1. Ke mokgwa wofeng wa gabutši wo malata ya Jehova ma nang nawo?

KE BOTALA Bhayibele yi hlayye gore batho ba Modimo ba ka “sa tšhofe ke motho” mo ba kene ba berekela Jehova ba yetetsa ke Morwayi wage. (Pis. 110:3) Seporofeto sone se ya makega lekgono. Mongwaga wo mongwana le wo mongwana malata ya Jehova ma fetsa dimiliyone tsa diawara ma maka mmereko wa go tšhomayela ma kene ma na le matšato. Ma maka mmereko wone ka go tinyakela ma boya ma berekisa tso ma nang natso. Fote ma berekisa nako ya wona gore ma thege magageru ka tso ma di gayelang, ka mokgo ma tikwang le ga tso tsa Modimo. Bagolo le malata ya ka ho phutegong ba berekisa nako ya go tlala ba lukiselela megahlano ba boya ba vakašela magageru gore ba thogo ma tiyisa. King so se ba tšhofang gore ba make mmereko wowa wo mogolo ka mokgo? Nka taba la gore baa nyakanana fote ba nyaka Jehova le bayagelane ka matla.—Mat. 22:37-39.

2. Maroma 15:1-3, yi re Jeso o re beyisele ga taba yifeng?

² Jeso o re beyisele gabutši ga taba ya go yetisa tsa ba bangwana mahlong. Re karakara ka matla gore le rune re tshwane naye. (Bala Maroma 15:1-3.) Bo ba kopiselang gage ba nyoko kraya tsa gabutši. Jeso o yitseri: “Mo le neya batho ba bangwana dilo di jabodisa ka matla go phala mo ba neya lune.”—Meber. 20:35.

3. Re nyoko lebelela ying ga hlogotaba yowa?

³ Ga hlogotaba yowa, re nyoko lebelela dilo tso Jeso a  yyeng a tikona tsona gore a thogo gelepa ba bangwana fote re nyoko bona gore rune re ka mo kopisela byang. Fote re nyoko boya re bona gore rune re ka maka byang gore re kwe re nabela go gelepa ba bangwana.

4. Jeso o yi makiye byang taba ya go yetisa tsa ba bangwana mahlong?

⁴Jeso o yye a gelepa ba bangwana le mo a tinnwe. O fo nagana gore Jeso o yye a maka ying mo a bona mogoba wa batho wo tla gage a le ga poleke ya dithaba, di ka makega gore ke ku Kapernawume. Jeso ke mo a fetsiye bošego ka moka a rapela. Di ka makega gore ke mo a tinnwe ka matla mara mo a bona mogoba wone, a ba kwela go baba bo ba go tihlupegela le ba go tilwalela ba gore ne ba le gana hone. O yye a ba yalafa a boya a beya polabolo ya go tiyisana ya gore o yye a yi Tšhutisa a le Thabeng.—Luk. 6:12-20.

5. Bo go leng dihlogo tsa mutši ba šupetsa byang gore ba kopisela ga Jeso ga taba ya go yetisa tsa ba bangwana mahlong le mo ba tinnwe?

⁵Ka mokgo dihlogo tsa mutši di ka kopiselang ga Jeso. O fo nagana ka seyemo ke sowa: Ka malobana hlogo ya mutši yi boya gaye yi fediye ka go tinwa. Le mo a kwa nkare a ka fo thisa go maka Morapelo wa Mutši, o kgopela Jehova gore a mo neye matšhika ya gore a ye mahlong a wo maka. Jehova o mo makela ka mokgonone ke mokane setšhuto sa ya mahlong. Bana ba tšhuta taba ye kgolo ya gore babelegi ba bona a go na so ba se yetisang mahlong go phala tso tsa Modimo.

