1. Come podemo far el nostro meio par Geovà?

 NOANTRI volemo far el nostro meio a Geovà parché lo amemo tanto. Come podemo far el nostro meio par lu? Podemo sforsarse par gaver e mostrar le qualità che ghe piase a lu, imparar a far robe nove e sforsarse de giutar ai altri.

2. Parché che ghemo de sforsarse par esser cada volta pi bravi servi de Geovà?

² Parché che ghemo de sforsarse par esser cada volta pi bravi servi de Geovà? Parché Geovà el resta tanto contento e parché la ze una maniera de giutar i nostri fradei e sorele. (1 Tes. 4:9, 10) Tuti noantri ghemo de sforsarse par farlo anca che servimo a Geovà fà tanto tempo. Alora, come podemo deventar cada volta pi bravi servi de Geovà?

3. De acordo con 1 Timòteo 4:12-16, cossa che Paolo el ga dito che Timòteo el fesse?

³ Timòteo l’era belche un bravo ansiano quando Paolo el ga scrito la prima carta a lu. Anca cossita, Paolo lo ga incoraià a esser ancora pi bravo. (Ledi 1 Timòteo 4:12-16. b) Quel che Paolo el ga dito mostra che el volea che Timòteo  el se sforsesse de far due robe: (1) che el gavesse amor, fede e che el fusse puro, e (2) che el ledesse, insegnesse e el desse consìlio ancora meio. El esémpio de Timòteo el ndarà mostrarne che saremo pi bravi servi de Geovà se scoliemo far a lu quel che saremo boni. Adesso ndaremo veder che altre robe podemo far par Geovà.

4. De acordo con Filipensi 2:19-22, parché che Geovà el ghe volea tanto ben a Timòteo?

⁴ Parché che Geovà el ghe volea tanto ben a Timòteo? Parché lu el gavea tante bele qualità. (Ledi Filipensi 2:19-22. c) Par via de quel che Paolo el ga scrito, vedemo che Timòteo l’era ùmile, leal, el laorea tanto e l’era una persona che se podea fidarse. Lu el amea tanto i fradei e sempre el volea giutarli. Parquela che Paolo el se fidea de dar a Timòteo laori che no l’era fàcile de far. (1 Cor. 4:17) Cossa che imparemo? Se se sforsemo par gaver bele qualità, podaremo far altri laori nela congregassion e Geovà el restarà ancora pi contento con noantri. — Sal. 25:9; 138:6.

5. (a) Cossa pol giutarte a saver che qualità te ocore mostrar ancora meio? (b) De acordo col ritrato, cossa che la sorela pi gióvena la ze drio far par capir meio quel che i altri i infronta?

⁵ Scoli una qualità che te vol gaver. Domanda a Geovà che el te giute a veder che qualità te podarissi mostrar ancora meio. Dopo sfòrsate par mostrarla. Fursi te vedi che te ocore capir meio quel che i altri infronta, o giutar de pi i to fradei. Pol esser che te ghè de sforsarte de pi par viver in pace con tuti, o che te ghè de perdonar de pi i altri. Te pol domandar a un bravo amigo che el te giute a saver come farlo. — Pro. 27:6.

6. Cossa che te ghè de far par mostrar la qualità che te ghè scoliesto?

⁶ Sfòrsate par mostrar la qualità che te ghè scoliesto. Una roba che pol giutarte la ze studiar sora questa qualità. Metemo dir che te ghè de imparar a perdonar de pi  i altri. Alora te pol studiar esempi de persone dela Bìblia che le ga perdonà e altre che no le ga perdonà. Par esémpio, pensa in quel che Gesù el fea. Lu sempre el perdonea i altri. (Luc. 7:47, 48) Lu sempre el vardea le bone qualità che i gavea e nò quel che i fea de sbalià. Lu l’era tanto difarente dei farisei, parché lori i vedea le persone come le se valesse poco o gnente. (Luc. 18:9) Dopo de pensar sora questi esempi, te pol domandarte: ‘Cossa che mi penso dei altri? Sarà che proo vardar sol le so qualità?’ Se te fè fadiga perdonar qualchedun, proa pensar in arquante qualità che lu el ga. Dopo domàndate: ‘Cossa Gesù el pensaria de questa persona? Sarà che lu ndaria perdonarla?’ Se te fè cossita, te ndarè cambiar la to maniera de pensar. Pol esser che te ghè de sforsarte tanto par perdonar una persona che la te ga disgustà. Ma se te seiti a sforsarte, sarà pi fàcile perdonar i altri.

