1. Jehová Diosta ashtahuan sirvingapaca ¿imacunatata rurai ushapanchi?

 JEHOVÁ DIOSTA sirvijcunaca, Jehová Diosta tucui shungu juyaimandami paimandaca tucui usharishcaguta rurangapaj munapanchi. Jehová Diosta ashtahuan sirvingapaj munashpaca, ñucanchi personalidadpi ashtahuan mejorangapaj, shinallata shujcunata ayudangapami shuj shuj cosascunata rurai ushapanchi. b

2. ¿Imamandata Jehová Diosta ashtahuan sirvingapaj imatapash rurana munaita charina y chai munaicunata pactachingapaj esforzarina capanchi?

² Jehová Diosta cushichingapami, paita ashtahuan sirvingapaj imatapash rurana munaita charina y chaita pactachingapapash esforzarina capanchi. Jehová Diosca ñucanchi rurai ushashcagucunahuan paita sirvijpica ninandami cushijun. Shinallata, ñucanchi huauquipanicunata ayudangapami imagupipash ashtahuan mejorashpa catingapaj munapanchi (1Tes 4:9, 10). Apóstol Pablopa consejopimi mashna tiempota testigo de Jehovacuna cashpapash tucuicunallata Jehová Diosta ashtahuan ali sirvingapaj esforzarishpa catina cashcata ricupanchi. Apóstol Pablopa consejo imashina ayudajta ricupashunchi.

3. 1 Timoteo 4:12-16​pi nishcashnaca, apóstol Pabloca Timoteomanga ¿ima consejotata curca?

³ Apóstol Pablo primero cartacunata Timoteoman escribijujpica, Timoteoca joven cashpapash experienciata charij ancianomi carca. Timoteo chashna experienciata charijpipashmi apóstol Pabloca Jehová Diosta ashtahuan sirvingapaj esforzarishpa catichun animarca (1 Timoteo 4:12-16​ta liipangui). Apóstol Pablopa nishcacunapica Timoteo juyaita charichun, shinlli feta charichun, shinallata nali yuyaicunamanda jarcarichun munashcatami ricuchin. Shinallata  Timoteo ashtaca gentecunapi cashpa aliguta lii ushachun, shujcunata consejashpa aliguta yachachichunbash ashtahuan mejorachunmi munarca. Timoteopa ejemplopica Jehová Diosta ashtahuan sirvingapaj imatapash rurana munaita charina esforzarichun ayudajta, shinallata Jehová Diosta sirvingapaj shuj shuj cosascunata rurai ushashcatapashmi yachajugripanchi.

4. Filipenses 2:19-22​pi nishcashnaca Jehová Diosca ¿imamandata Timoteotaca ashtaca ruraicunapi utilizarca?

⁴ Jehová Diosca ¿imamandata Timoteotaca ashtaca cosascunata rurangapaj utilizarca? Timoteoca Jehová Dios munashcashnami causarca (Filipenses 2:19-22​ta liipangui). Apóstol Pabloca Timoteomanda parlashpaca, Timoteoca Jehová Diosta tucui shunguhuan sirvij, trabajador, shuj gentecunapa ñaupapipash confiablemi can nircami. Huauquipanicunataca juyaihuan tratashpami paicunamandaca ciertopacha preocuparin carca. Chaimandami apóstol Pabloca Timoteotaca ninanda juyarca. Shinallata shuj shuj asignaciongunata pactachichunbashmi mingarca (1 Cor. 4:17). Shinaca Jehová Dios munashcashna causashpaca shinallatami ñucanchipash congregacionbi ashtahuan shuj shuj cosascunapi ayudaita ushashun (Sal. 25:9; 138:6).

5. a) ¿Imashinata imapi mejorana cashcataca yachai ushapanchi? b) Fotopi paniguca ¿imashinata shujcunapi preocuparishcataca ricuchin?

⁵ Imapipacha mejorangapaj munashpapash, chaipi mejorangapaj esforzaringui. Imapi mejorana cashcata aliguta yachai ushangapami Jehová Diosta mañaita ushapanchi. Mañashca jipa imapi mejorana cashcata cuenta japishpaca chaipi mejorangapaj esforzaripashunchi. Talvez shujcunamanda ashtahuan preocuparishpa, shujcunata ashtahuan ayudana munaita charingapami mejorana caringa. Cutin huaquinbica ñapash fiñarijunacunapi, shujcunata perdonanacunapi mejorana tucuringa. Shinapash imapipacha mejoranata na ashta seguro cashpaca quiquin confiashca amigota ¿imapita mejorana cani? nishpa tapunallami capanchi (Prov. 27:6).

