1, 2. Chaw Dio tañi küme llowal taiñ wenupüramün, ¿chumabüiñ?

 RAQUIDUAMNGE: lucutuleimi inafül tami cahuitu, petu llellipufimi ta Jehová, nülalfimi tami piuque. Ca ayühunquechi papeltuleimi Biblia tami pu che eimün.

² Femngechi femün mu, poyequefiyiñ ta Jehová. ¿Ayüucülepei mai Jehová chumngechi taiñ poyequefiel? Femliyiñ Jehová tañi ayüqueel, yamniefiliyiñ ca piuqueyefiliyiñ, femngechi ayühulafiyiñ. Quimnieiñ taiñ poyeafiel müten ta Jehová. Fente taiñ piuqueyefiel mu, chumaiñ rume taiñ cüme poyeafiel.

3. Tübachi kimelün mu, ¿chem papiltoiñ?

³ Tüfachi troquiñ mu, peaiñ Jehová chumngechi ayüquefui ñi poyengeal ta cuifi mu. Ca peaiñ pura dungu taiñ femal femngechi taiñ cüme poyeafiel Jehová fachantü. Papeltumequefilmi tüfachi troquiñ, ramtuafuimi: “¿Chumafun iñche ñi doi cüme poyeafiel Jehová?”. Ca peaiñ chumngelu ayühulqueiñmu taiñ poyeafiel Jehová.

4. Petu küpanolu Jesu tübachi mapu mu, ¿chumngechi Jewba tañi pu che pengelingün tañi yamnebel ka piwkeyebel?

⁴ Cuifi mu Abel, Noé, Abrahán ca Job respetaquefingün ca piuqueyefingün ta Jehová. ¿Chumngechi? Femingün tañi feipieteu Jehová, maneluhuingün quisu mu, ca  famentufingün tañi ayüqueel engün Jehová ñi duam mu. Biblia feipilai com tañi chumün engün ñi poyeafiel ta Jehová. Huelu eluhuingün ñi femal chem rume ñi yamafiel ta Jehová, fei Jehová cüme llohueyu engün. Rupachi tripantu mu, Jehová elufi pu israelche Moisés tañi Ley. Feitachi Ley mu, Jehová feipi chumngechi tañi poyengeal.

5. Upalu Jesu tañi lan ka wiñomongetun, ¿chumngechi kakünoi ti rüb wenupüramün?

⁵ Lalu ta Jesús ca huiñomongetulu, Jehová feipihuelafi tañi pu che ñi inayafiel Moisés tañi Ley (Rom. 10:4). Doi mai, pu cristiano mülefui ñi inayal ‘Cristo tañi ley dungu’ (Gál. 6:2). Fei engün ngelafui ñi nieal tañi raquiduam mu fentren ley dungu, huelu mai mülefui ñi inayentuafiel ta Jesús ca inayafiel tañi quimeltun. Famülque mu, pu cristiano eluucüleingün ñi inayentuafiel ta Jesús, femngechi ñi cüme poyeafiel Jehová ca ñi ayüucüleal engün (Mat. 11:29).

6. Tübachi kimelün, ¿chumngechi kelluaiñmu (ingkaaiñmu)?

⁶ Feula ngüneduamaiñ pura dungu taiñ femal taiñ cüme poyeafiel Jehová. Petu ngüneduamülmi ramtuunge: “¿Chumngechi poyequefiñ Jehová? ¿Doi cüme poyepeafun mai?”. Ayüucüleafuimi tami cüme femmequen fachantü. Huelu ca ngillatuafimi ta Jehová tami ngüneduamuhual, femngechi doi cüme serfiafimi ta Jehová.

7. Ngillatubiliiñ Jewba kom piwke mu, ¿chum duamküleai kidu?

⁷ Llellipufilu iñchiñ Jehová, pengelqueiñ taiñ poyequefiel. Biblia mu trürümngequei taiñ llellipufiel Jehová incienso mu. Ti incienso cüme pepicangequefui femngechi ñi lüpümngeal tolto ruca meu ca ti ngillatuhue ruca mu (Sal. 141:2). Cüme nümüquefulu am, feimu Jehová ayüquefui. Ca femngechi llellipufiel mu ta Jehová com taiñ piuque mu, Jehová ca ayüquei (Deut. 33:10; Prov. 15:8). Jehová ayüquei taiñ nütramcayafiel, taiñ feipiafiel chem taiñ raquiduamquen ca chem taiñ hueñancülqueteu. Ca Jehová ayüquei taiñ feipiafiel taiñ piuqueyefiel ca taiñ mañumtufiel. Feimu petu tami llellipunofiel Jehová, raquiduamafuimi chem tami feipiafiel. Femngechi cüme nümün-ngechi incienso reque puhuai Jehová mu.

