DEDI bummonisina nsiku, Yave waba vitikanga mintindu mia mimiodi mi mabembi. Ayi mu minsiku mintubila matedi minkhayilu, bantangunanga mintindu mia mimiodi va kimueka. Ayi boti mutu kasi ko mintindu mia mimiodi, kalenda vana ntindu widi yandi. (Levi. 1:14; 12:8; 14:30) Kibila mbi dibela diambu dimboti? Kibila diba diambu diphasi kubaka ntindu wunkaka wu dibembi. Kibila mbi?

Kibila mabembi ma nsitu mabe kalanga to ku Isaeli mu thangu yimvula vayi mu thangu yi kisivu mawu mabe kuendanga mu zitsi zinkaka zidi mbazu ayi mabe vutukanga to mu thangu yimvula ku Isaeli. (Nkunga wu Solomo 2:11, 12; Yele. 8:7) Diawu ku Isaeli yikhulu, diba diambu diphasi kuvana mabembi amomo banga nkhayilu mu thangu kisivu.

Vayi mabembi ma buala mayendanga ko kuma kunkaka, mvandi baba tuilanga mawu. Diawu disa ba ko diambu diphasi kuvana mawu mu minkhayilu. (Dedikisa mawu na Yoa. 2:14, 16.) Dedi bummonisina buku yintubila biteka ayi bibulu, “mu mala moso ma palestina babe tuilanga mabembi ma buala. Ayi kadika mutu waba vanganga mabulu mu bibaka, muingi mawu mazingila.”—Dedikisa mawu na Yesaya 60:8.

Yave wumonisa luzolo ayi mamboti mu kuvana luaku basi Isaeli lu kuvana ntindu wu dibembi baba.