Inas jan uñisipjjerïkstamti, ukampis mayninakar uñisirjja uñjirïpachätawa. Jaqenakajja yaqha kasta jañchinïpki, yaqha markat jutirïpki jan ukajj chacha pura warmi pura sarnaqapki ukanakarojj uñisipjjewa, uk noticianakan istʼirïpachätawa. Ukatwa gobiernonakajj uñisisiñanak jan utj-jjañapatakejj leyinak apsupjje.

Uñisiñajja jukʼamp uñisiñwa utjayi, uñisita uñjasipki ukanakajj mayninakat vengasipjjewa, ukhamatwa uñisiñajj jukʼamp utjaskaki.

Inas jumajj uñisita, yaqhachata, jiskʼachata, jan wali arunakampi toqjata, ajjsarayata uñjasirïsta. Ukampis uñisiñajja, jukʼamp jan waliruw api, sañäni, uñisiñatjja jaqenakajj mayniruw nuwjapjje, violapjje, jiwayapjje kunawa, ukat yaqha ukhamanakwa lurapjje.

Aka revistajja, kunjamsa uñisiñarojj atipjasispa uka toqetwa qhanañchaskani, aka jisktʼanakaruw qhanañcharakini:

• ¿Kunatsa uñisisiñajj utjpacha?

• ¿Kunjamsa uñisisiñarojj atipjasispa?

• ¿Uñisisiñajj wiñayatak chhaqtjjpachäniti?