1-2. Utoq­qaaner­taq siun­nersuineq pil­lugu qanoq ilik­kagaqarsimava?

 UKIOR­PAS­SUIT matuma siorna utoq­qaaner­tat marluk qatan­ngut arnaq sivisulaar­tumik ataatsimiigiarsiman­ngitsoq pulaar­paat. Utoq­qaaner­tat aap­paata ataatsimiigiar­tar­nis­satta pingaaruteqar­nera pil­lugu allas­simaf­fiit arlal­lit atuar­pai. Isumaqaraluar­poq pulaar­ner­tik iluatsit­toq. Anilermatali qatan­ngut arnaq ima oqar­poq: “Pis­sutsit atuk­kakka nalul­luin­nar­pasi.” Utoq­qaaner­tat qatan­ngutip arnap ajor­nar­torsiutai atugaalu paasiniaq­qaar­nagit siun­nersuisimap­put. Taamaat­tumik qatan­ngut arnaq misigivoq siun­nersuutit iluaqutigisin­naanagit.

² Kingumut qiviarluni utoq­qaaner­taq allas­simaf­fin­nik atuarsimasoq ima oqalut­tuar­poq: “Taamanik­kut isumaqar­punga qatan­ngutip arnap taas­suma ataq­qin­ngik­kaatigut. Eqqarsaatigil­lualerak­kuli paasiler­para allas­simaf­fiit naleq­qut­tut takutik­kaluarlugit apeq­qutit naleq­qut­tut apeq­qutigisimanagit, soorlu imaat­tut: ‘Inuuninni susoqar­pa?’ ‘Qanoq ikiorsin­naavak­kit?’” Utoq­qaaner­tap misigisani pingaarutilim­mik ilin­niutigaa. Maanna paarsisuuvoq misigin­neqataal­lunilu ikiuiumatooq.

3. Ilagiin­niit­tut kik­kut siun­nersuisar­pat?

 ³ Utoq­qaaner­tat paarsisuugamik pisariaqaraangat siun­nersuinis­saq akisus­saaf­figaat. Ilaan­nik­kulli aamma ilagiin­niit­tut allat siun­nersuisin­naasar­put. Assersuutigalugu qatan­ngut angut arnarluun­niit ikin­ngutiminut Biibilimik tun­ngavilim­mik siun­nersuisin­naavoq. (Tuss 141:5; Uss 25:12) Imaluun­niit qatan­ngutip arnap utoq­qaanerusup Tit­tusi 2:3-5 allas­simasut naaper­torlugit ‘arnat inuusun­nerusut siun­nersorsin­naavai’.  Soorunami aamma angajoq­qaat meeq­qatik siun­nersor­tariaqar­tarlugillu naq­qit­tariaqar­tar­paat. Taamaat­tumik allaaserisami matumani ilagiinni utoq­qaaner­tat pineqar­nerugaluar­tut tamatta atoriaan­naasunik, kajumis­sinar­tunik ‘nuan­naarutaasunil­lu’ siun­nersuinis­samut allaaserisaq manna iluaqutigisin­naavar­put. – Uss 27:9, Testamentitoqaq.

4. Allaaserisami matumani suut sam­mis­savagut?

⁴ Allaaserisami matumani siun­nersuineq pil­lugu apeq­qutit sisamat sam­mis­savagut: (1) Suna kajumis­sis­sutigalugu siun­nersuisoqas­sava? (2) Siun­nersuineq ilumut pisariaqar­pa? (3) Kina siun­nersuis­sava? (4) Qanoq siun­nersuil­luarsin­naavugut?