7. De acordo con Proverbi 22:29, come Geovà el dopera bravi fradei e sorele?

⁷ Noantri podemo deventar pi bravi servi de Geovà anca quando proemo imparar e far una roba nova. Par esémpio, podemo imparar a far i laori che ghe vol par giutar a far su e a tender Saloni del Regno, de Assemblee e costrussion in Betel. Sicuro che par far tute queste robe ghe vol el aiuto de tanti fradei. Tanti de quei che i ze drio giutar ancoi i ga imparà con fradei che belche i savea far questi laori. El ritrato el mostra che fradei e sorele i pol imparar a gaver le abilità che ghe ocore par tender dei Saloni del Regno e de Assemblee. Cossita, Geovà, che l’è el “Rè dela eternità”, e Gesù, che l’è el “Rè de quei che i governa”, i ze drio doperar bravi òmini e done par far robe maraveiose. (1 Tim. 1:17; 6:15; ledi Proverbi 22:29. d) Ma ghemo sempre de ricordarse che ne ocore doperar quel che savemo par dar glòria a Geovà e nò par farse veder. — Gioani 8:54.

8. Cossa pol giutarte a saver che abilità te ocore gaver?

⁸ Scoli una abilità che te vol gaver. Proa pensar nte un laoro che te podarissi imparar a far. Chi che pol giutarte a saver che abilità te pol gaver? Te pol domandarlo ai ansiani o al superintendente de sircuito. Fursi lori i te dise che te ghè de sforsarte par insegnar meio. Alora, te pol domandarghe che robe te ocore far par insegnar meio. Dopo, sfòrsate par far quel che i te ga dito. Vedemo come farlo.

9. Cossa pol giutarte a insegnar meio?

⁹ Sfòrsate par gaver la abilità che te ghè scoliesto. Metemo dir che te vol imparar a insegnar meio. Te podarissi studiar la revista Sfòrsate par Leder e Insegnar Meio e dopo proar meter in pràtica quel che te ghè imparà. Quando te vè far una parte nela riunion in meso la stimana, te pol anca mostrar come che te vè farla a un fradel e domandarghe consili de come farla meio. E anca che te gàpia belche la abilità de insegnar, sfòrsate de sempre pareciarte ben par tute le parte. — Pro. 21:5; 2 Cor. 8:22.

10. No ghemo de desister de gaver la abilità che ghemo scoliesto. Parla de un esémpio.

¹⁰ E se te fè fadiga gaver la abilità che te ghè scoliesto? No stà mia desister! Un fradel che el ga nome Garry el gavea tanta  dificoltà par leder. Lu el ga dito che el gavea tanta vergogna par leder nele riunion. Ma lu el se ga sforsà tanto par leder cada volta meio. E adesso, col aiuto dei fradei e dele publicassion, lu l’è bon de far discorsi nela congregassion, nele assemblee e nei congressi!

11. Cossa pol giutarne a servir a Geovà cada volta meio?

¹¹ La Bìblia no la dise se Timòteo l’è deventà tanto bravo de insegnar. Ma podemo esser sicuri che lu el ga fato quel che Paolo el ghe ga dito e l’è stà bon de far ben i so laori. (2 Tim. 3:10) Cossa che imparemo? Se noantri se sforsemo par gaver altre abilità, ndaremo servir a Geovà cada volta meio.

12. Come altri fradei i te ga belche giutà?

¹² Noantri restemo tanto contenti quando i altri i ne giuta. Par esémpio, se ghemo de restar nel ospedal, restemo tanto incoraiadi quando i ansiani che i visita i ospedai e i maladi i vien visitarne. Noantri anca restemo tanto contenti se i ansiani i vien farne una vìsita par incoraiarne e scoltarne quando semo drio infrontar una dificoltà. Ne piase tanto quando i pionieri i vien insieme far un stùdio e dopo i ne dà consili par farlo ancora meio. Questi fradei i resta tanto contenti de giutarne, e anca noantri podemo sentirse cossita quando giutemo i altri. Gesù el ga dito che “ghen’è de pi felicità in dar che in ricever”. (Ati 20:35) Cossa pol giutarte se te vol far questi o altri laori nela organisassion?

13. Cossa che te ghè de ricordarte se te vol far de pi nela congregassion?

¹³ Prima te ghè de scòlier pròpio quel che te vol far par servir de pi a Geovà. Fursi te pensi: ‘Mi vui laorar de pi nela congregassion.’ Ma saria meio che te pensessi che laori te pol far nela congregassion. Alora te pol scriver che laori te vol far e come farli.

