1-2. Mogageru ye mongwana o tšhutiye ying ga taba ya go wolola ba bangwana?

MENGWAGA ya go fela bagolo ka babedi ba yye ba vakašela mogageru wa mosadi wa gore ke botala a sa tle megahlanong. Mogolo ye ne a bolabola naye o yye a mo šupetsa mangwalo ya go tlalanyana ka Bhayibeleng ya gore ma bolabola ka taba ya go sa lofe megahlanong. Ne a tiputsiye gore dilo di sipidiye gabutši mara mo yene le ye a sepelang naye ba tloga mogageru wa mosadi o yitseri, “Lune magageru a le di tšibi tso nna ke gahlanang natso.” Magageru yane ma f’lo lla go gelepa mogageru yene wa mosadi ma sa mmutsisa gore o ghulana le tsa mošaga mang. Ka taba la tsotsone o f’lo kwa nkare le mola ba sa tla.

² Mogolo ye ne go bolabola yene mo a gopola tsa ku nthago o yitseri: “Ka nako yonone ke yye ka fo tseya gore mogageru yene wa mosadi wa dhelela. Mara mo šele ke di nagana gabutši ke di bonne gore ke f’lo ya ke mo kgotolela mangwalo ya gore wona ke ya gabutši mara ke sa nagana ka diputsiso tsa mošaga wowa, ‘Dilo di sepela byang?’ ‘Re ka gelepa kaye?’” Mogolo yene o tšhutiye se sengwana ga taba yone. Gana byalo ke wa go disa wa gabutši fote tsa go kwelana go baba o di yetisa mahlong.

3. Ka phutegong ke bomang ba gore ba ka wolola ba bangwana?

 ³ Bagolo ka taba la gore ke bona bo ba disang, ba na le mmereko wa go wolola ba bangwana mo di nyakega. Mara a yi bona ba le ntoši ba gore ba ka wolola ba bangwana ka ho phutegong. Mo re beyisa, mogageru kela mogageru wa mosadi di ka nyaka a yeletsa monghanage a berekisa Bhayibele. (Pis. 141:5; Diy. 25:12) Kela mogageru wa mosadi wa gore o šele a gudiye a ka “yetetsa  basadi bo ba banyana” ga ditaba tso di hlayang ke Tito 2:3-5. Fote ke nnete gore babelegi di nayaka ba dula ba wolola bana ba bona. Le mo yi le gore hlogotaba yowa yi bolabola le bagolo ka phutegong, ka mokana ga rune yi ka re gelepa go lebelela mekgwa ya gabutši ya go wolola yo re ka yi berekisang ya gore yi tšhofa motho gore a make se sengwana fote yi “jabodisa pelo.”—Diy. 27:9.

4. Re nyoko petapeta ka ying ga hlogotaba yowa?

⁴ Ga hlogotaba yowa, re nyoko petapeta ka diputsiso ka dine ga taba ya go wolola: (1) O tšhofa king? (2) Ayitsano di nyaka o mo wolola? (3) Ke bomang bo ba tshwaneleng go wolola ba bangwana? (4) O ka maka byang gore o wolole ba bangwana gabutši?

5. Ke ntaba di ka ba lula gore batho ba yamogele mo mogolo a ba wolola a kene a šupetsa gore o ba nyaka ka matla? (1 Makorente 13:4, 7)

⁵ Bagolo ba ma nyaka ka matla magageru. Ka dinako tse dingwana tsotsone ba di šupetsa ka go wolola ye mongwana mo a thomisa go keketlela. (Magal. 6:1) Mo mogolo a soko bane a bolabodisa motho a ka thomisa ka go nyakolla mekgwa ya go sa tshwane ya go šupetsa go nyakanana ya gore yi hlayye ke Pawulo wa lepostola mo a re. “Wa go nyakanana ka matla o lefiselana pelo fote o makela ba bangwana dilo tsa gabutši. . . . o tiyisela ga dilo ka mokana ga tsona, o tshepa dilo ka mokana ga tsona, wa di dumela gore di nyoko makega fote aa lahle tewu.” (Bala 1 Makorente 13:4, 7.) Mo mogolo a ghayela ka matla ka ditemanyana tsowa tsa Bhayibele di nyoko mo gelepa gore a wolole motho a kene a šupetsa gore o mo nyaka ka matla. Mo di ka makega gore ye ba mo wololang a di bone tsa gore mogolo yene o hlupega ka yene o nyoko yamogela mo ba mo wolola.—Marom. 12:10.

