1-2. Boasa gabe teladan na denggan si Paulus di akka sintua saonari?

 HOLONG do roha ni si Paulus tu akka dongan sahaporseaonna, jala bekerja keras do ibana lao mangurupi nasida. (Ul. 20:31) Alani i ma, holong hian do roha ni nasida tu si Paulus. Hea do di sada tikki, “tangis” akka sintua na di Epesus ala diboto nasida dang na lao pajuppang be nasida dohot si Paulus. (Ul. 20:37) Songon si Paulus do tong akka sintua saonari. Massai holong do roha ni nasida tu hita. Jala dibahen halak i do sian nasa tolapna lao mangurupi hita. (Plp. 2:16, 17) Alai adong do tantangan na ikkon diadopi halak i. Attong songon dia do nasida boi mangatasi tantangan i?

² Porlu do dirimangi akka sintua teladan ni si Paulus. (1 Kor. 11:1) Jolma biasa do ibana jala dang sempurna. Alani i, ikkon berjuang do ibana mangulahon akka na sittong. (Rom 7:18-20) Adong dope muse hasusaan na ikkon diadopi ibana. Alai dang hea menyerah si Paulus jala dang hea mago las ni rohana. Porlu do akka sintua maniru si Paulus asa toktong nasida marlas ni roha nang pe adong tantangan. Attong songon dia ma akka sintua boi maniru teladan ni si Paulus?

3. Aha do na lao tabahas di artikel on?

³ Di artikel on naeng tabahas ma opat tantangan na ikkon diadopi akka sintua: (1) mangatur tikki asa boi torus marbarita na uli nang pe adong tanggung jawab na asing, (2) mangatur tikki lao patoguhon akka dongan na asing, (3) berjuang mangatasi kelemahan pribadi, jala (4) bekerja sama dohot akka dongan na so sempurna. Si Paulus hea do mangadopi akka tantangan i jala marhasil do ibana mangatasi i. Alani i, di artikel on naeng tabahas ma songon dia akka sintua boi maniru si Paulus.

4. Boasa sipata maol di akka sintua mangatur tikkina lao marbarita na uli?

⁴ Tantanganna. Akka sintua do na ikkon manguluhon ulaon marbarita na uli nang pe godang tanggung jawab ni nasida. Misalna, gabe ketua di parpunguan tonga pokan, memandu Parsiajaran Bibel Huria, manang marjamita. Porlu do tikki paradehon i sude. Asing ni i ikkon diparade nasida do muse tikki lao mangalatik akka parhobas di huria dohot patoguhon akka dongan di huria. (1 Ptr. 5:2) Adong do muse akka sintua na gabe relawan di pembangunan manang pemeliharaan Bale Harajaon dohot akka fasilitas teokratis na asing. Alai nang pe songon i, dos songon akka dongan di huria, tanggung jawab ni nasida na paling penting, i ma marbarita na uli.​—Mat. 28:19, 20.

5. Boasa boi marhasil si Paulus di ulaonna marbarita na uli?

⁵ Teladan ni si Paulus. Marhasil do si Paulus mandalatton tanggung jawabna marbarita na uli, ala dipastihon ibana do “dia na urrikkot” di ngoluna. (Plp. 1:10) Diingot si Paulus do tanggung jawab utamana, i ma marbarita na uli. Jala saleleng marpulu taon, i do na paling penting di ngoluna. Marbarita na uli do ibana “di jolo ni godang halak dohot sian jabu tu jabu”. (Ul. 20:20) Alai dang hea dibatasi ibana waktuna marbarita na uli. Gariada dipakke ibana do setiap kesempatan na adong. Misalna, tikki paimahon akka donganna ibana di Atena, dipaboa ibana do barita na uli tu akka pejabat na adong disi jala denggan do hasilna. (Ul. 17:16, 17, 34) Bahkan tikki dipenjara pe ibana, torus do ibana marbarita na uli tu akka halak na disi.​—Plp. 1:13, 14; Ul. 28:16-24.

