1. Songon dia do parngoluonmuna sebelum marsiajar Bibel?

 SONGON dia do parngoluonmuna sebelum marsiajar Bibel hamu dohot Saksi Jahowa? Godang sian hita dang olo mangingot-ingot i. Alana tikki i, standar ni portibi on do na mempengaruhi cara marpikkir dohot pangalahotta. Alani i, gabe ‘dang tatanda Debata jala dang adong janji ni Debata na tapaima’. (Eps. 2:12) Alai dung marsiajar Bibel hita, muba ma parngoluotta.

2. Aha do na gabe diboto hamu dung marsiajar Bibel?

² Dung marsiajar Bibel hamu, gabe diboto hamu ma adong do Ama na di surgo na makkaholongi hamu. Diboto hamu ma, asa boi dibahen hamu las rohana jala gabe bagian ni keluargana, ikkon muba do gaya hidupmuna dohot cara marpikkirmuna. Jala, ikkon diihutton hamu do standar ni Jahowa taringot na sittong dohot na sala.​—Eps. 5:3-5.

3. Sesuai tu Kolosse 3:9, 10, aha do na dipangido Jahowa sian hita, jala aha do na lao tabahas di artikel on?

³ Ala Jahowa do Bapakta jala Ibana do na manoppa hita, marhak do Ibana manottuhon standar taringot pangalaho ni keluargana. Jala dipangido Ibana do sebelum tardidi hita ikkon ‘tatanggalhon pangalaho na leleng dohot akka na taulahon najolo’. * (Jaha Kolosse 3:9, 10.) Artikel on, mangurupi akka halak na naeng tardidi mamboto alus ni tolu sukkun-sukkun on: (1) Aha do “pangalaho na leleng” i? (2) Boasa dipangido Jahowa asa tatanggalhon pangalaho na leleng i? (3) Songon dia carana mangulahon i? Jala  parsiajaran on pe mangurupi akka naung tardidi asa unang mulak tu pangalaho na leleng i.

4. Songon dia do halak na dikendalihon “pangalaho na leleng”?

⁴ Halak na dikendalihon “pangalaho na leleng”, i ma halak na marpikkir jala bertindak mangihutton parngoluon ni daging. Misalna halak na egois do ibana, mura-mura muruk, dang diboto mandok mauliate, jala pasangaphu tu dirina. Lomo do rohana mangida pornografi, manotton film na patuduhon seks na so patut, manang kekerasan. Bisa jadi adong do sifatna na denggan jala olo do ra menyesal ibana mangulahon na sala. Alai dang kuat keinginanna lao mangubah cara marpikkir dohot pangalahona na sala i.​—Gal. 5:19-21; 2 Tim. 3:2-5.

5. Boi do tabolokkon sude pikkiran dohot keinginan na sala sian diritta? Patorang ma. (Ulaon ni Apostel 3:19)

⁵ Ala dang sempurna hita, dang boi tabolokkon sude keinginan dohot pikkiran na sala. Buktina olo do tasolsoli pambahenan dohot pakkataiotta na sala. (Jer. 17:9; Jak. 3:2) Alai tikki tatanggalhon pangalaho na leleng i, dang dikendalihon cara marpikkir dohot parniulaon ni daging be hita jala dang i be na mangarajai diritta.​—Jes. 55:7; jaha Ulaon ni Apostel 3:19.

6. Boasa dipangido Jahowa tabolokkon cara marpikkir dohot kebiasaan na sala?

⁶ Massai holong do roha ni Jahowa tu hita jala lomo do rohana asa marlas ni roha hita. Alani i ma, dipangido Jahowa do hita mambolokkon cara marpikkir dohot kebiasaan na sala. (Jes. 48:17, 18) Diboto Jahowa do muse molo torus taulahon keinginan na sala i, gabe susa ma hita dohot akka halak na di sakalilingta. Jala lungun do roha ni Jahowa mangida i.

