1. Mâ ǃnôa gagasi mîǁguiga da a dī ǁkhā?

 AMA XRISTEǁÎN ase da ge Jehovaba kaise a ǀnam. Jehovaba da ge ǁkhā da a i, hoa-e ra mā ǂgao. Xawe hoana Jehovaba ra dība ǂgao. Gagasi mîǁguiga da ge nî dī. Aiǁgause da ge Xristeǁî ǀgauga nî omkhâi. ǀAsa ǂansa nî ǁkhāǁkhāsen, tsî ǀgauna nî ôa nauna ǃoabasa. *

2. Tae-i ǃaroma da gagasi mîǁguiga nî dī, tsî ǃgarise nî sîsen î da sīǃnâ?

² Tae-i ǃaroma da gagasise ra aiǃgû ǂgao? ǂGurose, da ge sida ǀnamxaǃnâ ǀhomsi ǁGûba ra ǂkhîǂkhî ǂgao. Jehovab ge ra ǂkhî mûb ga o. Sida ǁkhāsiga da ga ǁîba ǀoasase ǃaobas ǃnâ ga ra sîsenū o. ǁNā-amaga da ge gagasise nî aiǃgû î da ǃnāsase sîda di ǃgâsana hui ǁkhā. (1Tes. 4:9, 10) Matikō kaxuse da ga amab ǃnâ ga ra hâ. Xawe da ge hoada gagasise nî ǀgaiǀgaisen. ǀKhī da kō re mati da ǁnāsa a dī ǁkhāsa nēsi.

3. Tae-eb ge apostel Pauluba Timoteuba ǂkhâǃnâ îb dī, 1 Timoteub 4:12-16 ǃnâ?

³ Apostel Paulub ge ǁîb di ǂguro sîǂkhanisa Timoteuba ǃoa a xoa. Ob ge nē ǂkhamkhoeba ǀnai ge ǀhaohâb ǃûi-ao i. Tsî ǂansa ge ūhâ i xaweb ge Pauluba gere ǂkhâǃnâbi îb aiǃgû. Tsî gagasi aiǂhanugu ǃnâ ǀgaiǀgaisen. (Khomai re 1 Timoteub 4:12-16 sa.) Paulub di mîdi xa du ga ǂâio du ge nî mû. ǁÎb gere ǂhâbasa îb Timoteuba ǀgam ǀgaugu  ǃnâ aiǃgû: Aiǁgause ǀnammi, ǂgoms, ǃanusib. ǀHûhâsib ǃnâ khomais, ǂkhâǃnâs tsî ǁkhāǁkhās ǃnâ ǁîb Xristeǁî ǀgauga omkhâi. Timoteub di aiǁgausa ǂâis ǃnâ ūhâse hā re da kō. Mati da mîǁguiga a dī ǁkhāsa. Hina nî hui da ga gagasise ǀāǀāsensa. Tsî da ge ǀnî ǀgaugu hîna da aoǁnâ sîsenni ǃnâ. ǃNāsase a dī ǁkhā gu xas tsîna nî ǃhoaǃgao.

4. Filipeǁîn 2:19-22 ǃoagu tae Timoteuba Jehovab ǃoa ai gere ǃgâi ǃaoba-ao kai?

⁴ Tae-e Timoteuba Jehovab ǃoagu gere ǃgâi ǃoaba-ao kai? ǁÎb di ǂoaǂamsa Xristeǁî ǀgauga o. (Khomai re Filipeǁîn 2:19-22 sa.) Paulub ge Timoteub xa mî xūna xu da ge ra mû. ǁÎb ge ǃgamǃgamsenxa, ǂhauǃnâ, māsenxa. Tsî ǂgomǃgâhe ǁkhā isa. ǁÎb ge ge ǀnamxa i tsî ǃgâsana gere tsâba. ǁNās ǃaromab ge Pauluba Timoteuba ge ǀnam i. Tsî ge ǃkhō-oasen tama hâ i ǃgom ǁgaumâina mābis ǀkha. (1Kor. 4:17) ǁKhā ǀgaub ǃnâb ge Jehovaba sida nî ǀnam. Tsî da ge ǀhaohâb ǃnâ nî sîsenūhe. ǁÎb a ǀnam ǀgauga da ga ūhâ o.—Psa. 25:9; 138:6.

5. (a) Mati du a mîǁgui ǁkhā mâ Xristeǁî ǀgau-e du nî ǃgâiǃgâisa? (b) Ai īsib ǃnâ i ra ǁgau-e khamis, matis ǂkham ǃgâsasa tsâbaǁkhaoxasiba nauna ǁgaus ai ra sîsen?

