1. Omu mirundi mingi nikihai ekilikuhindura engesho zaitu?

 IWE tumebatizwa hivi karibuni au miaka mingi iliyopita, sisi sote tunataka kuwa na utu ambao Yehova anaupenda. Ili tuwe na utu huo, tunahitaji kudhibiti njia yetu ya kufikiri. Kwa nini? Kwa sababu sehemu kubwa ya utu wetu hufinyangwa na njia yetu ya kufikiri. Ikiwa tuna mazoea ya kufikiria kuhusu tamaa za mwili, tutasema au kutenda mambo mabaya. (Efe. 4:17-19) Kwa upande mwingine, ikiwa tunajaza mawazo mazuri akilini, inaelekea kwamba tutazungumza na kutenda kwa njia inayomfurahisha zaidi Baba yetu, Yehova.​—Gal. 5:16.

2. Omu makala egi nitwija kuhenjuza bibazoki?

² Kama ilivyotajwa katika makala iliyotangulia, hatuwezi kuzuia mawazo yote mabaya yasiingie katika akili zetu. Lakini tunaweza kuchagua kutotenda kulingana na mawazo hayo. Kabla hatujabatizwa, tunahitaji kuacha kusema na kutenda kwa njia ambayo Yehova anaichukia. Hiyo ni hatua ya kwanza na muhimu ya kuvua utu wa zamani. Hata hivyo, ili kumfurahisha kikamili Yehova, ni lazima pia tutii amri hii: “Mjivike utu mpya.” (Kol. 3:10) Katika makala hii, tutajibu maswali yafuatayo: “Utu mpya” ni nini? Tunaweza kuvaaje utu mpya na kuendelea kuwa nao sikuzote?

3. Omu kuhonderana n’ Abagalasia 5:22, 23, “obuntu obuhya” kiki na nitubasa kubujwara tutai?

³ “Utu mpya” ni njia ya kufikiri na kutenda inayopatana na utu wa Yehova. Mtu hujivika utu mpya kwa kusitawisha sifa za tunda la roho ya Mungu, akiiruhusu roho takatifu ichochee mawazo, hisia, na matendo yake. (Soma Wagalatia 5:22, 23.) Kwa mfano, mtu huyo anampenda Yehova  na watu wake. (Mt. 22:36-39) Anadumisha shangwe yake hata anapokabiliana na majaribu. (Yak. 1:2-4) Ni mwenye kufanya amani. (Mt. 5:9) Ni mwenye subira na fadhili anaposhughulika na wengine. (Kol. 3:13) Anapenda mambo mema na kuyatenda. (Luka 6:35) Kupitia matendo yake anathibitisha kwamba ana imani yenye nguvu kwa Baba yake wa mbinguni. (Yak. 2:18) Anaendelea kuwa mpole anapochokozwa na anaonyesha sifa ya kujizuia anaposhawishiwa.​—1 Kor. 9:25, 27; Tito 3:2.

4. Tubase kujwara obuntu obuhya, isi nitubasa kukuza engesho ezilikugambwa omu Abagalasia 5:22, 23 omu kubanza n’engesho eme me mo? Tugambire.

⁴ Ili kuvaa utu mpya tunahitaji kusitawisha sifa zote zinazotajwa kwenye Wagalatia 5:22, 23, na katika mistari mingine ya Biblia. * Sifa hizo si kama mavazi mawili kama vile shati na suruali ndefu, yanayovaliwa vazi moja kisha kufuatiwa na lingine. Isitoshe, nyingi kati ya sifa hizi zinahusiana kwa njia fulani. Kwa mfano, ikiwa kwa kweli unampenda jirani yako, utamwonyesha subira na fadhili. Na ili uonyeshe kikweli sifa ya wema, ni lazima uwe mpole na mwenye kujizuia.

5. ‘Okugira ebitekelezo bya Kirisito’ ekyo nikimanyisaki, na kubaki nitwetagwa kwega ekikwete aha mikalire ya Yesu? (1 Abakorinto 2:16)

⁵ Soma 1 Wakorintho 2:16. Ili kuvaa utu mpya tunahitaji ‘kuwa na akili ya Kristo.’ Kwa maneno mengine, ni lazima tujifunze jinsi Yesu anavyofikiri na kisha tumwige. Yesu anaonyesha sifa za tunda la roho ya Mungu kikamili. Kama kioo kisicho na dosari yoyote, ndivyo Yesu anavyofunua kikamili sifa za Mungu. (Ebr. 1:3) Kadiri tunavyofikiri zaidi kama Yesu, ndivyo tutakavyotenda kama yeye, na tutafanikiwa zaidi kuonyesha utu wake.​—Flp. 2:5.