6. Re beyisele gore Jeso o šupetsiye byang gore aa ngamele nako yage mo di nyaka a gelepa ba bangwana.

⁶Jeso ne a sa ngamele nako yage. Ayitsano o ka nagana gore Jeso ne a tikwa byang mo a di kwelela gore monghanage ye ba reng Johane wa go Kolobetsa ba mo kupiye hlogo? A re kamake gore taba yone yi kwisiye Jeso go baba ka matla. Bhayibele yi re: “Mo Jeso a kwa ka taba yone [likgu la Johane], o yye a tloga ka sekepe a ya ku thoko le batho.” (Mat. 14:10-13) A di makatse gore ke ntaba Jeso ne a nyaka go ba a ntoši. Ba go tlala ba rune mo re kwile go baba re tinyaka re ntoši. Mara Jeso o liketsiye dya fo šaša. Mogoba wo mogolo wo yye wa mo tšhanghwela. Jeso o yye a maka byang mara? O yye a nagana ka tso  mogoba wone wo di gayelang ke mokane “a wo kwela go baba.” Ke mo a di bona gore wo wongwele gore ba wo yimolle ka tso tsa Modimo ke mokane a fo wo neya tso ne wo di gayela. Gabutšibutši a napa “a thomisa go wo tšhutisa dilo tsa go tlala.”—Mar. 6:31-34; Luk. 9:10, 11.

7-8. Re beyisele gore mogolo wa gore o nyakanana ka matla a ka mo kopisela byang ga Jeso mo di nyaka a gelepa ba bangwana.

⁷Ka mokgo bagolo ba gore ba nyakanana ka matla ba kopiselang ga Jeso. Re wo leboga re sa fetsi mmereko wo bagolo ba re makelang wona ba sa tšhofe ke motho! Mmereko wa go tlala wo ba wo makang ba bangwana ka ho phutegong a ba so wo bone le go wo bona. Mo re beyisa, mo magageru ma lwala bo ba berekang ga Komiti ya Tsa go Berekisana le Dipetlele ba yakgoswa ba gelepa magageru yane. Mathatha ya mošaga wonone ya gore ma fo re wela ga go tlala ma makega bošego! Mara ka taba la gore ba ma nyaka ka matla magageru yane ya gore ma wele ke tsa go sasamela, bagolo bone le ba mitši ya bona ba šupetsa gore ba dula ba tikemisele go beyela tsa bona ka thoko ke mokane ba gelepe magageru ya mangwana.

⁸ Bagolo ba tšhela letsogo ga mebereko ya go yaga Diholo tsa Mmušo kela meyago ye mengwana le go gelepa mo go nyarela dikotsi tsa hlago. Fote a re sa hlaya ka diawara tsa go tlala tso bagolo ba di berekisang ka ho phutegong mo ba re tšhutisa, ba re tiyisa ba boya ba re thega. Magageru yawa ka mokana ga wona le ba mitši ya wona ba re kotiye wa tšiba. Nkare Jehova a ka ba rufa la go sa hlayisege! Nnete ke gore go fo tshwana le batho ka mokana ga bona di nyaka bagolo ba make  dilo gabutši. Ba sa fo berekisa nako ya bona ya go tlala ba maka mebereko ya ka phutegong la go šinya ba lebala ka ba mitši ya bona.

9. Mafilipi 2:4, 5, yi re Makreste ka mokana ga wona di nyaka ma tseya dilo byang?

⁹ Bala Mafilipi 2:4, 5. A yi ka mokana ga rune bo re leng bagolo mara re ka kopisela Jeso ga taba ya go tikona tsa go tlala. Bhayibele yi re o yye “a ba sebereki.” (Mafil. 2:7) Re tšhuta tsa go tlala ga mantsu yane. Sebereki sa go tshepega se nyoko wa se tsoga gore se thogo jabodisa ye a se hiriyeng. Ka taba la gore re malata ya Jehova fote re berekela magageru, re di nabela ka matla gore Jehova a re berekise fote magageru ma tisamele ka rune. O nyoko phomelela mo o ka liketsa go maka dilo tsowa tsa go latela.

