1. Aha do na masa dung mulak halak Jahudi na ditawan i tu Jerusalem?

 MASSAI las do roha ni halak Israel. Dibahen Jahowa do taronjar roha ni Raja Sirus na sian Persia lao paluahon halak Israel naung marpulu taon ditawan di Babel. Dibahen Raja i do pengumuman tu sude halak Jahudi na boi do nasida mulak tu huta ni nasida, lao pajongjokkon muse “jabu ni Jahowa Debata ni Israel”. (Esr. 1:1, 3) Pasti las do roha ni halak i mambege pengumuman i, gabe boi ma nasida muse mulak manomba Jahowa di huta ni nasida di Jerusalem.

2. Dung sahat di Jerusalem, aha do na diulahon halak Jahudi jala aha do hasilna?

² Taon 537 SM, sahat ma halak Jahudi di Jerusalem, i ma ibukota ni harajaon Juda na di sabola selatan. Disi sahat nasida pittor karejo do nasida pajongjokkon bagas joro i. Alani i di taon 536 SM, nungnga sae be dibahen fondasi ni bagas joro i.

3. Tantangan aha do na diadopi halak Jahudi?

³ Dung mulai dipajongjong halak Jahudi bagas joro i, adong ma tantangan. “Dipabiar-biar halak na di luat i ma halak Juda jala dibahen ma metmet roha ni nasida asa unang dipajongjong be jabu i.” (Esr. 4:4) Gabe lam tamba parah do muse situasina. Alana di taon 522 SM, gabe Raja Artasasta ma na mamaretta di Persia. * Dimanfaatton akka musu ni halak Israel do kesempatan i. “Dibahen nasida do akka aturan” lao pasohon pembangunan i. (Ps. 94:20) Didok nasida do tu Raja Artasasta, berencana do halak Jahudi memberontak tu ibana. (Esr. 4:11-16) Porsea do Raja Artasasta tu gabus ni nasida i. Dibahen ibana ma  paretta lao melarang pembangunan ni bagas joro i. (Esr. 4:17-23) Ujungna, gabe so ma pembangunan i.—Esr. 4:24.

4. Aha do na diulahon Jahowa tikki adong na berupaya pasohon pembangunan ni bagas joro? (Jesaya 55:11)

⁴ Berupaya do akka bangso di sakaliling ni halak Jahudi dohot piga-piga pejabat ni Persia lao pasohon pembangunan ni bagas joro i. Alai dipangido Jahowa do halak Jahudi asa mangalanjutton pembangunan i, jala pasti saut do lomo ni roha ni Jahowa i. (Jaha Jesaya 55:11.) Asing ni i, dipillit Ibana ma sahalak panurirang na barani, i ma si Sakaria jala dilehon ma tu ibana ualu parnidaan. Dung i disuru ma ibana paboahon parnidaan i tu bangso Jahudi lao patoguhon nasida. Parnidaan na dipasahat si Sakaria i mangurupi nasida asa unang mabiar tu akka bangso na di sakaliling ni nasida, jala asa fokus mangalanjutton pembangunan i. Sian ualu parnidaan i, adong ma parnidaan na palimahon taringot inganan ni lampu dohot dua hau jetun.

5. Aha do na lao tabahas di artikel on?

⁵ Sipata olo do hita marmetmet ni roha, alai boi do hita dipatogu muse. Marsiajar ma hita sian parnidaan na palimahon na dilehon Jahowa tu si Sakaria. Di artikel on, tabahas ma songon dia parnidaan i boi mangurupi hita asa toktong setia manomba Jahowa nang pe adong tantangan, berubah situasitta, jala tikki maol hita mangihutton petunjuk.

6. Songon dia do parnidaan na disurat di Sakaria 4:1-3 taringot inganan ni lampu dohot hau jetun patoguhon halak Jahudi? (Ida gambar sampul.)