6. Nibintuki ebilikwo ebyo tulikwetagwa kwijuka orwo tulikwekaza kujwara obuntu obuhya?

⁶ Je, inawezekana kweli kuiga mfano wa Yesu? Huenda tukafikiri hivi: ‘Yesu ni mkamilifu. Siwezi kamwe kumwiga kikamili!’ Ikiwa unahisi hivyo, kumbuka mambo haya hakika. Kwanza, uliumbwa kwa mfano wa Yehova na Yesu. Hivyo, unaweza kuchagua kuwaiga, na unaweza kufanikiwa kwa kiasi fulani. (Mwa. 1:26) Pili, roho takatifu  ya Mungu ndiyo kani yenye nguvu zaidi katika ulimwengu wote. Kwa msaada wa roho takatifu, unaweza kutimiza mambo ambayo hungeweza kamwe kuyafanya kwa kujitegemea mwenyewe. Tatu, Yehova hatarajii kwamba utaonyesha kikamili sifa za tunda la roho kwa sasa. Isitoshe, Baba yetu mwenye upendo ametenga miaka 1,000 kwa wale walio na tumaini la kuishi duniani, kufikia hali ya ukamilifu. (Ufu. 20:1-3) Jambo ambalo Yehova anataka tufanye sasa, ni kujitahidi kadiri tunavyoweza na kutegemea msaada wake.

7. Kany’aka nitwija kufumoraki?

⁷ Tunaweza kumwigaje Yesu kihususa? Tutachunguza kifupi sifa nne za tunda la roho ya Mungu. Katika kila kisa, tutaona mambo tunayoweza kujifunza kutokana na jinsi Yesu alivyoonyesha sifa hizo. Tunapofanya hivyo, tutachunguza baadhi ya maswali ambayo yanaweza kutusaidia kuchanganua maendeleo yetu inapohusu kuvaa utu mpya.

8. Yesu akolekya atai engonzi?

⁸ Upendo wenye kina ambao Yesu anao kumwelekea Yehova, ulimchochea ajidhabihu kwa ajili ya Baba yake na kwa ajili yetu. (Yoh. 14:31; 15:13) Yesu alithibitisha kina cha upendo wake kwa watu kupitia jinsi alivyoishi hapa duniani. Kila siku, alionyesha upendo na huruma hata wakati ambapo baadhi ya watu walimpinga. Njia muhimu ambayo alionyesha upendo wake kwa watu ni kwa kuwafundisha kuhusu Ufalme wa Mungu. (Luka 4:43, 44) Pia, Yesu alithibitisha upendo wake wa kujidhabihu kumwelekea Mungu na wanadamu kwa kuwa tayari kuvumilia kifo chenye maumivu makali mikononi mwa watenda dhambi. Kwa kufanya hivyo, alitufungulia sisi sote njia ya kupata uzima wa milele.

9. Nitubasa kurondora Yesu tutai, orwo tulikwolekya abandi engonzi?

⁹ Tulijiweka wakfu kwa Yehova na kubatizwa kwa sababu tunampenda Baba yetu wa mbinguni. Hivyo, kama Yesu tunapaswa kuonyesha upendo kwa Yehova kupitia jinsi tunavyowatendea watu. Mtume Yohana aliandika hivi: “Mtu ambaye hampendi ndugu yake ambaye amemwona, hawezi kumpenda Mungu ambaye hajamwona.” (1 Yoh. 4:20) Tunaweza kujiuliza hivi: ‘Je, nimesitawisha upendo wenye kina kwa ajili ya watu? Je, ninaonyesha huruma ninaposhughulika na wengine, hata kama wananitendea kwa njia isiyofaa? Je, upendo unanichochea kutumia muda na mali zangu kuwasaidia wengine wajifunze kumhusu Yehova? Je, niko tayari kufanya hivyo hata wakati watu wengi hawathamini jitihada zangu au wanaponipinga? Je, ninaweza kupata njia za kutumia muda mwingi zaidi katika kazi ya kufanya wanafunzi?’​—Efe. 5:15, 16.