⁵ Sîsen ai ǂgao du ra ǀgau-e ǁhûi re. ǀGore tsî ǂâiǃgâ re mâǀgau-i sadu di-e du ra ǃgâiǃgâi ǂgaosa. Sîsen ai ǂgao du ra ǀgauba ǁhûi re. Aiǁgause mati du tsâbaǁkhaoxasiba nau ǃgâsana a ǁgau ǁkhā? Tamas ka io du ǃnāsase ǂkhîba kuru tsî nî ǀûbaxa? ǀNîsi du ge ǂgomǃgâ du ra ǀhōsa-e a dî ǁkhā. Mâǀgauga du nî sîsen aisa.—ǂKhm. 27:6.

6. Mati du sadu di ǀgaub hîna du ra sīǃnâ ǂgaob ǃoa-ai a sîsen ǁkhā?

⁶ Sîsen re î du sadu mîǁguiba sīǃnâ. Nēsa du mati a dī ǁkhā? ǀGui ǀgaub hîna du nēsa a dī ǁkhāb ge. Sîsen ai ǂgao du ra ǀgauba ôaǃnâsa. ǀNîsi du ge mîǁgui ǁkhā. Î du nauna ǀûbas ai sîsen. ǀNîsi du ge khomai tsî a ǂâiǃgâ ǁkhā Elobmîs di aiǁgaudi. Hîna ge māsenxase ǀûba tsî māsenxase ǀûba tama în tide. Jesub aiǁgaus xa ǂâi re. ǁÎb ge māsenxase nauna gere ǀûba. (Luk. 7:47, 48) ǁÎb ge dīǁoan ge i xūna kō ǃkharu. Tsî dī ǁkhān ge i xūn ai gere kō. Xawe Jesub ǁaeb Farisegu ge ‘nauna’ ge ǃgôa tama hâ i. (Luk. 18:9) Nē  aiǁgaudi xa du ga ǂâiǃgâ toa o, dîsen re: ‘Tae-e ta nau khoen ǃnâ ra mû?’ Mâ ǀgaugu ǁîn du gu ai ta ti ǂaisa ra ǂnûi ǂgao?’ Khoe-e ǀûbas ǀkha du ga ǃgomsiba ūhâ o. ǁÎ-i di ǃgâi ǀgaugu hoaga xoa mâi re. ǁNābaxu dîsen re: ‘Matib Jesuba nē khoe-e ra mû? ǁÎ-eb nî ǀûba?’ Nēti i dîde dîsens ge nî hui da. Î da sida ǂâiǀgauba ǀkharaǀkhara. ǂGurose da ge ǀnîse ǃgarise nî sîsen î da. ǁNā khoe-i tsûtsû da hâ-e ǀûba. Nēs ai da ga sîsen o da ge ǃnāsase māsenxase nî ǀûba.

7. ǂKhoamîdi 22:29 ǃnâ i ra ǁgau-e khamib Jehovaba. Māsenxa sîsen-aona nētsē mati ra sîsenū?

⁷ ǀNî hâ mîǁguib hîna du a dī ǁkhāb ge. Sîsenū ǁkhā du a ǀgau-e ǁkhāǁkhāsensa. ǂÂi re matikō sîsen-aon a ǂhâsa sa. Betels omgu, kai ǀhaode da ra ūhâ ǃnâ ǃkhaigu. Tsî Gaosib ǀhû-omga oms ǃaroma. ǂGui ǃgâsan ge ǂânsa ūhâ ǃgâsan ǀkha sîsen sa xu. ǁÎn ǂande ra ǁkhāǁkhāsen. Ai-īsib ǃnâ-i ra ǁgau-e khamin ge ǃgâsana. Kai ǀhaode da ra ūhâ ǃnâ ǃkhâigu tsî Gaosib ǀhû-omga. ǃGâi mâsib ǃnâ ūhâs xa ra ǁkhāǁkhāsen. Nēgu tsî ǀnî hâ ǀgaugu ǃnâb ge Jehova Elob “ǀamosigu di gao-aob.” Tsî Xristub Jesub “gao-aogu di Gao-aob” tsîna. Nē xūna ǀō-aisa ǀgaugu ǃnâ, nē māsenxa sîsen-aon ǃnâ-ū ra īǁkhā kai. (1Tim. 1:17; 6:15; Khomai re ǂKhoamîdi 22:29 sa.) ǃGarise da ge ra sîsen ǂgao î da sida ǂansa sîsenū. Tsî Jehovaba ǂkhaisiba mā. Sida māsens ose.—Jhn. 8:54.