7. Sesuai tu Rom 12:1, 2, aha do pilihan na ikkon tabahen?

⁷ Bisa jadi adong do dongan manang keluarga na mangarehei hita ala berupaya hita muba. (1 Ptr. 4:3, 4) Didok nasida, bebas do hita mangulahon manang aha pe na tahalomohon, jala dang porlu hita diatur-atur. Alai akka halak na so olo mangihutton standar ni Jahowa,  sasittongna dang benar-benar bebas. Gariada dirajai portibi ni Sibolis do nasida. (Jaha Rom 12:1, 2.) Jadi ikkon tapillit do: Torus do tapakke pangalaho na leleng na dipengaruhi portibi ni Sibolis on, manang olo do hita dibentuk Jahowa gabe halak na denggan.​—Jes. 64:8.

8. Aha do na mangurupi hita asa boi mambolokkon pikkiran dohot kebiasaan na sala?

⁸ Diboto Jahowa do porlu tikki dohot upaya asa boi mambolokkon pikkiran dohot kebiasaan na sala. (Ps. 103:13, 14) Jala rade do Jahowa mangurupi. Dilehon Jahowa do bisuk dohot gogo tu hita asa boi muba. Dilehon do i marhite Bibel, tondi parbadiana, dohot organisasina. Saonari, taida ma piga-piga cara na boi diulahon hamu asa boi mananggalhon pangalaho na leleng i jala memenuhi syarat lao tardidi.

9. Songon dia do Bibel boi mangurupi hamu mananggalhon pangalaho na leleng?

⁹ Pakke ma Bibel mamareso dirimuna. Sarupa do Bibel songon kaca. Boi do i mangurupi hamu mamareso cara marpikkir, pakkataion, dohot tindakanmuna. (Jak. 1:22-25) Boi do diurupi guru studi dohot halak Kristen na matang hamu mangulahon i. Misalna, boi do dipatudu nasida akka ayat ni Bibel asa diboto hamu kelebihan dohot kekuranganmuna. Boi do tong diurupi nasida hamu mangalului akka prinsip ni Bibel asa boi mambolokkon kebiasaan na sala. Ingot ma, sai rade do Jahowa mangurupi hamu. Jala diboto Jahowa do na di rohamuna. Diboto Ibana do muse cara na terbaik mangurupi hamu. (Poda 14:10; 15:11) Jadi taratur ma hamu martangiang dohot marsiajar Bibel ganup ari.

10. Aha do na taparsiajari sian pengalaman ni si Elie?

¹⁰ Pos ma rohamuna standar ni Jahowa do na undenggan. Godang do manfaat na tadapot molo taulahon akka na dipangido Jahowa sian hita. Gabe adong ma harga diritta, adong tujuan ni ngolutta, jala las rohatta. (Ps. 19:7-11) Sebalikna susa do akka halak na so olo mangihutton standar ni Jahowa. Parrohahon ma pengalaman ni si Elie. Sebenarna Saksi Jahowa do natua-tuana jala diajari do ibana makkaholongi Jahowa. Alai dung remaja, mardongan do si Elie tu halak na so suman pangalahona. Gabe marnarkoba ma ibana, manakko, jala mangulahon seks na so patut. Disadari si Elie ma gabe mura-mura ibana muruk jala lomo rohana tu kekerasan. Didok si Elie, “Boi ma nidok, huulahon do sude na so boi diulahon halak Kristen.” Alai dang dilupahon si Elie akka na hea diparsiajari ibana tikki poso dope. Jadi marsiajar Bibel ma ibana muse. Berjuang do ibana mambolokkon kebiasaan na sala i jala tardidi ma ibana taon 2000. Aha do manfaat na dihilala si Elie dung diihutton ibana standar ni Jahowa? Didok ibana, “Saonari dame ma pikkiranku jala ias ma panggora ni rohakku.” * Sian pengalaman on marsiajar do hita, gabe susa do akka halak molo dang olo mangihutton standar ni Jahowa. Alai nang pe songon i, sai rade do Jahowa mangurupi nasida asal ma olo muba.

