AKỤKỌ NDỤ
M Hụrụ Ihe Ka Ịbụ Dọkịta Mma
N’AFỌ 1971, mgbe m ka malitere ụlọ ọgwụ m ọhụrụ, m gwara di na nwunye bịara n’ụlọ ọgwụ m, sị: “Ihe a unu na-agwa m bụ ihe m chọrọ kemgbe m bụ nwata.” Olee ndị di na nwunye ahụ bụ? Gịnịkwa bụ ihe ahụ m chọrọ kemgbe m bụ nwata? Ka m kọọrọ gị otú ihe mụ na ha kwurịtara si gbanwee ihe m chọrọ iji ndụ m eme, nakwa ihe mere m ji kweta na ihe ahụ m chọrọ kemgbe m bụ nwata ga-emezu n’oge na-adịghị anya.
A mụrụ m n’afọ 1941 na Paris dị na Frans. Mama m na papa m abaghị ọgaranya. Ịga ụlọ akwụkwọ na-amasị m. Ọ bụ ya mere na obi adịghị m mma mgbe m rịawara ụkwara nta, ya emee ka m kwụsị ịga ụlọ akwụkwọ. Ndị dọkịta kwuru na m kwesịrị ịna-edina ala n’ihi na akpa ume m esighị ike. N’ihi ya, m nọrọ ọtụtụ ọnwa n’ụlọ ọgwụ. Ihe m ji oge ahụ na-eme bụ ịna-agụ akwụkwọ ọkọwa okwu na ige ihe omume mahadum dị na Paris na-eme na redio. Mgbe dọkịta mechara gwa m na mụ agbakeela nakwa na m nwere ike ịlaghachi n’ụlọ akwụkwọ, m nwere ezigbo obi ụtọ. M gwara onwe m, sị: ‘Ihe ndị dọkịta na-eme magburu onwe ya.’ Malite mgbe ahụ gawa, m nọ na-atụ anya mgbe m ga na-agwọ ndị mmadụ ọrịa. Mgbe ọ bụla papa m jụrụ m ihe m ga-achọ ime ma m too, m na-agwa ya na m chọrọ ịbụ dọkịta. Ọ bụ otú a ka ịbụ dọkịta si bụrụ ihe kacha mkpa ná ndụ m.
SAYENSỊ MERE KA M MỤTAKWUO GBASARA CHINEKE
Ndị ezinụlọ anyị bụ ndị Katọlik. Ma, amachaghị m gbasara Chineke. E nwere ọtụtụ ajụjụ m na-amaghị azịza ha. Ọ bụ mgbe m malitere ịgụ akwụkwọ ịbụ dọkịta na mahadum ka obi siri m ike na e nwere Onye kere ihe niile.
M chetara mgbe mbụ m ji onyokomita hụ ụmụ irighiri ihe ndị dị n’osisi. Ihe masịrị m bụ ihe ụmụ irighiri ihe ndị ahụ na-eme ma e nwee okpomọkụ ma ọ bụkwanụ ma ebe niile jụọ oyi. M chọpụtakwara na otu ihe dị n’ime irighiri ihe ndị ahụ na-atalata ma e metụ ya nnu ma na-agbasa ma e metụ ya mmiri dị ọcha. Ihe a na ọtụtụ ihe ndị ọzọ ihe ndị dị ndụ na-eme na-enyere ha aka ịna-adị ndụ n’agbanyeghị otú
ihe si gbanwee n’ebe ha nọ. Mgbe m hụrụ ihe ndị dị ịtụnanya irighiri ihe ndị a na-eme, m bịara ghọta na e nwere Onye kere ha, na ha anọkataghị dịrị.N’afọ nke abụọ m na mahadum ka m hụrụ ihe ndị gosikwuru m na Chineke dị. Mgbe anyị na-amụ gbasara ahụ́ mmadụ, anyị mụtara otú aka anyị si eme ka anyị nwee ike ịna-arọji mkpịsị aka anyị ma ọ bụ na-agbatị ya. O juru m anya otú e si jikọọ akwara na ọkpụkpụ ndị dị ná mkpịsị aka anyị, ha niile ana-arụkọ ọrụ nke ọma. Dị ka ihe atụ, m mụtara na e nwere akwara jikọrọ aka anyị na ọkpụkpụ nke abụọ dị ná mkpịsị aka anyị. Akwara ahụ na-eke ụzọ abụọ, ghọzie ebe akwara ọzọ nwere ike isi n’okpuru ya gafere ruo n’ọnụ ọnụ mkpịsị aka. E nwekwara ihe ndị na-ejidesi akwara ahụ ike n’ọkpụkpụ ndị dị ná mkpịsị aka. E wezụga otú a Chineke si kee mkpịsị aka, akwara ndị ahụ agaghị na-arọji arọji, mkpịsị aka anyị agaghịkwa na-arụ ọrụ nke ọma. O mere ka o doo m anya na e nwere onye ma ezigbo ihe kere ahụ́ mmadụ.