6. Pawulo wa lepostola ke mošupetso wa gabutši ga taba yifeng?

⁶ Pawulo wa lepostola ke mogolo wa gore ke mošupetso wa gabutši. Mo re beyisa nakwela magageru ya ku Thesalonika di nyaka ba ma wolola, Pawulo o f’lo ma wolola a sa jikajiki. Le mo go le ka mokgonone, mo Pawulo a ba ngwalela mangwalo o thomisiye ka go thanaka mmereko wa bona wa go šupetsa gore baa tshepega le taba ya gore fote baa tiyisela. A sanka a yi takisa maahlo taba ya gore le ga bona tsa lephelo a di lula fote ba tiyisele go hlorisiwa. (1 Mathes. 1:3; 2 Mathes. 1:4) Fote o butsiye magageru yane gore ke mošupetso wa gabutši ga Makreste ya mangwana. (1 Mathes. 1:8, 9) Wa tšiba taba yonone ya gore Pawulo o yye a ba thanaka yi ba jabodisiye ka matla! A re kamake le ka gonyana gore Pawulo ke mo a ma nyaka ka matla magageru. Sosone se makiye gore a wolole Mathesalonika gabutši mo a ba ngwalela mangwalo yane ka mabedi.—1 Mathes. 4:1, 3-5, 11; 2 Mathes. 3:11, 12.

7. Ke mo go rorobeng mo ye mongwana a gana ba mo wolola?

⁷ King so se ka makegang mo re sa wolole ba bangwana ka mokgwa wa gabutši? Mogolo ye mongwana wa gore ke botala a di bona o re, “Ba bangwana a ba yamogele mo ba ba wolola go se ka taba la gore ba ba yeletsa ka tsa gore a yi tsona mara go le ka taba la gore mo ba ba wolola a ba ba kwele go baba.” Taba yowa yi re tšhutisa ying? Di lula go yamogela mo ba re wolola ba kene ba šupetsa gore ba re nyaka ka matla go se ka taba la gore re ba tinwisiye.

8. Mo mogolo a nyaka go wolola motho di nyaka a thomisa ka go tiputsisa ying?

⁸ A di nyake bagolo ba tabogela go wolola ba bangwana. Mo mogolo a soko bane a wolola motho di nyaka a thomisa ka go tiputsisa gore: ‘Ayitsano di nyaka ke hlaya se sengwana?  Ayitsano ke ya resa mo ke re tso motho yene a di makang a yi tsona? Ayitsano o tshidiye molawo wa Bhayibele? Kela go fo ba taba ya gore a re bone dilo go tshwana?’ Bagolo ba ko ba ba hlalefiye mo ba ka kganela kgole le taba ya go “yakgoswela go bolabola.” (Diy. 29:20) Mo nkare mogolo aa nape a tšiba gabutši gore ayitsano di nyaka a wolola motho kela byang di gabutši ka matla gore a ye ga mogolo ye mongwana ba bonisane gore ayitsano taba yone yi lwa le Mangwalo mo di tla kaye.—2 Thim. 3:16, 17.

9. Re tšhuta ying ga Pawulo ga taba ya go wolola ba bangwana ka tso ba di yaparang le ka mokgo ba tilukisang? (1 Thimothi 2:9, 10)

⁹ Lebelela mošupetso ke wowa. Di ka makega gore mogolo o hlupa ke ka mokgo mogageru a yaparang kela a tilukisang. Mogolo a ka tiputsisa gore, ‘Ayitsano go na le Lengwalo lo le ntšhofang gore ke hlaye se sengwana?’ Ka taba la gore o karakara ka matla gore a dule a tseya dilo gabutši a ka bolabola le mogolo ye mongwana kela motšhomayedi wa gore o butšwiye a mmutsise gore yene o yi bona byang taba yowa. Ba le ka babedi ba ka lebelela tso Pawulo a di hlayyeng mo a bolabola ka taba ya go yapara le go tilukisa. (Bala 1 Thimothi 2:9, 10.) Pawulo o napiye a di yatlala gabutši di tšhiko tsowa a šupetsa taba ya gore Mokreste di nyaka a yapara gabutši ka mokgwa wa gore wa hlompega wa go šupetsa gore o butšwiye. Mara Pawulo a sanka a beya molawo wa gore re yapare byang kela re sa yapare ying. Ke mo a di tšiba gabutši gore tso Makreste ma di jabolelang di ka sa tshwane mara di nyaka ba fo yapara ka mokgwa wa gore a wo ganane le Mangwalo. Byalo, mo bagolo ba nyaka go wolola motho di nyaka ba lebelela gore ayitsano tso a kwanang natso di ya hlompega kela di šupetsa gore o butšwiye.

