TONATOU MAʼULI
Neʼe Au Maʼu He Meʼa ʼe Lelei Age ʼi Te Gaue Fakatoketa
“ ʼE KOLUA lolotoga fakaha mai nei ia te meʼa ʼae neʼe au moemisi ki ai talu mai taku kei veliveli.” Neʼe au fiafia ʼi te fai ʼo te ʼu palalau ʼaia ki te toko lua neʼe matou palalau ʼi te avahi ʼo toku fale gaue ʼi te taʼu 1971. Neʼe heʼeki faʼa fualoa ki ai te maʼu ʼo toku pepa gaue fakatoketa. Neʼe ko ai te toko lua ʼaia, pea neʼe kotea ʼae neʼe au moemisi ki ai talu mai taku kei veliveli? Tuku pe ke au fakamatala atu pe neʼe fetogi feafeaʼi e te faipalalau ʼaia ia te ʼu meʼa ʼae neʼe maʼuhiga ʼi toku maʼuli pea mo au tui ʼe hoko anai ia te meʼa ʼae neʼe au moemisi ki ai talu mai taku kei veliveli.
Neʼe au tupu ʼi te taʼu 1941 ʼi he famili masiva, pea neʼe matou maʼuʼuli ʼi Falani, ʼi te kolo lahi ko Palesi. Neʼe ko au ko he tahi neʼe fia ako. ʼI toku taʼu 10, neʼe au kau leva ʼi te mahaki ko te fatafata vaivai ʼo mole kei feala ai ke au alu ʼo ako, neʼe au logoʼi ai he toe lotomamahi. Neʼe kole mai e te ʼu toketa ke au takoto maʼu ke ʼaua naʼa gaʼegaʼe ʼoku ifiifi. Koia, lolotoga he ʼu mahina, ko te meʼa pe neʼe au fai ko te lau o te foʼi tikisionalio pea mo fakalogo te Latio ʼo Sorbonne, ʼae neʼe fakahaʼele e te Univelesite ʼo Palesi. Fokifa pe kua fakaha mai e taku toketa kua lelei toku mahaki pea kua feala ke au toe liliu ʼo ako. Neʼe au fiafia ʼaupito. Neʼe ʼaho pe maʼa ʼaku: ‘ ʼI gaue taulekaleka ʼe fai e te kau toketa.’ ʼI te moʼi temi leva ʼaia, neʼe au fakaʼamu ai leva ke au fakamalolo te hahaʼi mai ʼonatou mahaki. Ka fehuʼi mai pe taku tamai pe kotea te gaue ʼae ka fai anai moka au lahi, ko taku tali pe ʼe tahi: “ ʼE au fia liliu ʼo toketa.” Ko te tupuʼaga la ʼaia ʼo taku mamana ki te gaue fakatoketa.
ʼAKI TE SIENESIA, NEʼE AU FAKAOVI AI KI TE ʼATUA
ʼI toku famili, neʼe matou lau pe ʼe matou Katolika. Kae neʼe mole au faʼa mahino lelei ki te ʼAtua pea neʼe lahi ʼaku fehuʼi neʼe mole maʼu hona ʼu tali ki ai. Neʼe hoki au tui leva neʼe fakatupu ia te maʼuli ʼi taku fai ia te ʼu ako fakatoketa ʼi te univelesite.
