1-2. King so se ka makang gore Jehova a yamogele morapelo wa rune?

 KING so se tlang ka monaganong wago mo o kwa lentsu lowa la gore “morapelo”? Di ka makega gore o nagana ka mogageru wa gore o tinyanafatsiye a kgotamme thina le mpeto wage gore a kgotolele Jehova tso di leng ka pelong yage. Kela o nagana ka ba mutši ba gore ba tšhuta Bhayibele ba duli ggoši fote ba jabodiye.

² Bo ba leng ga mešupetso yowa ka mmedi, tso ba di makang ke morapelo. Nje Jehova o nyoko wo yamogela morapelo wa bona? O nyoko wo yamogela mo nkare wo yelana le tso yene a di nyakang le gore bo ba wo makang ba šupetsa gore ba mo nyaka ka matla fote baa mo hlompa. Re mo nyaka ka matla ga Jehova. Fote re ya di tšiba tsa gore di ya mo tshwanela gore re rapele yene, fote re nyaka gore morapelo wo re wo makang go be mong wona.

3. Re nyoko petapeta ka ying ga hlogotaba yowa?

³ Ga hlogotaba yowa, re nyoko lebelela gore Jehova ne a yamogela morapelo wa mošaga mang ku botala fote re nyoko bona gore lekgono ke dilo difeng tso re ka di makang gore Jehova a yamogele morapelo wa rune. Mo re sa le gana hone, re ka boya ra lebelela gore rune re ka potolla kaye gore morapelo wa rune wo be kawone. Fote re nyoko tigopotsa gore ke ntaba morapelo wa mannete wo ka maka gore re jabole.

4. Bo ne ba rapela Jehova nakwela Jeso a soko tla ho lefaseng ba šupetsiye ka mokgo mang gore ga Jehova ba mo nyaka ka matla fote baa mo hlompa?

⁴ Ka dinako tsa ku botala, banna ba go tshepega ba go tshwana le Abele, Nnowa, Abhrahama le Jobo ba šupetsiye gore ba mo nyaka ka matla ga Jehova fote baa mo hlompa. Ba di makiye  byang tsotsone? Ba yye ba theetsela Modimo, ba šupetsa gore ba na le tumelo gage ba boya ba mo makela le dihlabelo. Bhayibele a yi re botse dilo ka mokana ga tsona tso ne di nyaka ba di maka. Mara ba makiye so ba ka se kgonang gore ba gadimise Jehova, fote morapelo wa bona ke mo a wo yamogela. Mo goya-goya Jehova o yye a neya Moše melawo gore a yi neye Maisrayele. Melawo yone ya go lategetsana ne yi hlatolla gabutši tso ne di nyaka ba di make gore ba thogo rapela Jehova ka mokgo a nyakang.

5. Jehova o yye a tšhentšha morapelo wa mannete ka mokgo mang ka nthago ga mo Jeso a kgwile fote ba mo tsusiye?

⁵ Ka nthago ga mo Jeso a kgwile fote ba mo tsusiye, Jehova o yye a tlosa taba ya Molawo wa Moše. (Marom. 10:4) Mara ne a nyaka gore Makreste ba latelele molawo wa nyuwane go leng “molawo wa Kreste.” (Magal. 6:2) Gore ba thogo šupetsa gore “molawo,” wowa ba wo theetsela ne di sa nyake ba šinya ba wo tshwara ka hlogo kela ba latelela letheto la go lefa la melawo ya go hlaya gore ba make ying kela ba sa make ying, mara ne di nyaka ba fo kopisela ga mošupetso wa Jeso ba boye ba make tso a di tšhutisang. Le lekgono lowa, Makreste ma sa maka tso ma di kgonang gore ma latelele Kreste gore ma thogo jabodisa Jehova fote ma ‘šale ma yimulugiye’.—Mat. 11:29.