8. Taiñ wenupüramabel Jewba, ¿ka chumaiñ?

⁸ Nütramcafilu iñchiñ tati pu che Jehová mu, pengelqueiñ taiñ poyequefiel (Sal. 34:1). Fente taiñ mañumcülen ta Jehová mu, nütramcaqueiñ quisu mu. Feipiquefiyiñ pu che ñi chumngen ta Jehová ca com ñi deumael. Doi raquiduamliyiñ com ñi femün mu Jehová iñchiñ mu, doi nütramcayafiyiñ ta che quisu mu. Amuldungun mu iñchiñ püramyefiyiñ ta Jehová (Heb. 13:15). Chumngechi cüme pepicauqueiñ chem taiñ feipiafiel ta Jehová petu taiñ llellipunofiel, ca femngechi mülefui taiñ cüme pepicahual petu taiñ amuldungulelnofiel ta che Jehová mu. Ayünieiñ taiñ fampüramyeafiel ta Jehová, feimu ayühunquechi amuldunguchequeiñ.

9. Taiñ amol pu trawün, ¿chumngechi kümelkakeiñmu? Ka ¿chumngechi kellukeiñmu?

⁹ Amulu iñchiñ trahun mu, pengelqueiñ  taiñ poyequefiel Jehová. Cuifi mu, Jehová feipifi tati pu israelche: “Cüla rupa tripantu mu, com pu huentru mülei ñi puhual cheu ñi feipicünuel tami Ngünechen, Jehová tañi adquiñ meu” (Deut. 16:16). Pu israelche quisucünuquefuingün tañi ruca ca tañi mapu engün ñi amual ta trahun mu. Huelu Jehová feipicünueyu engün: “Püralmi tami poyeafiel Jehová, inei no rume cüpa müntuñmalayaimu tami mapu” (Éx. 34:24). Pu israelche tañi amual feitachi trahun mu, mülefui ñi maneluhual Jehová mu müten. Amulu engün feitachi trahun mu, doi cüme adümquefingün Jehová tañi ley, raquiduamqueingün ñi cüme piuquengen ta Jehová ca ayüuqueingün tañi cüme rupaleal tañi caquelu pu peñi ca pu lamngen (Deut. 16:15). Ca femngechi iñchiñ eluucüleliyiñ taiñ amual ta trahun mu, rume cümelcayaiñmu. Cafei cüme pepicauliyiñ taiñ huiñoldungual trahun mu, ca müte alüñmanoliyiñ taiñ huiñoldungual, Jehová müna ayühuai.  

10. Taiñ ülkatubel Jewba, ¿chemu müna balingi taiñ wenupüramün mu?

¹⁰ Ülcantufilu iñchiñ ta Jehová, pengelqueiñ taiñ poyequefiel (Sal. 28:7). Cuifi mu, pu israelche rume falintuquefui tañi ülcantual femngechi tañi poyeafiel ta Jehová. Por ejemplo, ti rey David elfalcünufi 288 leviche ñi ülcantual ngillatuhue ruca mu (1 Crón. 25:1, 6-8). Famülque mu iñchiñ ülcantufiliyiñ ta Jehová, pengelelquefiyiñ taiñ piuqueyeniefiel. “Huelu iñche müte cüme ülcantuquelan” piafuimi chi. Huelu tüfa falin-ngelai. Raquiduamnge tüfa: dungun mu iñchiñ, huelulcauqueiñ. Huelu tüfa catrütuquelaeiñmu taiñ huiñoldungual trahun mu ca taiñ amuldungual (Sant. 3:2). Ca femngechi müte cüme ülcantunolmi rume, catrütuquenoelmu tami püramyeafiel Jehová ülcantun mu.