Ihe ọzọ tụrụ m n’anya gbasara Onye kere ihe niile bụ mgbe anyị mụrụ gbasara otú nwa a mụrụ ọhụrụ si amalite iku ume. M mụtara na tupu a mụọ nwata, ọ na-esi n’aka mama ya enweta ikuku. N’ihi ya, n’oge ahụ, ikuku adịbeghị n’ebe ikuku na-adị n’akpa ume ya. Obere oge tupu a mụọ ya, e nwere ihe na-anọchi ebe ahụ ikuku na-adị. A mụchazie nwa ahụ, ya ekuo ume mbụ ya, ihe dị ịtụnanya na-eme. Oghere dị n’obi ya na-emechi, mee ka ọbara banye n’akpa ume ya. Ihe ahụ nọchiri ebe ahụ ikuku na-adị na-eme ka ọ ghara ịnyakọta, ikuku ejuzie n’ime ya ozugbo. Ọ bụ otú ahụ ka nwa ahụ si amalite iku ume n’onwe ya.
Achọrọ m ịmatakwu gbasara Onye kere ihe ndị a dị ịtụnanya. N’ihi ya, m malitere ịgụsi Baịbụl ike. Iwu ndị Chineke nyere ụmụ Izrel gbasara ịdị ọcha ihe karịrị puku afọ atọ gara aga tụrụ m n’anya. Chineke gwara ha ka ha na-ekpochi nsị ha ájá, na-akwọ aka ha mgbe niile, na-akpọpụkwa onye na-arịa ọrịa na-efe efe iche. (Lev. 13:50; 15:11; Diut. 23:13) Baịbụl kwuru ihe ndị a ọtụtụ afọ gara aga. Ma, ọ ka bụ naanị n’ihe dị ka otu narị afọ na iri ise gara aga ka ndị sayensị chọpụtara otú ọrịa na-efe efe si agbasa. Ihe ọzọkwa bụ na iwu Chineke nyere ndị Izrel gbasara mmekọahụ n’akwụkwọ Levitikọs mere ka ha ghara ibute ọrịa. (Lev. 12:1-6; 15:16-24) Ihe ndị a mere ka m ghọta na Onye kere ihe niile nyere ụmụ Izrel iwu ndị a ka ọ baara ha uru. Ọ na-agọzikwa onye ọ bụla na-erube isi na ha. O mere ka obi sikwuo m ike na ọ bụ uche Chineke ka e dere na Baịbụl. Ma, n’oge ahụ, amabeghị m aha Chineke.
OTÚ M SI MATA NWUNYE M, MATAKWA JEHOVA
Mgbe m nọ na mahadum na-agụ akwụkwọ ịbụ dọkịta, m hụrụ otu nwa agbọghọ aha ya bụ Lydie, hụkpọọ anya. Anyị lụrụ n’afọ 1965 mgbe m ka nọ na mahadum. Mgbe ọ na-erula afọ 1971, anyị amụọla atọ n’ime ụmụ isii anyị ji. Nwunye m na-eji obi ya niile akwado m, ma n’ọrụ m ma n’ezinụlọ.
Ọrụ 15:28, 29) Ya na di ya jikwa Baịbụl gosi m ihe Alaeze Chineke ga-emere anyị. Ọ ga-eme ka ahụhụ, ọrịa, na ọnwụ gharazie ịdị. (Mkpu. 21:3, 4) M ji obi ụtọ sị ha: “Ihe a unu na-agwa m bụ ihe m chọrọ kemgbe m bụ nwata. Ihe mere m ji bụrụ dọkịta bụ ka m mee ka ndị mmadụ kwụsị ịna-ata ahụhụ.” Ihe ahụ mụ na ha na-ekwu masịrị m nke na anyị ji otu awa na ọkara kparịta n’ụbọchị ahụ. Mgbe di na nwunye ahụ na-apụ, m kpebiziri n’obi m na abụghịzi m onye Katọlik. M mụtakwala na e nwere Onye kere ihe niile, nakwa na aha ya bụ Jehova.