6. Hlogotaba yowa yi ka re berekela ka mokgo mang?

⁶ Mo re kene re pombhola dilo tso tsa go yelana le taba ya morapelo wa rune ga Jehova, tiputsise gore, ‘Ke kaye ga gore ke lukisiye gona?’ O boye o tiputsise gore ayitsano go na le mo nka potollang gona ga tso ke di makang ga morapelo waka gore wo be kawone?’ O maka gabutši mo o jabodisa ke gore o šele o makiye se sengwana, mara di nyaka o rapela o kgopele Jehova a go gelepe gore o thogo bona tse dingwana tso o ka di lukisang.

7. Jehova o fo re king mo re rapela di tšwa pelong?

⁷ Mo re rapela Jehova re ba re maka morapelo. Mangwalo ma tshwanisa merapelo yo re yi maka le tsa go tšhubelediwa tsa go nkgela tso ne ba di makela Jehova ku tabarenakeleng, tsa gore ne ba di maka le ka tempeleng. (Pis. 141:2) Dilo tsone tsa go tšhubelediwa ne di nkgela ke mokane di jabodisa Modimo. Byalo, le rune mo re rapela di tšwa pelong merapelo yone ya mo “jabodisa” le mo re sa hlaye tsa go tlala. (Diy. 15:8; Dot. 33:10) Phela a re titshokanye mo re tshepa gore Jehova o jabodisa ke go re kwa re hlaya gore re mo nyaka ka matla fote re ya mo leboga. O kwana natso ka matla tsa gore re bolabole naye ka tso di re hlupang, tshepo yo re nang nayo le tso re di nabelang. Mara mo o nyaka go rapela, ke ntaba o sa yemenyana ke mokane o nagane gabutši ka tso o nyakang go di hlaya? Mo o ka maka ka mokgonone, o nyoko neya Papago wa legedimong “tsa go tšhubelediwa tsa go nkgela” tsa gore di kawone ka matla.

8. Ke leng mo re ka thanakang Modimo?

⁸ Re maka morapelo ga Jehova ka go mo thanaka. (Pis. 34:1) Re thanaka Jehova mo re bolabola ka mekgwa yage ya go bafala re boya re bolabola ka tsa gabutši tso a di makiyeng. Mo re mo thanaka di ba di tšwa pelong. Mo re tseya nako re ghayela ka taba ya gore Jehova o re šupetsiye gore o lukiye ka dilo ka mokana ga tsona tso a re makeleng tsona, re ka sa gayele tsa go mo thanaka. Fote le mmereko wa go tšhomayela o napa wo re bulela lešuba la gore “ re makele Modimo sehlabelo sa go mo thanaka, sa gore re se maka ka melomo ya rune” (Maheb. 13:15) Go fo tshwana le mo re thomisa ka go nagana gore re nyoko re king mo re rapela ga Jehova, di nyaka re thomisa ka go nagana gore bo re gahlanang nabo ku tšhomong bona re nyoko ba botsa gore king. Ka taba la gore re nyaka  gore “sehlabelo sa go mo thanaka” go be sa kawone ka matla. Fote ke tsona tso di makang gore re bolabole di tšwa pelong fote ka matšato

9. Go fo tshwana le Maisrayele ya ku botala megahlano yi re berekela ka mokgo mang? Re beyisele gore wene yi go gelepiye ka mokgo mang.

⁹ Mo re ya megahlanong re ba re maka morapelo ga Jehova. Maisrayele ya ku botala ke mo ba ma butsiye gore: “Gararo ka mongwaga, banna ka mokana ga bona ba tshwanele ba nyarele mahlong ga Jehova Modimo wa lune ga poleke yo a yi kgetiyeng.” (Dot. 16:16) Ke mo di nyaka ma šiya mitši le mašemo ya wona ma sa pasopa ke motho. Mara Jehova ke mo a ma tshepisiye gore: “Aa šiyo le ka wwoši wa gore o nyoko nabela naga ya lune mo le sa yye go ye nyarela mahlong ga Jehova Modimo wa lune.” (Ek. 34:24) Ka taba la gore Maisrayele ke mo ma mo tshepa ga Jehova, ke mo ma sa thisi go ya monyanyeng wa mongwaga le mongwaga. Tsotsone di ma berekele ka matla. Mo re beyisa, ma tšhutiye tsa go tlala ka molawo wa Jehova, ma kraya nako ya go tlalanyana ya go ghayela ka taba ya ka mokgo Jehova a ma šupetsiyeng gore o lukiye fote ma jabolela go ba ggoši le ba bangwana ba gore le bona ba mo nyaka ka matla ga Jehova. (Dot. 16:15) Le rune re rufega ka matla mo re tikona tsa go tlala gore re thogo ya megahlanong ya Sekreste. O fo nagana gore di mo jabodisa byang ga Jehova mo a bona re tla megahlanong re lukiselele gabutši gore re thogo fetola tsa go kwagala.