11. Salmo 48:13 tañi eipin, taiñ papiltobel Biblia taiñ pu che inchiñ ¿chemu elkünoaiñ antü?

¹¹ Papeltufilu iñchiñ Biblia ca quimeltufilu taiñ pu yall Jehová mu, pengelqueiñ taiñ poyequefiel. Fill sabado pu israelche elcünuquefui tañi cüdau engün, fei cüdahuelquefingün ta Jehová müten (Éx. 31:16, 17). Fei pu israelche quimeltulelquefuingün tañi pu yall Jehová mu. ¿Iñchiñ cai? Ca mülefui taiñ elcünual tiempo taiñ papeltuafiel Biblia. Femngechi femliyiñ, poyeafiyiñ Jehová ca doi fülcontuafiyiñ (Sal. 73:28). Cafei quiñentrür papeltufiliyiñ Biblia taiñ familia iñchiñ, quelluafiyiñ taiñ pu pichiqueche ñi doi cüme hueniyeafiel Jehová (papeltunge Salmo 48:13).

12. Pu dewmakelu billke chemkün tolto ruka mu ñi küdawal, ¿chem rakiduami Jewba? Ka ¿chem kimeleleiñmu?

¹² Deumafiel mu Trahunhue Ruca ca cüme adcünufiliyiñ, poyequefiyiñ ta Jehová. Biblia feipi pu huentru ñi deumafiel mu ti tolto ruca ca ti fillque chemcün ñi nieel, püramyefingün Jehová (Éx. 36:1, 4). Famülque mu, iñchiñ deumafiel mu Trahunhue Ruca ca caquelu ruca poyengeam ta Jehová, pengelelquefiyiñ ta Jehová taiñ poyequefiel. Quiñeque peñi ca quiñeque lamngen rume quelluntucuqueingün tüfachi cüdau mu. ¡Rume falintuquefiyiñ tañi cüdau engün! Huelu feichi cüdau müten femquelaingün, ca amuldunguqueingün. Quiñeque engün ca ayüafuingün tañi huneleal amuldungun mu. Fei engün pepi  precursorngefule, tati pu loncolelu catrütulayaeyu tañi precursorngeal. Ñi femngechi femün mu pu loncolelu, quelluntucuqueingün ti cüdau ñi deumangeal Trahunhue Ruca. Adümuunoliyiñ rume taiñ deumarucayal, com iñchiñ quelluntucuafuiñ ñi lifcüleal ca ñi cüme adcüleal taiñ Trahunhue Ruca.

13. Taiñ wülün plata taiñ kelluabel Jewba ñi küdaw, ¿chem rakiduamaiñ?

¹³ Hulün mu iñchiñ plata, poyequefiyiñ Jehová. Pu israelche amulu tañi cüla fiesta mu, mülefui ñi yelelafiel regalo ta Jehová (Deut. 16:16). Pu israelche hulquefuingün tañi pepi hulqueel müten, femngechi mañumtuquefuingün ta Jehová com tañi elueteu mu. ¿Iñchiñ cai? ¿Chumngechi pengelafuiñ taiñ piuqueyefiel ca mañumniefiel ta Jehová? Plata mu quelluntucuafuiñ taiñ trahunche ca Jehová tañi troquiñche huall Mapu mu. Ti apostol Pablo feipi ti che hul-lu tañi nieel com piuque mu, ayühulquefi ta Jehová. Fei Jehová ayüquei ti che ñi hulal chem tañi nieel, feipiquelafi ñi hulal chem tañi nienon (2 Cor. 8:4, 12). Jehová rume falintuquefi taiñ hulqueel com piuque mu, pichin hul-liyiñ rume (Mar. 12:42-44; 2 Cor. 9:7).  

14. Proverbios 19:17 tañi eipin, kellubiliiñ kiñe peñi ka lamngen duamnelu kellun, ¿chem rakiduamai Jewba?

¹⁴ Quelluntucufiel mu pu peñi ca pu lamngen duamnielu quellu, poyequefiyiñ ta Jehová. Jehová feipifi tati pu israelche quellufile engün tati pu pofre, fei Jehová cümelcayaeyu (Deut. 15:7, 10). Quellufilu iñchiñ taiñ pu peñi ca pu lamngen, quiñe mañumtun reque eluquefiyiñ ta Jehová (papeltunge Proverbios 19:17). Por ejemplo, presuntucungelu ta Pablo, pu cristiano mülelu Filipos huaria mu, huercülelfingün regalo ta Pablo. Pablo feipi feichi regalo quiñe chalintucun reque felei Jehová tañi ayünieel (Filip. 4:18). ¿Iñchiñ cai? ¿Chumafuiñ? Ramtuhuafuiñ: “¿Quelluafun quiñe peñi cam quiñe lamngen trahunche mu?”. Iñchiñ hulün mu tiempo, nehuen, adümuhun ca taiñ plata taiñ quellucheal, Jehová ta ayüuduamquei. Ca feipiquei: “Tüfa iñche ta poyequeneu” (Sant. 1:27).

