Mínyaa?
Nyi yí taɖo enyɔ, ci Yehowa lɔn mɔ Izraɛliviwo le sɔ xlexu koɖo hwanlin sa vɔn nɔ yeɔ?
LE MOIZI Se lɔ mɛɔ, wosɔ xlexu koɖo hwanlinwo sanɔ avɔn nɔ Yehowa. Woyɔnɔ xevi cɛwo koɖo ve doju le ese ciwo yí xo nuxu so vɔnsawo nu yí woatɛnŋ azan eɖe do dumɛ nɔ xlɔtɔ. (1 Ese. 1:14; 12:8; 14:30) Nyi yí taɖo enyɔ, ci Yehowa nu ahan ɔ? Susu ɖeka yí nyi mɔ, de gashiagamɛ yí wokpɔnɔ xlexuwo o. Nyi yí taɖoɔ?
Xlexu
Zozu hwenuwo yí xlexuwo nɔnɔ Izraɛli. Vɔ xweshiaxwe le octobre wleci mɛɔ, woyinɔ finiwo zozu le, yí trɔnɔva Izraɛli le zozu gamɛ. (Salomɔ Ha 2:11, 12; Ʒer. 8:7) Eyi dɔ, le vuvɔ hwenuɔ, egbɔnnɔ nu nɔ Izraɛliviwo mɔ woakpɔ xlexu asɔ sa vɔn.
Hwanlin ci yí nɔnɔ ekpewo ji
Vɔ hwanlinwo nɔnɔ Izraɛli le exweɛ pleŋ mɛ, wowodeyinɔ fiɖe o. Gbesɔ kpe niɔ, wonyinɔ hwanlinwo le axomɛ. (Sɔ sɔ koɖo Ʒan 2:14, 16.) Wema ɖeka ci yí xo nuxu so aci koɖo elan ciwo yí le Bibla mɛ nu, nu mɔ: “Le kɔxwi koɖo eju ciwo pleŋ yí le Palestine mɛɔ, wokpɔnɔ hwanlinwo. Le axwe ɖekaɖeka mɛɔ, wowanɔ ekpu alo tɔnnɔ totu do egli mɛ nɔ wo.”—Sɔ sɔ kpɔ koɖo Ezai 60:8.
Axomɛ hwanlin
Yehowa dasɛ mɔ yelɔnnɔ amɛ yí gbesenɔ nu gɔnmɛ nɔ amɛ, ci eyɔ xevi ciwo woatɛnŋ akpɔ fafɛɖe le Izraɛli le xweɛ pleŋ mɛ yí asɔ sa vɔn ni.