6. Songon dia do cara ni si Paulus mangalatik na asing?

⁶ Denggan do dipakke si Paulus tikkina. Jotjot do diajak ibana akka dongan na asing asa rap nasida marbarita na uli. Contohna tikki pardalanan utusan injil na parjolo, diajak ibana do si Johannes Markus. Jala tikki pardalanan utusan injil na paduahon, diajak ibana do si Timoteus. (Ul. 12:25; 16:1-4) Pos do rohatta saleleng na rap kerja sama i nasida, diajari si Paulus do halak i songon dia mengorganisasi huria, songon dia asa boi gabe parmahan na denggan, jala songon dia asa lam malo mangajari.​—1 Kor. 4:17.

7. Songon dia do akka sintua boi mangihutton nasehat di Epesus 6:14, 15?

⁷ Parsiajaranna. Porlu do ditiru akka sintua si Paulus. Unang ma holan sian jabu tu jabu nasida marbarita na uli. Alai ikkon dipakke do setiap kesempatan na adong. (Jaha Epesus 6:14, 15.) Contohna, boi  do nasida marbarita na uli tikki belanja manang di tempat kerja. Molo dohot halak i gabe relawan pembangunan, boi do nasida marbarita tu akka halak na adong disi manang tu penjual bahan bangunan tu proyek i. Porlu do muse akka sintua paradehon tikki asa boi rap marbarita na uli dohot akka dongan na asing sambil mangalatik nasida, termasuk ma i akka parhobas di huria.

8. Boasa sipata ikkon ditolak akka sintua tugas tambahan na dilehon tu nasida?

⁸ Godang do tugas ni akka sintua di huria manang di wilayah. Alai unang ma sappe alani tugas i gabe so adong tikki ni nasida marbarita na uli. Asa boi nasida seimbang, bisa jadi ikkon ditolak nasida do tugas tambahan. Dukkon ditangiakkon jala dipikkiri akka sintua i, olo do ra disadari nasida molo dijalo nasida tugas i gabe dang adong be tikki ni nasida mangulahon na lebih penting. Misalna, songon memandu ibadat keluarga tiap minggu, marbarita na uli, manang mangalatik anakkon ni nasida marbarita. Memang dang sai mura menolak penugasan. Alai ikkon pos do roha ni akka sintua na diattusi Jahowa do keinginan ni nasida lao mambahen seimbang i sude.

9. Aha do tantangan na asing na ikkon diadopi akka sintua?

⁹ Tantanganna. Godang do akka hasusaan na diadopi naposo ni Jahowa saleleng ari parpudi on. Jadi porlu do nasida didukung jala dipatogu. Adong do muse akka dongan di huria na ikkon diurupi asa unang sappe mangulahon na sala. (1 Tes. 5:14) Memang dang boi akka sintua pasaehon sude sitaonon na diadopi akka donganta i. Nang pe songon i, dipangido Jahowa do nasida patoguhon jala manjaga akka naposona. Boha ma cara ni nasida paradehon tikki lao mangulahon i?

10. Sesuai tu 1 Tessalonik 2:7, songon dia do si Paulus patuduhon na holong rohana tu dongan sahaporseaon?

¹⁰ Teladan ni si Paulus. Lomo do roha ni si Paulus mamuji jala patoguhon akka dongan sahaporseaonna. Akka sintua pe ikkon songon i do, ikkon burju jala holong do roha ni nasida tu akka dongan sahaporseaon. (Jaha 1 Tessalonik 2:7.) Si Paulus pe olo do paboahon na holong rohana tu akka dongan sahaporseaonna, jala dipapos do roha ni nasida na holong roha ni Jahowa tu nasida. (2 Kor. 2:4; Eps. 2:4, 5) Dibahen si Paulus do sude na di huria gabe donganna jala jotjot do ibana paradehon tikki tu nasida. Dipatudu ibana do muse na pos rohana tu nasida, olo do ibana paboahon kekhawatiran dohot kelemahanna tu nasida. (2 Kor. 7:5; 1 Tim. 1:15) Alai dang berfokus si Paulus tu masalahna sandiri, gariada lomo do rohana naeng mangurupi na asing.