10. King so di nyakang re sa se lebale ga taba ya tso ba bangwana ba kwanang natso?

¹⁰ Re ko ba re sa yi lahla mo re ka tšiba taba ya gore di ya kgonega gore Makreste ka mabedi ya gore ma butšwiye ma kgete dilo tsa gore a di tshwane mara ka dipedi ga tsona di yamogelega. Di nyaka re pasope gore re sa gapeletse magageru gore ba make dilo tso rune re tseyang gore ke tsona.—Marom. 14:10.

11-12. Mogolo a ka tiputsisa diputsiso difeng mo nkare di nyaka a wolola ye mongwana fote ke ntaba?

¹¹ Mo di šupa nkare motho yenene di nyaka ba mo wolola, re ka tiputsisa gore, Ke mang ye a tshwaneleng a mo wolole? Mo mogolo a soko bane a wolola mogageru wa mosadi wa gore o šadhiye kela sengwananyana di nyaka a bonisana le hlogo ya ba mutši wonone ka taba la gore di ka makega gore a nyake go tilukisela tsa mutši wage ka boyenemong. * Kela hlogo ya ba mutši wone a ka nyaka gore a be gona mo mogolo a wolola ba mutši wage. Fote ga tso di  hlayang ke  serele 3, go ko ba go sa sinyege selo mo ka dinako tse dingwana mogageru wa mosadi wa gore o butšwiye a wolola mogageru wa mosadi wa gore o sa gula.

¹² Go na le taba ye nngwana ke yowa. Mogolo a ka tiputsisa gore, ‘Ayitsano di ya ntshwanela gore nka wolola motho yewa kela di ka berekega gabutši mo a wolola ke ye mongwana?’ Mo re beyisa, motho wa gore o hlupa ke taba ya go sa titshepe di ka ba lula gore a yamogele mo a wolola ke mogolo wa gore le yene o yye a lwisana le bothatha bya mošaga wonone. Mo nkare mogolo o yye a feta ga seyemo sa mošaga wonone di nyoko ba lula gage gore a kwisise tso ba di hlayang fote ye ba mo wololang di ka sa mo thathafele gore a yamogele. Le mo go le ka mokgonone bagolo ka mokana ga bona ba na le mmereko wa go hlohletsela magageru gore ma potolle go gongwana mo nkare Mangwalo ma nyaka ba make ka mokgonone. Byalo le mo nkare mogolo yene aa soko gahlana le seyemo sa mošaga wonone di nyaka a wolole mo di nyakega.

13-14. Ke ntaba go le taba ye kgolo gore bagolo ba theetsele?

¹³Tikemisele go theetsela. Mo mogolo a šele a tikemisele gore o nyaka go wolola ye mongwana di nyaka a tiputsisa gore: ‘Tso mogageru yewa a ghulanang natso nje ke ya di tšiba? O makegela ke tsa mošaga mang? Ayitsano o gahlana le dintshitshire tsa gore nna a ke di tšibi? King so re ka mo gelepang ka sona gana byalo?’

¹⁴ Tšhiko yo yi leng ga Jakobo 1:19 yi bereka ka matla ga bo ba felang ba wolola ba bangwana. Jakobo o ngwadiye gore: “Ye mongwana le ye mongwana a yakgoswele go theetsela, a sa yakgoswele go bolabola fote a sa yakgoswele go kwata.” Mogolo a ka fo tipotsa gore o tšiba ditaba ka moka, mara nje wa resa? Diyema 18:13 yi re: “Motho wa gore o yakgoswela go fetola a soko di kwa gore ba re king, tsotsone ke bophokophoko fote wa tipoyila.” Ditaba di kawone mo di tla ka mong wa tsona o sa di wele ka gedimo. Tsotsone di rela gore o theetsele, o sa yakgoswele go bolabola. O sa lebale tso di tšhutiyeng ke mogolo ye re bolabodiyeng ka yene mathomisong ga hlogotaba yowa. O di bonne tsa gore ne di nyaka a sa tabogele go bolabola ka tso a di lukiseleleng mara a butsise mogageru yewa wa mosadi diputsiso tsa go tshwana le tsowa: “Dilo di sepela byang?” “Re ka gelepa kaye?” Mo nkare bagolo a ba di tshwatele tsa go nyakolla ditaba gabutši ba nyoko gelepa magageru ba boya ba ma tiyisa.