ʼE au manatuʼi ʼi taku ʼuluaki sio ʼi te foʼi meʼa fakaʼaʼata ko te microscope ki te selule ʼo te matalaʼi ʼakau ko te tulipe. Neʼe au ʼofolele ʼi te gaue ʼe fai e te selule ʼaia moka vevela pea moka momoko. Neʼe au toe tokagaʼi te gaue ʼe fai e te cytoplasme (te kiʼi eveeve ʼe maʼu ʼi te loto selule). Ko te aluʼaga ʼaia pea mo ʼihi atu, ʼe feala ai ki te sino ke malohi
moka hoko he ʼu fetogi. Ko te faigataʼa ʼo te fakamahino ʼo te ʼu fetogi ʼaia ʼi te selule, ʼe ko he fakamoʼoni ʼaia neʼe mole hoʼi ha feia pe te maʼuli.ʼI toku lua taʼu ako fakatoketa, neʼe au sio ai ki ʼihi fakamoʼoni ʼe maʼuli moʼoni ia te ʼAtua. ʼI tamatou akoʼi te sino ʼo te tagata, neʼe matou vakaʼi te ʼuluʼuluʼi nima ʼo te tagata, ʼae ʼe ina fakafealagia ki te ʼu kauʼi tuhi ke gaugaue. ʼE tou tokagaʼi ai te lelei ʼaupito. Ohage la, neʼe au mahino, ko te foʼi ua ʼae ʼe haʼu mai te ʼuluʼuluʼi nima ki te lua fasiga kauʼi tuhi ʼe maga lua ohage ko he ʼaleso ʼo feala ai ke nofo lelei ia te ʼu ua ʼae ʼe ina fakamaʼuli te muamuaʼi kauʼi tuhi. ʼE ʼi ai mo te kiʼi kafo malohi ʼe ina fakamaʼumaʼu te ʼu ua ʼaia ki te ʼu fasiga kauʼi tuhi. Ka na neʼe mole ʼi ai la te ʼu koga ʼaia, neʼe ha pe ʼi tuʼa te mafao ʼo te ʼu ua. Neʼe au mahino ai leva ʼe ʼi ai te poto tauʼaluga neʼe ina faʼufaʼu te sino ʼo te tagata.
ʼI taku akoʼi ia te agaaga ʼo te tupu mai ʼo he kiʼi fanau, neʼe toe ʼaʼasili ai taku fakaʼapaʼapa lahi ki te Tupuʼaga ʼo te maʼuli. Neʼe au mahino ai, ʼi muʼa ʼo te tupu mai ʼa he kiʼi tamasiʼi, kua feala ke manava ʼaki te ʼaele ʼe haʼu mai tana faʼe ʼi te cordon ombilical. ʼI te temi ʼaia, heʼeki fonu ʼaele te ʼu kiʼi pu liliki ʼi te ʼu ifiifi. Pea ʼi te fakaovi mai ʼo te ʼaho fanau, ʼe fonu te ʼu kiʼi pu ʼaia ko te koga ʼe higoa ko surfactant. Pea ʼi te hili ʼo te tupu mai ʼa te kiʼi tamasiʼi, ʼe hoko te ʼu aluʼaga fakaofoofo ʼi te ʼuluaki manava ʼa te kiʼi tamasiʼi. ʼE mapunu leva te kiʼi pu ʼi te mafu ʼo te kiʼi tamasiʼi, ʼo feala ai ke alu ia te toto ki te ʼu ifiifi. ʼI te moʼi temi leva ʼaia, ko te gaue leva ʼe fai e te surfactant ko te tokaga ke ʼaua naʼa pikipiki te ʼu kiʼi pu ʼi tana lolotoga gaugaue. ʼE feala ai leva ki te kiʼi tamasiʼi ke manava tokotahi.