10. Re ka tiputsisa diputsiso difeng?

¹⁰Tinyakolle gore o yemme kaye. Tiputsise diputsiso tsa go tshwana le tsowa: ‘Ke tikemisele go tikona tsa go tlala go segela kaye gore ke thogo gelepa ba bangwana? Mo re beyisa, ke nyoko re king mo ba ka nkgopela gore ke ye vakašela mogageru wa gore o šele a gudiye fote o dula ga poleke ya gore ba pasopa ba gore ba tsofele kela ba nkgopela go lata mogageru wa mosadi wa gore o tigulele gore a thogo ba megahlanong? Ayitsano a ke jikajiki mo ba nyaka bo ba ka yedisang poleke yo go tshwarediwang mogahlano wo mogolo kela go pasopa Holo ya Mmušo?’ Nakwela re tineyela ga Jehova re mo tshepisiye gore re nyoko berekisa dilo ka mokana ga tsona tso re nang natso gore re mmerekele, byalo wa jabola mo a bona re berekisa nako ya rune, matšhika le tso re nang natso gore re gelepe ba bangwana. Mo re bona nkare go na le mo di nyakang re potolla re ka maka byang?

11. Taba ya go rapela yi ka re gelepa ka mokgo mang gore re tikemisele go gelepa ba bangwana?

¹¹Rapela Jehova di go baba. Tla re fo re wa di bona tsa gore di nyaka o potolla go gongwana mara o fo kwa o sa tšhofe ke selo gore o make ka mokgonone. Mo dilo di le ka mokgonone, llela Jehova ka thapelo. O sa mo wutametsele selo. Botsa Jehova gore o tikwa byang ke mokane o mo kgopele a make gore o ‘nabele go maka mmereko a boye a go neye matšhika ya go wo maka.’—Mafil. 2:13.

12. Mogageru wa gore o sa gula wa gore fote o kolobetsiwwe a ka gelepa phutego byang?

¹² Mo nkare o mogageru wa gore o sa gula wa gore fote o kolobetsiwwe, kgopela Jehova gore a make gore o kwe o nabela go maka mmereko wa go gelepa magageru ka phutegong. Ga dinaga tse dingwana bagolo ba tlele go phala malata ya ka ho phutegong fote ba go tlala ga malata yane ba šele ba gudiye. Mo mokgahlo wo kene wo yeketsega go nyakega magageru ya gore ma sa gula gore ma thogo re gelepa ga mmereko wa go pasopa batho ba Jehova. Mo nkare o tikemisele go gelepa go gongwana le go gongwana mo go nang le sekgala o nyoko jabola. Ke ntaba? Ka taba la gore o nyoko jabodisa Jehova, o nyoko tšibega gabutši fote taba ya gore o gelepa ba bangwana yi nyoko maka gore o tikwe o yitseri tswe.

13-14. King tso re ka di makang gore re thogo gelepa magageru? (Lebelela sethombhe sa ka tawong.)

¹³O sa takisi ba bangwana maahlo mo ba nyaka o ba gelepa. Pawulo wa lepostola o butsiye Maheberu gore: “Le sa lebale go maka tsa gabutši le go ngathelana tso le nang natso, ka taba la gore Modimo o jabodisa ke dihlabelo tsa mošaga wonone.” (Maheb. 13:16) O ba yeletsiye gabutši wa tšiba! Ka nthagonyana ga mo ba krayye lengwalo lowa,  Makreste ya go dula ku Judiya ne di nyaka ba šiye mitši ya bona, dibhizinisi tsa bona le mašaga ya gore a yi Makreste ke mokane “ba thomise go tšhabela dithabeng.” (Mat. 24:16) A re kamake gore ka nako yonone ne di nyaka ba gelepana. Mo nkare tso Pawulo a ba yeletsiyeng ka tsona ke botala ba kene ba di berekisa di nyoko ba lula gore ba yamogele lephelo la bona la nyuwane.