6. Imapi ashtahuan mejoranata munashpaca ¿imatata rurana capangui?

⁶ Imata rurangapaj munashcata pactachingapaj esforzaripashunchi. Imata rurangapaj munashcata pajtachingapaca imapi mejorana cashcata ricungapami informaciongunata mascana capanchi. Por ejemplo, shujcunata perdonanapi ashtahuan mejorana cashpaca, shujcunata perdonashcacunamanda o na perdonashca gentecunamanda Bibliapi parlashca ejemplocunata liishpa chaipi pensarinami ali canman. Jesusca shujcunata perdonanamandaca alipacha ejemplomi can (Luc. 7: 47, 48). Jesusca shujcunapa pandarishcacunatallaca na ricujurcachu. Ashtahuangarin, paicuna imata rurai ushashcacunatami ricurca (Luc. 18:9). Shinaca “¿shujcunataca imashinata ricuni? ¿Paicunapa ali cualidadcunatachu ricuni? nishpa tapuripashunchi. Pitapash perdonana shinlli ricurijpica paicuna imacunapi ali cashcacunata ricushpa chai ali rurashcacunata shuj listata rurashpa anotapai. Chai jipaca, “¿paitaca Jesusca imashinata ricun? ¿Jesús cashpaca perdonanmanllu carca imashi?” nishpa tapuripashunchi. Cashna tapuicunata rurarinami, ñucanchicuna aliguta imatapash pensarishpa rurachun ayudaita ushan. Pipash ñucanchicunata imatapash nalita rurajpica paicunata perdonanaca shinllimi ricurita ushan. Shinapash perdonangapaj esforzarishpaca perdonai ushashunmi.

7. Proverbios 22:29​pi nishcashnaca imagutapash ali ruranata yachaj huauquipanicunataca, Jehová Diosca cunan punllapica ¿imashinata utilizajun?

⁷ Jehová Diosta ashtahuan sirvingapaca, shuj shuj ruraicunatami yachajuita ushapanchi. Por ejemplo Sucursalcunata, Salón de Asambleacunata, Salón del Reinocunata rurangapaj apoyashca huauquipanicunapi pensaripashunchi. Cai huauquipanicunaca shuj shuj experienciata charij huauquipanicunahuan trabajaimandami ashtacata yachajushca. Imashinami cai fotopi ricupanchi jaricunapash, huarmicunapashmi Salón de Asambleacunata, Salón del Reinocunata imashna mantenimientocunata ruranata yachajushpa shamunajushca. Paicunata utilizashpami Jehová Diospash, Jesuspash ashtaca cosascunata rurashca (1Tim 1:17; 6:15; Proverbios 22:29​ta liipangui). Shinapash imaguta rurashpapash ali quidanamandaca na rurajunachu capanchi. Ashtahuangarin, Jehová Diosta sirvinamandami rurana capanchi (Juan 8:54).

8. Imapi mejorana cashcata yachachunga ¿imata ayudaita ushan?

⁸ Jehová Diosta ashtahuan sirvingapaj imatapacha ruranata agllashunchi. Imata rurai ushanapi pensaripashunchi. Ñucanchi imapi ashtahuan mejoranataca congregacionmanda anciano huauquicunata, superintendente huauquicunatapash tapunallami capanchi. Paicuna discursocunapimi ashtahuan mejorana cangui nijpi, o yachachinacunapimi mejorana cangui nishpa animajpica chaicunapipash imapipacha mejorana cashcatami tapuita ushapanchi. Tapushca jipaca chai sugerenciacunata pactachingapaj esforzaripashunchi. Chaitaca ¿imashinata rurai ushapanchi?

9. Ali yachachij tucungapaca ¿imatata rurai ushapangui?

⁹ Imata rurangapaj munashcata pactachingapaj esforzaripashunchi. Bibliamanda ashtahuan aliguta yachachinata yachajungapaj munashpaca, Ashtahuan aliguta liipangui yachachipangui nishca folletotami yachajuna capangui. Entre semana reunionba shuj asignacionda charishpaca, chai asignacionba prepararishcataca nara reunionbi cashpallatami, shuj experienciata charij huauquita imapi mejorana cashcata uyashpa ayudahuai nishpa mañana capangui. Quiquinba asignaciongunata tiempohuan preparashpaca ashtahuan ali yachachijmi tucungui. Shina rurajpica shujcunapash quiquin responsable cashcata, quiquinbi confiai ushashcatami ricui ushanga (Prov. 21:5; 2 Cor. 8:22).

10. Imagutapash ali yachajungapaca ¿imatata rurai ushapanchi? Shuj ejemplomanda parlapai.

¹⁰ Imapi mejorangapaj munashpapash shinapash chaipi na ashta mejorai ushashpaca ¿imatata rurana capanchi? Esforzarishpami catita ushapanchi. Garry huauquigupa ejemplota ricupashunchi. Paipaca tandanajuicunapi liinaca na facilchu carca. Paica tandanajuicunapi liinataca ninandami pinganayan carca ninmi. Shinapash paica mejorangapaj esforzarishpami catirca. Paica publicaciongunata liishpa huauquicunapa ayudahuanmi cunanga tandanajuicunapi, asambleacunapi alipacha discursocunata cun.