⁶ Jaha Sakaria 4:1-3. Songon dia do parnidaan taringot inganan ni lampu dohot dua hau jetun i patoguhon roha ni halak Jahudi? Molo taida di parnidaan i, dang marna habis miak na di inganan ni lampu i. Mengalir do miak i sian dua hau jetun tu makkuk na adong di ginjang ni inganan ni lampu i. Dung i, sian makkuk i ma mengalir miak i tu pitu lampu i. Ala torus do mengalir miak i, dang hea mate lampu i. Jadi disukkun si Sakaria ma tu suru-suran ni Jahowa, “Aha do lapatan ni akka i?” Dialusi suru-suruan i ma ibana, “‘Alani tondi parbadiakku do i masa, dang alani akka tentara manang alani gogo ni jolma,’ ninna Jahowa Pamimpin ni Akka Tentara i.” (Sak. 4:4, 6) Jadi miak na mengalir sian hau jetun i, manggombarhon tondi parbadia ni Jahowa na massai gogo na torus mangurupi naposona. Nang pe massai godang jala gogo tentara ni Persia, dang sadia dope i molo dibandingkon tu tondi parbadia ni Jahowa. Alani i, saleleng didongani Jahowa halak Jahudi, boi do nasida pasaehon pembangunan ni bagas joro i nang pe adong na menentang nasida. Pasti dipatogu do halak Jahudi mambege on. Jadi porlu do nasida marpos ni roha tu Jahowa lao pasaehon pembangunan i. Jala i do diulahon nasida.

7. Boasa gabe boi sae pembangunan ni bagas joro i?

⁷ Dang leleng dukkon i di taon 520 SM, mamaretta ma Raja Darius I di Persia. Ibana ma na mangurupi halak Jahudi mangalanjutton pembangunan ni bagas joro i. Di taon paduahon ibana mamaretta, dipareso ibana ma taringot pelarangan membangun bagas joro i, jala diboto ibana ma dang sesuai i tu hukum na marlakku. Gabe diparettahon si Darius ma asa dilanjutton halak Jahudi pembangunan i. (Esr. 6:1-3) Godang do halak na bingung alani keputusan ni raja i. Tamba bingung do muse nasida ala diparettahon raja do  akka bangso di sekitar ni halak Jahudi, asa unang mangganggu nasida, jala asa dilehon sumbangan dohot akka barang-barang na dihaporluhon lao membangun bagas joro i. (Esr. 6:7-12) Hasilna, gabe sae ma dipajongjong halak Jahudi bagas joro i opat taon dukkon i, i ma di taon 515 SM.​—Esr. 6:15.

8. Boasa ikkon barani hamu molo adong tantangan?

⁸ Saonari pe godang do akka halak na menentang naposo ni Jahowa. Misalna adong do akka donganta na tinggal di negara na mangorai ulaon marbarita na uli. Disi, ditakkupi do akka donganta jala diboan “tu jolo ni akka gubernur dohot tu jolo ni akka raja”. Laos gabe kesempatan ma i marbarita na uli tu nasida. (Mat. 10:17, 18) Alai boi do muba situasi, olo do adong pamaretta na mambebashon hita beribadat. Manang olo do ra adong hakim na mambahen keputusan na adil, gabe bebas ma hita beribadat tu Jahowa. Adong dope tantangan na asing na diadopi akka Saksi Jahowa. Nang pe bebas nasida beribadat, alai ditentang keluarga do nasida asa unang manomba Jahowa be. (Mat. 10:32-36) Nang pe songon i godang do pengalaman ni akka donganta na patuduhon molo barani donganta i gabe disadari akka penentang i ma dang berhasil upaya ni nasida, gariada gabe lam semangat do akka donganta i. Jadi molo ditentang hamu saonari, unang ma menyerah, alai barani ma hamu. Saleleng adong Jahowa jala dilehon tu hita tondi parbadiana, dang adong na porlu tahabiari.

9. Boasa adong halak Jahudi na marmetmet ni roha tikki diida nasida fondasi ni bagas joro na baru i?

⁹ Dung sae dibahen fondasi ni bagas joro i, gabe tangis jala mangangguki ma akka halak Jahudi naung matua. (Esr. 3:12) Nasida do najolo na sanga mangida bagas joro na dipajongjong ni si Salomo. Jadi tikki diida nasida bagas joro na baru i, dihilala nasida dao do umbagak bagas joro na parjolo i. (Hag. 2:2, 3) Ala sai dibandingkon nasida bagas joro na leleng dohot na baru i, gabe metmet ma roha ni nasida. Alai songon dia do parnidaan ni si Sakaria mangurupi nasida asa unang torus marmetmet ni roha?

