KON PAANO MATAPOS ANG WALA UNTAT NGA PAGDUMTANAY
1 | Indi Magpasulabi
Panudlo sang Biblia:
“Ang Dios wala sing ginapasulabi, apang sa tagsa ka pungsod, nahamuot sia sa [kada isa] nga nagakahadlok sa iya kag nagahimo sing matarong.”—BINUHATAN 10:34, 35.
Ang Buot Silingon:
Wala kita ginahukman ni Jehova * nga Dios base sa aton pungsod, rasa, kolor sang panit, ukon kultura. Kundi nagapokus sia sa kon ano gid ang ara sa sulod naton ukon sa kon ano gid kita nga klase sang tawo. Ang Biblia nagsiling man nga “ang tawo nagatan-aw sa makita sang mata, apang si Jehova nagatan-aw sa tagipusuon.”—1 Samuel 16:7.
Ang Puede Mo Himuon:
Bisan pa indi naton mabal-an kon ano gid ang ara sa tagipusuon sang iban nga tawo, puede naton tinguhaan nga ilugon ang Dios kag indi magpasulabi sa iban. Tinguhai nga makilala ang isa kon sin-o gid sia, imbes nga magbase lang sa iya ginhalinan nga pungsod ukon rasa. Kon mabatyagan mo nga may kaugot ka sa iban, halimbawa sa iban nga lain sing rasa ukon pungsod, mangamuyo sa Dios nga buligan ka nga madula ina nga balatyagon. (Salmo 139:23, 24) Kon sinsero ka nga mangabay kay Jehova nga hatagan ka sing kusog nga indi magpasulabi, makasigurado ka nga pamatian niya ang imo pangamuyo kag buligan ka.—1 Pedro 3:12.
^ par. 6 Si Jehova ang ngalan sang Dios.—Salmo 83:18.
“Wala pa gid ako makaupod sa isa ka puti nga tawo . . . Karon, nangin bahin na ako sang matuod nga internasyonal nga paghiliutod.”—TITUS
Basi Manamian Ka Man
ANG LALANTAWAN
Si Jehova “Wala sing Ginapasulabi”
Ang Dios nagapamati sa pangamuyo sang iya mga sumilimba bisan ano man ang ila rasa, nasyonalidad, ukon tindog sa komunidad. Paano naton ina nahibaluan?
MAGMATA!
Ano ang Ginasiling sang Biblia Parte sa Diskriminasyon sa Rasa?
Alalangay lang bala kita? Madula pa ayhan ang diskriminasyon sa rasa?
MAGMATA!
Diskriminasyon—Nagabatyag Ka Man Bala Sini?
Ano ang indi hilmunon nga mga tanda nga nagapakita nga mahimo may diskriminasyon kita?