Neʼe au fia mahino pe ko ai ia Ia ʼae neʼe ina fakatupu ia te ʼu meʼa taulekaleka ʼaia. Neʼe au kamata lau fakamalotoloto ai te Tohi-Tapu. Neʼe au punamaʼuli ʼosi ki te kau ʼo te ʼu lekula ʼo te agamaʼa ki te fuakava neʼe fai e te ʼAtua mo te puleʼaga ʼo Iselaele kua hili ki ai taʼu ʼe 3 000. Neʼe kole e te ʼAtua ki te kau Iselaele ke natou tanu te ʼu faifekau, mo fakamaʼa tuʼumaʼu ʼaki te vai pea mo tuku keheʼi he tahi ʼe tau mo he mahaki tausino ia ʼaho ʼe 40 ke ʼaua naʼa pikisia he tahi. (Lev. 13:50; 15:11; Tet. 23:13) ʼI te Tohi-Tapu, neʼe ha ai ia te mahino ki te faʼahiga mafola ʼo te ʼu mahaki, kae neʼe hoki mahino ki ai te kau toketa ʼi te ʼu sekulo ki muli mai. Neʼe au toe mahino ko te ʼu lao ʼo ʼuhiga mo te agamaʼa ʼi te ʼu koga tapu ʼae ʼe tuʼu ʼi te tohi ʼo Levitiko, neʼe tokoni ki te malolo fakasino ʼo te puleʼaga katoa. (Lev. 12:1-6; 15:16-24) Neʼe au mahino ai neʼe foaki e te Tupuʼaga ia te ʼu lao ʼaia ki te kau Iselaele ke fua lelei kia natou pea mo ina tapuakiʼi ia natou ʼae ʼe fakalogo ki ʼana fakatotonu. Neʼe au tui papau ai neʼe tohi ia te Tohi-Tapu ʼaki te takitaki ʼa te ʼAtua, ʼae neʼe mole heʼeki au mahino ki tona huafa ʼi te temi ʼaia.
NEʼE AU ʼOHOANA PEA AU MAHINO AI LEVA KIA SEHOVA
ʼI taku lolotoga leleiʼia taku ako fakatoketa ʼi te univelesite, neʼe au felaveʼi leva mo te finemui neʼe higoa ko Lydie pea neʼe au manako ai leva. Neʼe ma ʼohoana ʼi te taʼu 1965, kae kei au lolotoga ako pe. ʼI te taʼu 1971, neʼe kua tutupu tamā foʼi toko tolu. Neʼe ko he tokoni lelei ia Lydie kia au ʼi taku gaue fakatoketa ʼo toe feia ki toma maʼuli fakafamili.
Neʼe au ʼuluaki gaue ia taʼu ʼe tolu ʼi he lopitali ʼi muʼa ʼo taku avahi ia toku fale gaue tokotahi. Mole Gaue 15:28, 29) Pea nā fakaha mai pe kotea ʼae ka fai anai e te Puleʼaga ʼo te ʼAtua. ʼE ina pulihi anai ia te mate, mo te mahaki pea mo te ʼu mamahi. (Apk. 21:3, 4) Neʼe au ui fenei age ai kia naua: “ ʼE kolua lolotoga fakaha mai nei ia te meʼa ʼae neʼe moemisi ki ai talu mai taku kei veliveli. Neʼe au fakaʼamu ke au toketa ke au fakafimalieʼi ia ia ʼae ʼe mamahi.” ʼI te lahi fau ʼo toku fiafia, neʼe matou faipalalau ai ʼi te hola katoa mo te vaelua. ʼI te temi ʼae neʼe kua mavae ai te taumatuʼa, ʼi toku loto neʼe mole kei au Katolika, pea neʼe kua au mahino leva ki te huafa ʼo te ʼAtua ʼae neʼe au fakaʼapaʼapa ki ai, ia Sehova.