E nwere ụlọ ọgwụ m rụrụ ọrụ afọ atọ tupu mụ emepee ụlọ ọgwụ nke m. O teghị aka m mepere ụlọ ọgwụ m, di na nwunye ahụ m kwuru okwu ha ná mmalite abịa n’ụlọ ọgwụ m. Mgbe m chọrọ ide ọgwụ a ga-azụtara di ya, nwunye ya sịrị m: “Biko, dọkịta, anyị achọghị ka ọbara soro n’ọgwụ a ga-enye ya.” O juru m anya, mụ asị ya: “Eziokwu? N’ihi gịnị?” Ya asị m: “Anyị bụ Ndịàmà Jehova.” Anụtụbeghị m gbasara Ndịàmà Jehova ma ọ bụkwanụ ihe ha kweere gbasara ọbara. Nwaanyị ahụ wepụtara Baịbụl ya, gosi m ihe Baịbụl kwuru mere na ha anaghị ekwe ka a mịnye ha ọbara. (Mụ na di na nwunye ahụ kparịtara ugboro atọ ọzọ n’ụlọ ọgwụ m. Anyị ji ihe karịrị otu awa kparịta na nke ọ bụla. M gwaziri ha ka ha bịa n’ụlọ m ka anyị nwekwuo oge ikwu gbasara Baịbụl. Ọ bụ eziokwu na Lydie nwunye m kwetara iso anyị na-amụ Baịbụl, mana, o kwetaghị na ụfọdụ ihe ndị Katọlik na-akụzi abụghị ihe Baịbụl na-akụzi. N’ihi ya, m gwara otu ụkọchukwu ka ọ bịa n’ụlọ anyị. Anyị ji naanị Baịbụl kwurịta gbasara ihe ndị Katọlik na-akụzi ruo n’etiti abalị. Ihe ahụ anyị kwurịtara mere ka obi sie Lydie ike na ọ bụ Ndịàmà Jehova na-akụzi eziokwu. Mgbe e mechara, anyị bịara hụkwuo Jehova n’anya, anyị abụọ emee baptizim n’afọ 1974.
IME KA OFUFE JEHOVA BỤRỤ IHE KACHA M MKPA
Ihe m mụtara gbasara ihe Chineke bu n’obi imere ụmụ mmadụ mere ka ihe kacha m mkpa ná ndụ gbanwee. Mụ na nwunye m mere ka ife Jehova bụrụ ihe kacha mkpa ná ndụ anyị. Anyị kpebisiri ike na anyị ga na-eji ihe Baịbụl kwuru na-azụ ụmụ anyị. Anyị kụziiri ụmụ anyị ịna-ahụ Chineke na ụmụ mmadụ n’anya. Ihe ahụ mere ka ezinụlọ anyị dịrị n’udo.—Mat. 22:37-39.
Anyị na-anwụkarị n’ọchị ma anyị cheta otú ọ na-adị ụmụ anyị na anyị abụọ na-enwe otu olu n’ihe ọ bụla. Ha ma na ọ bụ ihe ahụ Jizọs Mat. 5:37) Dị ka ihe atụ, mgbe ada anyị dị afọ iri na asaa, nwunye m ekweghị ya ka ọ gaa soro ụmụaka ibe ya pụọ. Otu n’ime ụmụaka ndị ahụ sịrị nwa m nwaanyị: “Ọ bụrụnụ na mama gị ekweghị ka ị gaa, jụọnụ papa gị.” Ma, nwa m nwaanyị zara ya, sị: “Ọ baghị uru ịjụ papa m. Ha abụọ na-enwe otu olu mgbe niile.” Ụmụ anyị isii ma na anyị na-enwe otu olu ma a bịa n’ihe Baịbụl kwuru. Anyị na-ekele Jehova na taa, ọtụtụ ndị ezinụlọ anyị na-efe ya.