10. Songon dia do hata ni suru-suruan na disurat di Sakaria 4:8-10, mangurupi halak Jahudi asa unang torus marmetmet ni roha?

¹⁰ Jaha Sakaria 4:8-10. Aha do lapatanna tikki didok suru-suruan i, ‘marlas  ni roha ma nasida mangida si Serubabel [gubernur ni halak Jahudi] maniop batu lot’? Batu lot, i ma alat na dipakke lao mamboto tigor do manang na dang sada bangunan. Jadi tikki didok suru-suruan i songon i, ibana naeng paposson roha ni halak Jahudi na lao sae do bagas joro i dipajongjong. Jala lomo do roha ni Jahowa mangida i nang pe dao umbagak bagas joro na leleng i. Alani i, molo las do roha ni Jahowa mangida bagas joro na baru i, halak Israel pe ikkon las do rohana mangida i. Alana na paling penting di Jahowa, beribadat nasida di bagas joro na baru i sesuai tu na dihalomohon Ibana, asa boi nasida marlas ni roha muse.

11. Aha do tantangan na diadopi naposo ni Jahowa saonari?

¹¹ Gabe tantangan do molo muba situasitta. Misalna adong do piga-piga dongan na sebelumna melayani sepenuh waktu khusus, alai ikkon menerima penugasan na baru. Na asing ikkon so sian penugasanna ala nungnga matua nasida. Hape massai lomo do roha ni nasida di penugasanna i. Molo masa i, wajar do kecewa hita. Apalagi molo dang taboto boasa dibahen keputusan i. Gabe tahilala ma na undenggan do situasitta najolo i. Gabe metmet ma rohatta jala merasa ma hita dang berguna be di Jahowa. (Poda 24:10) Alai boha do parnidaan ni si Sakaria i mangurupi hita asa torus mangalehon na undenggan tu Jahowa?

12. Songon dia do parnidaan ni si Sakaria mangurupi hita asa torus marlas ni roha nang pe berubah situasitta?

¹² Ummura do hita menghadapi situasi na berubah molo tasesuaihon cara pandangta tu cara pandang ni Jahowa. Taingot ma massai godang do ulaon ni Jahowa saonari. Jala dilehon do tu hita kesempatan lao mendukung Ibana, ala dongan sakarejo ni Jahowa do hita. (1 Kor. 3:9) Nang pe berubah penugasanta, alai dang hea berubah holong ni Jahowa tu hita. Molo adong perubahan na dibahen organisasi jala berdampak tu hita secara pribadi, unang ma sai tapikkiri boasa masa i. Daripada sai tadok “dumenggan do najolo sian saonari”, lebih baik ma hita martangiang tu Jahowa asa diurupi hita mangida manfaat ni perubahan i. (Pjm. 7:10) Unang ma sai tapikkiri akka na so boi be taulahon, alai fokus ma hita tu akka na boi taulahon. Jadi sian parnidaan ni si Sakaria on, nga taboto be massai penting  do torus marpikkiran positif. Hasilna gabe boi ma hita toktong marlas ni roha jala setia nang pe berubah situasitta.

13. Boasa adong halak Jahudi na marpikkir sala do keputusan na dibahen lao pajongjokkon muse bagas joro i?

¹³ Nang pe dilarang dope pembangunan ni bagas joro di tikki i, alai dilanjutton Sintua Malim Jesua dohot Gubernur Serubabel ma muse pembangunan i. Nasida do akka pamimpin na dipillit Jahowa. (Esr. 5:1, 2) Olo do ra halak Jahudi merasa, sala do keputusan na dibahen si Jesua dohot si Serubabel i. Alana dang boi ditabunihon nasida pembangunan i sian akka musu. Pasti dibahen musu do annon segala cara lao pasohon pembangunan i. Alani i, ikkon pos do roha ni si Serubabel dohot si Jesua na sai didongani Jahowa do nasida. Aha ma na boi paposson roha ni nasida?