11. Aha do alasanna dilehon si Paulus nasehat tu akka dongan sahaporseaonna?

 ¹¹ Sipata dilehon si Paulus do nasehat tu akka dongan sahaporseaonna. Diulahon ibana pe i, dang ala na sogo rohana tu akka donganna i, alai ala na parduli do ibana tu nasida. Dibahen ibana do mura diattusi nasehatna i jala dipastihon ibana do diattusi nasida songon dia cara menerappon i. Contohna, hea do dibahen ibana surat tu halak Korint na marisi nasehat na keras. Dukkon i disuru ibana ma si Titus mandapotton nasida. Lomo do roha ni si Paulus mamboto songon dia halak Korint mandalatton nasehatna i. Ternyata denggan do didalatton nasida i, gabe las ma roha ni si Paulus.​—2 Kor. 7:6, 7.

12. Songon dia do akka sintua boi patoguhon dongan sahaporseaon?

¹² Parsiajaranna. Akka sintua porlu do mangihutton teladan ni si Paulus. Ikkon diparade nasida do tikki tu akka dongan sahaporseaon. Sada cara lao mangulahon i, tibu ma nasida ro tu parpunguan asa sanga makkata-hatai dohot dongan na asing. Dang pola ikkon leleng, holan piga-piga menit pe nungnga boi akka sintua patoguhon na asing. (Rom 1:12; Eps. 5:16) Porlu do tong akka sintua mamakke Bibel lao patoguhon na asing, jala paposson roha ni nasida na holong do roha ni Debata tu nasida. Ikkon diboto akka dongan do na holong roha ni sintua tu nasida. Alani i jotjot ma akka sintua makkata-hatai tu akka dongan di huria jala mamuji nasida. Sipata porlu do muse akka sintua mangalehon nasehat, alai nasehatna i ikkon berdasarkan prinsip ni Bibel. Ikkon jelas aha nasehatna jala lambok paboahon songon dia cara manerappon i.​—Gal. 6:1.

13. Aha do dampakna molo diida akka sintua adong kelemahanna?

¹³ Tantanganna. Dang sempurna akka sintua. Jadi songon hita sude, nasida pe mambahen kesalahan do. (Rom 3:23) Alani i, ikkon berjuang do nasida asa boi bersikap masuk akkal mangida kelemahanna i. Unang ma terlalu berfokus nasida tu kelemahanna i sappe metmet rohana. Alai unang ma nasida sepele tu kelemahanna i, gabe dang berupaya mangatasi i.

14. Sesuai tu Pilippi 4:13, songon dia do dibahen si Paulus mangatasi kelemahan pribadina?

¹⁴ Teladan ni si Paulus. Serep do roha ni si Paulus. Disadari ibana do na ikkon diurupi Jahowa ibana asa boi mangatasi kelemahanna i. Sebelumna halak na kejam do si Paulus on. Jotjot do ibana menganiaya halak Kristen. Alai dukkon i, disadari ibana ma kesalahanna jala muba ma ibana. (1 Tim. 1:12-16) Ala diurupi Jahowa si Paulus, boi ma ibana gabe sintua  na parholong jala serep marroha. Sipata metmet do rohana molo sai diingot ibana kesalahanna. Alai pos do rohana nungnga disesa Jahowa dosana i. Jadi dang sai dipikkiri ibana be i. (Rom 7:21-25) Dang diharappon si Paulus ikkon sempurna ibana. Nang pe songon i, berjuang do ibana mangatasi kelemahanna jala Jahowa do na diandalhon ibana asa boi pasaehon sude tugasna.​—1 Kor. 9:27; jaha Pilippi 4:13.

15. Nang pe adong kelemahan ni sintua, alai aha do na ikkon diupayahon nasida?

¹⁵ Parsiajaranna. Dipillit Jahowa pe akka sintua dang ala na sempurna nasida. Alai nang pe songon i, ikkon berupaya do nasida padenggatton kelemahanna. (Eps. 4:23, 24) Alani i ikkon ringgas do sahalak sintua marsiajar Bibel asa diboto ibana aha na porlu dipadenggan. Dung i berupaya ma ibana padenggatton i. Molo dibahen ibana songon i, pasti diurupi Jahowa do ibana asa toktong marlas ni roha jala marhasil mandalatton tanggung jawabna.​—Jak. 1:25.

16. Aha do akibatna molo holan kelemahan ni akka dongan na diida ni sintua?

¹⁶ Tantanganna. Ala jotjot do akka sintua bekerja sama dohot akka dongan di huria, pasti diboto nasida do kelemahan ni akka dongan i. Alani i, ikkon hati-hati do nasida asa unang sappe sogo rohana tu akka dongan di huria jala gabe menghakimi. Lomo do roha ni Sibolis molo gabe songon i cara marpikkir ni akka sintua.​—2 Kor. 2:10, 11.