kwuru ka anyị na-eme n’ụlọ anyị, ya bụ, “ka ‘Ee’ unu kwuru bụrụ ee, ka ‘Ee e’ unu kwuru bụrụ ee e.” (N’agbanyeghị na eziokwu Baịbụl agbanweela ihe kacha m mkpa ná ndụ, m ka chọrọ iji ihe m maara banyere ọrụ dọkịta nyere ndị Chineke aka. Ọ bụ ya mere m ji wepụta onwe m ịbụ dọkịta na Betel dị na Paris. M mechakwara soro na-arụ ọrụ na Betel ọhụrụ e nwere na Luvie. Kemgbe ihe fọrọ obere ka ọ bụrụ afọ iri ise, m na-esi n’ụlọ m aga enye aka na Betel. N’oge ahụ niile, emetara m ọtụtụ ndị enyi. Ụfọdụ n’ime ha agbaala ihe karịrị afọ iri itoolu. Obi tọrọ m ezigbo ụtọ otu ụbọchị mgbe m hụrụ otu onye bịara Betel ọhụrụ. O so ná ndị m nyere aka a mụọ ihe dị ka afọ iri abụọ gara aga.
AHỤRỤ M OTÚ JEHOVA SI NA-ELEKỌTA NDỊ YA
Kemgbe afọ ndị a, ahụkwuola m Jehova n’anya, hụkwa otú o si jiri nzukọ ya na-eduzi ndị ya ma na-echebe ha. N’ihe dị ka afọ 1980, Òtù Na-achị Isi hiwere otu ngalaba ga-enyere ndị dọkịta na ndị ụlọ ọgwụ aka ịghọta ihe mere Ndịàmà Jehova anaghị ekwe ka a mịnye ha ọbara.
N’afọ 1988, Òtù Na-achị Isi hiwere otu ngalaba na Betel, ya bụ, Ngalaba Na-enyere Ndị Dọkịta Aka Ịgwọ Ndịàmà Jehova n’Ejighị Ọbara. Ná mmalite, ngalaba a na-elekọta Kọmitii Ndị Na-ahụ Maka Mmekọrịta Anyị na Ndị Ụlọ Ọgwụ e hiwere n’Amerịka inyere ụmụnna anyị ahụ́ na-adịghị aka ịchọta dọkịta ndị ga-agwọ ha n’amịnyeghị ha ọbara. Mgbe e mechara mee ka e nwee ngalaba a n’ụwa niile, e hiwere Kọmitii Ndị Na-ahụ Maka Mmekọrịta Anyị na Ndị Ụlọ Ọgwụ na Frans. Ọ na-atụ m n’anya ịhụ otú ọgbakọ Jehova si eji obiọma na-elekọta ụmụnna anyị na-arịa ọrịa.
IHE M NA-ATỤ ANYA YA GA-EMEZU
Ịbụ dọkịta bụbu ihe kacha m mkpa ná ndụ. Ma, mgbe m chebaara ihe ndị kacha m mkpa ná ndụ echiche, m ghọtara na ihe kacha mkpa bụ iji Okwu Chineke na-agwọ ndị mmadụ, ya bụ, inyere ha aka ka ha na Jehova Chineke bụ́ Onye na-enye ndụ dịrị ná mma. Mgbe m lara ezumike nká, mụ na nwunye m ghọrọ ọsụ ụzọ oge niile, jiri ọtụtụ awa na-ekwusa ozi ọma Alaeze Chineke kwa ọnwa. Anyị ka na-emekwa ike anyị niile n’ọrụ a na-azọ ndụ.
M ka na-enyere ndị ọrịa aka. M chọpụtara na e nweghị dọkịta ọ bụla ga-agwọli ọrịa niile ma ọ bụ mee ka ọnwụ gharazie ịdị. N’ihi ya, m na-atụsi anya ike mgbe ihe mgbu, ọrịa, na ọnwụ na-agaghịzi adị. N’ụwa ọhụrụ ahụ ji ọsọ na-abịa, m ga-enwe ike ịmụ gbasara ihe ndị Chineke kere ruo mgbe ebighị ebi, ma otú dị ịtụnanya o si kee ahụ́ mmadụ. N’eziokwu, ihe m na-atụ anya ya kemgbe m bụ nwata ga-emezucha n’oge na-adịghị anya. Obi siri m ike na ọdịnihu ga-akacha mma.