Watwero Jwayo Cwiny me Adage!
Tika dong iwinyo lit pa tim me adage ma ngat mukene otimo i komi?
Ka pe, ci gwok nyo ineno ka kinyuto adegadega i kom jo mukene. Lok angeya opong ki lok i kom tim me adage ma kinyuto i kom jo me rok nyo lobe mukene, nyo bot co ma gibuto ki co nyo mon ma gibuto ki mon wadgi. Pi meno, gamente mapol gitye ka katti ki cik manyen mapatpat ma gengo dano ki nyuto cwiny me adage.
Ngat ma kidago pol kare dongo cwiny me dago jo mukene. Jo ma giwinyo ni kidaggi, pol kare gibedo ki miti me culo wange dok man weko tim me adage medde ameda.
Romo bedo ni, in dong ikato ki i tim me adage calo apokapoka me kaka, yet, ki bwura. Ento tim me adage kinyuto i yo makato magi. Tim me adage pol kare o wa i lweny, balo jami, keto ret i kom dano, buto ki mon tektek, nek, nyo bene nek lumuku.
Magajin man bigamo lapeny magi ma kiryeyogi piny kany kun nyuto kit ma kitwero jwayo kwede tim me adage:
Pingo tim me adage tye mapol i lobo-ni?
Kitwero juko medde pa tim me adage i lobo-ni nining?
Tika twere me giko tim me adage matwal i lobo ducu?
Itwero Bedo ki Miti i kom Lok Man
WI LUBELE
Lobo ma Apokapoka pe Iye—Bibino Awene?
Jami mutimme i kwo pa dano ma gia ki i rok kacel ki lobe mapat pat nyuto ni Baibul okonyogi me lweny ki adage. Kibikwanyo apokapoka matwal awene?
PWONY MA PIGI TEGO ME BAIBUL
Pingo Lubanga Oweko ni Dano Oden Can?
Baibul miyo lagam ma kweyo cwinywa.