5. Utoq­qaaner­taq asan­nin­neq tun­ngavigalugu siun­nersuip­pat sooq siun­nersuutaa akueriuminar­nerus­sava? (Korintimiunut 1. 13:4, 7)

⁵ Utoq­qaaner­tat uppeqatitik asavaat. Ilaan­nik­kut navianar­torsioq­qajaasumik siun­nersuinermik­kut asan­nin­ner­tik ersersit­tar­paat. (Gal 6:1) Oqaloqatigin­ngin­neranili utoq­qaaner­tap apustilip Paulusip allaatigisimasai eqqarsaatigisariaqar­pai. “Asan­nin­neq naam­magit­tar­tuuvoq inus­siar­nersuul­lunilu. … Suut tamaasa naam­magalugit ator­tar­pai, upperisar­pai neriuutigisar­pai piner­tusaar­tuarlunilu.” (Korintimiunut 1. 13:4, 7 atuakkit). Utoq­qaaner­tap allas­simaf­fiit taakku eqqarsaatigeq­qis­saarunigit asan­nin­neq tun­ngavigalugu siun­nersuinis­sani qulak­kiis­savaa. Siun­nersor­neqar­tup utoq­qaaner­tamit asaneqar­nini misigiguniuk siun­nersuut akueriuminar­tin­nerus­savaa. – Rom 12:10.

6. Apustili Paulusi qanoq maligas­saal­luarpa?

⁶ Apustili Paulusi utoq­qaaner­tanut maligas­saal­luar­poq. Assersuutigalugu qatan­ngutit Tes­saluunikamiut siun­nersor­neqar­nis­samik pisariaqar­titsigaangata siun­nersor­tar­pai. Taak­kunun­ngali allak­kamini aalajaal­lutik asan­nil­lutillu kif­far­tor­nerat piner­tusaar­nerallu allaatigeq­qaar­pai. Aamma pis­sutsit atugaat eqqarsaatigalugit allaf­figai nalunagu inuunerat imaan­naan­ngitsuusoq malersugaanermin­nilu piner­tusaar­tut. (Tes 1. 1:3; Tes 2. 1:4) Allaat kristumiunut allanut maligas­saal­luar­nerar­pai. (Tes 1. 1:8, 9) Paulusimit nersualaar­neqar­ner­tik nuan­naarutigisimas­saqaat! Paulusip uppeqatiminik asan­nin­nera ersareqaaq. Asan­nin­nini pis­sutigalugu Tes­saluunikamiunut allak­kamini marlunni siun­nersuil­luarsin­naavoq. – Tes 1. 4:1, 3-5, 11; Tes 2. 3:11, 12.

7. Sooq ilaasa siun­nersor­neqar­ner­tik akueriuminaatsis­sin­naavaat?

⁷ Siun­nersueriaaser­put asan­nip­palun­ngip­pat susoqarsin­naava? Utoq­qaaner­taq misilit­tagaqarluar­toq ima oqar­poq: “Siun­nersuut ajun­ngik­kaluar­toq siun­nersueriaaseq asan­nip­palun­ngik­kaangat ilaasa siun­nersor­neqar­ner­tik akueriuminaatsit­tar­paat.” Tamanna qanoq ilin­niarfigaar­put? Uumisun­neq tun­ngaviginagu asan­nin­nerli tun­ngavigalugu siun­nersuisoqaraangat siun­nersuut akueriuminar­nerusar­poq.

8. Utoq­qaaner­tap siun­nersuin­ngin­nermini suut eqqarsaatigeq­qaar­tus­saavai?

⁸ Utoq­qaaner­tat siun­nersuiniapal­lat­tas­san­ngil­lat. Utoq­qaaner­tap siun­nersuin­ngin­nermini apeq­qutit uku eqqarsaatigeq­qaar­tariaqar­pai: ‘Ilumut oqaaseqar­tariaqar­punga? Siun­nersorusutama iliuusia ilumut eqqun­ngitsulior­nerua? Biibilimi inas­sut unioq­qutin­neqar­pa? Imaluun­niit uanga iliuusererusutan­nit allaanerusumik iliuuseqaan­nar­pa?’ Utoq­qaaner­tat silatusaar­tut eqqarsaq­qaarlutik  oqalut­tar­put. (Uss 29:20) Utoq­qaaner­tap siun­nersuis­sanerluni nalor­nis­sutigiguniuk utoq­qaaner­taqatini aperisin­naavaa aamma isumaqar­nersoq eqqun­ngitsulior­toqarsimasoq. – Tim 2. 3:16, 17.

