NA GBE ti Ndia, Jéhovah ayeda ti tene a mû akolokoto nga na apigeon na sandaga. A yeke sara tënë ti andeke so use lakue na yâ ti ndia so andu tënë ti mungo sandaga na a peut ti mû mbeni na place ti mbeni (Lév. 1:14; 12:8; 14:30). Ngbanga ti nyen la a yeke nzoni? Mbeni raison ni ayeke so, a yeke lakue la a yeke wara akolokoto ape. Ngbanga ti nyen?

Akolokoto ayeke andeke so ayeke duti ndo oko ape; a yeke wara ala na Israël na ngoi ti ndowa. Lakue na octobre, ala yeke gue na akodro so ndowa ayeke dä na mbage ti sud na ala yeke kiri na Israël na mars wala avril (Bia ti Sal. 2:11, 12; Jér. 8:7). Tongaso, ândö a yeke ngangu ti tene azo ti Israël amû akolokoto na sandaga na ngoi ti dê.

Me apigeon ayeke hon ti ala ape, tongaso a yeke wara ala na yâ ti ngu ni kue na Israël. Na ndö ni, a yeke bata apigeon batango. (Bâ Jean 2:14, 16.) Tongana ti so mbeni mbeti (Bible Plants and Animals) atene, “na yâ ti akete kodro nga na akete gbata kue na Palestine, a yeke bata lani apigeon. Zo kue, so ayeke na da, ayeke na mbeni da ti apigeon wala mbeni dû na yâ ti mur so apigeon apeut ti lango dä.”—Bâ Ésaïe 60:8.

Jéhovah afa so lo sara ye na ndoye nga lo sara ye ahon ndö ni ape na lege so lo yeda ti tene a mû na sandaga andeke so a yeke ngangu ape ti wara ala na yâ ti ngu ni kue na Israël.