17. Songon dia do pandangan ni si Paulus tu akka dongan sahaporseaon?

¹⁷ Teladan ni si Paulus. Positif do si Paulus tu akka dongan sahaporseaonna. Diboto ibana do sipata nasida mangulahon kesalahan. Jala olo do dibahen nasida haccit rohana. Nang pe songon i, diingot si Paulus do molo adong sasahalak na mangulahon kesalahan, dang na berarti halak na jahat ibana. Holong hian do roha ni si Paulus tu akka dongan sahaporseaonna. Alani i ma fokus ibana tu akka sifat ni nasida na denggan. Molo adong akka dongan diida ibana na maol mangulahon na sittong, positif do ibana tu halak i. Diingot ibana do nasida porlu diurupi, ala sabotulna lomo do roha ni nasida mangulahon na sittong.

18. Aha do na boi taparsiajari sian cara ni si Paulus mangurupi si Euodia dohot si Sintike? (Pilippi 4:1-3)

¹⁸ Parrohahon ma contoh on. Hea do si Paulus mangurupi dua dongan borua di huria Pilippi asa mardame. (Jaha Pilippi 4:1-3.) Goar ni akka borua i, i ma si Euodia dohot si Sintike. Marbada do nasida sappe dang marsiattoan. Alai si Paulus dang gabe kritis manang menghakimi nasida. Fokus do ibana tu akka sifat ni nasida na denggan. Diingot ibana do molo akka borua i nungnga setia melayani Jahowa saleleng martaon-taon. Diingot ibana do muse na holong roha ni Jahowa tu  nasida. Ala toktong positif cara marpikkir ni si Paulus, boi ma diurupi ibana akka borua i mardame. Toktong ma ibana marlas ni roha jala denggan ma hubunganna tu akka dongan di huria.

19. (a) Songon dia do asa toktong positif akka sintua tu akka dongan di huria? (b) Aha do na boi diparsiajari hamu sian gambar ni sahalak sintua na paiasson Bale Harajaon?

¹⁹ Parsiajaranna. Akka sintua pe porlu do berfokus tu sifat ni akka dongan na denggan. Dang adong jolma na sempurna, alai sude do akka dongan di huria adong sifatna na denggan. (Plp. 2:3) Memang porlu do torus diurupi akka sintua akka dongan di huria padenggatton cara marpikkir dohot pangalaho ni nasida. Alai songon si Paulus, unang ma akka sintua berfokus tu kelemahan ni akka dongan. Ikkon ingoton ni nasida do holong ni akka dongan tu Jahowa, kesetiaan ni nasida, dohot akka sifat ni nasida na denggan. Molo sai positif do cara marpikkir ni sintua, boi ma dirasahon akka dongan di huria na dihaholongi nasida.

20. Aha do na porlu diulahon akka sintua asa denggan maniru si Paulus?

²⁰ Hamu akka sintua, torus ma hamu marsiajar sian teladan ni si Paulus. Boi do diparsiajari hamu i sian Indeks Publikasi Menara Pengawal, dung i lului ma “Paulus”, jala ida ma bagian “teladan bagi penatua”. Tikki dijaha hamu i pikkirhon ma on, ‘Songon dia do teladan ni si Paulus on boi mangurupi au asa toktong marlas ni roha mangulahon akka tugashu?’

21. Jaminan aha do na dilehon Jahowa tu akka sintua?

²¹ Hamu akka sintua, ingot ma dang hea diharappon Jahowa hamu asa sempurna. Na dipangidona sian hamu toktong ma hamu setia. (1 Kor. 4:2) Songon si Paulus, diargai Jahowa do kerja kerasna dohot kesetiaanna. Jadi pos ma rohamuna, toktong do diargai Jahowa sude naung diulahon hamu lao melayani Ibana. Pos ma rohamuna “dang lupahononna akka naung diulahon hamu dohot holong naung dipatudu hamu tu goarna i. Dipatuduhon hamu do i marhite mangurupi akka na badia i sahat tu saonari”.​—Heb. 6:10.