1. Gete dede takaramɔ ha soko hio wi bɛ Jéhovah?

 BIBLE atene kozo awe so azo ti Nzapa “ayeke londo na bê ti ala wani” ti sara kua ti Jéhovah na gbe ti fango lege ti Molenge ti lo (Ps. 110:3). Biani, prophétie so angbâ ti ga tâ tënë laso. Ngu oko oko, awakua ti Jéhovah so ayapu ayeke mû l’heure kutu ngbangbo mingi ti fa tënë. A yeke futa ala pëpe ndali ti kua so, ala sara ni ndali ti so ala ye ti sara ni. Ala yeke mû nga ngoi ti ala ti aidé aita ti ala ti wara aye so ala bezoin ni, ti dë bê ti ala nga ti kpengba mabe ti ala. A-ancien nga na awakua ti mungo maboko ayeke mû ngoi mingi ti leke abungbi nga ti sara vizite na aita ti kpengba ala. Nyen la apusu ala ti sara akua so kue? A yeke ndoye: ndoye ti Jéhovah nga na amba ti ala.—Mat. 22:37-39.

2. Tuka ɛngɛ ɛ osa ha aRomain 15:​1-⁠3, gete exemple Jésus gdea soeki?

² Jésus azia lani mbeni pendere tapande na lege so lo zia aye so agbu bê ti amba ti lo kozo na ti lo. E yeke gi ti sara kue ti sara ye tongana lo. (Diko aRomain 15:1-3.) Tongana e sara tongaso e yeke wara aye ti nzoni. Jésus atene: “Mungo ye na zo aga na ngia mingi ahon warango ye na tïtî zo.”—Kus. 20:35.

3. Getemɔ ɔ be zɔk ha zang article kɛ?

³ Na yâ ti article so, e yeke bâ ambeni sacrifice so Jésus  asara ti sara kua ndali ti azo nga e yeke bâ tongana nyen la e peut ti mû tapande ti lo. E yeke bâ nga tongana nyen la e peut ti duti na nzara mingi ti sara kua ndali ti amba ti e.

4. Mɛng ga Jésus gdea hio mɔ ka ba sila hio ma wa songsi nɛ bɛa nde?

⁴ Jésus a-aidé azo même na ngoi so lo fatigué. Gbu li na ndö ti ye so Jésus asara na ngoi so gbâ ti azo aga na terê ti lo na ndö ti mbeni hoto so ayeke peut-être nduru na Capernaüm. Jésus asambela na bï ni kue. Lo doit lani ti fatigué mingi, me na ngoi so lo bâ gbâ ti azo ni, mawa asara lo ndali ti awayere nga na azo so ayeke na kobela so ayeke na popo ti ala. Lo sava ala nga lo mû mbeni pendere diskur so ade a mû ni lâ oko ape: Fango tënë na ndö ti hoto.—Luc 6:12-20.

5. Mɛng ga hio Chef mɔ fami lɛma kuo exemple mɔ esprit mɔ sacrifice ka Jésus nɛ yo ha ngimɔ ka wɛnɛ fatigué?

⁵ Fason so amokonzi ti sewa ayeke mû na tapande ti Jésus. Imaginé ye so: Na hunzingo ti mbeni lango ti kua so mbeni mokonzi ti sewa asara kua ngangu, lo kiri na yanga-da lo fatigué kue. Atâa so bê ti lo apusu lo ti tene ala voro Nzapa na yâ ti sewa na lakui ni so ape, lo voro yanga na Jéhovah ti mû na lo ngangu ti mû li ni na mandango ye ni. Jéhovah akiri tënë na sambela ti lo na ala manda ye ni tongana ti so ala yeke sara ka. Amolenge ti ala amanda mbeni kpengba ye na lakui ni so: Na lê ti babâ na mama ti ala, aye ti yingo ayeke kota ahon aye kue.