15. Bagolo ba ka yi berekisa byang tšhiko yo yi leng ga Diyema 27:23?

¹⁵Tšiba morape gabutši. Re šele re na re hlayye ku mathomisong gore go wolola motho gabutši a yi fo ba taba ya go mmalela mangwalo kela go hlaya gore a make ying. Magageru go nyaka ba di bona tsa gore re ya tihlupa ka bona, re ya ba kwisisa fote re nyaka go ba gelepa. (Bala Diyema 27:23.) Bagolo di nyaka ba  karakare ka matla gore ba make gore senghana so ba nang naso le magageru se sa šehle.

16. King so se ka gelepang bagolo gore ba wolole ba bangwana gabutši?

¹⁶ Bagolo ba sa make gore magageru ma tseye nkare nako ya go bolabola nabo a ba nayo fote ba fo ba bolabodisa mo di nyaka gore ba ba wolole. Mara di nyaka ba dula ba bolabola le magageru ba ba šupetsa gore baa tihlupa ka bona mo ba kene ba gahlana le tsa go ba ghula. Mogolo ye mongwana wa gore o šele a di bonne o yitseri, “Mo o maka ka mokgonone o nyoko tiyisa senghana. Ke mokane mo di nyaka gore o wolole ye mongwana o ko fo teya moroba.” Fote le ye ba mo wololang di ka sa thathafe gore a yamogele.

17. Ke mo di ro maka byang mo di nyakang gore mogolo a šupetse gore o lefiselana pelo fote o kwelana go baba?

¹⁷Lefiselana pelo fote o makele ba bangwana dilo tsa gabutši. Mo motho a thomisa ka go tšhingha mo ba mo wolola ka Bhayibele go lefisa pelo le go kwelana go baba ke tsona tso di nyakegang ka matlamatla. Bagolo di nyaka gore ba bone gore ba sa fufulele mo motho a sa yamogele mo ba mo wolola fote a boya a sa berekisi tso ba mo wololang ka tsona. Mo ba porofeta ka Jeso ba yitseri: “A ka sa robanye lehlaka mo le kunegiye, le mo hlase yi tupa a ka sa yi timi.” (Mat. 12:20) Byalo, mogolo mo a rapela a le ntoši a ka kgopela Jehova gore a gelepe ye di nyakang ba mo wolola gore a kwisise gore ke ntaba ba mo wolola le gore tsotsone a ka di berekisa ka mokgo mang. Mogageru yene wa gore ba mo wolodiye di ka mo tseya nako a kene a ghayela ka tso ba di hlayyeng. Mo mogolo a ka lefisa pelo a boya a šupetsa gore o kwelana go baba, motho yene a liketsang go mo gelepa a ka sa tihlupe ka gore ba mo wolodiye ka mokgo mang mara o nyoko fo tseya tso ba di hlayyeng. Nnete ke gore tso ba wololang batho ka tsona di tshwanele di tšwe ka Lentsung la Modimo.

18. (a) Ga taba ya go wolola ba bangwana king sa gore di nyaka re dula re se gopola? (b) Mo o lebelele sethombhe sowa le tso di leng ga lebhokisi, king tso babelegi bowa ba petapetang ka tsona?

¹⁸Tšhuta ga tso o yye wa di kekemisa. Mo re  sa na re le batho ba go sa yenela re ka sa nape re teya re feta ga taba yo yi bolabolang ke hlogotaba yowa. (Jak. 3:2) Di nyoko re phukulusa mara so se šalang re nyoko tšhuta ga tso re di kekemisiyeng. Mo magageru ma ka di bona tsa gore re ma nyaka ka matla di nyoko ba lula gore ma re tshwarele mo re ma gatiye dikhonse.—Lebelela le lebhokisi la gore, “ Tsa go ya ga Babelegi.”

19. Re ka jabodisa pelo ya magageru ka mokgo mang?

¹⁹ Re šele re di bonne gore a di lula go wolola ba bangwana. Rune le bo re ba wololang a re ya yenela. O sa di lebale ditšhiko tso re petapetiyeng ka tsona ga hlogotaba yowa. O bone gore so se go tšhofang gore o wolole motho ke sa gabutši. Fote o lebelele gore ayitsano wa resa mo o re motho yene di nyaka ba mo wolola le gore ayitsano ke wene ye o tshwaneleng o mo wolole. Butsisa diputsiso o soko bane o thomisa go wolola ke mokane o theetsele gabutši gore o thogo kwisisa gore motho yene o gahlana le tsa mošaga mang. Liketsa go bona dilo ka mokgo a di bonang. O sa thathafisi dilo mo o kene o liketsa go maka senghana sa gabutši le magageru. Gopola gore so re nyakang go se segelela ke sowa: Re nyaka gore re wolole motho gabutši di boya di “jabodisa pelo” yage.—Diy. 27:9.