10. Yesu akaba ali muntu alikukora emilembe omuli ngeliki?

¹⁰ Yesu alikuwa mwanamume mwenye kufanya amani. Watu walipomtendea vibaya, hakulipa uovu kwa uovu. Lakini alifanya mengi zaidi ya hilo. Alichukua hatua ya kwanza ya kufanya amani na kuwatia moyo wengine wasuluhishe hali yao ya kutoelewana. Kwa mfano, aliwafundisha kwamba ili Yehova akubali ibada yao, walipaswa kufanya amani na ndugu zao. (Mt. 5:9, 23, 24) Na mara kwa mara, aliwasaidia mitume wake kusuluhisha hali yao ya kutoelewana kuhusu ni nani kati yao aliyekuwa mkuu zaidi.​—Luka 9:46-48; 22:24-27.

11. Nitubasa tutai kuba bantu abalikukora emilembe?

¹¹ Ili tuwe wafanya amani tunahitaji kufanya mengi zaidi ya kuepuka tu kusababisha migogoro. Tunapaswa kuchukua hatua  ya kwanza ya kufanya amani na wengine na kuwatia moyo ndugu na dada zetu kusuluhisha tofauti zao. (Flp. 4:2, 3; Yak. 3:17, 18) Tunaweza kujiuliza maswali haya: ‘Niko tayari kudhabihu jambo gani ili kufanya amani pamoja na wengine? Ndugu au dada anaponiumiza hisia, je, ninaweka kinyongo? Je, ninamsubiri yule mtu mwingine achukue hatua ya kwanza ili kurudisha amani, au ninachukua hatua ya kwanza hata ikiwa inaonekana kwamba yeye ndiye mwenye kosa? Inapofaa, je, ninawatia moyo wale ambao wako katika hali ya kutoelewana wafanye amani na wengine?’

12. Yesu akolekya atai ekisha?

¹² Yesu alikuwa mwenye fadhili. (Mt. 11:28-30) Alionyesha fadhili kwa kuwa mpole na mwenye usawaziko, hata alipokuwa chini ya hali ngumu. Kwa mfano, mwanamke Mfoinike alipomwomba amponye mtoto wake, mwanzoni alikataa ombi lake, lakini mwanamke huyo alipoonyesha imani kubwa, kwa fadhili Yesu alimponya mtoto wake. (Mt. 15:22-28) Ingawa alikuwa mwenye fadhili, Yesu hakuongozwa tu na hisia alipofanya maamuzi. Nyakati nyingine, alionyesha fadhili kwa kuwa thabiti kuelekea wale aliowapenda. Kwa mfano, Petro alipojaribu kumzuia kufanya mapenzi ya Yehova, Yesu alimkemea mbele ya wanafunzi wenzake. (Marko 8:32, 33) Alifanya hivyo, si ili kumshushia heshima Petro, bali ili kumzoeza na kuwaonya wanafunzi wengine wasiwe na kimbelembele. Bila shaka, Petro aliaibika kwa kiasi fulani, lakini alinufaika na nidhamu hiyo.

13. Nitubasa kyolekya tutai abandi ekisha ky’amazima?

¹³ Ili kuwaonyesha fadhili kikweli wale unaowapenda, nyakati nyingine huenda ukahitaji kuzungumza nao waziwazi. Unapofanya hivyo, mwige Yesu kwa kutoa shauri linalotegemea kanuni za Neno la Mungu. Uwe mpole. Uwe na maoni mazuri kuwahusu, ukiamini kwamba wale wanaompenda Yehova na kukupenda wewe, wataitikia vizuri shauri lako linaloonyesha kwamba unawajali. Jiulize maswali haya: ‘Je, nina ujasiri wa kusema ninapoona mtu fulani ninayempenda akifanya jambo fulani baya? Ikiwa ninataka kutoa shauri, je, ninazungumza kwa fadhili au ninazungumza kwa ukali? Nia yangu ya kutoa shauri ni nini? Je, ninatoa shauri kwa sababu mtu huyo amenikasirisha, au ni kwa sababu ninataka kumsaidia?’