10. Ke ntaba go yepelela go le selo se segolo ga morapelo wa rune?

¹⁰ Mo re yepelela re ba re maka morapelo ga Jehova. (Pis. 28:7) Maisrayele ne ma tseya taba ya go yepelela go le go maka morapelo. Kgoši Dafita o yye a kgeta 288 ya Malifi gore go be ba go yepelela ku tempeleng. (1 Dikor. 25:1, 6-8) Lekgono, re šupetsa Modimo gore re mo nyaka ka matla mo re mo yepelelela dikoša tsa go thanaka. Jehova a di mo hlupe tsa gore ra di kgona tsa go yepelela kela dho. Lebelela mošupetso wowa: Mo re bolabola, “Ka mokana ga rune re sinya ga go tlala,” mara tsotsone a di make gore re tšhabe go bolabola mo re le phutegong kela mo re maka mmereko wa go tšhomayela. (Jak. 3:2) Byalo, taba ya gore mo re yepelela re ya tšoroka di nyaka yi sa re tšhabisi go thanaka Jehova ka go yepelela.

11. Pisalema 48:13, yi re ke ntaba di nyaka re kraya nako ya go tšhuta Bhayibele re le mutši?

¹¹ Re ba re maka morapelo ga Jehova mo re tšhuta Lentsu lage re boya re tšhutisa bana ba rune ka yene. Letšatši la Sabatha ne le thulela Maisrayele lešuba la gore ba beyele ka thoko mebereko ya bona ya ka moka matšatši ke mokane ba thogo tiyisa senghana sa bona le Jehova. (Ek. 31:16, 17) Ba gore ne ba kwana le Jehova ka matla, ka letšatši lolone ne ba tšhutisa bana ba bona ka yene ba boya ba ba tšhutisa gore o lukiye. Le rune di nyaka re timakele letheto gore re thogo kraya nako ya go bala le go tšhuta ka Lentsu la Modimo. Mo re maka tsotsone re ba re maka morapelo ga Jehova, fote di re gelepa gore re šutele thina naye. (Pis. 73:28) Fote mo re tšhuta re le mutši re nyoko gelepa bana ba rune gore ba thogo tiyisa senghana sa bona le Papa wa rune wa legedimong.—Bala Pisalema 48:13.

12. Taba ya gore Jehova ne a wo tseya byang mmereko wa bo ne ba yaga tabarenakele yi re tšhutisa ying?

¹² Re ba re maka morapelo ga Jehova mo re yaga re boya re pasopa dipoleke tso re rapelang ga tsona. Bhayibele yi re mmereko wa go yaga tabarenakele le tso di leng ka teng ga yona ke “mmereko wa go hlawolega.” (Ek. 36:1, 4) Le lekgono lowa, Jehova o sa na a tseya mmereko wa go yaga Diholo tsa Mmušo le meyago ye mengwana ya go yelana le Mmušo go le wa go hlawolega. Magageru ya mangwana ya banna le basadi ma berekisa nako ya wona ma maka mmereko wowa wa go yaga. Mmereko wo ma  wo makang wa go thega Mmušo wa Modimo re wo tseyela gedimo ka matla. Fote ba tšhela letsogo le ga mmereko wa go tšhomayela. Di ka makega gore ba bangwana ba bona baa di nyaka go bereka go le mašupatsela. Byalo, bagolo ka phutegong ba ka šupetsa gore ba thega mmereko wo wa bona wa go yaga ka gore ba sa jikajiki mo di nyaka ba hlawole banna le basadi bo ba go karakara ka matla gore go be mašupatsela mo nkare baa tshwanelega. Ka mokana ga rune re ka tšhela letsogo ga mmereko wa go yedisa le wa go pasopa meyago yowa, di sa yi ka gore re tšiba mmereko wa go yaga kela dho.