8. Mati du a mîǁgui ǁkhā mâ xū-e du ra ǁkhāǁkhāsen ǂgaosa?

⁸ ǁKhāǁkhāsen ǂgao du ra xū-e ǁhûi re. Tae-e du ra ǁkhāǁkhāsen ǂgao? Sadu ǀhaohâb ǃûi-aogu tamas ka io ǃnarimâ ra mûǂam-aoba dî re. Mâ xū-e du a ǁkhāǁkhāsen ǁkhā ǃkhaisa gu ra ǂâisa. Aiǁgause gu ga mî o, î du sadu ǃhoa ǀgaugu. Tsî ǁkhāǁkhā ǀgauga ǃgâiǃgâi. O dî gu re mâ ǃâb nē ǀgam xūn digu ai du nî sîsensa. ǁNās khaoǃgâ ǃgarise sîsen re, î du ǁnā xūna ǃgâiǃgâi. Nēsa mati a dīǀoaǀoahe ǁkhā?

9. Mati du sadu mîǁguib ǀasa xū-e ǁkhāǁkhāsens diba a sīǃnâ ǁkhā?

⁹ Sadu mîǁguiba sīǃnâs ai sîsen re. ǀNîsi du ge ǃgâi ǁkhāǁkhā-ao kais ai ra sîsen ǂgao. Khomais tsî ǁkhāǁkhās ǃnâ ǁguiǂgāsens di hâ ǂkhaniba du ge. ǃAmkuse wekheb ǁaegub ǃnâ hâ ǀhaos dawa du ga ǃâ-e māhe o, a ôaǃnâ ǁkhā. ǂAnsa ūhâ ǃgâsa-e ǂgan re i i sadu ǃâba ǃgâ. Tsî maba du nî ǃgâiǃgâis ǀkha hui du. ǁAeb aiǃâ sadu di ǃâb ai sîsen re în khoena mû. ǃGarise du ra sîsen tsî du a ǂgomǃgâhe ǁkhāsa.—ǂKhm. 21:5; 2Kor. 8:22.

10. Aiǁgau-e mā re mati da ǁkhāǁkhāsen ǂgao da ra ǀgauga a ǃgâiǃgâi ǁkhās di-e.

¹⁰ Tae-e du a dī ǁkhā sadu mîǁguib ga. Sado ǃgomba xū-e ǃkhōǂgā o? Tā ǀûsen re! Garry di ǀon hâ ǃgâsab ge ǃgâise ge khomai ǁoa i. ǁÎb ge ra ǂâihō matikōseb gere taosa. ǃGarise ǀhaohâb ǀhaodi dawa khomaisa. ǁÎb ge ǃgarise gere sîsen îb ǃgâise khomai. ǁÎb ge huiba ǂansa ūhâ ǃgâsan. Tsî sada ǂkhanina xu ge hō. Tsî ǃhoade Gaosib ǀhû-ommi, ǂharis ǀhaos. Tsî kai ǀhaodi dawa nētsē a mā ǁkhā.

11. Timoteub khami tae-e a hui da ǁkhā. Î da ǃnāsa-e Jehovab ǃoabas ǃnâ dī?

¹¹ Timoteuba ge ǃgâi ǃhoa-ao tsî ǁkhāǁkhā-ao kai? Elobmîs ge mî tama hâ. Xawe Timoteub ge ǃgâise ǁîb ǁgaumâis ǃnâ gere dī. Paulub daoǁgausab  gere sao amaga. (2Tim. 3:10) Sada ǀgauga da ga ǃgâiǃgâi o da ge. ǃNāsa-e Jehovab ǃoabas ǃnâ a dī ǁkhā.

12. Nauna mati ge hui du?

¹² Hoa da ge nau khoen ra dī xūna xu ǃgâiba ra hō. Hospitals ǃnâ da ga ǁgoe o da ge ra ǃgôaǃgâ ǀhaohâb ǃûi-aogu. Hîna ǀaeǃkhōdi ǀkha ra sîsen ǁae Komites. Tamas ka io ǀaesen hâ ǃgâsana ra sari groep di ǃnâ hâ. ǃGâsan ga sari da o. ǃGomsina da ga sada ûib ǃnâ ūhâ. O da ge tsâbaǁhaoxa ǀhaohâb ǃûi-aob. Hîna ǁaeba ū tsî ra ǃgâ. Tsî ǁkhoaǂgaoxaba ra ǃgôaǃgâ. Elobmîs ǁkhāǁkhās ǀkha da ga ǃgomsiba ūhâ. O da ge ra ǂkhî ǂansa ūhâ ǁnaetisa aimâba-ao i ga ǂnûǂgâ. Tsî hui da o, hoa ǃgâsan nēn ge a ǂkhî sida huisa. Nē ǂkhîba da ge a hōǃâ ǁkhā. Māsenxase da ga sada ǃgâsana ǃoaba o. “Mās ge ūs ǃgâ-ai a ǃgâi” tib ge Jesuba ge mî. (ǃNǃkh. 20:35) Jehovaba du ga nē ǀgaugu tamas ka io. ǀNî hâ gu ǃnâ ǃoaba ǂgao o. Tae-e nî hui du nēsa dīsa?