14. Yesu akolekya atai engesho ey’omutima gurungi?

¹⁴ Yesu anajua jambo lililo jema na pia analitenda. Yesu anampenda Baba yake, hivyo sikuzote anafanya mambo yaliyo sawa akichochewa na nia nzuri. Sifa ya wema hudhihirishwa kupitia jinsi inavyowanufaisha wengine. Ni sifa inayoonyeshwa kwa matendo yanayowanufaisha wengine. Haitoshi tu kujua mambo sahihi ya kufanya; bali ni lazima tufanye mambo sahihi tukiwa na nia nzuri. Huenda mtu akajiuliza, ‘Je, inawezekana kufanya jambo sahihi ukiwa na nia isiyofaa?’ Ndiyo, inawezekana. Kwa mfano, Yesu alizungumza kuhusu wale waliowapa zawadi maskini, lakini walihakikisha kwamba wengine wanajua kuhusu zawadi zao. Ingawa kazi hizo zilionekana kuwa nzuri, hazikumfurahisha Yehova.​—Mt. 6:1-4.

15. Nitubasa kyolekya tutai omu mazima engesho ey’omutima gurungi?

¹⁵ Tunaweza kuonyesha kikweli sifa ya wema ikiwa tunafanya jambo sahihi bila kuongozwa na ubinafsi. Hivyo unaweza kujiuliza hivi: ‘Zaidi ya kujua tu jambo la kufanya, je, kwa kweli ninalifanya? Ni nini kinachonichochea kufanya mambo mazuri?’

16. Buli kiro nitwetagwa kukoraki, na kubaki?

¹⁶ Hatupaswi kufikiri kwamba kazi inayohusisha kuvaa utu mpya inafikia kikomo tunapobatizwa. Tunahitaji kuendelea kudumisha utu wetu mpya ulio kama “vazi jipya” katika hali nzuri. Njia moja tunayoweza kufanya hivyo ni kwa kutafuta fursa kila siku ili kuonyesha sifa za tunda la roho ya Mungu. Kwa nini? Kwa sababu Yehova ni Mungu wa matendo, na roho yake ni kani ya utendaji. (Mwa. 1:2) Hivyo, kila sifa ya tunda la roho inaweza, na ni lazima ituchochee kutenda. Kwa mfano, mwanafunzi Yakobo aliandika hivi: “Imani bila matendo imekufa.” (Yak. 2:26) Inaweza kusemwa hivyo pia kuhusu sifa nyingine zote za tunda la roho ya Mungu. Kila wakati tunapoonyesha sifa hizo, tunathibitisha kwamba roho ya Mungu inatenda ndani yetu.

17. Nitwetagwa kukoraki orwo tulikulemwa kyolekya engesho z’ekiraba ky’omwoyo?

¹⁷ Nyakati fulani, hata Wakristo waliobatizwa miaka mingi iliyopita wanashindwa kuonyesha sifa za tunda la roho. Hata hivyo, jambo muhimu ni kuepuka kukata tamaa. Fikiria mfano huu. Nguo unayoipenda inaporaruka, je, utaitupa papo hapo? Hapana. Ikiwezekana utairekebisha kwa makini na baada ya hapo utakuwa mwangalifu zaidi. Vivyo hivyo, ikiwa pindi fulani unashindwa kutenda kwa fadhili, subira, au kwa upendo kumwelekea mtu fulani, usivunjike moyo. Ukimwomba msamaha kwa unyoofu, unaweza kurekebisha hali na kurudisha uhusiano wenu mzuri. Kisha uazimie kufanya vizuri zaidi wakati ujao.

18. Nitubasa kugira obwesige obukwete aha kintuki?

¹⁸ Tunathamini sana kuwa na kielelezo cha Yesu! Kadiri tunavyoiga njia yake ya kufikiri na mtazamo wake, ndivyo itakavyokuwa rahisi zaidi kwetu kutenda kama yeye. Kadiri tunavyotenda kama Yesu, ndivyo itakavyokuwa rahisi zaidi kwetu kuvaa utu mpya. Katika makala hii tumechunguza tu sifa nne za tunda la roho ya Mungu. Kwa nini usitenge wakati wa kupitia sifa nyingine za tunda la roho na kutafakari jinsi unavyoonyesha sifa hizo? Utapata orodha ya makala zinazohusu habari hii kwenye Mwongozo wa Utafiti wa Mashahidi wa Yehova chini ya “Maisha ya Kikristo” na kisha “Tunda la Roho.” Unaweza kuwa na uhakika kwamba ikiwa utafanya sehemu yako, Yehova atakusaidia kuvaa utu mpya na kuendelea kuwa nao sikuzote.