11. Timoteo cuenda shuj shuj responsabilidadcunata chasquingapaj preparado cachunga ¿imata ayudaita ushan?

¹¹ ¿Timoteoca shuj alipacha discursante, alipacha yachachijchu tucurca? Bibliapica chaitaca  na ninllu, shinapash apóstol Pablopa consejota catishcatami ricupanchi. Shinaca seguromi paica asha asha ashtahuan mejorashpa paipa responsabilidadcunataca ali pactachishcanga (2Tim. 3:10). Shinaca Timoteoshnallata ashtahuan mejorashpa catishpaca congregacionbipash ashtahuan responsabilidadcunatami chasquita ushapashun.

12. Shuj huauquipanicunaca quiquindaca ¿imashinata ayudapashca?

¹² Shuj huauquipanicuna ñucanchita ayudajpica cushillami sintiripanchi. Por ejemplo huaquinbica hospitalpi cajpi, Cómite de Enlace con los hospitales o Grupo de Visita a Pacientes nishcamanda huauquicuna visitangapaj shamujpica cushillami sintiripanchi. Shinallata llaquicunahuan cajpi anciano huauquicuna animangapaj tiempoguta llujchijpica ninandami agradicipanchi. Bibliamanda yachachijujpi experienciata charij precursorcuna cumbashpa imapi ñucanchicuna mejorana cashcata nishpa ayudajpica ninandami cushijupanchi. Jesusca, “imagutapash carashpami, carajpi japishcatapash ashtahuan yalita cushijurin” nircami (Hech. 20:35). Shinaca shuj shuj huauquipanicunata ayudaj huauquipanicunaca cushillami sintirin. Ñucanchicunapash shina rurashpaca cushillami sintiripashun. Shinaca cashna cosascunata rurashpa Jehová Diosta ashtahuan sirvina munaita charishpaca ¿imashinata pactachita ushapanchi?

13. Jehová Diosta ashtahuan sirvingapaj munaita charishpaca ¿imatata yaipi charina capanchi?

¹³ Jehová Diosta ashtahuan sirvingapaca imatapacha rurangapaj munashcata agllashpami, chaitapacha pactachisha yashpa ninanda esforzarina capangui. Talvez huaquinbica congregacionbi caita chaita rurashcaiman yashpapash, imatapacha rurashpa callarinatami na atinashca sintirita ushanchiman. Chaimandami imatapacha rurangapaj munashcataca mejor agllaita agllana ali can. Shinallata chaita imashina pactachinatapash anotashpami charita ushapanchi.

14. Huaquin cambiocuna ricurijpica ¿imamandata cambiocunata rurangapaj dispuesto cana capanchi?

¹⁴ Jehová Diosta ashtahuan sirvingapaj imata ruranata decidishca cashpapash, imapash cambiocuna ricurijpi cambiocunata rurangapaj dispuestomi cana capanchi. Ñucanchi causaipica na yashcapimi imacunapash pasaita ushan. Por ejemplo, apóstol Pabloca Tesalónica llactapimi shuj congregación tiachun ayudarca. Apóstol Pabloca chai huauquipanicunata ayudashpa animangapaca asha tiempota chaipi quidangapami munarca. Shinapash ashtaca jarcaicuna ricurijpi, contra gentecunamandami chai llactamanda llujshishpa rina  tucurca (Hech. 17:1-5, 10). Apóstol Pablo chai jarcaicuna tiajpipash chai llactapi quidashpaca chai congregacionmanda huauquipanicunatami llaqui apachinman carca. Apóstol Pabloca chai llactamanda rina tucushpapash chai llactapi huauquipanicunataca na yangata chaipi saquircachu. Paica jipamanga Timoteota,Tesalónica llactamanda huauquipanicunapaman cachashpami paicunapa feta shinlliyachichun ayudashpa catirca (1 Tes. 3:1-3). Tesalónica llactamanda huauquipanicunaca Timoteo paicunapa congregacionbi ayudangapaj rishcamandaca ninandami cushijurianga.