6. Ku ma exemple mɔ osi mɛng Jésus dɛa sacrifice mɔ ngimɔ bɛa wan-tɛ mɔ haa kɔ ha hio wi.

⁶ Jésus amû lani ngoi ti lo wani mingi ndali ti azo. Mo imaginé so Jésus amä lani a tene a fâ kamarade ti lo Jean Baptiste asara lo tongana nyen? Vundu adoit ti sara Jésus lani mingi. Bible atene: “Tongana Jésus amä tënë [ti kuâ ti Jean], lo zia ndo ni, lo mû ngö lo gue na mbeni ndo so azo ayeke dä pëpe ti duti gï lo oko.” (Mat. 14:10-13). E peut ti comprendre ndani so lo ye ti duti lo oko. Ambeni zo aye ti duti ala oko tongana vundu asara ala. Me Jésus awara lani lege ti duti lo oko ape. Gbâ ti azo asi na ndo so azo ayeke dä ape so kozo na lo. Jésus asara lani  ye tongana nyen? Lo pensé na abezoin ti gbâ ti azo ni, na “mawa ti ala asara lo”. Jésus ahinga lani so ala bezoin ti tene Nzapa a-aidé ala nga adë bê ti ala, tongaso hio lo komanse ti aidé ala. Ti tâ tënë ni, “lo to nda ti fa aye mingi na ala.”—Marc 6:31-34; Luc 9:10, 11.

7-8. Ku ma exemple mɔ osi mɛng hio ancien ha kuo exemple bɛ Jésus ha ngimɔ ka ma gdia bezoin mɔ tɔ nde ɛ haa kɔ ha wɛnɛ.

⁷ Fason so a-ancien ayeke mû tapande ti Jésus. E kiri singila mingi na a-ancien ndali ti akua so ala sara sacrifice ti sara ni ndali ti e. Mingi ti akua so ala yeke sara, aita abâ ni ape. Na tapande, tongana mbeni ita ayeke na mbeni ngangu kpale ti seni, aita so ayeke na yâ ti Komite so abâ lege ti songo na ada-nganga ayeke gue hio ti mû maboko na lo. Mingi ni, angangu kpale tongaso ayeke si na bê ti bï. Me bango mawa ti aita so ayeke na yâ ti kpale apusu a-ancien, so e ye ala mingi so nga na azo ti sewa ti ala, ti zia aye so agbu bê ti aita ti ala kozo na ti ala.

⁸ A-ancien ayeke aidé nga na yâ ti kua ti lekengo aDa ti Royaume nga na ambeni da so a yeke sara kua ti Jéhovah dä nga ala yeke mû maboko na angoi ti kpale. Nga, ala yeke mû ngoi ti ala mingi ti fa ye na e nga ti kpengba e. Aita-koli so kue nga na azo ti sewa ti ala alingbi na gonda. Zia Jéhovah asara tufa na ndö ti bibe so ala yeke na ni. Tongana tanga ti aita kue, a lingbi a-ancien asara ye ahon ndö ni ape. A yeke nzoni ape ti tene ala mû ngoi ti ala kue ti sara gï akua ti congrégation na ala wara ngoi ape ti bâ lege ti bezoin ti azo ti sewa ti ala.

9. Mɔ nɛ ndang nɛ aPhilippien 2:​4, 5, gete esprit ga hio chrétien fɛt aki mɔ dung nɛ yo nde?

⁹ Diko aPhilippien 2:4, 5. Ti tâ tënë ni, a yeke gï a-ancien la apeut ti manda ti sara ye tongana Jésus ape, me e kue. Bible atene so lo “mû terê ti ngbâa”. (aPhil. 2:7). Gbu li na ndö ti ye so e peut ti manda na lege ti versê so. Mbeni nzoni ngbâa wala wakua ayeke gi alege ti zia ngia na bê ti wa ti lo. So e yeke angbâa ti Jéhovah nga e yeke sara kua ndali ti aita ti e, e ye ti sara kua mingi na Jéhovah nga ndali ti aita ti e. Mo peut ti sara ni tongana mo gbu li na ndö ti aye so e yeke gue ti bâ.