9. Atisalersoriaatsimut isik­koris­sariaatsimullu tun­ngatil­lugu siun­nersuineq pil­lugu Paulusi qanoq ilin­niarfigaar­put? (Timuutiusimut 1. 2:9, 10)

⁹ Assersuuteqariarta. Utoq­qaaner­tap immaqa uppeqatimi atisalersoriaasia isik­koris­sariaasialuun­niit isumaaluutigaa. Utoq­qaaner­taq imminut ima aperisin­naavoq: ‘Siun­nersuinis­san­nut Biibilimi tun­ngavis­saqar­pa?’ Nam­mineq isum­mani tutsuigerusun­ngin­namiuk utoq­qaaner­taqatini oqaluus­sisar­torluun­niit naliliil­luarsin­naasoq isumasiorsin­naavaa. Marluul­lutik atisalersor­nermut isik­koris­sar­nermullu Paulusip siun­nersuutai atuarsin­naavaat. (Timuutiusimut 1. 2:9, 10 atuakkit). Paulusi ilaatigut allap­poq kristumiu isor­naatsunik naleq­qut­tumillu atisalersoriaaseqas­sasoq. Qanor­piarli atisaqas­sanersoq pil­lugu malit­tarisas­siun­ngilaq. Nalun­ngilaa Biibilimi inas­sutit unioq­qutin­neqan­ngik­kaangata kristumiup qanoq atisalersoriaaseqas­sanerluni nam­mineq aalajangersin­naagaa. Taamaat­tumik utoq­qaaner­tap siun­nersuis­sanerluni aalajanger­nialeruni eqqarsaatigisariaqar­paa inuup pineqar­tup aalajangiisar­neri maniguun­nermik naliliil­luarsin­naanermillu ersersitsisar­nersut.

10. Allat aalajangiineran­nik ataq­qin­nik­kumal­luta suna eqqaamas­savar­put?

¹⁰ Kristumiut inersimal­luar­tut marluk aalajangiineri assigiin­ngik­kaluar­tut tamarmik ajun­ngis­sin­naanerisa eqqaamanis­saa pingaaruteqar­poq. Suup eqqor­tuuneranik suullu eqqun­ngitsuuneranik nam­mineq isumar­put allanut ator­tin­nias­san­ngilar­put. – Rom 14:10.

11-12. Siun­nersuinis­saq pisariaqar­pat utoq­qaaner­tap apeq­qutit suut eqqarsaatigisariaqar­pai, aamma sooq?

¹¹ Siun­nersuinis­saq pisariaqar­pat una apeq­qutaaler­poq: Kina siun­nersuis­sava? Utoq­qaaner­tap qatan­ngum­mik arnamik aap­palim­mik meeq­qamil­luun­niit siun­nersuin­ngin­nermini ilaqutariinni ittuusoq oqaloqatigeq­qaas­savaa, imaas­sin­naavormi ittuusoq nam­mineq siun­nersuerusus­sasoq. * Imaas­sin­naavorluun­niit utoq­qaaner­taq siun­nersuiler­pat ilaqutariinni ittuusoq najuuk­kusut­toq.  Im­mik­koor­tullu pingajuan­ni eqqaaneqareersutut qatan­ngut arnaq inuusut­toq siun­nersor­neqar­tariaqas­sap­pat immaqa pitsaanerus­saaq qatan­ngum­mit arnamit utoq­qaanerusumit siun­nersor­neqar­pat.

¹² Utoq­qaaner­tap aamma una eqqarsaatigisariaqar­paa: ‘Suna pitsaanerus­sava? Uanga  imaluun­niit alla siun­nersuip­pat?’ Assersuutigalugu imminut naleqan­ngitsutut isigisar­tup utoq­qaaner­tamit aamma taamatut misigisarsimasumit siun­nersor­neqaruni akueriuminar­tin­nerus­sagunar­paa. Utoq­qaaner­tarmi taanna misigin­neqataanerusin­naam­mat siun­nersuutai tigujuminar­nerus­sap­put. Utoq­qaaner­talli tamarmik uppeqatimi qiim­mas­sar­nis­saat Biibilimullu naaper­tuut­tumik allan­nguinis­samut kajumis­saar­nis­saat akisus­saaf­figaat. Taamaat­tumik pineqar­tup siun­nersor­neqar­nis­saa pingaaruteqar­neruvoq, utoq­qaaner­taq siun­nersuisoq assingusumik misigisaqarsiman­ngik­kaluar­pal­luun­niit.

