Wɛ ongewake?
Lamo iyayale nkambo djɛ wɔlɔ djɛ Yehova ndjawola djɛ mpópó la tokilimba mpɛyama etengo olambo?
L’ƐLƐMBƐ, ayale mpópó kana tokilimba tawolamaki djɛ ndambola Yehova olambo. Wangolumulake tofulu tope tɔsɔ esanga l’ɛlɛmbɛ welendana l’elambo edjinge wakokaki nkamba l’ɔmɔtshi l’edjena kɛ onkina. (Lew. 1:14; 12:8; 14:30) Ya lamo nkambo djɛsɔ yayalaka la wapɔ? Elonga kɛ ntondo nde mpópó ntalekaki mbayema mbala efula. Lamo nghɔsɔ?
Empópó
Ladjikɛnde mpópó walekɔ tofulu tɔsɛkɔka djena la djena edjinge towikaki lá owila w’Isariyɛlɛ y’otondo ngo lá angɔndɔ yɛ taane. Ngɔndɔ yɛ djomi inkfumɔ, wasɛkɔki tá ewila welá sidɛ wéwálaki taane ko wakalɔki tá Isariyɛlɛ lá deko dj’ɔhɔ. (Yes. 2:11, 12; Jɛr. 8:7) Kɛsɔ nsakisolaka ente lá Isariyɛlɛ yɛ ntondo, ayalaki okakasano djɛ ose Isariyɛlɛ ndambola mpópó etengo olambo l’eleko k’anvula.
Ikilimba
L’onkoko onkina, tokilimba takokaki ntanema winá enkfumɔ l’Isariyɛlɛ ɔnɔnyi w’otondo ladjikɛnde watasɛkɔsɛkɔki djena. Kɛnɛ kelekande, wawongolaki tokilimba. (Ɛdjɛ la Djɔanɛ 2:14, 16.) Lá nkilika onkanda Bible Plants and Animals, “mbandja edjinge ngando inkfumɔ yelá Palestine wawongolaki tokilimba. Onto onkfumɔ ayalaki la mpeka djɛ tokilimba kana l’oholo l’epele wowikaki tokilimba.”—Ɛdjɛ lá Izaya 60:8.
Ikilimba l’epeka kɛnde
Djɛkondeke, Yehova ɛnyɛka djɛ nde alekɔ la ngandji edjinge l’ekanedji kɛ wɔlɔ má ndjawola djɛ tofulu tɛnamaki l’Isariyɛlɛ ɔnɔnyi w’otondo mpɛyama etengo olambo.