10. Hio gete anamɔ ga ɔ lɛma ana tɛ ɔ nɛ yo nde?

¹⁰ Gbu li na ndö ti bango ndo ti mo. Hunda terê ti mo na ahunda so: ‘Eskê mbi yeke biani na nzara ti mû ngoi ti mbi nga na ngangu ti mbi ti aidé amba ti mbi? Na tapande, tongana a hunda na mbi ti gue ti bâ mbeni ita-koli so ayeke mbakoro na ndo so a yeke bata ambakoro dä wala ti gue ti mû mbeni ita-wali so ayeke mbakoro ti gue na lo na bungbi, mbi yeke sara ye tongana nyen? Eskê mbi yeke yeda hio ti mû maboko na ngoi so a bezoin avolontaire ti nettoyé mbeni ndo so a sara kota bungbi dä wala ti bâ lege ti Da ti Royaume?’ So e mû terê ti e na Jéhovah awe, tongana e mû ngoi ti e nga na aye ti e ti mû maboko na amba ti e, a yeke nzere na lo mingi. Tongana e bâ so e bezoin ti sara mbeni changement, nyen la e peut ti sara?

11. Mɛng ga sombalamɔ lɛma haa kɔ ha ɔ mɔ dung nɛ esprit mɔ sacrifice?

¹¹ Sambela Jéhovah na bê ti mo kue. Peut-être mo bâ so mo bezoin ti sara ambeni changement, me mo yeke na nzara ti sara achangement ni ape. Tongana a yeke tongaso, sambela Jéhovah na bê ti mo kue. Tënë tâ tënë. Fa na Jéhovah atënë ti bê ti mo nga hunda na lo ti mû na mo “nzara ti sara ye nga na ngangu ti sara ye ni so.”—aPhil. 2:13.

12. Mɛng ga ma gdia wowi ka bhɔna pɔlɔmbɔ ka kpaa Bapteme kari lɛma haa kɔ ha zang Congrégation?

¹² Tongana mo yeke mbeni ita-koli so ade maseka, so awara batême awe, hunda na Jéhovah ti aidé mo ti duti na nzara ti sara kua mingi na yâ ti congrégation. Na yâ ti ambeni kodro, a-ancien ayeke mingi ahon awakua ti mungo maboko nga awakua ti mungo maboko ni mingi ayeke amaseka ape. So azo ayeke ga mingi na yâ ti bungbi ti Jéhovah, e bezoin amaseka mingi ti aidé a-ancien ti bâ lege ti aita. Tongana mo yeda ti sara kua na ndo kue so a bezoin mo dä, mo yeke duti na ngia. Ngbanga ti nyen? Ngbanga ti so mo yeke zia ngia na bê ti Jéhovah, mo yeke wara nzoni iri nga mo yeke wara ngia so zo ayeke wara tongana lo mû maboko na azo.

13-14. Hio getemɔ ɔ lɛma dea mɔ haa kɔ ha hio ya ɔ? (Zɔk foto mɔ couverture).

¹³ Gi ti hinga bezoin ti amba ti mo. Bazengele Paul awa aHébreu, lo tene: “Ala girisa pëpe ti sara ye ti nzoni nga ti kangbi ye na zo, ndali ti so a yeke mara ti asandaga tongaso la si anzere na Nzapa mingi.” (aHéb. 13:16). So nzoni wango! Kete na peko ti so aChrétien ti Judée awara lani lettre so, ala doit ti zia ada ti ala, akua ti ala nga na afami ti ala so ayeke aChrétien ape ti ‘kpe na li ti ahoto.’ (Mat. 24:16). Na ngoi ni so lani, kite ayeke dä ape so a yeke kota ye ti tene ala aidé amba ti ala. Kozo ti tene ye so asi, tongana ala sara ye alingbi na wango ti Paul so lo hunda na ala ti kangbi ye so ala yeke na ni na amba awe, a yeke duti ngangu mingi na ala ape ti changé alingbi na fini fason so ala yeke vivre na ni.