13-14. Sooq utoq­qaaner­taq tusar­naaq­qaar­tariaqarpa?

¹³ Tusarnaariaan­naagit. Utoq­qaaner­tap siun­nersuinis­saminut piareersar­nermini uku eqqarsaatigisariaqar­pai: ‘Qatan­ngutiga inuunermini qanoq nalaataqar­pa? Ilisiman­ngisan­nik ajor­nar­torsiuteqar­pa? Maanna suna pisariaqar­tin­ner­paavaa?’

¹⁴ Siun­nersuiniar­tut najoq­qutas­siaq Jaaku 1:19-imiit­toq atorluarsin­naavaat. Ima allas­simavoq: “Kinaluun­niit tusaaniapal­lat­tas­saaq, oqalun­niapal­lat­tas­san­ngilaq kamajasuujus­sananilu.” Utoq­qaaner­taq isumaqarsin­naavoq pisimasut tamaasa ilisimal­lugit, ilumulli taamaap­pa? Ussatit 18:13-imi ima eqqaasin­neqar­pugut: “Oqaaserineqar­tut naalaarluaq­qaar­nagit akis­suteqar­neq sianiitsor­pal­lan­neruvoq kan­ngunarsaataal­lunilu.” Pitsaanerus­saaq pisimasut pil­lugit pineqar­toq aperigaanni. Taamaat­tumik utoq­qaaner­taq oqalulin­ngin­nermini tusar­naaq­qaar­tariaqar­poq. Eqqaamajuk utoq­qaaner­tap allaaserisap matuma aal­laq­qaataani issuar­neqar­tup suna ilik­karsimagaa. Paasivaa piareersak­kani aal­lar­niutiginagit qatan­ngut arnaq ilaatigut ima apereq­qaar­tus­saagaluarlugu: “Inuuninni susoqar­pa?” “Qanoq ikiorsin­naavak­kit?” Utoq­qaaner­tat pisimasut paasiniaq­qaarunik­kit uppeqatitik qiim­mas­sar­nerusin­naal­lugillu ikior­nerusin­naavaat.

15. Utoq­qaaner­tat Ussatit 27:23 qanoq maleruarsin­naavaat?

¹⁵ Ilagiin­niit­tut ilisarisimalluak­kit. Allaaserisap aal­laq­qaataani eqqaaneqar­tutut siun­nersuil­luas­sagaanni allas­simaf­fin­nik atuaanis­saq siun­nersuuteqar­nis­sarlu naam­man­ngil­lat. Qatan­ngutigulli misigitit­tariaqar­pagut uagutsin­nit asaneqar­tut, paasineqar­tut ikior­neqariaan­naasullu. (Ussatit 27:23 atuaruk). Utoq­qaaner­tat uppeqatimin­nut ikin­ngutaal­luarumal­lutik sapin­ngisamin­nik iliuuseqar­tariaqar­put.

16. Utoq­qaaner­tat siun­nersuil­luar­nis­samin­nut suna iluaqutigis­savaat?

¹⁶ Utoq­qaaner­tat uppeqatitik isumaqalersik­kusun­ngilaat aatsaat siun­nersor­neqar­tariaqaraangata oqaloqatigerusul­lugit. Inut­tulli soqutigigamik­kit oqaloqatigikulasar­paat, aamma ajor­nar­torsior­neranni. Utoq­qaaner­taq  misilit­tagaqarluar­toq ima oqar­poq: “Taamaalior­taruit ikin­ngutigil­lualis­savatit. Taava siun­nersuisariaqaruit taamaalior­nis­saq ajor­nan­ngin­nerungaas­saaq.” Siun­nersor­neqar­tullu siun­nersuut akueriuminar­tin­nerus­savaa.

