Eba, Wakiba Wamanine?
Juu ya ki Yehova waakitile buino pa kwitabila bipeele ni tukunda biye byaleetua ku bulongio?
MU MUZILO, bipeele ni tukunda byaali byaitabiilue mu bulongio bwa kumutwalila Yehova. Lyonse, tootu tooni tubili twaali twazimbulua pamo mu mizilo palua ngeleelo kabili kila kooni kabanga kabombiiwa pa fuasi ya kenakue. (Bal. 1:14; 12:8; 14:30) Juu ya ki keekio kibanga kyakwasia? Kintu kimo kyaali kyalengiizie ni keeki, bipeele te bibanga byaleengelesie lyonse kupata. Juu ya ki?
Kipeele
Bipeele bebio bili byakuuka, kabili mu kyalo kya Israeli bili byaikalamo mu miezi ya lyuza. Kila Muezi wa 10, bili byakuukila ku nkungulua (sud) mu byalo bilimo lyuza. Bili byabuela ku Israeli ku mpela ya mainza. (Lwi Luw. 2:11, 12; Yer. 8:7) Mu Israeli ya kale keekio kyaali kyalangilila nangue kibanga kyakolele ku Baisraeli kufumia bupe bwa bipeele mu kipindi kya kasama kakata.
Kakunda kali kakuutua nangue ka ku muamba
Inzi tukunda twene lingi te twizi kukuuka, pakaako twaali twasaangua mu Israeli muaka onse. Kabili kukila pa kaako, tukunda twaali twateekua. (Palania ni Yoane 2:14, 16.) Kitabu kimo kilandiile palua bimuti ni banama ba mu nsita ya Bibilia, kilandile eevi: “Mizi yonse pamo ni mizi ikata ya mu Palestina ibanga yateeka tukunda. Kila muine nsesi abanga wali ni kapungu ao litundu mu kibumba mwakwikala tooto tooni.”—Palania ni Isaya 60:8.
Kakunda kali mu kapungu
Kansi, Yehova waailangiliile kuya wali Leeza wa ntono kabili ateekameene kupitila kwitabila bulongio bwa tooni tubanga twaleengele kupatika ku Baisraeli mu muaka.