11. Akka aha do na dihasogohon Jahowa?

¹¹ Sogo ma rohamuna tu na dihasogohon Jahowa. (Ps. 97:10) Bibel mandok sogo do roha ni Jahowa tu ‘siginjang roha, pargabus, jala tu na mambunu halak na so  marsala’. (Poda 6:16, 17) Asing ni i, “magigi do Jahowa tu halak na kejam dohot tu halak na mangoto-otoi”. (Ps. 5:6) Sogo hian do roha ni Jahowa tu pangalaho sisongon i. Alani i ma dipamate Jahowa sude parjahat di jaman ni si Noak najolo. Alana gok do hajahaton di tano on dibahen nasida. (1 Mus. 6:13) Asing ni i, sogo do roha ni Jahowa tu halak na mangalului cara asa boi manirakkon istrina na so marsala, songon na dipaboa Ibana tu si Maleaki. Dang dijalo Jahowa ibadat ni nasida jala dihukum do nasida alani pangalahona i.—Mal. 2:13-16; Heb. 13:4.

12. Aha do maksudna ikkon ‘sogo rohatta mangida na jahat’?

¹² Dipangido Jahowa do asa ‘sogo rohatta mangida na jahat’. (Rom 12:9) Hata “sogo” patuduhon perasaatta tu akka na so tahalomohon manang na tahagigihon. Bayakkon ma molo disuru hamu mangallang sipanganon na busuk. Boha do reaksimuna? Holan mambayakkon i pe nga magigi hamu. Dos songon i ma, holan mambayakkon akka na dihasogohon Jahowa pe hita, seharusna ikkon magigi do hita.

13. Boasa ikkon tajaga pikkiranta?

¹³ Jaga ma pikkiranmuna. Aha na tapikkirhon berpengaruh do tu tindakanta. Alani i ma disuru Jesus hita mambolokkon pikkiran na sala, ala boi do i mambahen hita mangulahon dosa na balga. (Mat. 5:21, 22, 28, 29) Tottu lomo do rohatta mambahen las roha ni Jahowa. Alani i, ikkon hatop do tabolokkon pikkiran na sala.

14. Aha do na didok Jesus taringot pakkataionta, jala sukkun-sukkun aha do na porlu tapikkirhon?

¹⁴ Kendalihon ma pakkataionmuna. Didok Jesus, “Sude na kaluar sian pamangan ni halak, na ro sian roha do i jala i do na mambahen ramun.” (Mat. 15:18) Sian pakkataionta tarida do aha na adong di bagas rohatta. Jadi tasukkun ma diritta, ‘Berusaha do au jujur nang pe gabe parohon masalah i tu au? Molo nungnga menikah au, olo dope au menggoda lawan jenis? Hupasiding do pakkataion na rorang? Lambok do au mangalusi halak na mambahen au kesal?’ Godang do manfaatna molo tapikkirhon sukkun-sukkun on. Sarupa do pakkataionta songon kancing ni baju na tapakke. Molo tabukka kancing i, gabe mura ma hita mambukka bajutta i.  Songon i ma tong, molo berupaya hita jujur, dang kasar makkatai, jala dang olo mandok hata na rorang, gabe mura ma hita mananggalhon pangalaho na leleng i.

15. Aha do maksudna mamakkuhon pangalahotta najolo i di hau?

¹⁵ Bertindak ma hamu asa boi muba. Dipaboa si Paulus do di suratna sada ilustrasi lao patuduhon massai penting do mengubah gaya hidupta. Didok ibana, ikkon ‘tapakkuhon do pangalahotta najolo i di hau’. (Rom 6:6) Songon Jesus, olo do ibana dipakkuhon di hau asa boi mambahen las roha ni Jahowa. Sarupa songon i ma, asa boi tabahen las roha ni Jahowa ikkon olo do hita mambolokkon sifat dohot ulaon na dihasogohon rohana. Ikkon taulahon do i, asa boi ias panggora ni rohatta. Dung i boi ma hita mandapot hangoluan na saleleng ni lelengna. (Joh. 17:3; 1 Ptr. 3:21) Taingot ma, dang Jahowa na ikkon menyesuaihon standarna tu hita. Alai ikkon hita do na muba asa boi mangihutton standar ni Jahowa.—Jes. 1:16-18; 55:9.

