БЬН Ԛануна Мусада, Йаһоԝа һьм фатьмок, һьм жи кәвотк, ча ԛӧрбан ԛәбул дькьр. Ԛанунед дәрһәԛа ԛӧрбана, һәртʹьм бәʹса ван дӧ чʹьвика дькьрьн, у изьн һәбу кӧ әԝ дәԝса һәв бен пʹешкʹешкьрьн (Ԛануна Кʹаһинтийе 1:14; 12:8; 14:30). Әв йәк чьма баш бу? Мәʹник әв бу кӧ фатьмок щарна дәст нәдькʹәтьн. Гәло чьрʹа?

Фатьмок чʹьвикед кʹочʹбәр ьн, йед кӧ тʹәне мәһед гәрмда ԝәлате Исраеледа дьминьн. Һәр мәһа Щотмәһе, әԝана дәрбази ԝәлатед дьһа гәрм дьбьн, у бьһаре әԝана вәдьгәрʹьн ԝәлате Исраеле (Стьранед Сьлеман 2:11, 12; Йерәмийа 8:7). Ләма жи ԝәʹде бәре Исраелийарʹа зор бу, ԝәки зьвьстане фатьмока ԛӧрбан бькьн.

Жь алийе дьнва, һʹәчʹи зәʹф кәвотк кʹочʹ накьн, ләма әԝана тʹәмамийа сале ԝәлате Исраеледа һәбун. Һьн жи, кәвотк чʹьвикед кʹәди бун (Бәрамбәр кьн Йуһʹәнна 2:14, 16 бьньһерʹә). Ль гора кʹьтебәке «һʹәму гӧнд у бажаред Палестинайеда кәвоткед кʹәди һәбун. Һәр маләкеда, щийе кәвотка йан жи ԛӧл диԝерда һәбу, ԝәки чʹьвик ԝедәре бьминьн» (Bible Plants and Animals) (Бәрамбәр кьн Ишайа 60:8).

Әв йәк кӧ Йаһоԝа чʹьвикед кӧ тʹәмамийа сале һеса дәст дькʹәтьн ча ԛӧрбан ԛәбул дькьрьн, нишан дькә кӧ әԝ чьԛас билан у дьлован ә.