14. Sesuai tu Sakaria 4:12, 14, boasa ikkon pos roha ni halak Jahudi tu Sintua Malim Jesua dohot tu Gubernur Serubabel?

¹⁴ Jaha Sakaria 4:12, 14. Di parnidaan i, didok suru-suruan i do tu si Sakaria molo dua hau jetun i “manggombarhon dua halak na dipillit” Debata, i ma si Jesua dohot si Serubabel. Nasida do na mewakili Jahowa, ala di parnidaan i didok do nasida “jongjong di labbung ni Tuan ni saluhut tano on”. Hasangapon na luar biasa do i. On patuduhon na pos situtu do roha ni Debata tu halak i na dua. Alani i, halak Israel pe ikkon marpos ni roha do tu nasida, ala Jahowa do na mamillit halak i gabe pamimpin ni bangso i.

15. Boha do carana patuduhon na taargai Hata ni Debata?

¹⁵ Sada cara ni Jahowa mangalehon petunjuk tu naposona saonari, i ma lewat Bibel. Disi, dipaboa do tu hita songon dia cara manomba Jahowa sesuai tu lomo ni rohana. Alai boha do carana patuduhon na taargai do Hata ni Debata? Talehon ma tikkitta lao manjaha jala mamparsiajari i. Tasukkun ma muse diritta, ‘Tikki hujaha Bibel manang publikasi, hurimangi do na hujaha i? Molo adong na maol attusan, huriset do i? Manang langsung hulewatton do i?’ (2 Ptr. 3:16) Molo olo hita paradehon tikki lao mangarimangi Hata ni Jahowa, gabe rade ma hita mangihutton petunjukna. Jala boi ma hita marhasil mangulahon tugasta marbarita na uli.​—1 Tim. 4:15, 16.

16. Molo maol tahilala mangihutton petunjuk na dilehon “naposo haposan jala na marbisuk”, aha do na ikkon taingot?

 ¹⁶ Dilehon Jahowa do muse petunjuk tu hita marhite “naposo haposan jala na marbisuk”. (Mat. 24:45) Alai olo do sipata hita merasa dang masuk akkal petunjuk i. Contohna petunjuk taringot menghadapi bencana alam, na tahilala dang mungkin masa di daerahta. Manang olo do ra hita merasa terlalu kaku do nasida menanggapi pandemi on. Attong aha do na ikkon taulahon molo maol hita mangihutton petunjuk? Taingot ma manfaat na dapot ni halak Israel ala olo nasida manangihon si Jesua dohot si Serubabel. Dung i, taingot ma muse akka kisah na asing na disurat di Bibel. Sipata olo do memang naposo ni Jahowa merasa dang masuk akkal petunjuk na sian Jahowa i. Alai ternyata petunjuk i do na mambahen nasida selamat.​—Pangh. 7:7; 8:10.

17. Aha do pengaruh ni parnidaan ni si Sakaria na palimahon i tu halak Jahudi?

¹⁷ Memang singkat do parnidaan ni si Sakaria na palimahon i. Alai boi do i mangurupi halak Jahudi asa semangat muse nasida mangalanjutton pembangunan ni bagas joro i dohot beribadat tu Jahowa. Jala molo bertindak nasida sesuai tu parnidaan ni si Sakaria i, boi ma dirasahon nasida holong ni Jahowa. Alana marhite tondi parbadiana, sai diurupi Jahowa do nasida pasaehon pembangunan i jala asa boi marlas ni roha muse nasida.—Esr. 6:16.

18. Aha do pengaruh ni parnidaan ni si Sakaria tu hamu?

¹⁸ Parnidaan ni si Sakaria taringot inganan ni lampu dohot dua hau jetun i berpengaruh do tong tu hamu. Songon naung tabahas, boi do i mambahen hamu margogo nang pe adong tantangan. Mambahen hamu marlas ni roha nang pe berubah situasimuna. Jala mangurupi hamu asa marpos ni roha mangihutton petunjuk na hurang masuk akkal dihilala hamu. Aha do na ikkon diulahon hamu molo adong tantangan na diadopi hamu saonari? Ingot ma parnidaan ni si Sakaria i, sai didongani Jahowa do naposona. Alani i, marpos ni roha ma hamu tu Jahowa jala somba hamu ma Ibana sian nasa rohamuna. (Mat. 22:37) Molo diulahon hamuna i urupan ni Jahowa do hamu asa toktong marlas ni roha manomba Ibana saleleng ni lelengna.—Kol. 1:10, 11.