17. Utoq­qaaner­taq ingam­mik qaquguk­kut utaq­qisin­naas­suseqarlunilu inus­siar­nersuusariaqar­pa?

¹⁷ Utaqqisin­naas­suseqarlutillu inus­siarnersuugit. Siun­nersuut Biibilimik tun­ngavilik ingerlaan­naq akuerineqan­ngip­pat siun­nersuisoq utaq­qisin­naas­suseqarlunilu inus­siar­nersuusariaqar­poq. Siun­nersuutini ingerlaan­naq maleruar­neqan­ngip­pat utoq­qaaner­taq uumitsan­naveersaar­tariaqar­poq. Jiisusi ima allaatigineqar­toq ilaar­tariaqar­paa: “Ivigarsuaq napingajas­simasoq napivis­san­ngilaa iperarlu qamilerluni aamaar­toq qamis­sanagu.” (Mat 12:20) Kisimiil­luni qinunermini utoq­qaaner­tap siun­nersuk­kani pil­luaq­qoq­qul­lugu, siun­nersuutip tun­ngavianik paasin­nis­sin­naaq­qul­lugu aamma siun­nersuutinik maleruaasin­naaq­qul­lugu Jehovamut qin­nus­sin­naavaa. Siun­nersor­neqar­toq siun­nersuutip eqqarsaatiginis­saanut pif­fis­saqar­tariaqar­poq. Utoq­qaaner­taq utaq­qisin­naas­suseqarlunilu inus­siar­nersuup­pat siun­nersor­neqar­tup siun­nersueriaaseq eqqarsaatigival­laar­nagu siun­nersuut akueriuminar­tin­nerus­savaa. Soorunami siun­nersuutit tamatigut Guutip oqaasianik tun­ngaveqar­tariaqar­put.

18. (a) Siun­nersuinitsinni suna eqqaamasariaqar­par­put? (b) Ungalusami assimi takutin­neqar­tutut angajoq­qaat suna eqqar­tor­paat?

¹⁸ Kukkus­sutigisatit ilin­niarfigik­kit. Naam­mal­luin­nan­ngitsuugatta allaaserisami matumani siun­nersuutit maleruaq­qis­saarsin­naan­ngilagut. (Jaak 3:2) Kuk­kugaangat­tali kuk­kuner­put ilin­niarfiginiar­tariaqar­par­put. Uppeqatitta uagutsin­nit asaneqarlutik malugisin­naagunikku oqaatsik­kut iliuutsik­kul­luun­niit ajual­latsit­toorsimagutsigit isumak­keerfigeriaan­naanerus­savaatigut. – Aamma takuuk ungalusaq “ Angajoq­qaat eqqumaf­figisas­saat”.

19. Siun­nersuutigut qanoq nuan­naarutaasin­naap­pat?

¹⁹ Sam­meriik­katsitut siun­nersuil­luar­nis­saq imaan­naan­ngitsuuvoq. Naam­mal­luin­nan­ngitsuuvugut, siun­nersuk­kagullu aamma naam­mal­luin­nan­ngitsuup­put. Allaaserisami matumani sam­misagut uku eqqaamajuak­kit: Asan­nin­neq tun­ngavigalugu siun­nersuisarit. Aamma siun­nersuinis­saq ilumut pisariaqar­nersoq kinalu siun­nersuis­sanersoq eqqarsaatigiuk. Siun­nersuin­ngin­ninni inuk pineqar­toq ajor­nar­torsiutaa paasil­luarumal­lugu aperisarlugulu tusar­naaq­qis­saar­taruk. Qanoq eqqarsar­nersoq paasiniar­taruk. Inus­siar­nersuul­lutillu uppeqatitit ikin­ngutigil­lualer­niak­kit. Suna anguniar­nerlugu eqqaamajuaruk: Siun­nersuil­luarusul­lutalu siun­nersuutigut nuan­naarutaatik­kusup­pagut. – Uss 27:9.