13. Meneyelo yo re thegang mmereko wa Mmušo wa Modimo ka yona di nyaka re yi lebelele byang?

¹³ Re ba re maka morapelo ga Jehova mo re thega mmereko wa Mmušo ka meneyelo. Mo Maisrayele ma nyarela mahlong ga Jehova ne di nyaka ma tla ma tshwere se sengwana, ma sa fo tla ma lekalekisa matsogo. (Dot. 16:16) Ke mo ma tshwanele ma neyele ka dilo go ya ka mokgo ma kgonang. Mo ma neyela ne ma šupetsa gore ma leboga dilo ka mokana ga tsona tso Jehova a ma makeleng tsona. Rune gee, re nyoko maka ying sa go šupetsa gore re leboga dilo ka mokana ga tsona tso Jehova a re makeleng tsona? Re ka thega phutego ya thina le mo re dulang ka meneyelo kela ra thega mmereko wa lefase ka mokana ga lona. Pawulo wa lepostola o beyye taba ka mokgo: “Mo motho a neyela ka pelo yage ka moka, Modimo wa di yamogela ka taba la gore Modimo aa nyake gore motho a neyele ka tsa gore a ka sa di kgone, mara o nyaka gore a neyele ka tso a di kgonang.” (2 Makor. 8:4, 12) Jehova o di tseyela gedimo mo re neyela di tšwa pelong, fote aa lebelele gore tso re di neyelang di teya kaye.—Mar. 12:42-44; 2 Makor. 9:7.

14. Diyema 19:17, yi re Jehova o fo re king mo re gelepa magageru ka tso ma di gayelang?

¹⁴ Re ba re maka morapelo ga Jehova mo re gelepa magageru ka tso ma di gayelang. Jehova o tshepisiye gore o nyoko rufa Maisrayele ya ma šupetsiyeng gore ma kwela go baba ba go tihlupegela. (Dot. 15:7, 10) Nnete ke gore, ka moka nako mo re gelepa bo re rapelang nabo, Jehova o di tseya gore re makela Yene. (Bala Diyema 19:17.) Mo re beyisa, nakwela Makreste ya ku Filipi ma romela Pawulo se sengwana mo a le jele, o yitseri “ke sehlabelo sa go jabodisa Modimo.” (Mafil. 4:18) Ntsha maahlo dikwakweng o lebelele ka phutegong ke mokane o tiputsise gore, ‘Ayitsano go na le ye nka mo gelepang?’ Jehova wa jabola mo a bona re berekisa nako ya rune, matšhika ya rune, tso re kgonang go di maka le tso re nang natso gore re thogo gelepa bo ba gayelang. Dilo tso re di makang o di tseya go le mong wona morapelo.—Jak. 1:27.

15. Morapelo wa mannete wo nyaka nako fote di nyaka re karakara, mara ke ntaba re re a yi tsa go šinya di ro bhahlisa motho?

¹⁵ Morapelo wa mannete o nyaka nako fote di nyaka gore re karakare ka matla. Mara tsotsone a yi tsa gore di ka šinya di ro bhahlisa motho. (1 Joh. 5:3) Ke ntaba re reyane? Phela ga Jehova re mo rapela ka taba la gore re mo nyaka ka matla. O fo nagana ka sešomanyana sa gore se nyoko makela papa sona selo sa gabutši. Se ka tseya diawara tsa go tlala se kene mo thalela sethombhe. Mara morwayi yene aa kokole le ka gonyana ka nako yo a yi berekisiyeng a thala sethombe sone. O fo ba a tinyakela ka papage ka matla fote taba ya gore o neya papage se sengwana yi mo jabodisa ka matla. Byalo, ka taba la gore le rune re mo nyaka ka matla ga Jehova, di ya re jabodisa go berekisa nako ya rune re boya re tšhela letsogo ga taba ya go thega morapelo wa mannete.