15. Taiñ elal antü ka newen taiñ wenupüramkebel Jewba, ¿chemu abeluwün-ngelai?

¹⁵ Taiñ poyeafiel Jehová chumngechi ñi ayüqueel, duamnieiñ tiempo. Ca mülei taiñ femal fillque dungu. Huelu ayühunquechi femquefiyiñ (1 Juan 5:3). ¿Chumngelu? Fente taiñ piuqueyefiel mu ta Jehová. Raquiduamnge tüfa: quiñe pichiche ayüi ñi deumalelafiel quiñe dibujo tañi chau. Rume alüñmayafui, huelu ayühunquechi femquefi, quisu am piuqueyefilu tañi chau. Ca femngechi iñchiñ rume piuqueyequefiyiñ Jehová, feimu ayühunquechi hulqueiñ taiñ tiempo ca taiñ nehuen taiñ poyeafiel.

16. Hebreos 6:10 tañi eipin, tami küdawal tami ayüwülabel Jewba, ¿chem rakiduamki kidu?

¹⁶ Tati pu chau quimniei tañi pu pichiqueche caquerumei tañi adümuhun engün, feimu feipiquelafi tañi femal tañi pepi femnoel. Ca femngechi Jehová cüme quimniei chem taiñ pepi femqueel iñchiñ. Eimi doi cüdahuelquefimi chi ta Jehová tami pu hueni mu. Cam müte femquelaimi chi tami füchalen mu, tami cutrancülen, cam fente tami cuidaquefiel  tami pu che. Femngechi dungu mu rupalmi, huesa duamquilnge (Gál. 6:4). Jehová turpu ngoimalayai eimi tami femqueel. Eimi fente tami piuqueyefiel mu Jehová cüdahuelfilmi com piuque mu, quisu rume ayüucüleai (papeltunge Hebreos 6:10). Jehová quimniei iñchiñ ayüafuiñ taiñ doi cüdahuelafiel, huelu quisu ayüquei taiñ ayüucüleal quisuque iñchiñ taiñ femün meu.

17. 1) Küdawngele taiñ bemal kiñeke dungu taiñ wenupüramün mu, ¿chumabüiñ? 2) Ti ka mülechi dungu “Doi ayüwkülenge” pingelu, ¿chumngechi kellueiñmu?

¹⁷ Taiñ poyequefiel Jehová trürümafuiñ quiñe deporte mu cam dungulfiliyiñ quiñe instrumento. Müte deporte femnoliyiñ cam dungulnofiliyiñ quiñe instrumento, doi pepil-layafiyiñ. Doi elcünuliyiñ antü taiñ femal tüfa, doi pepilafuiñ ca ayühulaiñmu. Iñchiñ cüdautuafuiñ chi taiñ femal com taiñ ngüneduampeel. ¿Cüdautuqueiñ taiñ papeltual Biblia cam taiñ amuldungual? Femngechi dungu mu rupaliyiñ, ¿chem mülefui taiñ femal? Doi tiempo elcünuaiñ taiñ papeltual Biblia ca taiñ amuldungual, femngechi doi ayühulmayaiñmu ca doi quelluaiñmu.

18. ¿Chem dungu doi balingi taiñ mongen ka chem niepoaiñ?

¹⁸ Eluucüleaiñ taiñ poyeafiel Jehová, tüfa tati doi falin dungu taiñ femal. Femliyiñ, rume ayüucüleaiñ ca maneluucüleaiñ taiñ rumel poyeafiel Jehová cüpalechi antü meu (Prov. 10:22). Ca femngechi fachantü tüngduamcülequeiñ, ¿chumngelu? Quimnieiñ Chau Jehová quelluqueiñmu rupan mu huesaque dungu mu (Is. 41:9, 10). Iñchiñ quimnieiñ Jehová mülei ñi poyengeal. Huelu ca quimnieiñ poyefiliyiñ Jehová, rume ayüucüleaiñ (Apoc. 4:11).