაუფლება —w21.06, გვ. 31.
მოთვინებაშ მუ მაგალითის მარზენა იეჰოვა?
იეჰოვა ითვინენს მუშ სახელიშ შეურაცხყოფას, მუშ უზენაესობაშ წინააღმდეგ ულას, მუშ სქუალეფშე ნამთინეშ აბუნტებას, ეშმაკიშ ტყურეფს, ძვირფას მსახურეფიშ ტანჯებას, თი მეგობრეფიშ მონატრებას, მით ღურელ რე, ადამიანიშ ზნეობრივ ნორმეფიშ უმოსო გაუფრაშებას დო მუშ გუნაჭყეფუეფიშ განადგურებას —w21.07, გვ. 9—12.
მოთვინებაშ მუ ჯგირ მაგალით დომტეს იოსებიქ?
იოსებიქ უსამართლობას მუშ ჯიმალეფშე შეხვად, მუდგას ტყურაშ ეკოწამებაქ დო ციხეს ბრელ წანათ დოხუნაფაქ ქუმაჸუნ —w21.08, გვ. 12.
მუ რე ანგიაშ 2:6—9, 20—22-ს ნაწინასწარმეტყველებ სიმბოლურ დოზარზალაფა?
ერეფ ვა ღებულენა სამეფოშ ცნობას, მარა ბრელ ადამიან ჭეშმარიტებაშ მხარეს გედირთუ. მალას ერეფიშ ბოლო დოზარზალაფაშ დროს თინეფ საბოლათ გენადგურებნა —w21.09, გვ. 15—19.
მუშენ ოკო ვემვოტუათ ქადაგება, მუჟამსით შედეგის ვა ვორწყეთ?
იეჰოვა ოკვირ ჩქინ მონდომას დო ჩქინ მსახურებას იწონუანს. გურ ვემიოლნა დო ქადაგებას მოთვინებათ გუვაგრძელენთ-და, მარადიულ სიცოცხლეს მიბღენთ —w21.10, გვ. 25, 26.
მუჭო მოხვარნა ლევიანეფიშ მა-19 დუდ, მივაჸუნათ რჩევას: „ირნერ საქციელს წმინდეფ რდათ“? (1 პეტ. 1:15).
მუჭოთ იძირენ თე მუხლის ციტირებულ რე ლევიანეფიშ 19:2. მა-19 დუდშე იძირე ბრელნერ მხარე, მუჭო გიმიბრინუათ ირდღაშიან ცხოვრებას 1 პეტრეშ 1:15 —w21.12, გვ. 3, 4.
