Ni ká churi ngba?
Ká addudho Yova ungʉe ritso le bbʉ lirɨ dhi re ma, bbana ma na bbʉdha dho?
YADHA ungʉe ritso u le bbʉ lirɨ (njiwa-tetere) dhi re ma, bbana ma na bbʉdha Yova dho. Bí ina le ngʉ adi loti ddinga aro kʉ ná fø re djo sheria nǎ ndirigoti ri kangʉe ka le bbʉ ddi ri bbʉ ddi ri rɨngana. (Law. 1:14; 12:8; 14:30) Føri ká ngʉe bblo addudho? Dho ná ddikpa lo ngʉe lirɨ dhi re nzɨ ngʉ adi bani krʉ saa ró ri. Ká addudho?
Lirɨ (njiwa-tetere)
Lirɨ ngʉe dyadya ndi dho ná re, føri dho ri ngʉ adi si Izraeli na cho dyi na. Krʉ bi kumi na ri adi rara agʉ nga laidjó dyi ká nǎ ná ngø na ndirigoti ri adi ngʉ Izraeli nǎ cho dyi dhi saa na. (Wim. 2:11, 12; Yer. 8:7) Grɨ dhi saa na, ri ngʉe kpakpa Izraeli nǎ le ba lirɨ dhi re bbʉdha dho.
Bbana
Føri ró ro njonjo, bbana nzɨ ngʉ adi dyadya ri, føri dho ri ngʉ adi bani ba Izraeli bbá krʉ saa ró. Ndirigoti ri ngʉe abba le ngʉ adi ngu ná re. (Anja Yohana 2:14, 16.) Bible Plants and Animals dhi buku pori, “Palestine nǎ krʉ kʉ ná bbagʉ ndirigoti krʉ kʉ ná vile lu le ngʉ adi bbana ngu. Krʉ kʉ ná nrŭ bba lú le ngʉ adi bbana dhi dza ba inga nrŭ ngʉ adi bbu tø dzaikpa na ndiro bbana di ri nǎ d’e.”—Anja Isaya 60:8.
Bbana kʉ ndidhó dza nǎ
Yova ungʉe ritso Waizraeli bbʉ ni bani krʉ cho ró ná re bbʉdha, ná føri ngʉ ridho ke kʉ jidha na ndirigoti ke ngaddi ni nrŭ djo.
