RO SASOSER Taurat, man tekukur ma manjawa bisa sfarser na ḇe farsarser faro Yahwe I. Sap kayam ker man suine, ma snonggaku Israel bisa skinfir man minsai nari sbuk ḇe farsarser. (Im. 1:14; 12:8; 14:30) Rosai ḇefnai sasoser ine nbuk payamyum ḇe er Israel? Snaro man tekukur sine sisya ker ro sup sḇarek ya ḇa. Rosai ḇefnai ya?

Man tekukur sisya ro sup Israel fafisu sup ya isam. Mboi, ro paik Oktober sup ya na ipnunek. Inja, nari siroḇ sibur ḇe sup-sup ḇesam syadi ro bar wamires. Nari skaḇer wer ḇe Israel ro fafisu rokaker na nasure ḇaido musim semi. (Kid. 2:11, 12; Yer. 8:7) Inja, snonggaku Israel ro fafisu iwara nari samswen ḇe si fa sbuk man tekukur ḇe farsarser ro fafisu sup ya ipnunek.

Manjawa iḇese ro man tekukur, ima iroḇ iḇur ḇe sup ḇesena ḇa. Inja, nari sisya ker ro Israel ro swaf taun ḇesiper. Oso wer ido, manjawa ine aiwan sfan sya. (Mam kako Yohanes 2:14, 16.) Syap Bible Plants and Animals (Rokaker ma Aiwan ḇero Refo) doḇe ”ro mnu ma sup ḇeba ro Palestina, sna manjawa sya ḇe rofanfan sesi. Ro rum sena oser-oser, sḇe mgir ro ander na ḇe moḇ fa manjawa ḇyarek ro ya”.​—Mam kako Yesaya 60:8.

Yahwe dor fa sbuk man ḇe farsarser napyan fa sismai ro taun ya ḇeriper. Ine fyasnaiḇair Yahwe ima Allah ḇesawarwar ma ḇefawi kaku samambraḇ ro snonggaku sya.