14. Parché che fursi no semo boni de finir un laoro che volarìssino far nela organisassion?

¹⁴ Ghemo anca de ricordarse che pol cambiar arquante robe nela nostra vita, e magari, no saremo boni de finir el laoro che ghemo dessidio far nela organisassion. Varda el esémpio del apòstolo  Paolo. Lu el ga giutà a verder una congregassion nela cità de Tessalónica e el volea seitar a giutar i fradei lì. Ma lu el ga bio de ndar via dela cità parché i nemighi i ze vegnesti contra lu. (Ati 17:1-5, 10) Se lu el restesse lì, lori i podaria copar i fradei de Tessalónica. Anca cossita, Paolo ancora el volea giutarli. Alora, el ga mandà Timòteo. (1 Tes. 3:1-3) Sicuro che lori i ze restadi tanto contenti quando Timòteo el ga volesto giutarli.

15. Cossa pol suceder quando semo drio sforsarse par far un laoro che volarìssino par Geovà? Parla un esémpio.

¹⁵ Cossa podemo imparar de quel che ga sucedesto con Paolo in Tessalónica? Fursi semo drio sforsarse tanto par far un laoro nela organisassion, ma sucede qualcossa nela nostra vita che ne intriga de farlo. (Ecl. 9:11) Se questo ga sucedesto con noantri, podemo scòlier un laoro che semo boni de far adesso. Varda el esémpio de Ted e Hiedi. Lori i laorea in Betel, ma ghe ga tocà ndar via parché un de lori el ga bio un problema de salute. Ma come i amea a Geovà, lori ancora i volea far de pi par lu. Alora, i ga scominsià a laorar come pionieri regolari e dopo Betel li ga convidà par laorar come pionieri spessiai. In quel tempo, Ted l’è stà anca parecià par esser superintendente de sircuito. Ma lori no i ze stati boni de farlo parché la organisassion la ga cambià la età che un fradel el pol gaver par esser superintendente. Lori i ze restadi disgustadi, ma suito i ga visto che i podea far altri laori par Geovà. Ted el ga dito: “Ghemo imparà che ghen’è tanti laori de far nela organisassion de Geovà.”

16. Cossa imparemo de Gàlati 6:4?

¹⁶ Noantri no podemo controlar tuto quel che sucede nela nostra vita. Par quela no ghemo mia de pensar che ghemo valor par Geovà sol par via dei laori che femo nela organisassion. Noantri anca no ghemo de comparar i laori che femo con quel dei altri. Hiedi la ga dito: “No te sarè mai contento se te seiti a far comparassion dela to vita con quela dei altri.” (Ledi Gàlati 6:4. e) Alora, l’è tanto importante sforsarse par far quel che podemo par Geovà e par i altri. f

17. Cossa che te pol far par laorar de pi par Geovà?

¹⁷ Cossa pol giutarte a laorar de pi par Geovà? Viver con manco robe e manco  soldi e no seitar a comprar robe che no te ocore mia. Te pol anca pensar che laori te pol far adesso che i ndarà giutarte a far laori pi grandi nel futuro. Par esémpio, se te vol esser pioniero regolar, te pol scominsiar a laorar de pioniero aussiliar. Se te vol esser un servo ministerial, te pol predicar de pi e visitar i fradei che i ze maladi e i pi veci dela congregassion. Sicuro che queste robe le ndarà giutarte a far altri laori nela organisassion nel futuro. Alora, seita a far el to meio in tuti i laori che te ghè nela organisassion. — Rom. 12:11.

18. Cossa che imparemo col esémpio de Beverly? (Vedi anca el ritrato.)

¹⁸ Nissun l’è massa vècio par laorar de pi par Geovà. Varda el esémpio dela sorela Beverly, che la ga 75 ani. Come la gavea una bruta malatia, la fea fadiga caminar. Ma la volea far de pi par Geovà quando i era drio convidar le persone par la Selebrassion. Alora la ga pensà quel che la podaria far e la ze restada tanto contenta quando la ze stata bona de farlo. El so esémpio el ga incoraià altri fradei a far de pi nela predicassion. Sicuro che Geovà el resta tanto contento con quel che i nostri fradei pi veci i fà anca cole dificoltà. — Sal. 71:17, 18.

19. Che robe podemo far par servir de pi a Geovà?

¹⁹ Scoli far laori nela organisassion che te sì bon de farli. Sfòrsate anca par gaver le qualità che ghe piase a Geovà. Impara a far altri laori che i ndarà giutarte a servir de pi a Geovà e ala so organisassion. Proa capir quel che i fradei ghe ocore e sfòrsate par giutarli. g Cossita te sarè un servo de Geovà cada volta pi bravo. — 1 Tim. 4:15.