Wan nich, hast du veleicht doavon jehieet. En de Norechten hieet eena foaken, daut Menschen jehaust woaren, wäajen dee von eene jewesse Sort Menschen sent, von een jewesset Launt komen ooda wäajen dee met soone von dautselwje Jeschlajcht toopläwen. Doawäajen haben väle Rejierungen Jesazen oppjestalt, waut Vebräakjen bestrofen, waut ut Hauss begonen woaren.

Menschen haussen foaken aundre, wiels an selfst uk jehaust woat. Un wan dee sikj dan aufrajchnen, veuasoakt daut noch mea Hauss.

Veleicht hast du daut mol beläft, daut se die tosied schuwen, vespotten, veachten ooda sajen, se wellen die waut aundoonen. Oba met Hauss kaun daut mau rajcht soo oajch woaren, daut Menschen soone Sachen doonen aus domm to eenem sennen, eenem siene Sachen schoden, eenem aunjriepen, vejewaultjen, ombrinjen ooda soogoa gaunze Velkja utroden.

En disen Woaktorm woat jewäsen, woo eena dän Hauss jewennen kaun, un doatoo woaren dise Froagen beauntwuat:

• Wuarom jeft daut soo väl Hauss?

• Woo kaun eena dän Hauss äwakomen?

• Woat dän Hauss jeemols äwatsied jeschauft woaren?