¹⁴ A yi ka moka nako magageru ma ka hlayang tso ma di gayelang. Mo re beyisa, mogageru wa mosadi a ka hlokofala ke mokane monna wage a fo tišalela a kene a kwa go baba. Ayitsano mogageru o nyaka re mo gelepa ka tsa go ja, sa go sepela kela ka tse dingwana ka ho ntlong? A ka fo kgeta go fo tikgomolelela a sa nyake go ba morwalo. Mara a ka jabola ka matla mo re ka fo gelepa le mo a sa kgopela. A di nyake re fo tseya gore ka moka dilo di dulisegiye kela re re o ko re botseng mo nkare o gayela se sengwana. Tiputsise gore, ‘Mola go le nna ke le ga seyemo sosone ne nko nyaka gore ba n’gelepe byang?’

15. Di nyaka re tikemisele go maka ying mo re nyaka go gelepa ba bangwana?

¹⁵Kenega. A re kamake gore go na le magageru ya o ma tšibang ka ho phutegong ya gore ma dula ma tikemisele go gelepa ba bangwana. A ma make gore re tikwe nkare re ya ma hlupa. Re ya di tšiba gore re ka tisamela ka bona mo go nyarela bothatha fote re nabela go tshwana nabo! Alan, wa gore ke mogolo wa go ba le 45 ya mengwaga o re wa di nyaka go ba motho wa gore wa kenega. Mo Alan a bolabola ka mošupetso wa Jeso o re: “Jeso ne a dula a tshwaraganne mara batho ba gore a ba lekane ka mengwaga ne ba kwana naye ka matla fote ba kwa ba sa tšhabe go kgopela gore a ba gelepe. Ne ba mo tseya go le motho wa gore wa tihlupa ka bona. Ke di nabela ka  pelo yaka ka moka gore ke tshwane le Jeso ke tšibege ke le motho wa gore wa kenega, wa tlwayelega fote wa go tihlupa ka ba bangwana.”

16. Mo re maka tso di leng ga Pisalema 119:59, 60 di nyoko re gelepa byang ga taba ya go kopisela Jeso?

¹⁶ Di sa re tape matšhika mo taba ya go kopisela Jeso yi re šita. (Jak. 3:2) Ye a tšhutisiwang a ka sa make dilo tsa gore di phala tsa thitšere yage. Mara mo ye ba mo tšhutisang a tšhuta ga tso a di kekemisiyeng ke mokane a liketsa ka matla gore a yekisele thitšere yage o nyoko fo ya a lokotšega. Go fo tshwana le mo re berekisa tso re di tšhutiyeng mo re tipalela Bhayibele re le ntoši, re liketsa ka matla go potolla hala le hala, a go jiki re nyoko phomelela ga taba ya go kopisela ga Jeso.—Bala Pisalema 119:59, 60.

17-18. Mo re kene re yekisela Jeso ga taba ya go tikona tsa go tlala, di nyoko re berekela ka mokgo mang?

¹⁷ Mo re tikemisele go gelepa ba bangwana re nyoko maka gore le bona ba fo kwa di ba tšhofa gore ba make ka mokgonone. Mogolo ye ba reng ke Tim o re: “Re na le magageru ya gore ma sa gula ya gore ma karakara ka matla fote ba ma kgetiye gore go be malata ka ho phutegong, ba bangwana ba ba kgetiye ba sa le ba banyana, ka taba la gore ba di bonne gore ba bangwana ba tikemisele go gelepa, byalo ne ba nyaka go tshwana nabo. Magageru yawa ke mo ma tikemisele ka matla go gelepa phutego ba boya ba thega le bagolo.”

¹⁸ Re phela ga lefase la gore le tlele ka batho ba go tinyakela tsa bona. Mara batho ba Jehova ba tshwana ba le ntoši ga taba yowa. Taba ya gore Jeso ne a tikemisele go tikona tsa go tlala gore a thogo gelepa ba bangwana yi re tšhofa gore re mo kopisele. Ke nnete gore re ka sa nape re di tseya ka moka tsage mara re ka di kgona go ‘maka tso a di makiyeng.’ (1 Pet. 2:21) Mo re karakara ka matla re liketsa go kopisela taba ya Jeso ya go gelepa ba bangwana le rune re ka leka re kwa gore di byang go yamogela ke Jehova.