faʼa fualoa ki ai, neʼe ʼomai te taumatuʼa ko tonā faitoʼo, ko te toko lua la ʼaia neʼe au palalau ki ai ʼi te kamata. Neʼe au lolotoga tohi te ʼu faitoʼo maʼa te tagata pea fokifa pe ʼe ui fenei mai e tona ʼohoana: “Fakalelei mai toketa, ʼe mole tonu ke ʼi ai he toto ʼi te ʼu faitoʼo.” Neʼe au punamaʼuli pea au fehuʼi fenei age: “Ko talua moʼoni? Kotea tona tupuʼaga?” Pea tali fenei mai e te fafine: “Ko maua ʼaeni ko te ʼu Fakamoʼoni ʼa Sehova.” Ko taku hoki logo palalau ʼae ki te kau Fakamoʼoni ʼa Sehova pea mo te tupuʼaga ʼo tanatou fakafisi ki te toto. Neʼe toʼo ake e te fafine ia tana Tohi-Tapu pea ina fakaha mai ia te vaega ʼae ʼe tupu ai tana fakafisi ki te toto. (Neʼe tuʼa tolu taku felaveʼi mo te taumatuʼa Fakamoʼoni ʼaia ʼi toku fale gaue, ʼo hola katoa tuʼumaʼu tamatou faipalalau. Neʼe au fakaafe leva naua ki toku ʼapi ke feala hamatou palalau fuafualoa ki te Tohi-Tapu. Tatau aipe pe neʼe lotolelei ia Lydie ke kau ki te ako ʼo Tohi-Tapu, kae neʼe faigataʼa ki ai tana tui ʼe hala ia te ʼu akonaki Fakakatolika. Koia neʼe au fakaafe mai ai mo te patele ki te faipalalau. Neʼe matou palalau fualoa ai ki te ʼu akonaki ʼa te ʼekelesia, ʼo matou fakaʼaogaʼi ʼateaina pe te Tohi-Tapu. ʼI te faipalalau ʼaia, neʼe tui papau ai ia Lydie ʼe akoʼi e te kau Fakamoʼoni ʼa Sehova ia te moʼoni. Ki muli age, neʼe malohi ai toma ʼofa ʼae kia Sehova ʼo ma papitema ai ʼi te taʼu 1974.
HE ʼU FAKATUʼUTUʼU FOʼOU
ʼI taku mahino ki te ʼu fakatuʼutuʼu ʼa te ʼAtua ʼo ʼuhiga mo te malamanei, neʼe fetogi ai ʼaku fakatuʼutuʼu. Neʼe liliu ia te tauhi kia Sehova, ko te gaue tafito ʼaia kia maua taumatuʼa ʼi toma maʼuli. Neʼe ma fakatotonu malohi ke ma akoʼi ki ʼamā fanau ʼo mulimuli ki te ʼu lekula ʼi te Tohi-Tapu. Neʼe liliu toma ʼofa ki te ʼAtua pea mo toma tatau ko he faʼahi neʼe ina fakamalohiʼi ʼamatou felogoi fakafamili.—Mat. 22:37-39.
Ka ma manatuʼi te ʼu taʼu kua hili atu, ʼe ma kakata ki te faʼahiga sio neʼe maʼu e tamā fanau Mat. 5:37) Ohage la, ko te tahi ʼi tamā ʼu taʼahine, ʼi tona taʼu 17, neʼe mole loto e Lydie ke alu ʼo haʼele mo ʼona kaumeʼa. Neʼe ui fenei age e te tahi ʼo ʼona kaumeʼa ki tamā taʼahine: “Kapau ʼe mole loto ki ai tau faʼe, kole ki tau tamai.” Kae neʼe ina tali fenei age: “ ʼE lelei pe te malolo ki ai, ʼe nā manatu tahi tuʼumaʼu pe naua.” Neʼe sisio mata tamā foʼi toko ono ki tamā maʼuliʼi te ʼu pelesepeto Fakatohi-tapu pea mo te malohi ʼo tamā logo tahi. ʼI te temi nei, kua tauhi fuli ʼamā fanau mo ʼonatou kiʼi famili kia Sehova. ʼE ma lotofakafetaʼi lahi ki totatou ʼAtua.
ʼo ʼuhiga mo tamā logo tahi. Neʼe natou mahino ko te lekula ʼo tomatou loto fale, neʼe fakatafito ki te ʼu palalau ʼa Sesu, ʼae ka “io” pea io pea ka “kailoa” pea kailoa. (Logo la neʼe fetogi e te moʼoni ʼaku fakatuʼutuʼu, kae neʼe au fakaʼaogaʼi toku poto fakatoketa ki te hahaʼi ʼa te ʼAtua. Neʼe au gaue ai leva ki te Petele, ʼi te temi ʼae neʼe kei tuʼu ai ʼi Palesi, pea ʼi te temi nei kua tuʼu leva ʼi Louviers. Neʼe au tatuʼu ki te Petele ʼi taku gaue lolotoga taʼu ʼe 50. Neʼe maʼu ai ʼoku kaumeʼa lelei ʼi te famili ʼo te Petele, ko ʼihi ʼi te temi nei, kua taki taʼu 90 tupu. Neʼe au fiafia ʼi taku felaveʼi mo te Petelite foʼou, neʼe au tokoni ki tona fanauʼi mai kua hili ki ai taʼu ʼe 20 tupu.