¹⁴ Peut-être a yeke pëpe lakue la aita ti e  ayeke fa na e abezoin ti ala. Na tapande, tongana wali ti mbeni ita akui, eskê lo yeke na bezoin ti tene a tö na lo kobe, a yo lo a gue na lo mbeni ndo wala a sara na lo akua ti da? Peut-être lo yeke hunda na e ape ti aidé lo ndali ti so lo ye ti son li ti e ape. Me peut-être a yeke nzere na lo mingi tongana e mû li ni ti aidé lo kozo si lo hunda ni. A yeke nzoni ape ti pensé so mbeni zo ayeke aidé ande lo wala so lo yeke fa ande na e lakue aye so lo bezoin ni. Hunda terê ti mo: ‘Tongana fade mbi la mbi yeke na place ti lo, nyen la mbi ye mingi ti tene a sara na mbi?’

15. Getemɔ ɔ lɛma dea ka ɔ ngoya haa kɔ ha hio wi?

¹⁵ Duti zo so a yeke ngangu ape na azo ti ga nduru na lo. Kite ayeke dä ape so mo hinga aita ti congrégation so ayeke lakue nduru ti aidé amba ti ala. Ala sara lâ oko ape si e bâ so e son li ti ala. E hinga so ala yeke lakue nduru ti aidé e na e nga kue e ye ti sara ye tongana ala. Alan, mbeni ancien so ayeke na ngu 45 aye ti duti zo so a yeke ngangu ape ti tene azo aga nduru na lo. Lo tene tënë so na ndö ti tapande ti Jésus, lo tene: “Jésus ayeke lani na akua mingi, me azo kue so ngu ti ala ayeke nde nde ayeke ga lani nduru na lo na ala sara mbeto ape ti hunda lo ti aidé ala. Ala bâ lo tongana mbeni zo so ayeke pensé biani na ala. Na bê ti mbi kue, mbi ye ti duti tongana Jésus nga ti tene a hinga mbi tongana zo so a yeke ngangu ape ti ga nduru na lo, so aye azo nga so ayeke pensé na azo.”

16. Mɛng ga mɔ demɔ lɛm nɛ Psaume 119:​59, 60 lɛma haa kɔ ha ɔ mɔ ku exemple bɛ Jésus zeng nde?

¹⁶ A yeke nzoni e découragé ape tongana e mû tapande ti Jésus tâ na lege ni ape (Jacq. 3:⁠2). Mbeni élève ahinga ye ahon maître ti lo ape. Me tongana lo manda ye na lege ti ­afaute ti lo nga lo sara kue ti sara ye tâ gï ­tongana maître ti lo, lo yeke hinga ye nzoni. Legeoko nga tongana e sara ye alingbi na aye so e manda na yâ ti Bible, nga e gi ti sara ye nzoni ahon ti kozo, e yeke mû tapande ti Jésus tâ mbilimbili ahon ti kozo.​—Diko Psaume 119:​59, 60.

17-18. Ka ɔ kuo exemple mɔ esprit mɔ sacrifice ka Jésus dungɔ soeki nɛ yo, hio gete dedemɔ ɔ be kpaa nde?

¹⁷ Tongana e yeke na bibe ti sacrifice apeut ti pusu ambeni zo ti wara ni. Tim, mbeni ancien, atene: “Ambeni ita so ade maseka mingi aga awakua ti mungo maboko. Ala ga ni hio ndali ti so ala bâ so ambeni zo ayeke nduru ti mû maboko na amba ti ala na ala ye ti sara ye tongana ala. Bibe ti sacrifice so ala yeke na ni a-aidé congrégation ti e nga ala mû maboko mingi na a-ancien.”

¹⁸ E yeke na yâ ti mbeni dunia so azo mingi ayeke azo ti kion. Me azo ti Jéhovah ayeke ti ala nde. Bibe ti sacrifice so Jésus ayeke lani na ni andu bê ti e mingi na e leke na bê ti e ti ngbâ ti mû tapande ti lo. E lingbi pëpe ti sara ye tâ gï tongana lo, me e peut ti “mû peko ti gere ti lo mbilimbili.” (1 Pi. 2:21). Tongana e sara kue ti mû tapande ti bibe ti sacrifice so Jésus ayeke na ni, e nga kue e yeke duti na ngia so e nzere na lê ti Jéhovah.