13. Tae-e da ǂâis ǃnâ nî ūhâ mîǁgui-e da ga dī o?

¹³ ǃGāsa tama mîǁguiba tā dī re. Aiǁgause du ge ǀnîsi a ǂâi ǁkhā. ǃNāsase da ge ǀhaohâb ǃnâ ra dī ǂgao. Xawe i ge ǃgom ǁkhā nē mîǁguiba sīǃnâsa. Tsî du ge nēsa du go sīǃnâ ǃkhaisa ǂanǂui tide. ǁNā-amaga ǃgāsa mîǁguiga ǁhûi re. ǀNîsi du ge ǁnā mîǁguiba a xoaǁnâ ǁkhā. Tsî mati du a sīǃnâbi ǁkhās tsîna.

14. Sīǃnâ ǁkhā da a mîǁguiga da tae-i ǃaroma nî dī?

¹⁴ Supu ba da i ge nî nē mîǁguiba sīǃnâsa. Tae-i ǃaroma? Sida di mâsigu nî sîsenǂui ǀgauba da a ǀū amaga. Aiǁgause: Apostel Paulub ge ǀasa ǀhaohâba Tesalonikas ǃnâ tsoatsoas ǀkha ge hui. Tsîb ge ǁnāpa hâs mîǁguiba ǂâis ǃnâ ge ūhâ i. ǁNā ǀasa Xristeǁîna huis ǃaroma. Xawe mâǃoa-aon ge Pauluba ge ǁgari îb ǃāsa xu ī. (ǃNǃkh. 17:1-5, 10) Paulub ga hâsa mîǁgui hâ o. Ob ge ǃgomsina ǁîb ǃgâsana ga ǃaorma ba hâ. Xaweb ge Pauluba ǁîna huis ǃnâ ge ǀûsen tama hâ i. Tsîb ge ǀkharaǀkharasen ra mâsigu ǃoa-ai ge dawa. Egab ge Pauluba Timoteuba ǀasa ǀhaohâb. Tesalonikas ǃnâ hâb ǃoa ge sî. Îb ǃgâsan di gagasi ǂhâsiga kōǃgâ. (1Tes.  3:1-3) Kaisen ge Tesalonikaǁîna ge ǂkhî i. Timoteub ge mā-eb gere ǁgaumâi i hoa-i ǃnâ māsenxa i amaga.

15. Sada mîǁguiga mati a dawa ǁkhā, sada mâsiguga dawa o? ǁGuiǃā re.

¹⁵ Paulub aiǁgaus Tesalonikas ǃnâb ge ūhâ isa xu. Da ge a ǁkhāǁkhāsen ǁkhā. ǀNîsi da ge mîǁguiba a dī ǁkhā. Xawe gu ge sida di mâsigu. Hîna ra ǀkharaǀkharasenga a ǁkhae da ǁkhā, nē mîǁguiga sīǃnâsa. (Aoǁn. 9:11) Nēs ga sadu mâsib ǃnâ ama o. ǀKhara mîǁgui i hîna du sīǃnâ ǁkhā-e ǁhûi re. Nēsa ra ge Tedi tsî Hiedi ti ǀon hâ khoe-aogu ra ge dī. ǀAeb mâsib xa ǃaroma-e hâse ra ge. Betelsa xu nî ī ge is ge. Xawe Jehovaba ra ge ūba hâ i ǀnammi ge ge ǁgari ra i ra. ǀNî hâ aoǁnâ ǀgauga ǃoa kō. ǂGurose ra ge ge ǁnaetisa aimâba-ao kai. Ega ra ge ǀō-aisa aimâba-aora ase ge ǁgaumâihe. Tsî Tedi ge mâǁkhae ra ǃnarimâra mûǂam-aob ase ge ǁkhāǁkhāhe. Xawe i ge ǁaeb da ī khami ǃnarimâra mûǂam-aogu. Kurin hîna gu a ǃoaba ai ǁkhāna ge ǀkharaǀkharahe. Tedi tsî Hiedi hâra ge ega ge mûǂan. Kaise ra kaira hâ tsî Jehovaba. Nē ǁgaumâis ǃnâ ǃoaba ǁoasa. ǂKhabuǂâi ra ge hâ i xawe ra ge ge mûǂan. Jehovaba ra ǀnî hâ ǀgaugu ǃnâs tsîna a ǃoaba ǁkhāsa. Tedi ge ra mî, “ǁKhāǁkhāsen ta ge ge Jehovaba ǀguis xa ǃnāsa ǀgaugu ai ǃoabasa.”