15. Cambiocuna ricurijpi ima pasai ushanata, shuj ejemplohuan parlapai.

¹⁵ Apóstol Pablopa ejemplomandami yachajuita ushapanchi. Huaquinbica Jehová Diosta ashtahuan sirvingapaj imatapash ruranata decidishcapipachami na yashcapi imapash pasaita ushan. Chaimi huaquinbica ñucanchi munashcataca ñana pactachi usharin (Ecl. 9:11). Shina pasajpica ¿imatata rurai ushapanchi? Shina pasajpica Jehová Diosta sirvishpa catingapaj cutin imata rurai ushanatami pensarina capanchi. Por ejemplo, Ted y Hiedi cusahuarmigucunaca ashata ungushca caimandami Betelta saquina tucurca. Shinapash Jehová Diosta juyaimandami shuj shuj formacunapi paita ashtahuan sirvingapaj esforzarirca. Callaripica precursor regularcunami tucurca, jipamanga paicunataca precursor especialcuna cachunmi nombrarca. Shinallata huauquigutaca superintendente de circuito sustituto tucuchunmi entrenamientota curca. Shina ña entrenamientoguta chasquishca jipallami, superintendentecunapaca huaquin cambiocuna shamurca. Chai cambiocunapica mashna huatacunacamanlla superintendentecuna cana cashcatami villajurca. Chaimi paicunaca chai asignacionda ñana pactachi ushana cashcata pensarca. Callaripica ashata desanimarishca cashpapash Jehová Diostaca shuj shuj formacunapi sirvi ushashcapimi pensarirca. Huauquiguca: “Jehová Diosta sirvingapaca diferente cosascunata rurangapaj esforzarinatami yachajurcanchi” ninmi.

16. Gálatas 6:4​pica ¿ima ali yuyaicunatata yachachin?

¹⁶ Ñucanchi causaipi cungashcapi imapash pasanacunataca na jarcaita ushapanchichu. Jehová Diospa ñaupapica imapash privilegiocunata charishcamandallaca na valishca capanchichu. Chaimandami shujcuna charishca privilegiocunata ñucapash charishcaiman yashpa compararijunaca na ali can. Hiedi paniguca: “Shujcunahuan compararijushpaca na tranquilo cushilla causaita usharingachu” ninmi (Gálatas 6:4​ta liipangui). Chaimandami Jehová Diosta sirvingapaca shuj shuj formata mascashpa, shinallata shujcunata ayudangapapash shuj shuj cosascunata rurai ushapanchi. c

17. Ashtahuan responsabilidadcunata charingapaj munashpaca ¿imatata rurai ushapanchi?

¹⁷ Minishtirishca cosasgucunahuanlla causangapaj decidirishpa, na yapata yangamanda dibi  tucushpaca congregacionbi ashtahuan responsabilidadcunata chasquingapami tiempota charipashun. Jehová Diosta ashtahuan sirvingapaca asha ashami huaquin cosascunata pactachishpa catita ushapanchi. Por ejemplo precursor regular tucungapaj munashpaca, precursorado auxiliartarami japita ushapanchi. Shinallata siervo ministerial tucungapaj munashpaca villachishpa, mayorlla huauquipanicunata visitashpa, congregacionbi pipash irquiyashca huauquipanigucunata visitashpami ayudaita ushapanchi. Shina asha asha huaquin cosascunata rurajushpallatami, shuj shuj ashtahuan asignaciongunata charingapaj ashtahuan preparado capashun. Shinaca imagupi cashpapash Jehová Diosta ashtahuan ali sirvinata decidipashunchi (Rom. 12:11).

18. Beverley panigumandaca ¿imatata yachajui ushapanchi?

¹⁸ Mayorllagucuna cashpapash Jehová Diosta ashtahuan sirvingapaj munashcataca pactachi ushapanchimi. Por ejemplo 75 huatacunata charij Beverley shuti paniguca, purita na ushashpapash conmemoracionba campañapi villachingapami ninanda munarca. Chaimandami paica conmemoracionba campañapi ashtahuan predicangapaj arreglocunata rurarca. Chai arreglocunata pactachi ushashpaca paica ninandami cushijurca. Pai shina esforzarishpaca shuj huauquipanicunapash ashtahuan predicacionman llujshichunmi animarca. Mayorllagucuna Jehová Diosta sirvingapaj ninanda esforzarishcacunaca Jehová Diospa ricuipica ninan valishcami can (Sal. 71:17, 18).

19. ¿Imacunata ruranata ñucanchicuna ashtahuan Jehová Diosta sirvichun ayudanga?

¹⁹ Pactachi ushana cosasgucunata rurai callarinapi pensaripashunchi. Jehová Dios munashcashna causangapaj ashtahuan mejorarishpa catipashunchi. Jehová Diospa organizacionbi ashtahuan sirvi ushangapaj shuj shuj cosasgucunata yachajupashunchi. Ñucanchi huauquipanigucunata imashina ashtahuan ayudanata ricupashunchi. d Shina rurajpica Timoteotashnallatami Jehová Diosca bendicianga. Shinallata shuj huauquipanicunapashmi ñucanchicuna Jehová Diosta tucui usharishcagupi sirvijujta ricunga (1 Tim. 4:15).