16. Maheberu 6:10, mara Jehova o tikwa byang mo re karakara ka matla gore re mo jabodise?

 ¹⁶ Babelegi a baa letela gore bana ba bona ba ba neye dilo tsa go tshwana. Baa di tšiba tsa gore bana ba bona a ba tshwane fote le tso ba di kgonang a di tshwane. Ka mokgonone, le Papa wa rune wa legedimong wa di kwisisa gore seyemo ya motho ye mongwana se ka sa tshwane le sa ye mongwana. Di ka makega gore o kgona go maka dilo tsa go tlala tsa gore batho bo o ba tšibang le bo o ba nyakang ka matla a ba kgone go di maka. Kela di ka makega gore a wo di kgone go maka dilo tsa go tlala tso ba bangwana ba di makang, go le ka taba la go tsofala, go tilwalela kela o tlalele ke mmereko yo o tshwaneleng o yi make ka mutšing. Tsotsone di sa go kgongwetse. (Magal. 6:4) Jehova a ka sa tsoge a wo lebele mmereko wago. Mo o di maka ka pelo yago ka mokana ga yona fote o di makisa ke gore o kwana le tsa gabutši, Jehova o nyoko jabola. (Bala Maheberu 6:10.) Jehova wa di tšiba tso o nabelang go di maka. O nyaka gore o jabole fote o kgotsofatse ke tso o mo makelang tsona.

17. (a) Re nyoko maka byang mo re bona re thathafela ke go maka dilo tso go leng morapelo? (b) Wene o gelepiye ke sefeng ga tso di leng ga lebhokisi la gore “ Yeketsa Tso di Makang Gore o Jabole”?

¹⁷ Mara re nyoko maka byang mo nkare di ya re thathafela go maka dilo tse dingwana tsa gore di yelana le morapelo tsa go tshwana le go titšhutisa Bhayibele kela go tšhomayela mo go tleleng batho? Mo re ka karakara ka matla gore re tlwayele go maka dilo tsowa, di nyoko re natefela di boya di re berekela. Re ka tshwanisa morapelo wa rune le tso re di makang tsa go tshwana le go tiwolola mmele kela go titlwayetsa go kgana selo sa go teya dikoša. Mo dilo tsowa re di maka fela mo di re butsiye, le gore o maka ying di ka sa ro bonala. Mara tla re fo re, re kenisa dilo tsowa ga letheto la rune la ka moka matšatši. Re ka thomisa ka go di maka ka nakonyana ya go sa lefa ke mokane ra fo ya re yi yeketsa ka gonyana ka gonyana. Mo re bona maphumela ya gabutši ya tso re di makang re nyoko dula re jagele gore nako ya gona yi segele fote di ko ba di re natefela. Ayitsano wa di bona gore mošupetso wowa o yelana byang le taba ya morapelo?

18. Re ka šupetsa ka mokgo mang gore re tšiba so re se phelelang, fote tsotsone di nyoko re gelepa ka ying?

¹⁸ Mo re maka ka moka tso re kgonang go di maka ga morapelo wa rune ga Jehova re šupetsa gore re tšiba gore re phelela ying. Re nyoko phela lephelo la gore le ya jabodisa, le ya re kgotsofatsa re boya re ba le tshepo ya gore ga Jehova re nyoko mmerekela go ya go yye. (Diy. 10:22) Fote re nyoko bo pata ka taba la gore re ya di tšiba gore Jehova a ka sa lahle bo ba mo rapelang mo ba gahlana le tsa go ba ghula. (Jes. 41:9, 10) A re kamake gore di tlele tso di makang gore re jabole mo re kene re rapela Papa wa rune wa legedimong, wa gore di ya mo ‘tshwanela gore a thanakiwe a boye a hlompe’ ke dilo ka mokana ga tsona tso a di makiyeng!—Kut. 4:11.