16. Tae da Galateǁîn 6:4 sa xu a ǁkhāǁkhāsen ǁkhā?

¹⁶ Sida ûib ǃnâ ra ī xūn hoana da ge a ǁkhae ǁoa. ǁNā-amaga i ge ǂhâǂhâsa î da tā ǂâi. Sada ǁgaumâi di ǃaroma ǀgui da Jehovaba a ǂhâǂhâsaba di. Tsî tā ǃgâsan hîna sada ǂhâba hâ. ǁGâumâide ūhân ǀkha nî ǀgopeǀnōsen. Hiedis ge ra mî, “ǂKhîoǃnâ du ge nî sadu di ûiga du ga. Nau khoen di ûigu ǀkha ǀgopeǀnō o.” (Khomai re Galateǁîn 6:4 sa.) ǂHâǂhâsa i ge a î da ǀgauna ôa. Nauna hui tsî Jehovaba ǃoabasa. *

17. Tae-e du a dī ǁkhā î du aiǂhanugu ǃaroma aiǂhomîsen?

¹⁷ ǃNāsa-e Jehovab ǃoabas ǃnâ dīs ge nî īǁkhā. Supu ûiba ūhâ tsî du ga surude ga xu ǂgōsen o. ǂKhari mîǁguiga dī re hîna ra hui du ga î du kai mîǁguiga sīǃnâ. Aiǁgause, ǁnaetisa aimâba-ao kai ǂgao du ga o. Nēsi sa xu huiǃnâ ra aimâba-aose xoaǂgāsen re. ǀHaohâb di hui-ao kai ǂgao du ga o. ǃNāsa ǁaeba aoǁnâ sîsenni ǃnâ ūhâ re. Tsî ǀaesen hâ tsî kaira  ǃgâsana sadu ǀhaohâb ǃnâ sari re. Nēsi du ra ǀhaoǀhaobasen ǂans ge nî hui du. ǀAsa dao-amde ǁkhawa ambasens ǀkha. Î du hānîǁaeb ǃnâ ǀnî hâ ǁgaumâide hō. ǁGuiǂgāsen re î du māhe du ra. ǁGaumâis hoas ǃnâ ǁkhā du a-e dī.—Rom. 12:11.

18. Ai-īsib ǃnâ i ra ǁgauhe khami. Tae-e du Beverleys aiǁgausa xu ra ǁkhāǁkhāsen?

¹⁸ Tātsē da ge kaira tama hâ. Mîǁguiga dī tsî sīǃnâs ǃaroma. Beverley ti ǀon hâ ǃgâsas 75 kuri xas aiǁgausa ǃoa kō re. ǁÎs ge sîsensa gere ǃgom kai ǀae-e ge ūhâ i. Xawes ge Jesub di ǁōb ǂâiǂâisens di ǁkhauǂûis ǃnâ gere ǁhao ǂgao. ǁNā-amagas ge ǃgāsa mîǁguiba ge dī. ǁÎs di mîǁguibas ge sīǃnâ o. Os ge kaise ge ǂkhî i. ǁÎs di aiǁgaus ge nauna ge ǂkhâǃnâ. ǃNāsa-e aoǁnâ sîsenni ǃnâ dīsa. Jehovab ge sada kaira ǃgâsan da dī sîsenga ra ǃgôaǃgâ. ǃNāsa-en ga ǁîn mâsigu xa ǃaroma-e hâse dī tama i xawe.—Psa. 71:17, 18.

19. Mâ ga ǀnî gagasi mîǁguigu dī ǁkhā da a ga?

¹⁹ Sīǃnâ ǁkhā du a mîǁguiga dī re. Jehovaba a ǂkhîǂkhî ǁkhā ǀgauga omkhâi re. ǃNāsa-e Elob ǀapeǂhumis ǀkha dīs. ǀKha hui du ǁkhā xūna ǁkhāǁkhāsen re. ǀGauna ôa re î du sadu di ǃgâsana ǃnāsase ǃoaba. * “Îs aiǃâ ǃgûs âtsa ǂhaisa hoa xūn ǃnâ.” Nēs ge Jehovab di huib ǀkha nî ī. Timoteubab ge hui khami.—1Tim. 4:15.