Radiopim, televisionpim, internetpim uyarinchik runakunaqa chiqninakusqankurayku tukuy mana allinkunata ruwanakusqankumanta. Chaymantapas, wakin runakunaqa chiqnikuy hinalla kananpaqmi internetpi pitapas utaq maylawmanta kaqkunatapas chiqnisqankuta qillqanku. Chaywanmi hukkunata kallpanchanku chiqninankupaq. Chaymi wakinqa huklawmanta runakunataqa chiqninku, asipayanku, kaminku, maqanku. Runakunaqa chiqnikuqllañam kanku

Kay qillqapim yachachiwachkanchik chiqnikuq kayninchikta saqinapaq ima yanapawasqanchikmanta. Kunan tiempopipas achka runakunam bibliapi yachachikuykunata kasukuspanku hawkaña kawsakuchkanku.