16. Boasa ikkon torus hamu berjuang mangalo parniulaon ni daging?

¹⁶ Torus ma berjuang mangalo keinginan na sala. Nang pe nungnga tardidi hamu, ikkon torus do hamu berjuang mangalo keinginan na sala. Parrohahon ma pengalaman ni sahalak bawa na margoar si Maurício. Mulai sian na poso, nungnga homoseksual ibana. Dung i, pajuppang ma ibana dohot Saksi Jahowa jala marsiajar Bibel ma ibana. Dung dibahen perubahan, ujungna tardidi ma ibana di taon 2002. Nang pe nungnga martaon-taon si Maurício tardidi, didok ibana do, “Huakkui do, sahat tu saonari ikkon berjuang dope au mangalo keinginan na sala i.” Alai dang gabe kecil hati ibana. Didok ibana muse, “Sai hupaingot do dirikku, molo dang menyerah au, boi ma hubahen las roha ni Jahowa. Gabe semangat ma au muse.” *

17. Aha do na boi taparsiajari sian pengalaman ni si Nabiha?

¹⁷ Martangiang ma tu Jahowa, jala tondi parbadiana ma andalhon hamu, unang gogomuna sandiri. (Gal. 5:22; Plp. 4:6) Ikkon bertekad do hita mambolokkon pangalaho na leleng. Parrohahon ma pengalaman ni sahalak borua na margoar si Nabiha. Nungnga ditinggalhon bapakna ibana tikki marumur onom taon. Didok  ibana, “Hancur hian do perasaanku alani i.” Dung magodang si Nabiha gabe parmuruk-muruk ma ibana jala kasar. Manjual narkoba ma ibana, ditakkup, jala dipenjarahon saleleng piga-piga taon. Tikki dipenjara ibana, marbarita na uli ma Saksi Jahowa tu ibana. Marsiajar Bibel ma ibana, dung i dibahen si Nabiha ma perubahan na balga di ngoluna. Didok ibana, “Adong do piga-piga kebiasaan na boi hatop hupaso, alai molo na marisap i na maolan do i hupaso.” Lobi sian sataon baru boi dipaso si Nabiha na marisap i. Boasa boi marhasil ibana? Didok ibana, “Torus do martangiang au tu Jahowa, i do na mangurupi au asa boi so marisap.” Didok ibana do muse, “Saonari, pos do rohakku mandokkon tu na asing, boi do au muba jala mambahen las roha ni Jahowa. Jadi hamu pe boi do!” *

18. Sesuai tu 1 Korint 6:9-11, perubahan aha do na boi dibahen naposo ni Jahowa?

¹⁸ Di abad na parjolo adong do bawa dohot borua na mangulahon kebiasaan na sala songon berzina, homoseksual, dohot manakko. Alai ala diurupi tondi parbadia, boi ma diuba nasida pangalahona. Ujungna gabe dipillit Jahowa ma nasida rap mamaretta dohot Jesus. (Jaha 1 Korint 6:9-11.) Suang songon i ma, saonari adong do marjuta halak na boi muba ala marsiajar Bibel nasida. * Boi do marhasil nasida nang pe maol maninggalhon kebiasaan na roa i. Jadi pos ma rohamuna, hamu pe boi do muba sian pangalahomuna na sala i jala gabe memenuhi syarat lao tardidi.

19. Aha do na lao tabahas di artikel berikutna?

¹⁹ Akka halak na naeng tardidi dang cukkup holan mananggalhon pangalaho na leleng, alai ikkon dipakke nasida do muse pangalaho na imbaru. Di artikel berikutna, lao tabahas ma songon dia carana mangulahon i jala songon dia dongan na asing boi mangurupi hita.