NE’E AU SIO KI TE TOKAGA ’A SEHOVA KI TANA HAHA’I
ʼAki te alu ʼo te ʼu taʼu, neʼe malohi ai toku ʼofa ʼae kia Sehova, pea mo au tokagaʼi ai tana faʼahiga takitaki pea mo puipui tana hahaʼi ʼaki tana kautahi. ʼI te kamata mai ʼo te ʼu taʼu 1980, neʼe fai he ʼu fakatuʼutuʼu e te Kolesi Pule ke lelei age te ʼu felogoi ʼa te kau Fakamoʼoni ʼa Sehova pea mo te kau toketa.
Pea ʼi te taʼu 1988, neʼe fakatuʼu leva e te Kolesi Pule te Selevisi Kumi Logo Fakatoketa ʼi te Petele ʼe tokaga ki te ʼu felogoi mo te kau toketa. ʼI te kamata, ne’e tokaga ki te ’u komite ’i Amelika ’e felogoi mo te kau toketa (CLH) moʼo tokoni ki te kau Fakamoʼoni ʼa Sehova ʼe mahahaki ke natou maʼu ni toketa ʼe natou fakahoko he ʼu faitoʼo ʼe mole fakaʼaogaʼi ai te toto. Ki muli age, ʼi te kua iloʼi ʼo te fakatuʼutuʼu ʼaia ʼi te malamanei katoa, neʼe fakatuʼu leva te ʼu komite CLH ʼi Falani. Neʼe au ʼofolele ʼi taku sio ki te tokoni ʼofa ʼe foaki e te kautahi ʼa Sehova ki te ʼu tehina mo tuagaʼane ʼe tau mo ni faigataʼaʼia.
KO HE MOEMISI KUA HOKO MOʼONI
Neʼe au ʼuluaki mamana ki te gaue fakatoketa. Kae ʼi taku vakavakaʼi ʼaku fakatuʼutuʼu, neʼe au mahino ai ko te fakamalolo ʼae ʼe maʼuhiga age, ʼe ko te fakamalolo fakalaumalie. ʼE tonu ke tou tokoni ki te hahaʼi ke natou fakatokatoka mo te ʼAtua, ia te Matapuna ʼo te maʼuli. ʼI taku letelete, neʼe ma fakaʼaogaʼi lahi toma temi ki te fakamafola ʼo te logo lelei ʼo te Puleʼaga, ʼo ma pionie katoa. Kei ma lagolago malohi pe ki te gaue haofaki maʼuli ʼaia.
ʼE kei au haga foaki pe he malolo fakatemi ki te hahaʼi mahahaki. Kae ʼe au tui papau, maʼia mo te toketa faiva, ʼe mole feala ke ina fakamalolo te ʼu mahaki fuli pea mo fakagata ia te mate. ʼE au atalitali ʼaki he lotofalala ki te temi ʼae ʼe mole toe maʼu ai he mamahi, mo he mahaki pea mo he mate. ʼI te malama foʼou ʼaia kua ovi mai, ʼe au maʼuli anai ʼo heʼe gata ke feala ke hoko atu taku ako ʼo ʼuhiga mo te fakatupu ʼa te ʼAtua, ʼo kau ai mo te taulekaleka ʼo tana fakatupu ia te sino ʼo te tagata. ʼE moʼoni, ʼe fakakoga pe ia te hoko ʼo taku moemisi ʼi taku kei veliveli, kae ʼe au tui papau ʼe kei toe age tona lelei ʼaupito.